Tag: ନରେନ୍ଦ୍ର ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମଧ୍ୟାହ୍ନ ୧୨ଟାରେ ଭିଡିଓ କନଫରେନ୍ସିଂ ମାଧ୍ୟମରେ ପ୍ରଧାନମନ୍ତ୍ରୀ ଜନଜାତି ନ୍ୟାୟ ମହା ଅଭିଯାନ ଅଧୀନରେ ପ୍ରଧାନମନ୍ତ୍ରୀ ଆବାସ ଯୋଜନା – ଗ୍ରାମୀଣ (ପିଏମଏୱାଇ – ଜି) ର ୧ ଲକ୍ଷ ହିତାଧିକାରୀଙ୍କୁ ପ୍ରଥମ କିସ୍ତି ପ୍ରଦାନ କରିବେ । ଏହି ଅବସରରେ ପ୍ରଧାନମନ୍ତ୍ରୀ-ଜନମନର ହିତାଧିକାରୀଙ୍କ ସହ ଆଲୋଚନା କରିବେ ।

ଅନ୍ତିମ ପର୍ଯ୍ୟାୟରେ ଶେଷ ବ୍ୟକ୍ତିଙ୍କୁ ସଶକ୍ତ କରିବା ପାଇଁ ଅନ୍ତ୍ୟୋଦୟର ଲକ୍ଷ୍ୟ ଦିଗରେ ପ୍ରଧାନମନ୍ତ୍ରୀଙ୍କ ପ୍ରୟାସ ଅନୁଯାୟୀ, ୧୫ ନଭେମ୍ବର ୨୦୨୩ ରେ ଜନଜାତିୟ ଗୌରବ ଦିବସ ଅବସରରେ ବିଶେଷ ଭାବରେ ଦୁର୍ବଳ ଜନଜାତି ଗୋଷ୍ଠୀ (ପିଭିଟିଜି)ର ସାମାଜିକ-ଅର୍ଥନୈତିକ କଲ୍ୟାଣ ପାଇଁ ପିଏମ-ଜନମନର ଶୁଭାରମ୍ଭ କରାଯାଇଥିଲା ।

ପାଖାପାଖି ୨୪,୦୦୦ କୋଟି  ଟଙ୍କାର ବଜେଟ ସହିତ ପିଏମ-ଜନମନ ୯ଟି ମନ୍ତ୍ରଣାଳୟ ମାଧ୍ୟମରେ ୧୧ଟି ଗୁରୁତ୍ୱପୂର୍ଣ୍ଣ ବିଷୟ ଉପରେ ଗୁରୁତ୍ୱାରୋପ କରୁଛି ଏବଂ ପିଭିଟିଜି ପରିବାର ଏବଂ ଘର ଗୁଡ଼ିକୁ ସୁରକ୍ଷିତ ଆବାସ, ବିଶୁଦ୍ଧ ପାନୀୟ ଜଳ ଏବଂ ପରିମଳ, ଶିକ୍ଷା, ସ୍ୱାସ୍ଥ୍ୟ ଏବଂ ପୋଷଣ, ବିଦ୍ୟୁତ୍, ସଡ଼କ ଏବଂ ଟେଲିକମ୍ ଯୋଗାଯୋଗ ଭଳି ମୌଳିକ ସୁବିଧା ପ୍ରଦାନ କରି ପିଭିଟିଜିର ସାମାଜିକ-ଅର୍ଥନୈତିକ ସ୍ଥିତିରେ ଉନ୍ନତି ଆଣିବା ଏବଂ ସ୍ଥାୟୀ ଜୀବିକା ସୁଯୋଗ ସୃଷ୍ଟି କରିବାର ଲକ୍ଷ୍ୟ ରଖିଛି।

ମୁମ୍ବାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନଭି ମୁମ୍ବାଇଠାରେ ଅଟଳ ବିହାରୀ ବାଜପେୟୀ ସେଓ୍ଵରୀ-ନୱା ସେୱା ଅଟଳ ସେତୁକୁ ଉଦଘାଟନ କରିଛନ୍ତି। ଶ୍ରୀ ମୋଦୀ ଫଟୋ ଗ୍ୟାଲେରୀ ଓ ଅଟଳ ସେତୁର ଏକ ପ୍ରଦର୍ଶନୀ ମଡେଲ ପରିଦର୍ଶନ କରିଥିଲେ।

ଏମଟିଏଚଏଲ ଅଟଳ ସେତୁ ୧୭,୮୪୦ କୋଟି ରୁ ଅଧିକ ଟଙ୍କା ବ୍ୟୟରେ ନିର୍ମିତ ହୋଇଛି ଏବଂ ଏହା ପ୍ରାୟ ୨୧.୮ କିଲୋମିଟର ଲମ୍ବ ୬ ଲେନ୍ ବିଶିଷ୍ଟ ପୋଲ ଯାହାର ଦୂରତା ସମୁଦ୍ର ଉପରେ ପ୍ରାୟ ୧୬.୫ କିଲୋମିଟର ଏବଂ ଭୂପୃଷ୍ଠରେ ପ୍ରାୟ ୫.୫ କିଲୋମିଟର ବ୍ୟାପୀ ରହିଛି ।

ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି :

‘‘ଆମ ନାଗରିକମାନଙ୍କ ପାଇଁ ‘ସହଜ ଜୀବନଧାରଣ’ ବୃଦ୍ଧି ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟଳ ସେତୁକୁ ଉଦଘାଟନ କରି ଆନନ୍ଦିତ। ଏହି ସେତୁ ଯାତ୍ରା ସମୟ ହ୍ରାସ କରିବା ସହ ଯୋଗାଯୋଗରେ ସୁଧାର ଆଣି ଦୈନନ୍ଦିନ ଯାତାୟାତକୁ ସହଜ କରିବ ବୋଲି ପ୍ରତିଶ୍ରୁତି ଦେଇଛି।’’

ପ୍ରଧାନମନ୍ତ୍ରୀଙ୍କ ସହ ମହାରାଷ୍ଟ୍ର ରାଜ୍ୟପାଳ ରମେଶ ବୈଶ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ୍ ଏବଂ ଉପମୁଖ୍ୟମନ୍ତ୍ରୀ ଅଜିତ ପାୱାର ଉପସ୍ଥିତ ଥିଲେ।

ଅଟଳ ବିହାରୀ ବାଜପେୟୀ ସେୱରୀ–ନୱା ସେୱା ଅଟଳ ସେତୁ

ସହରୀ ପରିବହନ ଭିତ୍ତିଭୂମି ଏବଂ ଯୋଗାଯୋଗକୁ ସୁଦୃଢ଼ କରି ନାଗରିକମାନଙ୍କ ‘ସହଜ ପରିବହନ’ରେ ଉନ୍ନତି ଆଣିବା ପ୍ରଧାନମନ୍ତ୍ରୀଙ୍କ ଲକ୍ଷ୍ୟ। ଏହି ଦୃଷ୍ଟିକୋଣକୁ ଦୃଷ୍ଟିରେ ରଖି ମୁମ୍ବାଇ ଟ୍ରାନ୍ସ ହାର୍ବର ଲିଙ୍କ୍ (ଏମ୍‌ଟିଏଚ୍‌ଏଲ୍‌), ଯାହାର ନାମ ଏବେ ‘ଅଟଳ ବିହାରୀ ବାଜପେୟୀ ସେଓ୍ଵରୀ- ନହୱା ଶେଭା ଅଟଳ ସେତୁ’ ରଖାଯାଇଛି। ଡିସେମ୍ବର ୨୦୧୬ରେ ପ୍ରଧାନମନ୍ତ୍ରୀ ଏହି ସେତୁର ଶିଳାନ୍ୟାସ କରିଥିଲେ।

ମୋଟ ୧୭,୮୪୦ କୋଟି ରୁ ଅଧିକ ଟଙ୍କା ବ୍ୟୟରେ ନିର୍ମିତ ହୋଇଛି ଅଟଳ ସେତୁ। ସମୁଦ୍ର ଉପରେ ପ୍ରାୟ ୧୬.୫ କିଲୋମିଟର ଏବଂ ସ୍ଥଳଭାଗରେ ପ୍ରାୟ ୫.୫ କିଲୋମିଟର ବ୍ୟାପି ରହିଥିବା ଏହି ସେତୁର ମୋଟ୍‌ ଲମ୍ବ ପ୍ରାୟ ୨୧.୮ କିଲୋମିଟର ଏବଂ ଏହା ହେଉଛି ୬ ଲେନ୍ ବିଶିଷ୍ଟ। ଏହା ଭାରତର ସବୁଠାରୁ ଲମ୍ବା ସେତୁ ଏବଂ ଭାରତର ସବୁଠାରୁ ଲମ୍ବା ସମୁଦ୍ର ପୋଲ। ଏହା ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦର ଏବଂ ନଭୀ ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦରକୁ ଦ୍ରୁତ ସଡ଼କ ଯୋଗାଯୋଗ ପ୍ରଦାନ କରିବ ଏବଂ ମୁମ୍ବାଇରୁ ପୁଣେ, ଗୋଆ ଏବଂ ଦକ୍ଷିଣ ଭାରତକୁ ଯାତ୍ରା ସମୟ ମଧ୍ୟ ହ୍ରାସ କରିବ। ଏହାଦ୍ୱାରା ମୁମ୍ବାଇ ବନ୍ଦର ଏବଂ ଜବାହରଲାଲ ନେହରୁ ବନ୍ଦର ମଧ୍ୟରେ ଯୋଗାଯୋଗରେ ଉନ୍ନତି ଆସିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାମୀ ବିବେକାନନ୍ଦଙ୍କ ଜୟନ୍ତୀ ଏବଂ ଜାତୀୟ ଯୁବ ଦିବସ ଅବସରରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଶ୍ରୀ ମୋଦୀ ସ୍ୱାମୀ ବିବେକାନନ୍ଦଙ୍କ ଉପରେ ତାଙ୍କର ମତ ସମ୍ପର୍କରେ ଏକ ଭିଡିଓ ମଧ୍ୟ ପୋଷ୍ଟ କରିଛନ୍ତି ।

ପ୍ରଧାନମନ୍ତ୍ରୀ ଏକ୍ସ ପୋଷ୍ଟରେ କହିଛନ୍ତି ଯେ, “ବିଶ୍ୱ ସ୍ତରରେ ଭାରତୀୟ ଆଧ୍ୟାତ୍ମିକତା ଓ ସଂସ୍କୃତି ପ୍ରତିଷ୍ଠା କରିଥିବା ସ୍ୱାମୀ ବିବେକାନନ୍ଦଙ୍କ ଜୟନ୍ତୀ, ଜାତୀୟ ଯୁବ ଦିବସରେ ତାଙ୍କୁ ଶ୍ରଦ୍ଧାଞ୍ଜଳି। ଶକ୍ତି ଓ ସ୍ଫୁର୍ତ୍ତିରେ ଭରପୂର ତାଙ୍କର ଚିନ୍ତାଧାରା  ଓ ବାର୍ତ୍ତା ଯୁବପିଢ଼ିଙ୍କୁ ଯୁଗଯୁଗ ଧରି କିଛି କରିବାକୁ ପ୍ରେରଣା ଯୋଗାଇବ। “

ନୂଆଦିଲ୍ଲୀ: ଜାନୁୟାରୀ ୨୨ତାରିଖ ଦିନ ଅଯୋଧ୍ୟା ଧାମରେ ଶ୍ରୀ ରାମଲାଲାଙ୍କ ପ୍ରାଣ ପ୍ରତିଷ୍ଠା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଗାରଦିନ ବ୍ୟାପୀ ସ୍ୱତନ୍ତ୍ର ବିଧିବିଧାନ ପାଳନ ଆରମ୍ଭ କରିଛନ୍ତି। ଏହା ଏକ ବିରାଟ ଦାୟିତ୍ୱ। ଆମ ଧର୍ମ ଗ୍ରନ୍ଥରେ କୁହାଯାଇଛି ଯେ, ଭଗବାନଙ୍କ ଆରାଧନା ଓ ପୂଜା ନିମନ୍ତେ ଆମକୁ ନିଜ ମଧ୍ୟରେ ଦିବ୍ୟ ଚେତନା ଜାଗ୍ରତ କରାଇବାକୁ ପଡିବ। ସେଥିପାଇଁ ଧର୍ମଗ୍ରନ୍ଥରେ ଉପବାସ ଓ କଠିନ ନିୟମ ମାନ ଦର୍ଶାଯାଇଛି ଓ ପ୍ରାଣ ପ୍ରତିଷ୍ଠା ପୂର୍ବରୁ ସେଗୁଡିକୁ ଅନୁସରଣ କରିବାକୁ ପଡିବ। ମୁଁ ଆଧ୍ୟାତ୍ମିକ ଯାତ୍ରାରେ ମହାନ୍ ବ୍ୟକ୍ତି ଓ କେତେକ ପବିତ୍ର ଆତ୍ମାମାନଙ୍କ ଠାରୁ ଯେଉଁ ମାର୍ଗଦର୍ଶନ ପାଇଛି ସେମାନଙ୍କ ଦ୍ୱାରା ପ୍ରସ୍ତାବିତ ‘ନିୟମ’ ଅନୁସାରେ ମୁଁ ଆଜିଠାରୁ ସ୍ୱତନ୍ତ୍ର ପୂଜା ବିଧିବିଧାନ ପାଳନ ଏଗାର ଦିନ ନିମନ୍ତେ ଆରମ୍ଭ କରିଛି।

ପ୍ରଧାନମନ୍ତ୍ରୀ ଏକ ଭାବପୂର୍ଣ୍ଣ ବାର୍ତ୍ତା ଦେଇ କହିଛନ୍ତି ଯେ ପ୍ରାଣପ୍ରତିଷ୍ଠା ଅବ୍ୟବହିତ ପୂର୍ବରୁ ସମଗ୍ର ଦେଶ ରାମ ଭକ୍ତିରେ ଆତ୍ମବିଭୋର ହୋଇଯାଇଛି। ଏହି କ୍ଷଣକୁ ସର୍ବ ଶକ୍ତିମାନଙ୍କ ଏକ ଆଶୀର୍ବାଦ ଭାବେ ବିବେଚନା କରି ପ୍ରଧାନମନ୍ତ୍ରୀ କହିଛନ୍ତି ଯେ “ମୁଁ ଆବେଗରେ ଭାବ ବିହ୍ୱଳ ହୋଇ ଉଠିଛି। ଜୀବନରେ ପ୍ରଥମ ଥର ନିମନ୍ତେ ମୁଁ ଏହିଭଳି ଭାବନା ଦେଇ ଗତି କରୁଛି। ମୁଁ ଭକ୍ତିଭାବରେ ଏକ ଅପୂର୍ବ ପୁଲକ ଅନୁଭବ କରୁଛି। ମୋ ଅନ୍ତରରେ ଏହି ଆବେଗଭରା ଯାତ୍ରା ଅଭିବ୍ୟକ୍ତିର ଏକ ସୁଯୋଗ ନୁହେଁ, ଏହା ଏକ ଅଭିଜ୍ଞତା। ମୁଁ ଚାହିଁଲେ ମଧ୍ୟ ଏହାର ଗଭୀରତାକୁ ଶବ୍ଦ ଓ ପ୍ରଘାଢତାରେ ପ୍ରକାଶ କରିପାରୁନାହିଁ। ଆପଣମାନେ ମଧ୍ୟ ମୋ ପରିସ୍ଥିତିକୁ ଭଲଭାବେ ବୁଝି ପାରୁଥିବେ।

ପ୍ରଧାନମନ୍ତ୍ରୀ ମୋଦୀ ଏହି ସୁଯୋଗ ନିମନ୍ତେ ତାଙ୍କ କୃତଜ୍ଞତା ପ୍ରକାଶ କରିଥିଲେ, “ଏକ ସ୍ୱପ୍ନ ସାକାର ହେଉଥିବା ବେଳେ ମତେ ଉପସ୍ଥିତ ରହିବାର ସୁଯୋଗ ମିଳିଛି। ପିଢି ପରେ ପିଢି ଅନେକଙ୍କ ହୃଦୟରେ ଏହା ଏକ ସଂକଳ୍ପ ଭାବେ ରହିଆସିଛି। ଭଗବାନ ମତେ ଭାରତର ଜନସାଧାରଣଙ୍କୁ ପ୍ରତିନିଧିତ୍ୱ କରିବା ପାଇଁ ଏକ ମାଧ୍ୟମ ବନାଇଛନ୍ତି। ଏହା ଏକ ବିରାଟ ଦାୟିତ୍ୱ।”

ପ୍ରଧାନମନ୍ତ୍ରୀ ଜନସାଧାରଣ, ମୁନୀ, ଋଷି ଓ ଈଶ୍ୱରଙ୍କ ଆଶୀର୍ବାଦ ଏହି ଦାୟିତ୍ୱ ବହନ କରିବା ପାଇଁ ଭିକ୍ଷା କରିଥିଲେ। ଏହି ବିଧି ବିଧାନ ଭଗବାନ ରାମ ଅନେକ ଦିନ ବିତାଇଥିବା ନାସିକ ଧାମ-ପଞ୍ଚବଟୀରୁ ସେ ଆରମ୍ଭ କରିବେ ବୋଲି କହିଥିଲେ। ଆଜି ସ୍ୱାମୀ ବିବେକାନନ୍ଦ ଓ ମାତା ଜୀଜାବାଈଙ୍କ ଜୟନ୍ତୀ ଏକ ସୁଖଦ ସମନ୍ୱୟ ବୋଲି କହିବା ସହ ସେ ଜାତୀୟ ଚେତନାର ଏହି ଦୁଇ କର୍ଣ୍ଣଧାରକଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ସୀତା-ରାମଙ୍କ ପ୍ରତି ଭକ୍ତିଭାବ ରଖିଥିବା ନିଜ ମାଆଙ୍କୁ ମଧ୍ୟ ଏହି କ୍ଷଣରେ ପ୍ରଧାନମନ୍ତ୍ରୀ ସ୍ମରଣ କରିଥିଲେ।

ଭଗବାନ ରାମ ଭକ୍ତମାନଙ୍କ ତ୍ୟାଗ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରି ପ୍ରଧାନମନ୍ତ୍ରୀ କହିଥିଲେ ଯେ “ ସ୍ୱଦେହରେ ମୁଁ ସେ ପବିତ୍ର କ୍ଷଣରେ ଉପସ୍ଥିତ ରହିଲେ ମଧ୍ୟ ମୋ ହୃଦୟରେ ୧୪୦କୋଟି ଭାରତୀୟଙ୍କ ଧ୍ୱନି ପ୍ରତିଧ୍ୱନିତ ହେବ। ଆପଣମାନେ ମୋ ସହ ରହିବେ….ପ୍ରତ୍ୟେକ ରାମଭକ୍ତ ମୋ ସହିତ ରହିବେ। ସେହି ସଚେତନ କ୍ଷଣ ଆମ ସମସ୍ତଙ୍କ ନିମନ୍ତେ ଏକ ଅଭିଜ୍ଞତାର କ୍ଷଣ ହେବ। ରାମ ମନ୍ଦିର ପାଇଁ ଯେଉଁ ଅସଂଖ୍ୟ ବ୍ୟକ୍ତି ସେମାନଙ୍କ ଜୀବନ ଉତ୍ସର୍ଗ କରିଛନ୍ତି ମୁଁ ସେମାନଙ୍କ ପ୍ରେରଣାକୁ ମୋ ସହିତ ବହନ କରିବି।

ପ୍ରଧାନମନ୍ତ୍ରୀ ଦେଶବାସୀଙ୍କୁ ତାଙ୍କ ସହ ସହଯୋଗ କରିବାକୁ ନିବେଦନ କରିବା ସହ ଜନସାଧାରଣଙ୍କ ଆଶୀର୍ବାଦ ଭିକ୍ଷା କରିଥିଲେ। “ଆମେ ସମସ୍ତେ ଜାଣୁ ଈଶ୍ୱର “ନିରାକାର” ମାତ୍ର ସ୍ୱଦେହରେ ଭଗବାନ ଆମ ଆଧ୍ୟାତ୍ମିକ ଯାତ୍ରାକୁ ମଜବୁତ କରିଥାନ୍ତି। ମୁଁ ବ୍ୟକ୍ତିଗତଭାବେ ଲୋକଙ୍କ ମଧ୍ୟରେ ଈଶ୍ୱରଙ୍କୁ ଦେଖିଛି ଓ ଅନୁଭବ ମଧ୍ୟ କରିଛି। ଜନସାଧାରଣ ଯେଉଁମାନେ ଈଶ୍ୱରଙ୍କ ପ୍ରତିରୂପ, ସେମାନେ ଯେତେବେଳେ ନିଜର ଅନୁଭବକୁ ଶବ୍ଦରେ ବଖାଣନ୍ତି ଓ ଆଶୀର୍ବାଦ କରନ୍ତି, ସେତେବେଳେ ମୋ ଭିତରେ ଏକ ନୂତନ ଶକ୍ତି ଜାଗି ଉଠେ। ଆଜି ମୁଁ ଆପଣମାନଙ୍କ ଆଶୀର୍ବାଦ କାମନା କରୁଛି”ବୋଲି ପ୍ରଧାନମନ୍ତ୍ରୀ କହିଥିଲେ।

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ସୁଶାସନ, ଗୁଣାତ୍ମକ ନିୟନ୍ତ୍ରଣ ଆଦେଶ ଏବଂ ‘ଜିରୋ ଡିଫେକ୍ଟ, ଜିରୋ ଇଫେକ୍ଟ’ କାରଣରୁ ‘ମେଡ୍ ଇନ୍ ଇଣ୍ଡିଆ’ ବ୍ରାଣ୍ଡିଂ ଉଭୟ ଘରୋଇ ଏବଂ ସମଗ୍ର ବିଶ୍ୱରେ ପରିଚିତ ହୋଇପାରିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱୀକାର କରିଛନ୍ତି।

କେନ୍ଦ୍ର ମନ୍ତ୍ରୀ ପୀୟୂଷ ଗୋୟଲଙ୍କ ଦ୍ୱାରା ଟ୍ବିଟର ଉପରେ ଏକ ପୋଷ୍ଟ ସେୟାର କରି ପ୍ରଧାନମନ୍ତ୍ରୀ କହିଛନ୍ତି ଯେ, କେନ୍ଦ୍ର ମନ୍ତ୍ରୀ ପୀୟୂଷ ଗୋୟଲ ସୁଶାସନ, ଗୁଣାତ୍ମକ ନିୟନ୍ତ୍ରଣ ଆଦେଶ ଏବଂ ‘ଜିରୋ ଡିଫେକ୍ଟ, ଜିରୋ ଇଫେକ୍ଟ’ ନୀତି ଉପରେ କେନ୍ଦ୍ରର ଗୁରୁତ୍ୱ କିପରି ‘ମେଡ୍ ଇନ୍ ଇଣ୍ଡିଆ’ ବ୍ରାଣ୍ଡିଂକୁ ଉଭୟ ଘରୋଇ ଏବଂ ସମଗ୍ର ବିଶ୍ୱରେ ପରିଚିତ କରୁଛି ସେ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଛନ୍ତି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗିଫ୍ଟ ସିଟିଠାରେ ଆୟୋଜିତ ଗ୍ଲୋବାଲ ଫିନଟେକ୍ ଫୋରମରେ ଯୋଗ ଦେଇଥିଲେ।

ପ୍ରଧାନମନ୍ତ୍ରୀ ମୋଦୀ ଟ୍ବିଟରରେ କହିଛନ୍ତି ଯେ, ଆଜି ଗିଫ୍ଟ ସିଟିରେ ଆୟୋଜିତ ଗ୍ଲୋବାଲ ଫିନଟେକ୍ ଫୋରମରେ ଯୋଗ ଦେଇଥିଲେ। ଡିଜିଟାଲ ଅର୍ଥନୀତି ପାଇଁ ଅଭିନବ ସମାଧାନ ବିଷୟରେ ଆଲୋଚନା କରି ଅର୍ଥ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଏହା ଏକ ଉତ୍କୃଷ୍ଟ ବିଷୟ ଥିଲା। ଫିନ୍ ଟେକ୍ ଆମ ଦୁନିଆକୁ କିପରି ନୂଆ ରୂପ ଦେଉଛି ତାହା ଦେଖିବା ପ୍ରକୃତରେ ରୋମାଞ୍ଚକର।

ନୂଆଦିଲ୍ଲୀ: ଯଦିଓ ଦେଶର ଜନସଂଖ୍ୟାର ଏକ ବୃହତ ବିଭାଗ ଉତ୍ତରପ୍ରଦେଶର ଅଯୋଧ୍ୟାରେ ନିର୍ମିତ ମହାନ ରାମ ମନ୍ଦିର ପଛରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଗୁରୁତ୍ୱପୂର୍ଣ୍ଣ କାରଣ ବୋଲି ବିବେଚନା କରନ୍ତି, ତଥାପି ତାଙ୍କ ଦଳର ଜଣେ ବରିଷ୍ଠ ନେତା ପ୍ରଧାନମନ୍ତ୍ରୀଙ୍କ କାର୍ଯ୍ୟକଳାପ ଉପରେ ପ୍ରଶ୍ନ ଉଠାଇଛନ୍ତି। ଭାରତୀୟ ଜନତା ପାର୍ଟି (ବିଜେପି) ନେତା ସୁବ୍ରମଣ୍ୟମ ସ୍ଵାମୀ କହିଛନ୍ତି ଯେ, ଯେତେବେଳେ ସୁପ୍ରିମକୋର୍ଟରେ ରାମ ଜନ୍ମଭୂମି ମାମଲା ଶେଷ ହେବାକୁ ଯାଉଥିଲା, ସେତେବେଳେ ମୋଦୀ ଏହାକୁ ବିଳମ୍ବ କରିବାକୁ ଚେଷ୍ଟା କରିଥିଲେ। ବାସ୍ତବରେ ମନ୍ଦିର ନିର୍ମାଣ ପାଇଁ ସୁପ୍ରିମକୋର୍ଟ ଏବଂ ତତ୍କାଳୀନ ପ୍ରଧାନ ବିଚାରପତି (ସିଜେଆଇ) ରଂଜନ ଗୋଗୋଇ ଏବଂ ଅନ୍ୟ ବିଚାରପତିମାନଙ୍କୁ ଧନ୍ୟବାଦ ଦେବା ଉଚିତ୍।

ଦୀର୍ଘ ଦିନ ଧରି ମୋଦୀ-ଶାହା ଏବଂ ବିଜେପିର ନୀତିକୁ ତୀବ୍ର ସମାଲୋଚନା କରୁଥିବା ସ୍ଵାମୀ ଆଜି ସୋସିଆଲ ମିଡିଆ ମାଧ୍ୟମରେ ଏହି କଥା କହିଛନ୍ତି। ମାଇକ୍ରୋ ବ୍ଲଗିଂ ପ୍ଲାଟଫର୍ମରେ ଦୁଇଟି ସିରିଜ୍ ପୋଷ୍ଟରେ, ମୋଦୀ ଏହି ମାମଲାରେ ବିଳମ୍ବ କରିଥିଲେ, ଯେତେବେଳେ କୋର୍ଟ ଶୁଣାଣିର ଶେଷ ସମୟରେ ଥିଲେ। ସେତେବେଳେ ଅଯୋଧ୍ୟାର ସମସ୍ତ ଜମି ଫେରାଇବାକୁ ସରକାର କୋର୍ଟଙ୍କ ନିକଟରେ ଆବେଦନ କରିଥିଲେ। ସୁପ୍ରିମକୋର୍ଟ ଏହାକୁ ଅଣଦେଖା କରି ଏହାର ରାୟ ଦେଇଥିଲେ, ଯାହା ପାଇଁ କୋର୍ଟଙ୍କୁ ଧନ୍ୟବାଦ ଦିଆଯିବା ଉଚିତ୍। ତତ୍କାଳୀନ CJI ଗୋଗୋଇଙ୍କୁ ଧନ୍ୟବାଦ ଏବଂ ଏଥିପାଇଁ ଅନ୍ୟ ଚାରିଜଣ ବିଚାରପତିଙ୍କୁ ମଧ୍ୟ ଧନ୍ୟବାଦ ଜଣାଇବା ଉଚିତ।”

ନୂଆଦିଲ୍ଲୀ: ଉଦୟ ମଜୁମଦାରଙ୍କ ସଙ୍ଗୀତ ନିର୍ଦ୍ଦେଶନାରେ ହରିହରନ ଗାଇଥିବା ଭକ୍ତି ଭଜନ “ସବନେ ତୁମ୍‌ହେଁ ପୁକାରା ଶ୍ରୀରାମ ଜୀ”କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶେୟାର କରିଛନ୍ତି।

ପ୍ରଧାନମନ୍ତ୍ରୀ ଟ୍ବିଟରରେ ପୋଷ୍ଟ କରିଛନ୍ତି ଯେ, ‘‘ହରିହରନ୍ ଜିଙ୍କ ଅଦ୍‌ଭୁତ ସ୍ବରରେ ସଜ୍ଜିତ ଏହି ରାମ ଭଜନ ସମସ୍ତଙ୍କୁ ରାମଙ୍କ ଭକ୍ତିରେ ଲୀନ କରିଦେବ। ଆପଣ ମଧ୍ୟ ଏହି ଭକ୍ତି ଭଜନର ନିଶ୍ଚିତ ଭାବରେ ଆନନ୍ଦ ଲାଭ କରନ୍ତୁ।

हरिहरन जी के अद्भुत सुरों से सजा ये राम भजन हर किसी को प्रभु श्री राम की भक्ति में लीन कर देने वाला है। आप भी इस मनोहारी भजन का जरूर आनंद उठाएं। #ShriRamBhajan https://t.co/VYMM9gf6Lg

— Narendra Modi (@narendramodi) January 9, 2024

ନୂଆଦିଲ୍ଲୀ: ପ୍ରବାସୀ ଭାରତୀୟ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି। ସେ ବିଶ୍ୱବ୍ୟାପୀ ପ୍ରବାସୀ ଭାରତୀୟଙ୍କ ଅବଦାନ ଏବଂ ଉପଲବ୍ଧିକୁ ମଧ୍ୟ ସ୍ୱୀକାର କରିଛନ୍ତି।

ଏକ ଟ୍ବିଟର ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ, ପ୍ରବାସୀ ଭାରତୀୟ ଦିବସ ଅବସରରେ ଶୁଭେଚ୍ଛା। ବିଶ୍ୱବ୍ୟାପୀ ପ୍ରବାସୀ ଭାରତୀୟଙ୍କ ଅବଦାନ ଏବଂ ଉପଲବ୍ଧିକୁ ପାଳନ କରିବା ପାଇଁ ଏହା ଏକ ଦିନ। ଆମର ସମୃଦ୍ଧ ଐତିହ୍ୟକୁ ସଂରକ୍ଷିତ ରଖିବା ଏବଂ ବିଶ୍ୱ ସମ୍ପର୍କକୁ ସୁଦୃଢ଼ କରିବା ଦିଗରେ ସେମାନଙ୍କର ସମର୍ପଣ ପ୍ରଶଂସନୀୟ। ସେମାନେ ସମଗ୍ର ବିଶ୍ୱରେ ଭାରତର ଭାବନାକୁ ପ୍ରତିଫଳିତ କରନ୍ତି, ଏକତା ଏବଂ ବିବିଧତାର ଭାବନାକୁ ପ୍ରୋତ୍ସାହିତ କରନ୍ତି।

ଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଭିଡିଓ କନଫରେନ୍ସିଂ ମାଧ୍ୟମରେ ବିକଶିତ ଭାରତ ସଂକଳ୍ପ ଯାତ୍ରାର ହିତାଧିକାରୀ ମାନଙ୍କ ସହ ଆଲୋଚନା କରିଛନ୍ତି। ଏହି କାର୍ଯ୍ୟକ୍ରମରେ କେନ୍ଦ୍ର ମନ୍ତ୍ରୀ, ସାଂସଦ, ବିଧାୟକ ଓ ସ୍ଥାନୀୟ ସ୍ତରର ପ୍ରତିନିଧି ମାନଙ୍କ ସମେତ ଦେଶର ବିଭିନ୍ନ ସ୍ଥାନରୁ ହଜାର ହଜାର ବିକଶିତ ଭାରତ ସଂକଳ୍ପ ଯାତ୍ରା ହିତାଧିକାରୀ ଯୋଗ ଦେଇଥିଲେ।

ସଭାକୁ ସମ୍ବୋଧିତ କରି , ପ୍ରଧାନମନ୍ତ୍ରୀ କହିଥିଲେ ଯେ ଭିବିଏସୱାଇ ନିକଟରେ ୫୦ ଦିନ ପୂରଣ କରିଛି ଏବଂ ପ୍ରାୟ ୧୧ କୋଟି ଲୋକଙ୍କ ସହ ଯୋଡ଼ି ହୋଇଛି । ବିକଶିତ ଭାରତ ସଂକଳ୍ପ ଯାତ୍ରା କେବଳ ସରକାରଙ୍କ ଯାତ୍ରା ହୋଇ ରହିନାହିଁ , ବରଂ ଦେଶର ଯାତ୍ରାରେ ପରିଣତ ହୋଇଛି ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ ମତ ଦେଇଥିଲେ, ମୋଦି କି ଗାଡି ଦେଶର କୋଣ ଅନୁକୋଣରେ ପହଞ୍ଚୁଛି । ସରକାରୀ ଯୋଜନାର ଲାଭ ପାଇବା ପାଇଁ ଅପେକ୍ଷା କରି ଜୀବନ କାଟୁଥିବା ଗରିବ ଲୋକମାନେ ଆଜି ଏକ ଅର୍ଥପୂର୍ଣ୍ଣ ପରିବର୍ତ୍ତନ ଦେଖୁଛନ୍ତି । ସରକାର ହିତାଧିକାରୀ ମାନଙ୍କ ଦ୍ୱାରରେ ପହଂଚି ସକ୍ରିୟ ଭାବେ ସୁବିଧା ଯୋଗାଇ ଦେଉଛନ୍ତି । ମୋଦି କି ଗ୍ୟାରେଣ୍ଟି କି ଗାଡି ସହିତ ସରକାରୀ କାର୍ଯ୍ୟାଳୟ ଓ ଜନପ୍ରତିନିଧି ଲୋକ ମାନଙ୍କ ପାଖରେ ପହଞ୍ଚୁଛନ୍ତି ବୋଲି ସେ କହିଥିଲେ ।

‘ମୋଦୀ କି ଗ୍ୟାରେଣ୍ଟି’ ବିଷୟରେ ବିଶ୍ୱବ୍ୟାପୀ ଚାଲିଥିବା ଚର୍ଚ୍ଚା ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ଗ୍ୟାରେଣ୍ଟିର ରୂପରେଖ ଏବଂ ମିଶନ ମୋଡରେ ହିତାଧିକାରୀ ମାନଙ୍କ ନିକଟରେ ପହଞ୍ଚିବାର ଯଥାର୍ଥତା ଉପରେ ଆଲୋକପାତ କରିଥିଲେ ଏବଂ ବିକଶିତ ଭାରତର ସଂକଳ୍ପ ଏବଂ ଯୋଜନାର ବ୍ୟାପକତା ମଧ୍ୟରେ ରହିଥିବା ସମ୍ପର୍କ ଉପରେ ମଧ୍ୟ ଆଲୋକପାତ କରିଥିଲେ । ପ୍ରଧାନମନ୍ତ୍ରୀ ମୋଦୀ ଅନେକ ପିଢ଼ି ଧରି ଗରିବ, ଯୁବକ, ମହିଳା ଏବଂ କୃଷକମାନେ କରୁଥିବା ସଂଘର୍ଷ ଉପରେ ଆଲୋକପାତ କରିଥିଲେ । ପ୍ରଧାନମନ୍ତ୍ରୀ କହିଥିଲେ, ଆମ ସରକାର  ବର୍ତ୍ତମାନ ଏବଂ ଭବିଷ୍ୟତ ପିଢ଼ିଙ୍କୁ ଯେପରି ପୂର୍ବ ପିଢ଼ି ଭଳି ଜୀବନ ଯାପନ କରିବାକୁ ପଡ଼ିବ ନାହିଁ ତାହା ଚାହୁଁଛନ୍ତି ।  ଆମେ ଦେଶର ଏକ ବିଶାଳ ଜନସଂଖ୍ୟାକୁ ଛୋଟ ଦୈନନ୍ଦିନ ଆବଶ୍ୟକତା ପାଇଁ ସଂଘର୍ଷରୁ ବାହାର କରିବାକୁ ଚାହୁଁଛୁ । ତେଣୁ ଗରିବ, କୃଷକ, ମହିଳା ଓ ଯୁବକଙ୍କ ଭବିଷ୍ୟତ ଉପରେ ଆମେ ଧ୍ୟାନ ଦେଉଛୁ । ଆମ ପାଇଁ ଏମାନେ ହେଉଛନ୍ତି ଦେଶର ୪ଟି ବୃହତ୍ତମ ଜାତି । ଯେତେବେଳେ ଗରିବ, କୃଷକ, ମହିଳା ଓ ଯୁବଗୋଷ୍ଠୀ ସଶକ୍ତ ହେବେ, ସେତେବେଳେ ଦେଶ ଶକ୍ତିଶାଳୀ ହେବ ।

ପ୍ରଧାନମନ୍ତ୍ରୀ ଦୋହରାଇ ଥିଲେ ଯେ, ଭିବିଏସୱାଇର ମୁଖ୍ୟ ଲକ୍ଷ୍ୟ ହେଉଛି ଯେପରି କୌଣସି ଯୋଗ୍ୟ ହିତାଧିକାରୀ ସରକାରୀ ଯୋଜନାର ଲାଭ ପାଇବାରୁ ବାଦ୍ ନପଡନ୍ତି ।  ଭିବିଏସ୍‌ୱାଇ ଯାତ୍ରା ଆରମ୍ଭ ହେବା ପର ଠାରୁ ଉଜ୍ଜ୍ୱଳା ସଂଯୋଗ ପାଇଁ ୧୨ ଲକ୍ଷ ନୂଆ ଆବେଦନ ସହ ସୁରକ୍ଷା ବୀମା ଯୋଜନା, ଜୀବନ ଜ୍ୟୋତି ଯୋଜନା, ପିଏମ ସ୍ୱନିଧି ପାଇଁ ଲକ୍ଷଲକ୍ଷ ଆବେଦନ ଆସିଥିବା ସମ୍ପର୍କରେ ସେ ସୂଚନା ଦେଇଛନ୍ତି ।

ଭିବିଏସୱାଇର ପ୍ରଭାବ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ସୂଚନା ଦେଇଥିଲେ ଯେ ବର୍ତ୍ତମାନ ସୁଦ୍ଧା ୨ କୋଟିରୁ ଅଧିକ ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଛି , ଯେଉଁଥିରେ ୧ କୋଟି  ଲୋକଙ୍କର ଯକ୍ଷ୍ମା ରୋଗ ପାଇଁ ଯାଂଚ ଏବଂ ୨୨ ଲକ୍ଷ ଲୋକଙ୍କର ସିକଲ୍ ସେଲ୍ ରୋଗ ପାଇଁ ଯାଞ୍ଚ ଅନ୍ତର୍ଭୁକ୍ତ । ଆଜି ପ୍ରଧାନମନ୍ତ୍ରୀ କହିଛନ୍ତି ଯେ ଡାକ୍ତରମାନେ ଗରିବ, ଦଳିତ, ବଞ୍ଚିତ ଏବଂ ଆଦିବାସୀଙ୍କ ଦ୍ୱାରରେ ପହଞ୍ଚୁଛନ୍ତି ଯାହାକୁ ପୂର୍ବ ସରକାରମାନେ ଆହ୍ୱାନ  ବୋଲି ବିବେଚନା କରୁଥିଲେ । ସେ ଆୟୁଷ୍ମାନ ଯୋଜନା ଉପରେ ମଧ୍ୟ ଆଲୋକପାତ କରିଥିଲେ , ଯେଉଁଥିରେ ୫ ଲକ୍ଷ ଟଙ୍କାର ସ୍ୱାସ୍ଥ୍ୟ ବୀମା, ଗରିବଙ୍କ ପାଇଁ ମାଗଣା ଡାଏଲିସିସ୍ ଏବଂ ଜନ ଔଷଧି କେନ୍ଦ୍ରରେ ଶସ୍ତା ଔଷଧ ଯୋଗାଇ ଦିଆଯାଏ । ସାରା ଦେଶରେ ନିର୍ମିତ ଆୟୁଷ୍ମାନ ଆରୋଗ୍ୟ ମନ୍ଦିର ଗ୍ରାମ  ଓ ଗରିବ ଲୋକମାନଙ୍କ ପାଇଁ ଏକ ବିରାଟ ସ୍ୱାସ୍ଥ୍ୟ କେନ୍ଦ୍ରରେ ପରିଣତ ହୋଇଛି ।

ପ୍ରଧାନମନ୍ତ୍ରୀ ମୋଦୀ ଦେଶରେ ମହିଳା ସଶକ୍ତିକରଣ ଉପରେ ସରକାରଙ୍କ ପ୍ରଭାବ ଉପରେ ଆଲୋକପାତ କରିଥିଲେ ଏବଂ ମୁଦ୍ରା ଯୋଜନା ମାଧ୍ୟମରେ ଋଣ ଉପଲବ୍ଧତା, ବ୍ୟାଙ୍କ ମିତ୍ର, ପଶୁ ସଖୀ ଏବଂ ଆଶା କର୍ମୀ ଭୂମିକାରେ ଦାୟିତ୍ୱ ନିର୍ବାହ କରୁଥିବା ମହିଳା ମାନଙ୍କ ବିଷୟରେ ଉଲ୍ଲେଖ କରିଥିଲେ । ଗତ ୧୦ ବର୍ଷ ମଧ୍ୟରେ ୧୦ କୋଟି ମହିଳା ମହିଳା ସ୍ୱୟଂ ସହାୟକ ଗୋଷ୍ଠୀରେ ସାମିଲ ହୋଇଛନ୍ତି, ଯେଉଁଠାରେ ସେମାନଙ୍କୁ ୭.୫ ଲକ୍ଷ କୋଟିରୁ ଅଧିକ ଟଙ୍କା ପ୍ରଦାନ କରାଯାଇଛି ବୋଲି ଶ୍ରୀ ମୋଦୀ ସୂଚନା ଦେଇଛନ୍ତି । ଏହି କାରଣରୁ ଅନେକ ଭଉଣୀ ବର୍ଷ ବର୍ଷ ଧରି ଲକ୍ଷପତି ଦିଦି ହୋଇଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ । ଏହି ସଫଳତା ସମ୍ପର୍କରେ ଉଲ୍ଲେଖ କରି ପ୍ରଧାନମନ୍ତ୍ରୀ ଲକ୍ଷପତି ଦିଦି ମାନଙ୍କ ସଂଖ୍ୟାକୁ ଆହୁରି ୨ କୋଟି ବୃଦ୍ଧି କରିବା ପାଇଁ ସରକାରଙ୍କ ଅଭିଯାନ ନମୋ ଡ୍ରୋନ ଦିଦି ଯୋଜନା ବିଷୟରେ ସୂଚନା ଦେଇଥିଲେ , ଯେଉଁଥିରେ ଭିବିଏସ୍‌ୱାଇ ସମୟରେ ପ୍ରାୟ ୧ ଲକ୍ଷ ଡ୍ରୋନ ପ୍ରଦର୍ଶନ କରାଯାଇଛି । ଦେଶର ଇତିହାସରେ ପ୍ରଥମ ଥର ପାଇଁ ଜନସାଧାରଣଙ୍କୁ ମିଶନ ମୋଡରେ ନୂଆ ଟେକ୍ନୋଲୋଜି ସହ ଯୋଡାଯାଉଛି ବୋଲି ସେ କହିଛନ୍ତି । ବର୍ତ୍ତମାନ କେବଳ କୃଷି କ୍ଷେତ୍ରରେ ଡ୍ରୋନ ବ୍ୟବହାର ପାଇଁ ପ୍ରଶିକ୍ଷଣ ଦିଆଯାଉଛି । କିନ୍ତୁ ଆଗାମୀ ଦିନରେ ଏହାର ପରିସର ଅନ୍ୟ କ୍ଷେତ୍ରରେ ବିସ୍ତାର ହେବାକୁ ଯାଉଛି ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି ।

ପ୍ରଧାନମନ୍ତ୍ରୀ ଦର୍ଶାଇଥିଲେ ଯେ ପୂର୍ବ ସରକାର ମାନଙ୍କରେ ଦେଶରେ କୃଷି ନୀତି ସମ୍ପର୍କରେ ଯେଉଁ ଆଲୋଚନା ହେଉଥିଲା ତାହା କେବଳ ଉତ୍ପାଦନ ଓ ବିକ୍ରୟ ମଧ୍ୟରେ ସୀମିତ ଥିଲା ଏବଂ ପ୍ରତିଦିନ କୃଷକମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟା ଗୁଡିକୁ ଅଣଦେଖା କରୁଥିଲେ । ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ମାଧ୍ୟମରେ ପ୍ରତ୍ୟେକ କୃଷକଙ୍କୁ ଅତି କମ୍‌ରେ ୩୦,୦୦୦  ଟଙ୍କା ହସ୍ତାନ୍ତର, ପ୍ୟାକ୍ସ, ଏଫ୍‌ପିଓ ଭଳି ସଂସ୍ଥା ସହିତ କୃଷିକ୍ଷେତ୍ରରେ ସହଯୋଗକୁ ପ୍ରୋତ୍ସାହିତ କରିବା, ସଂରକ୍ଷଣ ସୁବିଧା ବୃଦ୍ଧି ଏବଂ ଖାଦ୍ୟ ପ୍ରକ୍ରିୟାକରଣ ଶିଳ୍ପକୁ ପ୍ରୋତ୍ସାହନ ଦେବା ବିଷୟରେ ଉଲ୍ଲେଖ କରି ଶ୍ରୀ ମୋଦୀ କହିଥିଲେ ।

ପ୍ରଧାନମନ୍ତ୍ରୀ ସୂଚନା ଦେଇଥିଲେ ଯେ ହରଡ ଡାଲି ଚାଷ କରୁଥିବା କୃଷକମାନେ ବର୍ତ୍ତମାନ ସେମାନଙ୍କ ଉତ୍ପାଦିତ ଦ୍ରବ୍ୟକୁ ସିଧାସଳଖ ଅନଲାଇନରେ ବିକ୍ରି କରିପାରିବେ ଏବଂ ବଜାରରେ ସର୍ବନିମ୍ନ ସହାୟକ ମୂଲ୍ୟ ଏବଂ ଉତ୍ତମ ମୂଲ୍ୟରେ କ୍ରୟ ସୁନିଶ୍ଚିତ କରି ପାରିବେ । ସେ ଆହୁରି ମଧ୍ୟ କହିଛନ୍ତି ଯେ ଏହି ଯୋଜନାର ପରିସର ମଧ୍ୟରେ ଅନ୍ୟ ଡାଲିକୁ ମଧ୍ୟ ଅଣାଯିବ । “ଆମର ପ୍ରୟାସ ହେଉଛି ଯେପରି ଡାଲି କିଣିବା ପାଇଁ ଆମେ ବିଦେଶକୁ ପଠାଉଥିବା ଟଙ୍କା ଦେଶର କୃଷକ ମାନଙ୍କ ପାଖକୁ ଯିବ” ।

ବକ୍ତବ୍ୟ  ଶେଷ କରି ପ୍ରଧାନମନ୍ତ୍ରୀ ଭିବିଏସୱାଇ ଶୋ’ ଚଳାଉଥିବା ଟିମ୍‌ର ପ୍ରୟାସକୁ ପ୍ରଶଂସା କରିଥିଲେ, ଯେଉଁଥିରେ ସ୍ଥାନୀୟ ପ୍ରଶାସନ ମଧ୍ୟ ସାମିଲ ଅଛନ୍ତି, ଯେଉଁମାନେ ସମ୍ପୂର୍ଣ୍ଣ ନିଷ୍ଠାର ସହ ସେମାନଙ୍କ କାର୍ଯ୍ୟରେ ନିୟୋଜିତ ଅଛନ୍ତି । ଏହି ଭାବନାରେ ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବା ପାଇଁ ଆମକୁ ଆମର କର୍ତ୍ତବ୍ୟ ପାଳନ କରିବାକୁ ହେବ ବୋଲି ପ୍ରଧାନମନ୍ତ୍ରୀ ମୋଦୀ ଶେଷରେ କହିଛନ୍ତି ।

ପୃଷ୍ଠଭୂମି

୧୫ ନଭେମ୍ବର ୨୦୨୩ରେ ଏହାର ଶୁଭାରମ୍ଭ ହେବା ପର ଠାରୁ ପ୍ରଧାନମନ୍ତ୍ରୀ ସମଗ୍ର ଦେଶରେ ବିକଶିତ ଭାରତ ସଂକଳ୍ପ ଯାତ୍ରାର ହିତାଧିକାରୀ ମାନଙ୍କ ସହ ନିୟମିତ ଭାବରେ ଆଲୋଚନା କରିଛନ୍ତି । ଭିଡିଓ କନଫରେନ୍ସିଂ ମାଧ୍ୟମରେ (୩୦ ନଭେମ୍ବର, ୯ ଡିସେମ୍ବର , ୧୬ ଡିସେମ୍ବର  ଏବଂ ଡିସେମ୍ବର ୨୭) ଏହି ଆଲୋଚନା ଚାରି ଥର ହୋଇଛି । ଏହା ବ୍ୟତୀତ ପ୍ରଧାନମନ୍ତ୍ରୀ ଗତ ମାସରେ ବାରଣାସୀ ଗସ୍ତ ସମୟରେ କ୍ରମାଗତ ଦୁଇ ଦିନ (ଡିସେମ୍ବର ୧୭ – ୧୮) ରେ ବିକଶିତ ଭାରତ ସଂକଳ୍ପ ଯାତ୍ରା ହିତାଧିକାରୀ ମାନଙ୍କ ସହ ଶାରୀରିକ ଭାବରେ ଆଲୋଚନା କରିଥିଲେ ।

ଏହି ଯୋଜନା ଗୁଡ଼ିକର ସୁଫଳ ଯେପରି ନିର୍ଦ୍ଧାରିତ ସମୟରେ ସମସ୍ତ ହିତାଧିକାରୀ ମାନଙ୍କ ପାଖରେ ପହଂଚି ପାରିବ , ସେଥିପାଇଁ ସରକାରଙ୍କ ପ୍ରମୁଖ ଯୋଜନା ଗୁଡିକର ସମନ୍ୱୟ ହାସଲ କରିବା ନିମନ୍ତେ ସମଗ୍ର ଦେଶରେ ବିକଶିତ ଭାରତ ସଂକଳ୍ପ ଯାତ୍ରା କରାଯାଉଛି ।

୨୦୨୪ ଜାନୁଆରି ୫ ତାରିଖରେ ବିକଶିତ ଭାରତ ସଂକଳ୍ପ ଯାତ୍ରାରେ ଅଂଶଗ୍ରହଣକାରୀ  ମାନଙ୍କ ସଂଖ୍ୟା ୧୦ କୋଟି ଅତିକ୍ରମ କରିବା ସହ ଏକ ବଡ଼ ମାଇଲଖୁଣ୍ଟ ଅତିକ୍ରମ କରିଥିଲା । ଭିବିଏସ୍‌ୱାଇ ଆରମ୍ଭ ହେବାର ୫୦ ଦିନ ମଧ୍ୟରେ ପହଂଚିଥିବା ଏହି ଆଶ୍ଚର୍ଯ୍ୟ କରିଦେବା ଭଳି ସଂଖ୍ୟା ବିକଶିତ ଭାରତର ମିଳିତ ଦର୍ଶନ ଦିଗରେ ସମଗ୍ର ଦେଶବାସୀଙ୍କୁ ଏକଜୁଟ କରିବା କ୍ଷେତ୍ରରେ ଯାତ୍ରାର ଗଭୀର ପ୍ରଭାବ ଏବଂ ଅତୁଳନୀୟ କ୍ଷମତାକୁ ସୂଚାଇଥାଏ ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଙ୍ଗୋପସାଗର ଉପକୂଳରେ ଅବସ୍ଥିତ ଜଟିଳ ଏବଂ କଠିନ ଗଭୀର ଜଳ କ୍ରିଷ୍ଣା ଗୋଦାବରୀ ଅବବାହିକା (କେଜି-ଡିଡବ୍ଲ୍ୟୁଏନ୍-୯୮/୨ ବ୍ଲକ) ରୁ ପ୍ରଥମ ତୈଳ ଉତ୍ପାଦନ ଆରମ୍ଭ କୁ ପ୍ରଶଂସା କରିଛନ୍ତି।

କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରୀ ହରଦୀପ ସିଂ ପୁରୀଙ୍କ ଟ୍ବିଟର ପୋଷ୍ଟ ଉପରେ ପ୍ରତିକ୍ରିୟା ରଖି ପ୍ରଧାନମନ୍ତ୍ରୀ କହିଥିଲେ ଯେ, ଏହା ଭାରତର ଶକ୍ତି ଯାତ୍ରାରେ ଏକ ଉଲ୍ଲେଖନୀୟ ପଦକ୍ଷେପ ଏବଂ ଆତ୍ମନିର୍ଭର ଭାରତ ପାଇଁ ଆମର ଅଭିଯାନକୁ ପ୍ରୋତ୍ସାହିତ କରୁଛି। ଏହା ଦ୍ୱାରା ଆମ ଅର୍ଥନୀତିକୁ ମଧ୍ୟ ଅନେକ ଲାଭ ମିଳିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୀତାବେନ୍ ରାବରୀଙ୍କ ଦ୍ୱାରା ଗାନ କରାଯାଇଥିବା, ମୌଲିକ ମେହତାଙ୍କ ଦ୍ୱାରା ରଚିତ ଏବଂ ସୁନୀତା ଯୋଶୀ (ପାଣ୍ଡ୍ୟା) ଙ୍କ ଦ୍ୱାରା ସଂଯୋଜିତ ଭକ୍ତି  ଭଜନ ‘ଶ୍ରୀ ରାମ ଘର ଆୟେ’କୁ ସେୟାର କରିଛନ୍ତି ।

ଏକ ଏକ୍ସ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ, ‘ଅଯୋଧ୍ୟାରେ ଭଗବାନ ଶ୍ରୀ ରାମଙ୍କ ଦିବ୍ୟ-ଭବ୍ୟ ମନ୍ଦିରରେ ରାମଲଲାଙ୍କ ଆଗମନର ପ୍ରତୀକ୍ଷା ଶେଷ ହେବାକୁ ଯାଉଛି। ସମଗ୍ର ଦେଶ ମୋ ପରିବାରଜନଙ୍କୁ ତାଙ୍କ ପ୍ରାଣ-ପ୍ରତିଷ୍ଠାର ଅପେକ୍ଷା ରହିଛି। ତାଙ୍କୁ ସ୍ୱାଗତ କରିବା ପାଇଁ ଗୀତାବେନ ରାବରି ଜୀଙ୍କ ଏହି ଭଜନ ଅତ୍ୟନ୍ତ ଭାବବିଭୋର କରିବା ଭଳି।’

अयोध्या के साथ देशभर में आज हर ओर प्रभु श्री राम के स्वागत में मंगलगान हो रहा है। इस पुण्य अवसर पर राम लला की भक्ति से ओतप्रोत विकास जी और महेश कुकरेजा जी के राम भजन को आप भी जरूर सुनिए।#ShriRamBhajanhttps://t.co/yHYgEqiSt8

— Narendra Modi (@narendramodi) January 8, 2024