ଭୁବନେଶ୍ଵର: ୨୦୨୪ ନଭେମ୍ବର ୨୭ ତାରିଖରେ ତେଲଙ୍ଗାନାର ହାଇଦ୍ରାବାଦର ରାଇଦୁର୍ଗମ୍ ଅଞ୍ଚଳରେ ଜଣେ ପୁରୁଷଙ୍କ ଦ୍ୱାରା ଯୌନ ନିର୍ଯାତନା ଅଭିଯୋଗ ଆଣି ଜଣେ ମହିଳା ଆତ୍ମହତ୍ୟା କରିଥିବା ନେଇ ଗଣମାଧ୍ୟମରେ ପ୍ରକାଶିତ ଖବରକୁ ଜାତୀୟ ମାନବାଧିକାର ଆୟୋଗ (ଏନ୍ଏଚ୍ଆରସି) ସ୍ୱତଃସ୍ପୃର୍ତ ଭାବେ ଗ୍ରହଣ କରିଛନ୍ତି। ଓଡ଼ିଶାରୁ ପୀଡ଼ିତାଙ୍କୁ ତାଙ୍କ ସ୍ୱାମୀଙ୍କ ସହ ୧୦ ଲକ୍ଷ ଟଙ୍କାର ଚୁକ୍ତି ଅନୁଯାୟୀ ସରୋଗେସି ପାଇଁ ଦଲାଲଙ୍କ ଜରିଆରେ ସହରକୁ ଅଣାଯାଇଥିବା ଅଭିଯୋଗ ହୋଇଛି। ତାଙ୍କୁ ସହରରେ ସ୍ୱାମୀଙ୍କଠାରୁ ଦୂରରେ ଏକ ଅଲଗା ଫ୍ଲାଟରେ ଏକାକୀ ରହିବାକୁ ବାଧ୍ୟ କରାଯାଇଥିଲା।
ଆୟୋଗ କହିଛନ୍ତି ଯେ, ଗଣମାଧ୍ୟମ ରିପୋର୍ଟର ବିଷୟବସ୍ତୁ ଯଦି ସତ, ତେବେ ପୀଡ଼ିତା ମହିଳାଙ୍କ ମାନବିକ ଅଧିକାର ଉଲ୍ଲଂଘନ ଭଳି ଏକ ଗମ୍ଭୀର ପ୍ରସଙ୍ଗ ହୋଇଛି। ତେଲଙ୍ଗାନା ର ମୁଖ୍ୟ ଶାସନ ସଚିବ ଓ ପୋଲିସ ମହାନିର୍ଦ୍ଦେଶକଙ୍କୁ ନୋଟିସ ଜାରି କରି ଦୁଇ ସପ୍ତାହ ମଧ୍ୟରେ ଏହି ମାମଲାରେ ରୁଜୁ ଏବଂ ଏଫଆଇଆରର ସ୍ଥିତି ସମେତ ଏକ ବିସ୍ତୃତ ରିପୋର୍ଟ ମାଗିଛନ୍ତି। ରାଜ୍ୟରେ ସରୋଗେସି ନାଁରେ ମହିଳାଙ୍କୁ ନିର୍ଯାତନା ଦେବା ନେଇ ଲୋକଙ୍କ ଠାରୁ କୌଣସି ଅଭିଯୋଗ ଆସିଛି କି ନାହିଁ ତାହା ମଧ୍ୟ କମିଶନ ପୋଲିସ କର୍ତ୍ତୃପକ୍ଷଙ୍କଠାରୁ ଜାଣିବାକୁ ଚାହୁଁଛନ୍ତି।
୨୦୨୪ ନଭେମ୍ବର ୨୮ ତାରିଖରେ ପ୍ରକାଶିତ ଖବର ଅନୁଯାୟୀ, ଜଣେ ପୁରୁଷଙ୍କ ଯୌନ ନିର୍ଯାତନାରୁ ବର୍ତ୍ତିବା ପାଇଁ ଓଡ଼ିଶାର ୨୫ ବର୍ଷୀୟା ପୀଡ଼ିତା ମହିଳା ଆତ୍ମହତ୍ୟା କରିଥିଲେ। ପୀଡ଼ିତାଙ୍କ ସ୍ୱାମୀ ୪ ବର୍ଷର ପୁଅ ସହ ନିକଟରେ ଏକ ଭିନ୍ନ ବାସଭବନରେ ରହୁଥିଲେ।
ସୂଚନା ଅନୁଯାୟୀ, ୨୦୨୪ ନଭେମ୍ବର ୨୬ ତାରିଖରେ ମହିଳା ଜଣକ ତାଙ୍କ ସ୍ୱାମୀଙ୍କୁ ଫୋନ୍ କରି କହିଥିଲେ ଯେ ସେ ସେଠାରେ ରହିବାକୁ ଚାହୁଁନାହାନ୍ତି ଏବଂ ପୁରୁଷ ଜଣକ ତାଙ୍କୁ ଯୌନ ନିର୍ଯାତନା ଦେଉଥିବାରୁ ଆତ୍ମହତ୍ୟା କରିବେ।
