କଟକ, ଆଜି କଟକ ତ୍ରିଶୁଳିଆ ବ୍ରିଜ ନିକଟରେ ଏକ ଅଭାବନୀୟ ଘଟଣା ଘଟିଯାଇଛି। ଅପରାହ୍ନ ଠିକ୍ 5ଟା 30 ବେଳେ ଦୁଇଜଣ ଝିଅ ଆସି ବ୍ରଜ୍ ନିକଟରେ ସ୍କୁଟି ଥୋଇଲେ। ସେଠାରେ ଯିବାଆସିବା କରୁଥିବା ଲୋକେ ଭାବିଲେ ଝିଅ ଦୁଇଟି ସ୍କୁଟି ଥୋଇ ନଦୀ ଦେଖିବେ। ହେଲେ କଣ ହେଲା କେଜାଣି ଦୁଇଜଣ ହଠାତ ବ୍ରିଜ ଉପରୁ ନଦୀ ଭିତରକୁ ଡେଇଁ ପଡିଲେ। ଲୋକେ ପାଟିକରି ସେଠାରେ ଜମା ହେବା ବେଳକୁ କଥା ଶେଷ।
ଭାଗ୍ୟଭଲ ସେଠାରେ ମୁତୟନ ହୋଇଥିବା ଅଗ୍ନିଶମ ବିଭାଗ କର୍ମଚାରୀମାନେ ତୁରନ୍ତ ମୋଟର ବୋଟ ମାଧ୍ୟମରେ ନଦୀ ଭିତରକୁ ଗଲେ। ଖୋଜାଖୋଜି କରି ଉଭୟଙ୍କୁ ଉଦ୍ଧାର କଲେ। ଏହାପରେ ଉଭୟଙ୍କୁ ମେଡିକାଲ ପରୀକ୍ଷା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ସେମାନେ କଣ ପାଇଁ ଏପରି କାମ କଲେ ତାହା ଜଣାପଡି ନାହିଁ।