Tag: ଜଙ୍କିଆ ପୋଲିସ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଶଗଡଭଙ୍ଗା ଭୀମପୁର ଗାଁରେ ହତ୍ୟାକାଣ୍ଡ। ସମଲିଙ୍ଗୀ ସମ୍ପର୍କକୁ ନେଇ ମର୍ଡର ହୋଇଥିବା ଖୋର୍ଦ୍ଧା ଅତିରିକ୍ତ ଆରକ୍ଷୀ ଅଧିକ୍ଷକ ସୁରେନ୍ଦ୍ର ନାଥ ମୁର୍ମୁ ସାମ୍ବାଦିକ ସମ୍ମିଳନୀରେ ସୂଚନା ଦେଲେ। ମୃତ ଯୁବକଙ୍କ ନାମ ରଶ୍ମିରଞ୍ଜନ ବଳିୟାରସିଂହ।

ଘଟଣାରୁ ପ୍ରକାଶ ଯେ, ଶଗଡଭଙ୍ଗା ଗାଁର ରଶ୍ମିରଞ୍ଜନ ବଳିୟାରସିଂହ ନାମକ ଜଣେ ଯୁବକ ଏକ ରାମ ନାଟକ ଯାତ୍ରାରେ ରୋଲ କରିବା ପାଇଁ ଚନ୍ଦନପୁର ଅଞ୍ଚଳର ସୋମନାଥ ଲାଠି ନାମକ ଜଣେ ତୃତିୟ ଲିଙ୍ଗୀକୁ ଆଣି ନିଜ ଘରେ ରଖିବା ସହିତ ତା ସହିତ ଦୈହିକ ସଂମ୍ପର୍କ ରଖିଥିଲେ। କିନ୍ତୁ ସୋମନାଥ ସହିତ ରଶ୍ମିରଞ୍ଜନଙ୍କ ପ୍ରେମ ବିଚ୍ଛେଦ ହେବାରୁ ଜାନୁଆରୀ ୨ ତାରିଖ ଦିନ ପରିବାର ଲୋକ ଘରେ ନ ଥିବା ସୁଯୋଗ ପାଇ ରଶ୍ମିରଞ୍ଜନଙ୍କୁ ସୋମନାଥ ଲାଠି ଲୁହା ରଡରେ ଆକ୍ରମଣ କରିଥିଲା। ଯାହାଫଳ ରଶ୍ମିରଞ୍ଜନଙ୍କ ମୃତ୍ୟୁ ଘଟିଥିଲା। ଏହାସହିତ ରଶ୍ମିରଞ୍ଜନଙ୍କ ଘରୁ ଟଙ୍କା ସହିତ କିଛି ସୁନା ଅଳଙ୍କାର ଲୁଟ କରି ସୋମନାଥ ମୋଟର ସାଇକେଲ ନେଇ ଫେରାର ହୋଇଯାଇଥିଲା।

ରଶ୍ମିରଞ୍ଜନଙ୍କ ମାଆ ଏନେଇ ଜଂକିଆ ଥାନାରେ ଲିଖିତ ଅଭିଯୋଗ କରିଥିଲେ। ଜଙ୍କିଆ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। ସୋମନାଥକୁ ଧରିବା ପାଇଁ ପୋଲିସ ୩ ଟି ଟିମ ଗଠନ କରି ବିଭିନ୍ନ ଯାଗାରେ ଚଢ଼ାଉ ଜାରି ରଖିଥିଲା। ଶେଷରେ ଅଭିଯୁକ୍ତକୁ ଯାଜପୁରରୁ ଗିରଫ କରାଯାଇଥିଲା।

ସମଲିଙ୍ଗୀ ପ୍ରେମ ସଂମ୍ପର୍କକୁ ନେଇ ହତ୍ୟାକାଣ୍ଡ ହୋଇଥିବା ପୋଲିସ ଅତିରିକ୍ତ ଆରକ୍ଷୀ ଅଧିକ୍ଷକ ସୁରେନ୍ଦ୍ର ନାଥ ମୁର୍ମୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।

ଜଙ୍କିଆ: ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲ ଅଂଚଳରେ ବେଆଇନ ଭାବରେ ମାଙ୍କଡା ପଥର ଲୁଟ ହେଉଥିବାର ବାରମ୍ବାର ଅଭିଯୋଗ ହେଉଛି। ମାଫିଆମାନେ ଦିନ ଦ୍ୱିପ୍ରହରେ ଜଂଗଲ ଜମି, ସରକାରୀ ଜମି, ଗୋଚର ଜମି ଓ ଚାଷ ଜମିରେ ମାଙ୍କଡା ପଥର ଖଣି ଖୋଳି ଲୁଟି ଚାଲିଛନ୍ତି। ମାଫିଆମାନେ ସ୍ପଷ୍ଟ ଦିବାଲୋକରେ ଜେସିବି, ଟ୍ରାକ୍ଟର, ଟ୍ରକ, ପଥରକଟା ମେସିନ ଲଗାଇ ମୂଲ୍ୟବାନ ମାଙ୍କଡା ପଥର ଲୁଟି ନେଉଛନ୍ତି। ଯାହାଫଳରେ ସରକାରଙ୍କ କୋଟିକୋଟି ଟଙ୍କାର ରାଜସ୍ୱ କ୍ଷତି ହେଉଛି। ପ୍ରଶାସନ ପକ୍ଷରୁ ଆଖି ଦୃଷ୍ଟିଆ ଚଢ଼ାଉ କରାନଯିବାରୁ ଖଣି ମାଫିଆ ନିର୍ଭୟରେ ମାଙ୍କଡା ପଥର ଲୁଟି ଚାଲିଛନ୍ତି।

ତେବେ ଆଜି ବେଆଇନ ଖଣିରୁ ପଥର ଚୋରାଚାଲାଣ ହେଉଥିବା ବେଳେ ବିଶେଷ ସୂତ୍ରରୁ ଖବର ପାଇ ଜଙ୍କିଆ ଥାନା ଆଇଆଇସି ଅନିତା ସାହୁଙ୍କ ନେତୃତ୍ୱରେ ଅଚାନକ ସଦଳବଳେ ଟାଙ୍କୋଳ ଓ ଓଳସିଂହ ଡମଣଭୂଇଁ ଅଞ୍ଚଳରେ ଚଢାଉ କରି ୧୩ ଗୋଟି ମାଙ୍କଡା ପଥର ବୋଝେଇ ଗାଡି, ଦୁଇଟି ପାଓ୍ବ।ର ଟିଲର, ଗୋଟିଏ ବାଇକ ସମେତ ଦୁଇ ଜଣ ଡ୍ରାଇଭରଙ୍କୁ ଗିରଫ କରିଛନ୍ତି। ସମସ୍ତ ଗାଡି ଓ ମାଲିକ ମାନଙ୍କ ବିରୋଧରେ ଥାନାରେ ଆଠ ଗୋଟି ମାମଲା ରୁଜୁ ହୋଇଥିବା ବେଳେ ଦୁଇ ଜଣ ଡ୍ରାଇଭରକୁ କୋର୍ଟ ଚାଲାଣ କରିଛି ପୋଲିସ।

ଆଗକୁ ଚଢ଼ାଉ ଆହୁରି ଜୋରଦାର କରାଯିବ ବୋଲି କହିଛନ୍ତି ଆଇଆଇସି ଶ୍ରୀମତୀ ସାହୁ।  ତେବେ କିଛି ଦିନର ବିରତି ପରେ ପୁଣି ଜଙ୍କିଆ ଥାନା ଅଞ୍ଚଳରେ ଅଚାନକ ଖଣିରେ ପୋଲିସର ଚଢାଉ ଦେଖି ଖଣି ମାଫିଆଙ୍କ ମନରେ ଛନକା ପଶିଛି।

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାରେ ବ୍ରାଉନସୁଗାର କାରବାର ବହୁଳ ଭାବରେ ଚାଲିଛି। ବ୍ରାଉନସୁଗାର କାରବାରକୁ ରୋକିବା ପାଇଁ ପୋଲିସ ନିରନ୍ତର ଭାବେ ଚଢ଼ାଉ ଜାରି ରଖିଥିବା ବେଳେ ବ୍ରାଉନସୁଗାର ବେପାରୀମାନେ ନୂଆ ନୂଆ ତରିକାରେ ବେପାର କରୁଛନ୍ତି। ବେପାରୀମାନେ ବର୍ତ୍ତମାନ ସହର ଛାଡି ଏବେ ଗାଁ ଗହଳିରେ ସେମାନଙ୍କ ବେପାର ବେଧଡକ ଭାବରେ ଚଲାଉଛନ୍ତି।

ଏକ କାର ଯୋଗେ ବ୍ରାଉନସୁଗାର ନେଇ ବିକ୍ରୀ କରିବା ପାଇଁ ଯାଉଥିବା ବେଳେ କୈଣସି ସୂତ୍ରରୁ ଖବର ପାଇ ଜଙ୍କିଆ ପୋଲିସ ହଜ ଗ୍ରାମରେ ଚଢ଼ାଉ କରି ୨ ଜଣ ବ୍ରାଉନସୁଗାର ବେପାରୀଙ୍କୁ ଗିରଫ କରି ସେମାନଙ୍କ ନିକଟରୁ ୨୫ଗ୍ରାମ ବ୍ରାଉନସୁଗାର, ଏକ କାର ଏବଂ ନକଦ ୧୮ହଜାର ୨୦୦ ଟଙ୍କା ଜବତ କରିଛି। ଜବତ ବ୍ରାଉନସୁଗାରର ମୂଲ୍ୟ ଅଢେଇ ଲକ୍ଷ ଟଙ୍କା ହେବ।

ଗିରଫ ଦୁଇ ବେପାରୀ ହେଲେ ହଜ ଗ୍ରାମର ସନ୍ତୋଷ ବଳିୟାରସିଂ ଓ ନିରଞ୍ଜନ ପଲେଇ। ଉଭୟଙ୍କ ବିରୋଧରେ ଜଙ୍କିଆ ପୋଲିସ ଏନଡ଼ିପିଏସ ଅଧିନିୟମ ଅନୁଯାୟୀ କେଶ ନମ୍ବର ୨୮୨/୨୨ ରେ ଏକ ମାମଲା ରୁଜୁ ଆଜି କୋର୍ଟ ଚାଲାଣ କରିଥିବାର ଜଣାପଡିଛି। ଉକ୍ତ ଚଢ଼ାଉରେ ଜିଲ୍ଲା ସ୍ୱତନ୍ତ୍ର ସ୍କ୍ୱାର୍ଡ ମଧ୍ୟ ସାମିଲ ଥିଲା।

ଜଙ୍କିଆ: ପ୍ରେମିକକୁ ପାଇବା ପାଇଁ ଅପହରଣ ନାଟକ ରଚିଥିବା ବିବାହିତ ଯୁବକଙ୍କୁ ପୋଲିସ ଗିରଫ କରିଛି। ଏହା ସହ ତାଙ୍କର ଦୁଇ ସହଯୋଗୀଙ୍କୁ ମଧ୍ୟ ପୋଲିସ ଧରିଛି।

ସୂଚନାରୁ ପ୍ରକାଶ ଯେ, ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ଗୋଳବାଇ ତଳସାହିର କୈଳାସ ବେହେରାଙ୍କୁ କେତେଜଣ ଦୁର୍ବୃତ୍ତ ଅପହରଣ କରିନେଇଥିବା ଅଭିଯୋଗ ହୋଇଥିଲା। ତୋଫାନ ଦୁଇଜଣ ସହଯୋଗୀଙ୍କ ସହିତ ମୁଣ୍ଡରେ ପଥର ଥୋଇ ନିଜ ପତ୍ନୀଙ୍କ ପାଖକୁ ଅପହରଣ ହୋଇଥିବାର ଏକ ଫଟୋ ପଠାଇଥିଲେ। ଏବଂ ଏହାପରେ ସହଯୋଗୀମାନଙ୍କ ଦ୍ଵାରା ତାଙ୍କ ସ୍ୱାମୀଙ୍କୁ ମାରିଦେବାର ଧମକ ଦେବା ସହ ଛାଡିଦେବା ପାଇଁ ଟଙ୍କା ମଧ୍ୟ ମାଗିଥିଲେ।

ତେଣୁ ଗତ ୨୫ତାରିଖରେ ସ୍ୱାମୀଙ୍କୁ କେହି ଗୋଳବାଇରୁ ଅପହରଣ କରିନେଇଛନ୍ତି ବୋଲି ତାଙ୍କ ସ୍ତ୍ରୀ ଜଙ୍କିଆ ଥାନାରେ ଅଭିଯୋଗ କରିଥିଲେ। ଅଭିଯୋଗ ହେଲା ପରେ ପୋଲିସ ମୋବାଇଲ ଟ୍ରାକିଂ କରି ନାଚୁଣୀ ଜଙ୍ଗଲରୁ ତୋଫାନଙ୍କୁ ଉଦ୍ଧାର କରି ଦୁଇ ସହଯୋଗୀଙ୍କୁ ଥାନାରେ ପଚରାଉଚରା କରିଥିଲା। ପଚରାଉଚରା ପରେ ତୋଫାନ ନିଜେ ଅପହରଣର ନାଟକ କରିଥିବା ପୋଲିସ ଜାଣିପାରିଥିଲା।

ତେବେ ତୋଫାନ ଜଣେ ଡାନ୍ସ ମାଷ୍ଟର। ତୋଫାନ ନାଚୁଣୀରେ ଡାନ୍ସ ଶିଖାଇବାକୁ ଯାଇ ସେଠାରେ ଜଣେ ଯୁବତୀକୁ ଭଲପାଉଥିଲେ। ତାଙ୍କୁ ବିବାହ କରିବା ପାଇଁ ତୋଫାନ ନିଜେ ଏକ ନାଟକ ରଚନା କରିଥିଲେ ବୋଲି ପୋଲିସ ଜାଣିପାରିଥିଲା।

ତୋଫାନଙ୍କ ବିରୋଧରେ ଜଙ୍କିଆ ପୋଲିସ ୨୭୩/୨୧ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ବେଳେ ଦୁଇ ନାବାଳକକୁ ଛାଡିଦେଇଛି।

ଜଙ୍କିଆ: ଖୋର୍ଦ୍ଧା ଜିଲ୍ଲା ଜଙ୍କିଆ ପୋଲିସକୁ ମିଳିଛି ସଫଳତା। ଏକ ଲକ୍ଷରୁ ଉର୍ଦ୍ଧ୍ଵ ଟଙ୍କାର ବ୍ରାଉନ ସୁଗାର ସହ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ। ସୂଚନା ମୁତାବକ ଗତକାଲି ଜଙ୍କିଆ ଥାନା ଅନ୍ତର୍ଗତ ରମ୍ଭାବିଲି ଅଞ୍ଚଳରେ ବ୍ରାଉନ ସୁଗାର କାରବାର ଚାଲିଥିବାର କୌଣସି ଏକ ବିଶେଷ ସୂତ୍ରରୁ ଖୋର୍ଦ୍ଧା ଏସପି ରାଜକିଶୋର ଦୋରା ଖବର ପାଇଥିଲେ। ଏସପିଙ୍କ ନିର୍ଦ୍ଦେଶକ୍ରମେ ଖୋର୍ଦ୍ଧା ଏସଡ଼ିପିଓ ସୁଶୀଲ ମିଶ୍ର ଏବଂ ଜଙ୍କିଆ ଥାନା ଆଇଆଇସି ଭବାନୀ ଶଙ୍କର ଖୁଣ୍ଟିଆଙ୍କ ତତ୍ୱାବଧାନରେ ଏକ ଟିମ ଗଠନ କରାଯାଇ ତୁରନ୍ତ ସମ୍ପୃକ୍ତ ସ୍ଥାନରେ ଚଢ଼ାଉ କରାଯାଇଥିଲା।

ଚଢ଼ାଉ ସମୟରେ ପୋଲିସ ଜଣେ ପାନ ଦୋକାନୀଙ୍କୁ କାବୁ କରିବା ସହ ତଲାସି ନେଇଥିଲା। ଦୋକାନୀ ଜଣକ ହେଉଛନ୍ତି ଦିଲୀପ ମଙ୍ଗରାଜ (୩୭)। ତେବେ ତାଙ୍କର ପାନ ଦୋକାନ ପଛପାର୍ଶ୍ୱରୁ ପୋଲିସ ୧୧.୨୪ ଗ୍ରାମ ବ୍ରାଉନ ସୁଗାର ଜବତ କରିବା ସହ ଦୋକାନୀଙ୍କ ଠାରୁ ନକଦ ୯୦୦ ଟଙ୍କା ଜବତ କରିଥିଲା। ଜବତ ବ୍ରାଉନସୁଗରର ମୂଲ୍ୟ ୧ ଲକ୍ଷ ୧୦ ହଜାର ଟଙ୍କା ହେବ ବୋଲି ଜଣାପଡିଛି।

ଜଙ୍କିଆ ଥାନାରେ ଗିରଫ ଅଭିଯୁକ୍ତଙ୍କ ବିରୋଧରେ ୨୯ ଏନଡ଼ିପିଏସ ଅଧିନିୟମ ଅନୁଯାୟୀ କେସ ନମ୍ବର ୨୪୧/୨୧ ରେ ମାମଲା ରୁଜୁ କରାଯାଇ ଆଜି କୋର୍ଟଚାଲାଣ କରାଯାଇଥିବାର ଜଙ୍କିଆ ଥାନା ଆଇଆଇସି ଭବାନୀ ଶଙ୍କର ଖୁଣ୍ଟିଆ ସୂଚନା ଦେଇଛନ୍ତି।

ଉକ୍ତ ଚଢ଼ାଉରେ ଆଇଆଇସିଙ୍କ ସମେତ ଏସଆଇ ଭାଗ୍ୟଶ୍ରୀ ବେହରା, ଏଏସଆଇ ଭଗବାନ ନାୟକ ଏବଂ ଅନ୍ୟ ପୋଲିସ କର୍ମଚାରୀମାନେ ଆଦି ସାମିଲ ଥିଲେ। ଏସଆଇ ଉମାକାନ୍ତ ସାହୁ ଉକ୍ତ କେସର ତଦନ୍ତ କାରି ଅଧିକାରୀ ଅଛନ୍ତି।

ଖୋର୍ଦ୍ଧା/ଜଙ୍କିଆ: ଆଜି ଜଙ୍କିଆ ପୋଲିସକୁ ଏକ ବଡ ସଫଳତା ମିଳିଛି। ଏକ ବଡ ଧରଣର ଡକାୟତି ଯୋଜନାକୁ ଜଙ୍କିଆ ପୋଲିସ ପଣ୍ଡ କରିଛି।

ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ଗୀତା ଇଞ୍ଜିନିଅରିଙ୍ଗ କଲେଜ ପଛପାର୍ଶ୍ୱରେ କିଛି ଦୁର୍ବୁତ୍ତ ଗୋଡିପଡା ଟୋଲ ଗେଟରେ ଡକାୟତି ଯୋଜନା କରୁଥିବାର ଯୋଜନା ପ୍ରସ୍ତୁତ କରୁଥିଲେ। ଜଙ୍କିଆ ଥାନା ଆଇଆଇସି ଭବାନୀ ଶଙ୍କର ଖୁଣ୍ଟିଆ ଏହି ଖବର ପାଇବା ମାତ୍ରେ ଖୋର୍ଦ୍ଧା ଏସପିଙ୍କୁ ଅବଗତ କରିଥିଲେ। ପରେ ଏସପିଙ୍କ ନିର୍ଦ୍ଦେଶ ମୁତାବକ ସଦର ଏସଡ଼ିପିଓଙ୍କ ତତ୍ୱାବଧାନରେ ଆଇଆଇସିଙ୍କ ନେତୃତ୍ୱରେ ଏକ ଟିମ ଗଠନ କରାଯାଇ ଆଜି ଉକ୍ତ ଅଞ୍ଚଳରେ ଚଢ଼ାଉ କରାଯାଇଥିଲା।

ତେବେ ଉକ୍ତ ଚଢ଼ାଉରେ ୪ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଥିବାବେଳେ ସେମାନଙ୍କ ନିକଟରୁ ଦୁଇଟି ଅଫୁଟା ବୋମା, ଖଣ୍ଡା, ୬ ଗୋଟି ମୋବାଇଲ ଫୋନ, ଲୁହା ରଡ଼, ମଦ ବୋତଲ, ବାରୂଦ, ଗୋଟାଏ ବାଇକ ଏବଂ ବିଭିନ୍ନ ମାରଣାସ୍ତ୍ର ଆଦି ଜବତ କରିଥିଲା। ଗିରଫ ଅଭିଯୁକ୍ତମାନେ ହେଲେ ଲକ୍ଷ୍ମଣ ବେହେରା, ପିତାମ୍ବର ଭୋଇ, ଲିପୁନା ନାୟକ ଏବଂ ଗଣେଶ୍ୱର ଦାସ।

ସମସ୍ତ ଅଭିଯୁକ୍ତଙ୍କ ବିରୋଧରେ ପୋଲିସ କେସ ନମ୍ବର ୨୧୦/୨୧ରେ ଏକ ମାମଲା ରୁଜୁ କରିବା ସହ କୋର୍ଟଚାଲାଣ କରିଥିବାର ସୂଚନା ମିଳିଛି। ଉକ୍ତ ଚଢ଼ାଉରେ ଆଇଆଇସି ଶ୍ରୀ ଖୁଣ୍ଟିଆଙ୍କ ସମେତ ଏସଆଇ ଉମାକାନ୍ତ ସାହୁ ଏବଂ ଅନ୍ୟାନ୍ୟ ପୋଲିସ କର୍ମଚାରୀମାନେ ସାମିଲ ଥିଲେ।