ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ବେଆଇନ ରେଲୱେ ଟ୍ରିକେଟ୍ ବୁକ୍ ଆଇଡ଼ି ତିଆରି କରି ଭଂଜନଗରର ଜନୈକ ବ୍ୟକ୍ତିକୁ ଆଜି ରେଲୱେ ପୋଲିସ୍ ଗିରଫ କରିଛି।
ଘଟଣାରୁ ପ୍ରକାଶ, ଯେ ଭଂଜନଗର ଚମନ କମ୍ପ୍ୟୁଟର ସେଣ୍ଟର ନାମକ ଦୋକାନରୁ ସଂଦେହଜନକ ଆଇଡ଼ି ନେଇ ପ୍ରବଳ ଆପ୍ ମାଧ୍ୟମରେ ଖୋର୍ଦ୍ଧା ଜୋନ୍ ଆର୍ପିଏଫ୍କୁ ଖବର ଦେଇଥିଲା। ତତ୍କ୍ଷଣାତ୍ ଆର୍ପିଏଫ୍ର ସବ୍ ଇନିସ୍ପେକ୍ଟର ସିକେ ତିୱାରୀ ଏବଂ ଅନ୍ୟ ଅଧିକାରୀମାନେ ଭଂଜନଗର କମ୍ପ୍ୟୁଟର ଦୋକାନ ଉପରେ ଚଢ଼ାଉ କରିଥିଲେ। ବେଆଇନ ଭାବେ କମିଶନ ନେଇ ଟିକଟ୍ ସଂରକ୍ଷଣ କରୁଥିବା ଅଭିଯୋଗରେ ମାଲିକ କେ. ଶିଶିର କୁମାର ଦୋରାକୁ ଗିରଫ କରାଯାଇଛି। ସେ ବେଆଇନ ଭାବେ ୧୩ଟି ମଲ୍ଟିପଲ୍ ୟୁଜର ଆଇଡ଼ି ବିଭିନ୍ନ ଲୋକନାମରେ କରି ଟିକେଟ୍ ବୁକ୍ କରୁଥିଲା।
ଚଢ଼ଉରେ ତା’ ନିକଟରୁ ୩ଟି ଅଗ୍ରୀମ ଟିମ ଯାହାର ମୂଲ୍ୟ ୧୦୧୬୯.୯୭ ଟଙ୍କା ଏବଂ ୫୩ଟି ପୁରୁଣା ଟିକେଟ୍ ଯାହାର ମୂଲ୍ୟ ୧୧୨୪୩୨.୫୪ ସମୁଦାୟ ୧ଲକ୍ଷ ୨୨ହଜାର ୫୯୨.୫୧ ଟଙ୍କାର ବିଭିନ୍ନ ଟ୍ରେନରେ ବୁକ୍ ହୋଇଥିବା କିମ୍ବା ହୋଇଯାଇଥିବା ଜବତ କରାଯାଇଥିଲା। କେସ ନଂ ସି୩ସି/୧୪/୨୦୨୧ରେ ୟୁ/ଏସ୍ ୧୪୩ରେ ମାମଲା ରୁଜୁ ହୋଇ ଶିଶିରକୁ ଗିରଫ କରି କୋର୍ଟଚାଲଣ କରାଯାଇଥିବା ଆର୍ପିଏଫ୍ ଇନିସ୍ପେକ୍ଟର ଦିଲିପ ସାର ସୂଚନା ଦେଇଛନ୍ତି।