ଭୁବନେଶ୍ବର, ଏଣିକି ରାଜ୍ୟର ସମସ୍ତ ସହରାଞ୍ଚଳରେ ଶନିବାର ଏବଂ ରବିବାରରେ ହେବ ସର୍ଟଡାଉନ। ଏ ନେଇ ଆଜି ରାଜ୍ୟ ସରକାରଙ୍କ ତରଫରୁ ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା ଘୋଷଣା କରିଛନ୍ତି। ପୂର୍ବରୁ ଛତିଶଗଡ ସୀମାର 10ଟି ଜିଲ୍ଲାରେ ଯେପରି ନାଇଟ କର୍ଫୁ ଲାଗୁ କରାଯାଇଥିଲା ତାହା ରହିବ।
ଏଥିସହିତ ଅନ୍ୟ 20 ଜିଲ୍ଲାରେ ମଧ୍ୟ ନାଇଟ କର୍ଫୁ ବଳବତ୍ତର ରହିବ। ବର୍ତ୍ତମାନ ରାଜ୍ୟର କରୋନା ପରିସ୍ଥିତିକୁ ଦୃଷ୍ଟିରେ ରଖି ରାଜ୍ୟ ସରକାର ଏହି ନିଷ୍ପତି ଗ୍ରହଣ କରିଛନ୍ତି। ଏହି ସର୍ଟ ଡାଉନ ଆସନ୍ତା 24 ତାରିଖରୁ ଲାଗୁ ହେବ। ତେବେ ଗ୍ରାମାଞ୍ଚଳକୁ ଏହି ସର୍ଟ ଡାଉନରୁ ମୁକ୍ତ ରଖାଯାଇଛି।