Tag: ନରେନ୍ଦ୍ର ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଅଟଳ ଇନୋଭେସନ ମିଶନ (ଏଆଇଏମ)କୁ ମାର୍ଚ୍ଚ ୨୦୨୩ ପର୍ଯ୍ୟନ୍ତ ଜାରି ରଖିବା ପ୍ରସ୍ତାବକୁ ଅନୁମୋଦନ କରିଛନ୍ତି। ଏଆଇଏମ ଦେଶରେ ଏକ ନବସୃଜନ ସଂସ୍କୃତି ଏବଂ ଉଦ୍ୟମଶୀଳତା ସହ ଜଡ଼ିତ ଇକୋସିଷ୍ଟମ ବିକଶିତ କରିବା ଦିଗରେ ନିଜର ନିର୍ଦ୍ଧାରିତ ଲକ୍ଷ୍ୟ ହାସଲ ପାଇଁ କାମ କରିବ। ଏଆଇଏମ ଦ୍ବାରା ଏହି କାର୍ଯ୍ୟ ନିଜର ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ସମ୍ପାଦନ କରାଯିବ।

ଏଆଇଏମ ମାଧ୍ୟମରେ ନିମ୍ନ ନିର୍ଦ୍ଧାରିତ ଲକ୍ଷ୍ୟ ହାସଲ କରାଯିବ:

୧୦ହଜାର ଅଟଳ ଟିଙ୍କରିଂ ଲ୍ୟାବ (ଏଟିଏଲ) ପ୍ରତିଷ୍ଠା କରିବା,

୧୦୧ ଅଟଳ ଇନକ୍ୟୁବେସନ ସେଣ୍ଟର (ଏଆଇସି) ପ୍ରତିଷ୍ଠା କରିବା,

୫୦ଟି ଅଟଳ କମ୍ୟୁନିଟୀ ଇନୋଭେସନ ସେଣ୍ଟର (ଏସିଆଇସି) ପ୍ରତିଷ୍ଠା କରିବା

ଅଟଳ ନ୍ୟୁ ଇଣ୍ଡିଆ ଚାଲେଞ୍ଜ ମାଧ୍ୟମରେ ୨୦୦ ଷ୍ଟାର୍ଟଅପ୍‌କୁ ସହାୟତା ପ୍ରଦାନ କରିବା।

ଉପରୋକ୍ତ ସେଣ୍ଟର ପ୍ରତିଷ୍ଠା କରିବା ଏବଂ ହିତାଧିକାରୀମାନଙ୍କୁ ସହାୟତା ଯୋଗାଇ ଦେବାର ଏହି ପ୍ରକ୍ରିୟାରେ ମୋଟ୍‌ ୨,୦୦୦ କୋଟି ଟଙ୍କାରୁ ଅଧିକ ଟଙ୍କାର ବଜେଟ୍‌ ବ୍ୟୟ କରାଯିବ।

ମାନନୀୟ ଅର୍ଥ ମନ୍ତ୍ରୀ ୨୦୧୫ ବଜେଟ୍‌ ଅଭିଭାଷଣରେ କରିଥିବା ଘୋଷଣା ଅନୁଯାୟୀ, ନୀତି ଆୟୋଗଙ୍କ ଦ୍ବାରା ଅଟଳ ଇନୋଭେସନ ମିଶନ ପ୍ରତିଷ୍ଠା କରାଯାଇଛି। ଏଆଇଏମର ମୁଖ୍ୟ ଉଦ୍ଦେଶ୍ୟ ହେଉଛି ବିଦ୍ୟାଳୟ, ବିଶ୍ବବିଦ୍ୟାଳୟ, ଗବେଷଣା ପ୍ରତିଷ୍ଠାନ, ଲଘୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମଏସଏମଇ) ଏବଂ ଉଦ୍ୟୋଗମାନଙ୍କ ସ୍ତରରେ ବିଭିନ୍ନ ଉପାୟ ମାଧ୍ୟମରେ ସାରା ଦେଶରେ ନବସୃଜନ ଏବଂ ଉଦ୍ୟମିତାର ଏକ ଇକୋସିଷ୍ଟମ ପ୍ରସ୍ତୁତ କରିବା ଓ ଏହାକୁ ପ୍ରୋତ୍ସାହିତ କରିବା। ଏଆଇଏମ ମୌଳିକ ଭିତ୍ତିଭୂମି ନିର୍ମାଣ ଏବଂ ସଂସ୍ଥାନ ନିର୍ମାଣ, ଉଭୟ କ୍ଷେତ୍ରରେ ଧ୍ୟାନ କେନ୍ଦ୍ରିତ କରିଛି। ନିମ୍ନରେ ଦିଆଯାଇଥିବା ଉଦାହରଣ ଅନୁରୂପ ଏହା ସ୍ପଷ୍ଟ ହୋଇଛି ଯେ ଏଆଇଏମ ଜାତୀୟ ଏବଂ ବିଶ୍ବ, ଉଭୟ ସ୍ତରରେ ନବସୃଜନ ସହ ଜଡ଼ିତ ଇକୋସିଷ୍ଟମକୁ ସମନ୍ବିତ କରିବା ଦିଗରେ କାମ କରିଛି :

ଏଆଇଏମ ନବସୃଜନ ଏବଂ ଉଦ୍ୟମିତା କ୍ଷେତ୍ରରେ ସମନ୍ବୟ ଆଧାରିତ ସହଯୋଗ ବିକଶିତ କରିବା ଲାଗି ବିଭିନ୍ନ ଅନ୍ତର୍ଜାତୀୟ ଏଜେନ୍ସିମାନଙ୍କ ସହିତ ଦ୍ବିପାକ୍ଷିକ ସମ୍ପର୍କ ପ୍ରତିଷ୍ଠା କରିଛି ଯେଉଁଥିରେ ରୁଷ୍‌ ସହିତ ଏଆଇଏମ-ଏସଆଇଆରଆଇୟୁଏସ ଛାତ୍ର ନବସୃଜନ ବିନିମୟ କାର୍ଯ୍ୟକ୍ରମ, ଡେନମାର୍କ ସହିତ ଏଆଇଏମ-ଆଇସିଡିକେ (ଇନୋଭେସନ ସେଣ୍ଟର ଡେନମାର୍କ) ୱାଟର ଚ୍ୟାଲେଞ୍ଜ ଏବଂ ଅଷ୍ଟ୍ରେଲିଆ ସହିତ ଆଇଏସିଇ (ଇଣ୍ଡିଆ ଅଷ୍ଟ୍ରେଲିୟାନ୍‌ ସର୍କୁଲାର ଇକୋନୋମି ହ୍ୟାକାଥନ) ସାମିଲ ରହିଛି।

ଏଆଇଏମ ଭାରତ ଏବଂ ସିଙ୍ଗାପୁର ମଧ୍ୟରେ ଆୟୋଜିତ ଏକ ଇନୋଭେସନ ଷ୍ଟାର୍ଟଅପ୍‌ ଶିଖର ସମ୍ମିଳନୀ-ଇନସ୍ପ୍ରେନର ସଫଳତା ପୂର୍ବକ ଆୟୋଜନ କରିବାରେ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିଛି।

ପ୍ରତିରକ୍ଷା କ୍ଷେତ୍ରରେ ନବସୃଜନ ସହିତ କ୍ରୟକୁ ପ୍ରୋତ୍ସାହନ ଦେଉଥିବା ପ୍ରତିରକ୍ଷା ନବସୃଜନ ସଂଗଠନ ପ୍ରତିଷ୍ଠା କରିବା ଲାଗି ପ୍ରତିରକ୍ଷା ମନ୍ତ୍ରଣାଳୟ ସହିତ ଏଆଇଏମ ସହଭାଗିତା ସ୍ଥାପନ କରିଛି।

ବିଗତ କିଛି ବର୍ଷ ମଧ୍ୟରେ, ଏଆଇଏମ ସାରା ଦେଶର ନବସୃଜନ ଗତିବିଧିକୁ ସମନ୍ବିତ କରିବା ଲାଗି ଏକ ସଂସ୍ଥାଗତ ବ୍ୟବସ୍ଥା ପ୍ରଦାନ କରିବା ଲାଗି କାମ କରିଛି। ନିଜର ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଏହା ଲକ୍ଷାଧିକ ସ୍କୁଲ ପିଲାମାନଙ୍କ ମଧ୍ୟରେ ନବସୃଜନ ପ୍ରତି ଆଗ୍ରହ ସୃଷ୍ଟି କରିଛି। ଏଆଇଏମ ସମର୍ଥିତ ଷ୍ଟାର୍ଟଅପ୍‌ ସରକାରୀ ଏବଂ ଘରୋଇ ଇକ୍ୟୁଟି ନିବେଶକମାନଙ୍କ ଠାରୁ ୨ ହଜାର କୋଟି ଟଙ୍କାରୁ ଅଧିକ ପରିମାଣର ଅର୍ଥରାଶି ସଂଗ୍ରହ କରିବେ ଏବଂ ଅନେକ ହଜାର ରୋଜଗାର ସୁଯୋଗ ସୃଷ୍ଟି କରିଛି। ଏଆଇଏମ ଜାତୀୟ ହିତ ସହ ଜଡ଼ିତ ବିଭିନ୍ନ ବିଷୟରେ ନବସୃଜନ ଜନିତ ସମସ୍ୟାର ମଧ୍ୟ ସମାଧାନ କରିଛି। ଏଆଇଏମର କାର୍ଯ୍ୟକ୍ରମଗୁଡ଼ିକରେ ୩୪ଟି ରାଜ୍ୟ ଏବଂ କେନ୍ଦ୍ର ଶାସିତ ପ୍ରଦେଶମାନଙ୍କୁ ସାମିଲ କରାଯାଇଛି। ଏହା ମାଧ୍ୟମରେ ନବସୃଜନ ସହ ଜଡ଼ିତ ଇକୋସିଷ୍ଟମରେ ଅଧିକରୁ ଅଧିକ ଭାଗିଦାରୀକୁ ପ୍ରୋତ୍ସାହିତ କରି ଭାରତର ଜନସାଂଖ୍ୟିକ ଲାଭାଂଶର ଫାଇଦା ନେବା ପାଇଁ ଲକ୍ଷ୍ୟ ରଖାଯାଇଛି।

କ୍ୟାବିନେଟ ଦ୍ବାରା ଅବଧି ସମ୍ପ୍ରସାରଣ ମଞ୍ଜୁରି ମିଳିବା ପରେ ନବାସୃଜନ ସମ୍ବନ୍ଧୀୟ ଏକ ସମାବେଶୀ ଇକୋସିଷ୍ଟମ ବିକଶିତ କରିବାର ଦାୟିତ୍ବ ଏବେ ଏଆଇଏମ ଉପରକୁ ଆସିଯାଇଛି। ଫଳରେ ନବସୃଜନ ଏବଂ ଉଦ୍ୟମିତା କାର୍ଯ୍ୟକଳାପ ସହ ଯୋଡ଼ିହେବା ଲଗାତାର ଅଧିକ ସହଜ ହୋଇପାରିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦର୍ଶୀ ନେତୃତ୍ବରେ ଉତ୍ତର ପୂର୍ବାଞ୍ଚଳ ରାଜ୍ୟର ବିକାଶ ପାଇଁ କେନ୍ଦ୍ର ସରକାରଙ୍କ ପକ୍ଷରୁ ନିରନ୍ତର ପ୍ରୟାସ କରାଯାଉଛି। ଫଳରେ ଦେଶର ଏହି ପ୍ରାନ୍ତରେ ସୁରକ୍ଷା ସ୍ଥିତିରେ ଉଲ୍ଲେଖନୀୟ ସୁଧାର ହେବା ସହ ବିକାଶଧାରା ଗତିଶୀଳ ହୋଇଛି। ୨୦୧୪ ମସିହା ତୁଳନାରେ ୨୦୨୧ରେ ଆତଙ୍କବାଦୀ ଆକ୍ରମଣ ଘଟଣାରେ ୭୪ ପ୍ରତିଶତ ହ୍ରାସ ଦେଖାଦେଇଛି। ସେହିପରି ଏହି ଅବଧିରେ ସୁରକ୍ଷା କର୍ମୀ ଏବଂ ନାଗରିକମାନଙ୍କର ମୃତ୍ୟୁ ସଂଖ୍ୟା ମଧ୍ୟ ଯଥାକ୍ରମେ ୬୦ ପ୍ରତିଶତ ଏବଂ ୮୪ ପ୍ରତିଶତ ହ୍ରାସ ପାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ  ଦୂରଦର୍ଶିତାପୂର୍ଣ୍ଣ ନେତୃତ୍ବରେ କେନ୍ଦ୍ର ସରକାରଙ୍କ ଲଗାତାର ପ୍ରୟାସ ବଳରେ ଏବଂ ଉତ୍ତର ପୂର୍ବାଞ୍ଚଳରେ ସୁରକ୍ଷା ସ୍ଥିତିରେ ସୁଧାର ଆସିଛି। ଏହି କ୍ରମରେ ଏକ ଗୁରୁତ୍ବପୂର୍ଣ୍ଣ ପଦକ୍ଷେପ ସ୍ବରୂପ ବହୁ ଦଶନ୍ଧି ପରେ ନାଗାଲାଣ୍ଡ, ଆସାମ, ଏବଂ ମଣିପୁରରେ ସଶସ୍ତ୍ର ସେନାବାହିନୀ ବିଶେଷ ଅଧିକାର ଆଇନ (ଏଏଫଏସପିଏ) ଅଧୀନରେ ଅଶାନ୍ତ କ୍ଷେତ୍ର ସଂଖ୍ୟା ହ୍ରାସ କରିବା ଲାଗି ନିଷ୍ପତ୍ତି ନିଆଯାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶାନ୍ତିପୂର୍ଣ୍ଣ ଓ ସମୃଦ୍ଧ ଉତ୍ତର-ପୂର୍ବାଞ୍ଚଳ କ୍ଷେତ୍ରର ପରିକଳ୍ପନାକୁ ସାକାର କରିବା ଲାଗି କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହ ସବୁ ଉତ୍ତର-ପୂର୍ବାଞ୍ଚଳ ରାଜ୍ୟମାନଙ୍କ ସହିତ ନିରନ୍ତର ସମ୍ବାଦ ଜାରି ରଖିଥିଲେ। ଯାହାର ପରିଣାମସ୍ବରୂପ ଅଧିକାଂଶ ଉଗ୍ରବାଦୀ ସମୂହ ଦେଶର ସମ୍ବିଧାନ ଏବଂ ମୋଦୀ ସରକାରଙ୍କ ନୀତି ପ୍ରତି ବିଶ୍ବାସ ବ୍ୟକ୍ତ କରି ଅସ୍ତ୍ର ତ୍ୟାଗ କରିଛନ୍ତି। ଆଜି ସେମାନେ ସମସ୍ତେ ଗଣତନ୍ତ୍ରର ଅଂଶବିଶେଷ ହୋଇ ଉତ୍ତର ପୂର୍ବାଞ୍ଚଳର ଶାନ୍ତି ଓ ବିକାଶରେ ସହଭାଗୀ ହୋଇପାରିଛନ୍ତି। ବିଗତ କିଛି ବର୍ଷ ମଧ୍ୟରେ ପାଖାପାଖି ୭ ହଜାର ଉଗ୍ରବାଦୀ ଆତ୍ମସମର୍ପଣ କରିଛନ୍ତି।

ଗତ ତିନି ବର୍ଷ ମଧ୍ୟରେ ଭାରତ ସରକାର ଉତ୍ତର ପୂର୍ବାଞ୍ଚଳରେ ଉଗ୍ରବାଦକୁ ସମାପ୍ତ କରିବା ଏବଂ ସ୍ଥାୟୀ ଶାନ୍ତି ପ୍ରତିଷ୍ଠା କରିବା ପାଇଁ ଅନେକଗୁଡ଼ିଏ ରାଜିନାମା ସ୍ବାକ୍ଷରିତ ହୋଇଛି। ଏସବୁ ଉତ୍ତର ପୂର୍ବାଞ୍ଚଳ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂକଳ୍ପକୁ ସାକାର କରିପାରିବ। ଉଦାହରଣ ସ୍ବରୂପ, ଜାନୁଆରୀ, ୨୦୨୦ରେ ବୋଡୋ ରାଜିନାମା ଯେଉଁଥିରେ ଆସାମର ୫ ଦଶନ୍ଧି ପୁରୁଣା ବୋଡୋ ସମସ୍ୟା ସମାଧାନ ହୋଇଛି। ୪ ସେପ୍ଟେମ୍ବର, ୨୦୨୧ରେ କାରବୀ-ଆଙ୍ଗଲଙ୍ଗ ରାଜିନାମା ହୋଇଥିଲା ଯେଉଁଥିରେ ଦୀର୍ଘ ସମୟ ଧରି ଚାଲି ଆସୁଥିବା ଆସାମର କାରବୀ କ୍ଷେତ୍ରର ବିବାଦ ସମାଧାନ ହୋଇଛି।

ତ୍ରିପୁରାରେ ଉଗ୍ରବାଦୀମାନଙ୍କୁ ସମାଜର ମୁଖ୍ୟଧାରାକୁ ଆଣିବା ପାଇଁ ଅଗଷ୍ଟ ୨୦୧୯ରେ ଏନଏଲଏଫଟି (ଏସଡି) ରାଜିନାମା ହୋଇଥିଲ। ୧୬ ଜାନୁଆରୀ, ୨୦୨୦ରେ ୨୩ ବର୍ଷ ପୁରୁଣା ବ୍ରୁ -ରିଆଙ୍ଗ ଶରଣାର୍ଥୀ ସଙ୍କଟକୁ ସମାଧାନ କରିବା ଲାଗି ଐତିହାସିକ ରାଜିନାମା ହୋଇଥିଲା। ଏହା ଅଧୀନରେ ୩୭ ହଜାର ଆନ୍ତରିକ ବିସ୍ଥାପିତ ଲୋକମାନଙ୍କୁ ଥଇଥାନ କରାଯାଉଛି। ୨୯ ମାର୍ଚ୍ଚ, ୨୦୨୨ରେ ଆସାମ ଏବଂ ମେଘାଳୟ ରାଜ୍ୟ ସୀମା ସନ୍ଦର୍ଭରେ ଆଉ ଏକ ରାଜିନାମା ହୋଇଛି।

ପ୍ରଧାନମନ୍ତ୍ରୀ ମୋଦୀ ସାରା ଉତ୍ତର-ପୂର୍ବାଞ୍ଚଳ କ୍ଷେତ୍ରକୁ ଉଗ୍ରବାଦ ମୁକ୍ତ କରିବା ଲାଗି ସଂକଳ୍ପବଦ୍ଧ ରହିଛନ୍ତି। ଏ ଦିଗରେ କେନ୍ଦ୍ର ସରକାରଙ୍କ ପକ୍ଷରୁ ବିଭିନ୍ନ ସମୟରେ ରାଜ୍ୟ ସରକାର ଏବଂ ଅନ୍ୟ ଅଂଶୀଦାରମାନଙ୍କ ସହିତ ଆଲୋଚନା କରି ଆସୁଛନ୍ତି। ମୋଦୀ ସରକାରଙ୍କ ଦ୍ବାରା ସୁରକ୍ଷା ସ୍ଥିତିରେ ସୁଧାର ଅଣାଯିବା କାରଣରୁ ଏଏଫଏସପିଏ ଅଧୀନରେ ଅଶାନ୍ତ କ୍ଷେତ୍ରର ବିଜ୍ଞପ୍ତିକୁ ୨୦୧୫ରେ ତ୍ରିପୁରାରୁ ଏବଂ ୨୦୧୮ରେ ମେଘାଳୟରୁ ସମ୍ପୂର୍ଣ୍ଣ ଭାବେ ଉଚ୍ଛେଦ କରାଯାଇଥିଲା।

୧୯୯୦ ପରଠାରୁ ଆସାମରେ ଅଶାନ୍ତ କ୍ଷେତ୍ର ଅଧିସୂଚନା ଲାଗୁ ହୋଇଛି। ୨୦୧୪ରେ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦୀ ଦାୟିତ୍ବ ଗ୍ରହଣ କରିବା ପରେ ସୁରକ୍ଷା ସ୍ଥିତିରେ ଉଲ୍ଲେଖନୀୟ ସୁଧାର ଆସିଛି। ଏବେ ୦୧.୦୪.୨୦୨୨ ଠାରୁ ଆସାମର ୨୩ଟି ଜିଲ୍ଲାରୁ ସମ୍ପୂର୍ଣ୍ଣ ଏବଂ ଗୋଟିଏ ଜିଲ୍ଲାରୁ ଆଂଶିକ ଭାବେ ଏଏଫଏସପିଏ ଆଇନର ପ୍ରଭାବକୁ ଉଚ୍ଛେଦ କରାଯିବ।

ଇମ୍ଫାଲ ନଗର ପାଳିକା କ୍ଷେତ୍ରକୁ ଛାଡ଼ି ୨୦୦୪ ଠାରୁ ସମ୍ପୂର୍ଣ୍ଣ ମଣିପୁରକୁ ଅଶାନ୍ତ କ୍ଷେତ୍ର ଭାବେ ଘୋଷଣା କରାଯାଇଥିଲା। ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କ ନେତୃତ୍ବରେ କେନ୍ଦ୍ର ସରକାର ଗୁରୁତ୍ବପୂର୍ଣ୍ଣ ପଦକ୍ଷେପ ଗ୍ରହଣ କରିବା ସହିତ ୬ଟି ଜିଲ୍ଲାର ୧୫ଟି ପୁଲିସ ଷ୍ଟେସନ କ୍ଷେତ୍ରରୁ ୦୧.୦୪.୨୦୨୨ ଠାରୁ ଅଶାନ୍ତ କ୍ଷେତ୍ର ବିଜ୍ଞପ୍ତି ଉଚ୍ଛେଦ କରିବା ଲାଗି ନିଷ୍ପତ୍ତି ନେଇଛନ୍ତି।

ଅରୁଣାଚଳ ପ୍ରଦେଶରେ ୩ଟି ଜିଲ୍ଲା, ଆସାମକୁ ଲାଗି ରହିଥିବା ଅରୁଣାଚଳ ପ୍ରଦେଶର ୨୦ କିଲୋମିଟର କ୍ଷେତ୍ର ଏବଂ ଅନ୍ୟ ୯ଟି ଜିଲ୍ଲାର ୧୬ଟି ପୁଲିସ ଥାନା କ୍ଷେତ୍ରରେ ଏଏଫଏସପିଏ ୨୦୧୫ ଠାରୁ ଲାଗୁ ହୋଇଥିଲା। ବର୍ତ୍ତମାନ ଏହା ମାତ୍ର ୩ଟି ଜିଲ୍ଲା ଏବଂ ଗୋଟିଏ ଜିଲ୍ଲାର ୨ଟି ପୁଲିସ ଥାନା ଅଞ୍ଚଳରେ ଲାଗୁ ହୋଇଛି। ଅଶାନ୍ତ କ୍ଷେତ୍ର ସଂଖ୍ୟା ଧୀରେ ଧୀରେ ହ୍ରାସ କରିବା ଲାଗି ସରକାର ନିଷ୍ପତ୍ତି ନେଇଛନ୍ତି।

୧୯୯୫ରେ ସମ୍ପୂର୍ଣ୍ଣ ନାଗାଲାଣ୍ଡରେ ଅଶାନ୍ତ କ୍ଷେତ୍ର ବିଜ୍ଞପ୍ତି ଲାଗୁ ହୋଇଥିଲା। କେନ୍ଦ୍ର ସରକାର ଏହି ସନ୍ଦର୍ଭରେ ଗଠିତ କମିଟିର ସୁପାରିସକୁ ଗ୍ରହଣ କରି ପର୍ଯ୍ୟାୟକ୍ରମେ ଏଏଫଏସପିଏ ଉଚ୍ଛେଦ କରିବା ପ୍ରସ୍ତାବକୁ କାର୍ଯ୍ୟକାରୀ କରିବାକୁ ପଦକ୍ଷେପ ନେଇଛନ୍ତି। ନାଗାଲାଣ୍ଡରେ ୦୧.୦୪.୨୦୨୨ ଠାରୁ ୭ଟି ଜିଲ୍ଲାର ୧୫ଟି ପୁଲିସ ଥାନା ଅଞ୍ଚଳରୁ ଅଶାନ୍ତ କ୍ଷେତ୍ର ବିଜ୍ଞପ୍ତି ବା ଏଏଫଏସପିଏ ଆଇନର ବାଧ୍ୟବାଧକତା ଉଚ୍ଛେଦ କରାଯିବ।

ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅତୁଟ ପ୍ରତିବଦ୍ଧତା କାରଣରୁ ବହୁ ଦଶନ୍ଧି ଧରି ଉପେକ୍ଷିତ ହୋଇ ରହିଥିବା ଆମ ଉତ୍ତର ପୂର୍ବାଞ୍ଚଳ ଏବେ ଶାନ୍ତି, ସମୃଦ୍ଧି ଏବଂ ଅଭୂତପୂର୍ବ ବିକାଶର ଏକ ନୂଆ ଯୁଗର ସାକ୍ଷୀ ହେଉଛି। ଏଥିପାଇଁ ସେ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଥିଲେ। ଏହି ମହତ୍ବପୂର୍ଣ୍ଣ ଅବସରରେ ଉତ୍ତର ପୂର୍ବାଞ୍ଚଳ ଲୋକମାନଙ୍କୁ ସ୍ବରାଷ୍ଟ୍ର ମନ୍ତ୍ରୀ ଅଭିନନ୍ଦନ ଜ୍ଞାପନ କରିଛନ୍ତି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ଆମ ନାଗରିକମାନଙ୍କ ଟିକାକରଣ ଲାଗି ଭାରତର ପ୍ରୟାସରେ ଆଜି ଏକ ଗୁରୁତ୍ୱପୂର୍ଣ୍ଣ ଦିନ। ୧୨ରୁ ୧୪ ବର୍ଷ ବୟସର ସବୁ ପିଲା ଏବଂ ୬୦ବର୍ଷରୁ ଉର୍ଦ୍ଧ୍ୱ ବୟସ୍କ ସମସ୍ତେ କୋଭିଡ ପ୍ରତିଷେଧକ ଟିକା ନେବାକୁ ଆଗେଇ ଆସିବାକୁ ପ୍ରଧାନମନ୍ତ୍ରୀ ଆହ୍ଵାନ କରିଛନ୍ତି।

ଏକାଧିକ ଟୁଇଟ୍‌ ମାଧ୍ୟମରେ ପ୍ରଧାନମନ୍ତ୍ରୀ କହିଛନ୍ତି ଯେ; ‘‘ଆମ ନାଗରିକମାନଙ୍କ ଟିକାକରଣ ଲାଗି ଭାରତର ପ୍ରୟାସରେ ଆଜି ଏକ ଗୁରୁତ୍ୱପୂର୍ଣ୍ଣ ଦିବସ। ଏବେ ଠାରୁ ୧୨ରୁ ୧୪ ବର୍ଷ ବୟସ୍କ ପିଲାମାନେ ଟିକା ନେବାକୁ ଯୋଗ୍ୟ ହୋଇପାରିଛନ୍ତି। ସେହିପରି ୬୦ ବର୍ଷରୁ ଅଧିକ ବୟସ୍କ ସବୁ ନାଗରିକ ଆଜି ଠାରୁ ବୁଷ୍ଟର ଡୋଜ୍‌ ନେଇପାରିବେ। ଏହି ବୟସ ବର୍ଗର ଲୋକମାନଙ୍କୁ ଟିକା ନେବା ପାଇଁ ମୁଁ ନିବେଦନ କରୁଛି।’’

‘‘ସମଗ୍ର ବିଶ୍ୱ କଥା ଚିନ୍ତା କରିବା ଲାଗି ଭାରତର ପ୍ରାଚୀନ ନୀତି ଅନୁରୂପ, ଆମେ ଭାକ୍ସିନ ମୈତ୍ରୀ କାର୍ଯ୍ୟକ୍ରମ ଅଧୀନରେ ବିଭିନ୍ନ ରାଷ୍ଟ୍ରକୁ ଟିକା ପଠାଇଛୁ। ଭାରତର ଟିକାକରଣ ପ୍ରୟାସ କୋଭିଡ-୧୯ ବିରୋଧୀ ଲଢ଼େଇକୁ ଆହୁରି ମଜବୁତ କରିଥିବାରୁ ମୁଁ ଆନନ୍ଦିତ।’’

‘‘ଆଜି, ଭାରତରେ, ଅନେକଗୁଡ଼ିଏ ‘ମେଡ୍‌ ଇନ୍‌ ଇଣ୍ଡିଆ’ ଟିକା ରହିଛି। ବିଧିବଦ୍ଧ ମୂଲ୍ୟାଙ୍କନ ପ୍ରକ୍ରିୟା ପରେ ଆମେ ଅନ୍ୟ ଟିକାଗୁଡ଼ିକୁ ମଧ୍ୟ ମଞ୍ଜୁରି ଦେଇଛୁ। ଏହି ପ୍ରାଣଘାତୀ ମହାମାରୀ ବିରୋଧୀ ଲଢ଼େଇରେ ଆମେ ଅପେକ୍ଷାକୃତ ଅଧିକ ଉନ୍ନତ ସ୍ଥିତିରେ ରହିଛୁ। ତେବେ ଆମ ସମସ୍ତଙ୍କୁ କୋଭିଡ ସଂକ୍ରାନ୍ତ ସମସ୍ତ ସତର୍କତା ଅବଲମ୍ବନ କରିବାକୁ ହେବ।’’

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ସୁରକ୍ଷା ସଂକ୍ରାନ୍ତ କ୍ୟାବିନେଟ ସମିତି (ସିସିଏସ) ବୈଠକ ଅନୁଷ୍ଠିତ ହୋଇଯାଇଛି। ସାମ୍ପ୍ରତିକ ୟୁକ୍ରେନ ସଙ୍କଟ ପରିପ୍ରେକ୍ଷୀରେ ବିଶ୍ବ ପରିଦୃଶ୍ୟରେ ଦେଖାଦେଇଥିବା ପରିବର୍ତ୍ତନ ଏବଂ ଭାରତର ସୁରକ୍ଷା ପ୍ରସ୍ତୁତି ସମୀକ୍ଷା କରାଯାଇଥିଲା।

ଭାରତର ସ୍ଥଳ ସୀମା, ସାମୁଦ୍ରିକ ସୀମା ଏବଂ ବାୟୁସୀମାରେ ସୁରକ୍ଷା ପ୍ରସ୍ତୁତିର ବିଭିନ୍ନ ଦିଗ ଏବଂ ସାମ୍ପ୍ରତିକ ସ୍ଥିତି ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ବୈଠକରେ ଅବଗତ କରାଯାଇଥିଲା।

ୟୁକ୍ରେନରେ ସାମ୍ପ୍ରତିକ ପରିସ୍ଥିତି, ୟୁକ୍ରେନରେ ଫସି ରହିଥିବା ଭାରତୀୟ ନାଗରିକ ଏବଂ ଭାରତର ପଡ଼ୋଶୀ ରାଷ୍ଟ୍ରର ନାଗରିକମାନଙ୍କୁ ଉଦ୍ଧାର କରିବା ଲାଗି ଅପରେସନ ଗଙ୍ଗା ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ବିସ୍ତୃତ ସୂଚନା ଦିଆଯାଇଥିଲା।

ଖାରକିଭ୍‌ରେ ପ୍ରାଣ ହରାଇଥିବା ଭାରତୀୟ ଛାତ୍ର ନବୀନ ଶେଖରପ୍ପାଙ୍କ ମରଶରୀର ସ୍ବଦେଶ ଫେରାଇ ଆଣିବା ଲାଗି ଯଥାସମ୍ଭବ ପଦକ୍ଷେପ ଗ୍ରହଣ କରିବା ଲାଗି ପ୍ରଧାନମନ୍ତ୍ରୀ ଶ୍ରୀ ମୋଦୀ ନିର୍ଦ୍ଦେଶ ଦେଇଛନ୍ତି।

ନୂଆଦିଲ୍ଲୀ: ୟୁକ୍ରେନରେ ଫସି ରହିଥିବା ଭାରତୀୟଙ୍କ ପାଇଁ ଆରମ୍ଭ ହୋଇଥିବା ଅପରେସନ୍ ଗଙ୍ଗା ବର୍ତ୍ତମାନ ଶେଷ ହୋଇଯାଇଛି। ସୋମବାର ଦିନ ଭାରତୀୟ ବାୟୁସେନାର ସି-୧୭ ବିମାନ ୨୦୧ ଜଣ ଭାରତୀୟଙ୍କ ସହ ରାଜଧାନୀ ଦିଲ୍ଲୀ ନିକଟ ହିନ୍ଦନ ଏୟାର ବେସକୁ ଫେରିଛି। ଏହି କ୍ରମରେ, ଭାରତ ଏହି ସଙ୍କଟରେ କିଛି ବିଦେଶୀ ନାଗରିକଙ୍କ ସହ ଅନେକ ଭାରତୀୟଙ୍କୁ ଉଦ୍ଧାର କରିଛି।

ଏହି କ୍ରମରେ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ‘ଅପରେସନ୍ ଗଙ୍ଗା’ ଅଧୀନରେ ବାଂଲାଦେଶର ୯ ନାଗରିକଙ୍କୁ ଉଦ୍ଧାର କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଜଣାଇଛନ୍ତି। ସରକାରୀ ସୂତ୍ର ଅନୁଯାୟୀ, ଏହି ଅପରେସନରେ ଭାରତ କିଛି ନେପାଳୀ, ଟ୍ୟୁନିସିଆ ଛାତ୍ରଙ୍କୁ ମଧ୍ୟ ଉଦ୍ଧାର କରିଛି। କେବଳ ଏତିକି ନୁହେଁ, ଏହି ସମୟ ମଧ୍ୟରେ ଜଣେ ପାକିସ୍ତାନୀ ମହିଳାଙ୍କ ଭିଡିଓ ମଧ୍ୟ ସାମ୍ନାକୁ ଆସିଛି। ଯେଉଁଥିରେ ସେ ନିଜକୁ ଜଣେ ପାକିସ୍ତାନୀ ମହିଳା ବୋଲି ବର୍ଣ୍ଣନା କରିଛନ୍ତି। ଯେଉଁଥିପାଇଁ ସେ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।

ସୂଚନା ଅନୁଯାୟୀ, ସୋମବାର ଦିନ ପ୍ରଧାନମନ୍ତ୍ରୀ ମୋଦୀ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଦେଶର ସର୍ବାଙ୍ଗୀନ ବିକାଶକୁ ସୁନିଶ୍ଚିତ କରିବାରେ ନେତୃତ୍ୱ ଦେଇଥିବାରୁ ତାଙ୍କୁ ପ୍ରଶଂସା କରିଛନ୍ତି ଏବଂ ଭାରତ-ବାଂଲାଦେଶ ସମ୍ପର୍କକୁ ଆହୁରି ମଜବୁତ କରିବା ପାଇଁ ତାଙ୍କ ସହ କାର୍ଯ୍ୟ କରିବାକୁ ପ୍ରତିଶ୍ରୁତି ଦେଇଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ଏକ ବିବୃତ୍ତିରେ କହିଛି ଯେ, ବାଂଲାଦେଶ ପ୍ରଧାନମନ୍ତ୍ରୀଙ୍କ ସୁରକ୍ଷା ପରାମର୍ଶଦାତା ମେଜର ଜେନେରାଲ (ଅବସରପ୍ରାପ୍ତ) ତାରିକ ଅହମ୍ମଦ ସିଦ୍ଦିକିଙ୍କୁ ମୋଦୀ ଭେଟିଛନ୍ତି ଏବଂ ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ତାଙ୍କୁ ଏହି କଥା କହିଛନ୍ତି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟେଲିଫୋନ ଯୋଗେ ରୁଷ ରାଷ୍ଟ୍ରପତି ଭ୍ଲାଦିମିର ପୁତିନଙ୍କ ସହିତ କଥା ହୋଇଛନ୍ତି। ଏହି ଆଲୋଚନା ସମୟରେ ରାଷ୍ଟ୍ରପତି ପୁତିନ ୟୁକ୍ରେନ୍‌ ସଂକ୍ରାନ୍ତ ସାମ୍ପ୍ରତିକ ଘଟଣାକ୍ରମ ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ବିସ୍ତୃତ ସୂଚନା ଦେଇଥିଲେ।

ଆଲୋଚନା ସମୟରେ ପ୍ରଧାନମନ୍ତ୍ରୀ କହିଥିଲେ ଯେ, ରୁଷ ଏବଂ ନାଟୋ ସଂଘ ମଧ୍ୟରେ ରହିଥିବା ବିବାଦ କେବଳ ସଚ୍ଚୋଟ ଏବଂ ନିଷ୍ଠାପର ଆଲୋଚନା ମାଧ୍ୟମରେ ସମାଧାନ ହୋଇପାରିବ। ଦୀର୍ଘ ସମୟ ଧରି ଭାରତର ଏହି ବିଶ୍ବାସକୁ ପ୍ରଧାନମନ୍ତ୍ରୀ ପୁନର୍ବାର ଦୋହରାଇଥିଲେ।

ପ୍ରଧାନମନ୍ତ୍ରୀ ତତ୍କାଳ ହିଂସାର ପରିସମାପ୍ତି ପାଇଁ ନିବେଦନ କରିଥିଲେ ଏବଂ କୂଟନୈତିକ ଆଲୋଚନା ଓ ବାର୍ତ୍ତାଳାପ ମାର୍ଗକୁ ଫେରି ଆସିବା ଲାଗି ସମସ୍ତ ପକ୍ଷ ସମ୍ମିଳିତ ପ୍ରୟାସ କରିବା ଆବଶ୍ୟକ ବୋଲି ସେ ଆହ୍ବାନ କରିଥିଲେ।

ୟୁକ୍ରେନରେ ଥିବା ଭାରତୀୟ ନାଗରିକ, ବିଶେଷ କରି ଛାତ୍ରଛାତ୍ରୀଙ୍କ ସୁରକ୍ଷାକୁ ନେଇ ଭାରତର ଚିନ୍ତା ସମ୍ପର୍କରେ ପ୍ରଧାନମନ୍ତ୍ରୀ ଶ୍ରୀ ମୋଦୀ ରୁଷ ରାଷ୍ଟ୍ରପତିଙ୍କୁ ଅବଗତ କରାଇଥିଲେ। ସେମାନଙ୍କୁ ନିରାପଦ ଭାବେ ସ୍ବଦେଶ ଫେରାଇ ଆଣିବା ଭାରତର ସର୍ବୋଚ୍ଚ ପ୍ରାଥମିକତା ବୋଲି ପ୍ରଧାନମନ୍ତ୍ରୀ କହିଥିଲେ।

ଆପୋସ ହିତ ଜଡ଼ିତ ପ୍ରସଙ୍ଗରେ ଉଭୟ ରାଷ୍ଟ୍ରର ଅଧିକାରୀ ଏବଂ କୂଟନୈତିକ ଦଳ ପରସ୍ପର ସହ ନିୟମିତ ଯୋଗାଯୋଗ ରକ୍ଷା କରିବେ ବୋଲି ଦୁଇ ନେତା ସହମତ ହୋଇଥିଲେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକସଭାରେ ତାଙ୍କ ସମ୍ବୋଧନ ସମୟରେ ଅନେକ କଥା ଉଲ୍ଲେଖ କରିଛନ୍ତି। ଏହି ସମୟ ମଧ୍ୟରେ ସେ କଂଗ୍ରେସର ସମସ୍ତ ଅଭିଯୋଗର ଉତ୍ତର ମଧ୍ୟ ଦେଇଛନ୍ତି ଏବଂ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ମୋଦୀ ରାହୁଲ ଗାନ୍ଧୀଙ୍କ ଭାଷଣର ଜବାବ ଦେବା ସହ ନେହେରୁ-ଇନ୍ଦିରା ଗାନ୍ଧୀ ସରକାରକୁ ସୂଚାଇ ତାଙ୍କୁ ଟାର୍ଗେଟ କରିଛନ୍ତି।

ପ୍ରଧାନମନ୍ତ୍ରୀ ମୋଦୀ ସ୍ୱରା କୋକିଲା ଲତା ମଙ୍ଗେଶକରଙ୍କୁ ଶ୍ରଦ୍ଧାଞ୍ଜଳି ଜଣାଇ ତାଙ୍କ ଅଭିଭାଷଣ ଆରମ୍ଭ କରିଥିଲେ। ସେ କହିଥିଲେ ଯେ, “ଆଦରଣୀୟ ଲତା ଦିଦିଙ୍କୁ ଦେଶ ହରାଇଛି। ଏତେ ଦିନ ଧରି ଯାହାର ସ୍ୱର ଦେଶକୁ ଆକର୍ଷିତ କରିଥିଲା, ଦେଶକୁ ପ୍ରେରଣା ଦେଇଥିଲା, ଦେଶକୁ ଭାବପ୍ରବଣତାରେ ପରିପୂର୍ଣ୍ଣ କରିଥିଲା। ଆଜି ମୁଁ ଲତା ଜୀଙ୍କୁ ଆଦରପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରୁଛି।”

ପ୍ରଧାନମନ୍ତ୍ରୀ ମୋଦୀ ରାହୁଲ ଗାନ୍ଧୀଙ୍କ ବିବୃତ୍ତିକୁ ଉଲ୍ଲେଖ କରିଛନ୍ତି। ଯେଉଁଥିରେ ସେ ଅମ୍ବାନୀ-ଆଦାନୀଙ୍କ ପରି ଶିଳ୍ପପତିମାନଙ୍କୁ କରୋନାର ଏକ ଭାରିଆଣ୍ଟ ବୋଲି ବର୍ଣ୍ଣନା କରିଥିଲେ। ପ୍ରଧାନମନ୍ତ୍ରୀ କହିଛନ୍ତି ଯେ, ଏହି ଲୋକମାନେ କିପରି ଭାରତର ଶିଳ୍ପପତିମାନଙ୍କୁ କରୋନାର ଭାରିଆଣ୍ଟ ବୋଲି କହୁଛନ୍ତି? ଯେଉଁମାନେ ଇତିହାସରୁ ଶିକ୍ଷା ଗ୍ରହଣ କରନ୍ତି ନାହିଁ, ସେମାନେ ଇତିହାସରେ ହଜିଯାଇଛନ୍ତି। ୬୦ ରୁ ୮୦ ଦଶକରେ କାହାଣୀ କ’ଣ ଥିଲା? କଂଗ୍ରେସ ସହିତ ରହିବାକୁ ଉପଭୋଗ କରୁଥିବା ଲୋକମାନେ ପଣ୍ଡିତ ନେହେରୁ ଏବଂ ଇନ୍ଦିରା ଗାନ୍ଧୀଙ୍କୁ କ’ଣ କହୁଥିଲେ? ସେମାନେ କହୁଥିଲେ ଏହା ହେଉଛି ଟାଟା ବିର୍ଲା ସରକାର। ବର୍ତ୍ତମାନ ଆପଣ ମଧ୍ୟ ସମାନ ଭାଷା କହୁଛନ୍ତି।

ପ୍ରଧାନମନ୍ତ୍ରୀ ମୋଦୀ ପୁଣିଥରେ ନେହେରୁଙ୍କ ବିଷୟରେ ଉଲ୍ଲେଖ କରିଥିଲେ। ଜବାହରଲାଲ ନେହେରୁ କହିଥିଲେ ଯେ, ବେଳେବେଳେ କୋରିଆରେ ଚାଲିଥିବା ଯୁଦ୍ଧ ମଧ୍ୟ ଆମ ଉପରେ ପ୍ରଭାବ ପକାଇଥାଏ। ଏହି କାରଣରୁ ଦ୍ରବ୍ୟର ମୂଲ୍ୟ ବଢେ ଏବଂ ଏହା ମଧ୍ୟ ଆମର ନିୟନ୍ତ୍ରଣରୁ ବାହାର ହୋଇଯାଇଥାଏ। ଦେଶର ପ୍ରଥମ ପ୍ରଧାନମନ୍ତ୍ରୀ ଦେଶ ସାମ୍ନାରେ ହାତ ଟେକି ଦେଇଥିଲେ। ପଣ୍ଡିତ ନେହେରୁ ଆହୁରି ମଧ୍ୟ କହିଥିଲେ ଯେ, ଯଦି ଆମେରିକାରେ କିଛି ଘଟେ ତେବେ ଏହା ଦ୍ରବ୍ୟର ମୂଲ୍ୟ ଉପରେ ପ୍ରଭାବ ପକାଇଥାଏ।

ଏହି ସମୟରେ ତାଙ୍କର ଅନେକ ଯୋଜନା ଗଣନା କରୁଥିବାବେଳେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଆଜି ଗରିବଙ୍କ ଘର ମଧ୍ୟ ଲକ୍ଷ ଲକ୍ଷରୁ ଅଧିକ ମୂଲ୍ୟବାନ ଅଟେ। ଯିଏ ଗରିବ ପକ୍କା ଘର ପାଇବ, ସେହି ଗରିବ ମଧ୍ୟ ଲକ୍ଷପତି ବର୍ଗରେ ଆସେ। ସ୍ୱାଧୀନତାର ଏତେ ବର୍ଷ ପରେ, ଗରିବଙ୍କ ଘରେ ଆଲୋକ ଅଛି, ତା’ପରେ ସେମାନଙ୍କର ଖୁସି ଦେଶର ଖୁସିକୁ ଶକ୍ତି ପ୍ରଦାନ କରେ। ଯଦି ଗରିବଙ୍କ ଘରେ ଗ୍ୟାସ୍ ସଂଯୋଗ ଅଛି, ଯଦି ଧୂଆଁଯୁକ୍ତ ଚୁଲିରୁ ମୁକ୍ତି ମିଳିଛି, ତେବେ ଏହାଠାରୁ ଆନନ୍ଦ କଣ ଅଛି?

ପିଏମ ମୋଦୀ କହିଛନ୍ତି ଯେ, ଦୁର୍ଭାଗ୍ୟଜନକ ଯେ ଆପଣଙ୍କ ମଧ୍ୟରୁ ଅନେକ ଅଛନ୍ତି ଯାହାର କଣ୍ଟା ୨୦୧୪ ରେ ଅଟକି ରହିଛି ଏବଂ ସେମାନେ ଏଥିରୁ ବାହାରିବାରେ ସକ୍ଷମ ନୁହଁନ୍ତି। ଏଥିପାଇଁ ଆପଣ ଏହାର ପରିଣାମ ମଧ୍ୟ ଭୋଗିଛନ୍ତି। ଦେଶର ଲୋକମାନେ ଆପଣଙ୍କୁ ଚିହ୍ନିଛନ୍ତି, କିଛି ଲୋକ ଆପଣଙ୍କୁ ପୂର୍ବରୁ ଚିହ୍ନିଛନ୍ତି, କିଛି ଲୋକ ଆପଣଙ୍କୁ ବର୍ତ୍ତମାନ ଚିହ୍ନିଛନ୍ତି ଏବଂ କିଛି ଲୋକ ଆଗାମୀ ସମୟରେ ଆପଣଙ୍କୁ ଚିହ୍ନିବାକୁ ଯାଉଛନ୍ତି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଉତ୍ତରାଖଣ୍ଡର ୧୭ହଜାର ୫୦୦ କୋଟିରୁ ଅଧିକ ଟଙ୍କାର ୨୩ଟି ପ୍ରକଳ୍ପର ଶୁଭାରମ୍ଭ ଓ ଶିଳାନ୍ୟାସ କରିଥିଲେ। ଏହି ପ୍ରକଳ୍ପର ଅବଧାରଣା ପ୍ରଥମେ ୧୯୭୬ ମସିହାରେ ହୋଇଥିଲେ ମଧ୍ୟ ଦୀର୍ଘଦିନ ଧରି ପଡି ରହିଥିଲା। ସେ ୮୭୦୦ କୋଟି ଟଙ୍କାର ସଡକ ପ୍ରକଳ୍ପର ଉଦ୍‌ଘାଟନ ଓ ଶିଳାନ୍ୟାସ ମଧ୍ୟ କରିଥିଲେ। ଦୁର୍ଗମ,ଗ୍ରାମାଞ୍ଚଳ ଓ ସୀମାନ୍ତ ଅଞ୍ଚଳରେ ସଂଯୋଗୀକରଣ ଦିଗରେ ଏହି ପ୍ରକଳ୍ପଗୁଡିକ ସହାୟକ ହେବ। କୈଳାସ ମାନସରୋବର  ଯାତ୍ରାର ସଂଯୋଗୀକରଣ ମଧ୍ୟ ଉନ୍ନତ ହେବ। ସେ  ମଧ୍ୟ ଉଦ୍ଦମସିଂ ନଗରରେ ଏମ୍ସ, ଋଷିକେଶର ଉପଗ୍ରହ କେନ୍ଦ୍ର ଓ ପିଥୋରାଗଡରେ ଜଗଜ୍ଜୀବନ ରାମ ସରକାରୀ ମେଡିକାଲ କଲେଜର ଭିତ୍ତିପ୍ରସ୍ତର ସ୍ଥାପନ କରିଥିଲେ। ସମଗ୍ର ଦେଶରେ ବିଶ୍ୱସ୍ତରୀୟ ଚିକିତ୍ସା ସୁବିଧା ଦେବା ନେଇ ପ୍ରଧାନମନ୍ତ୍ରୀଙ୍କ ଚିନ୍ତାଧାରାରେ ଏହା ଏକ ଅଂଶବିଶେଷ। ସେ କାଶୀପୁରଠାରେ ସୁଗନ୍ଧିତ ଗୁଳ୍ମରାଜି ଉଦ୍ୟାନ ଓ ସିତାରଗଞ୍ଜଠାରେ ପ୍ଲାଷ୍ଟିକ ଶିଳ୍ପ ଉଦ୍ୟାନର ଶିଳାନ୍ୟାସ କରିଥିଲେ। ଏହାଛଡା ରାଜ୍ୟବ୍ୟାପୀ ଅନ୍ୟାନ୍ୟ ବହୁମୁଖୀ ଗୃହନିର୍ମାଣ ପରିମଳ ଓ ପାନୀୟ ଜଳଯୋଗାଣ ପ୍ରକଳ୍ପର ମଧ୍ୟ ଶିଳାନ୍ୟାସ କରିଥିଲେ।

ସମବେତ ଜନତାଙ୍କୁ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ ସ୍ମୃତିଚାରଣ କରି କହିଥିଲେ ଯେ କୁମାୟୁଁ ସହ ତାଙ୍କର ବହୁ ପୁରୁଣା ସମ୍ପର୍କ ରହିଛି ଓ ଉତ୍ତରାଖଣ୍ଡୀ ଟୋପି ଦେଇ ତାଙ୍କୁ  ସମ୍ମାନୀତ କରିଥିବାରୁ ସେ ଅଞ୍ଚଳର ଜନସାଧାରଣଙ୍କୁ ଧନ୍ୟବାଦ ଜ୍ଞାପନ କରିଥିଲେ। କାହିଁକି ଏହି ଦଶନ୍ଧି ଉତ୍ତରଖଣ୍ଡର ବୋଲି ପ୍ରଧାନମନ୍ତ୍ରୀ ସବିଶେଷ ବୃତ୍ତାନ୍ତ  କହିଥିଲେ। ସେ କହିଥିଲେ ଯେ ଉତ୍ତରାଖଣ୍ଡବାସୀଙ୍କ ଶକ୍ତି ଯୋଗୁଁ ହିଁ ଏହି ଯୁଗ ଉତ୍ତରାଖଣ୍ଡର ଯୁଗ ହେବ। ଉତ୍ତରାଖଣ୍ଡରେ ବୃଦ୍ଧି ପାଉଥିବା ଆଧୁନିକ ଭିତ୍ତଭୂମି, ଚାରିଧାମ ପ୍ରକଳ୍ପ, ତିଆରି ଅଭିମୁଖୀ ରେଳପଥ ଯୋଗୁଁ ଏହି ଯୁଗ ଉତ୍ତରାଖଣ୍ଡର ଯୁଗ ହେବ। ଉତ୍ତରାଖଣ୍ଡରେ ଜଳବିଦ୍ୟୁତ, ଶିଳ୍ପ , ପର୍ଯ୍ୟଟନ, ଜୈବିକ କୃଷି ଓ ସଂଯୋଗୀକରଣ ଦିଗରେ କରିଥିବା ଉନ୍ନତି ଯୋଗୁଁ ଯୁଗ ଉତ୍ତରାଖଣ୍ଡର ଯୁଗ ହେବ।

ପ୍ରଧାନମନ୍ତ୍ରୀ ପାର୍ବତ୍ୟାଞ୍ଚଳରେ ବିକାଶଧାରା କିପରି ବିକାଶ ଚିନ୍ତାଧାରଠାରୁ ଭିନ୍ନ ତା’ର ତୁଳନାତ୍ମକ ଚିତ୍ର ପ୍ରଦାନ କରିଥିଲେ। ସେ କହିଥିଲେ ଯେ ବିକାଶ ନ ହେବା ଯୋଗୁଁ ଅନେକ ଏହି ଅଞ୍ଚଳରୁ ଅନ୍ୟ ଆଡକୁ ପଳାୟନ କରୁଛନ୍ତି। ସେ କହିଥିଲେ ଯେ ସରକାର ସବ୍‌କା ସାଥ ସବକା ବିକାଶ ଉତ୍ସାହରେ କାର୍ଯ୍ୟ କରୁଛନ୍ତି। ଏମ୍ସ ଋଷିକେଶର ଉଦ୍ଦାମସିଂ ନଗରଠାରେ ଉପଗ୍ରହ କେନ୍ଦ୍ର ଓ ପିଥରାଗଡରେ ଜଗଜ୍ଜୀବନ ରାମ ସରକାରୀ ମେଡିକାଲ କଲେଜ ରାଜ୍ୟର ସ୍ୱାସ୍ଥ୍ୟ ଭିତ୍ତିଭୂମିକୁ ମଜବୁତ କରିବ। ଆଜି ଯେଉଁ ଭିତ୍ତିପ୍ରସ୍ତର ସ୍ଥାପନ ହେଲା ତାହା ହେଉଛି ସଂକଳ୍ପର ପ୍ରସ୍ତର ଓ ସମ୍ପୂର୍ଣ୍ଣ ସଂକଳ୍ପର ସହ ତା’ର କାର୍ଯ୍ୟ ଶେଷ ହେବ। ଅତୀତରେ ଦାରିଦ୍ର‌୍ୟ ଓ ସଂଘର୍ଷ ଆଦି ସୁବିଧା ଓ ସହାବସ୍ଥାନରେ ପରିଣତ ହୋଇଛି ବୋଲି ସେ କହିଥିଲେ। ଗତ ସାତବର୍ଷ ମଧ୍ୟରେ ହର ଘର ଜଲ, ଶୌଚାଳୟ, ଉଜ୍ଜଳା ଯୋଜନା, ପିଏମ୍‌ଏୱାଇ ଯୋଗୁଁ ମହିଳାମାନଙ୍କ ମର୍ଯ୍ୟାଦା ସୁବିଧା ବୃଦ୍ଧି ଘଟିଛି।

ଆଗରୁ ଯେଉଁମାନେ ସରକାରରେ ଥିଲେ ସରକାରୀ ଯୋଜନାରେ ବିଳମ୍ବ ସେମାନଙ୍କ ସ୍ୱଭାବ ବନିଯାଇଥିଲା। “ଆଜି ଯେଉଁ ଲଖୱାର ପ୍ରକଳ୍ପ ଉତ୍ତରାଖଣ୍ଡରେ ଆରମ୍ଭ ହେଲା ତା’ର ମଧ୍ୟ ଏହି ଇତିହାସ ରହିଛି। ଏହି ପ୍ରକଳ୍ପ ୧୯୭୬ ମସିହାରେ କଳ୍ପନା କରାଯାଇଥିଲା। ଆଜି ୪୬ବର୍ଷ ପରେ ଆମ ସରକାର ଏହି କାମର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି ବିଳମ୍ବ କୌଣସି ଅପରାଧରୁ କମ୍ ନୁହେଁ,” ବୋଲି ସେ କହିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ସରକାର ଗଙ୍ଗୋତ୍ରୀ ଠାରୁ ଗଙ୍ଗାସାଗର ପର୍ଯ୍ୟନ୍ତ ଅଭିଯାନ ଚଳାଇଛନ୍ତି। ଶୌଚାଳୟ ନିର୍ମାଣ, ଉନ୍ନତ ନର୍ଦ୍ଦମା ବ୍ୟବସ୍ଥା ଯୋଗୁଁ ମଇଳା ନାଳ ପାଣି ଗଙ୍ଗାକୁ ନିଷ୍କାସିତ ହେବା  ହ୍ରାସ ପାଉଛି। ସେହିପରି ନୈନାତାଲ ହ୍ରଦ ପ୍ରତି ଧ୍ୟାନ ଦିଆଯାଇଛି। ନୈନିତାଲ  ଦେବସ୍ଥଳରେ କେନ୍ଦ୍ର ସରକାର ସର୍ବବୃହତ ଅପ୍ଟିକାଲ ଟେଲିସ୍କୋପ ମଧ୍ୟ ସ୍ଥାପନ କରିଛନ୍ତି। ଏହା କେବଳ ଦେଶ ଓ ଦେଶ ବାହାର ବୈଜ୍ଞାନିକମା୍‌ନଙ୍କୁ ନୂତନ ସୁବିଧା ଦେଇନାହିଁ, ବରଂ ଏହି ଅଞ୍ଚଳ ମଧ୍ୟ ନୂତନ ପରିଚୟ ପାଇଛି। ସେ କହିଥିଲେ ଯେ ଆଜି ଦିଲ୍ଲୀ ଏବଂ ଡେରାଡୁନ ସରକାର କେବଳ କ୍ଷମତା ଆଶାରେ ପରିଚାଳିତ ନୁହଁନ୍ତି, ସେବା ମନୋବୃତ୍ତି ଦ୍ୱାରା ପରିଚାଳିତ।

ସୀମାନ୍ତ ରାଜ୍ୟ ହେବା ସତ୍ୱେ ଅନେକ ପ୍ରତିରକ୍ଷା ସମ୍ପର୍କୀତ ଆବଶ୍ୟକତାକୁ ଅଣ ଦେଖା କରାଯାଇଥିବାରୁ ପ୍ରଧାନମନ୍ତ୍ରୀ କ୍ଷୋଭ ପ୍ରକାଶ କରିଥିଲେ। ସଂଯୋଗୀକରଣ ସହ ଜାତୀୟ ସୁରକ୍ଷାର ପ୍ରତ୍ୟେକ ଦିଗକୁ ପ୍ରତ୍ୟାଖ୍ୟାନ କରାଯାଇଥିବା ନେଇ ସେ କହିଥିଲେ ଯେ ସୈନିକକୁ ସଂଯୋଗୀକରଣ, ଆବଶ୍ୟକୀୟ ଅସ୍ତ୍ରୋପକରଣ ଇତ୍ୟାଦି ପାଇଁ ଅପେକ୍ଷା କରିବାକୁ  ପଡୁଥିଲା ଶତ୍ରୁକୁ କଡା ଟକ୍ଟର ଦେବା ପାଇଁ।

ପ୍ରଧାନମନ୍ତ୍ରୀ କହିଥିଲେ ଯେ ଉତ୍ତରଖଣ୍ଡ ବିକାଶର ଗତିକୁ ତ୍ୱରାନ୍ୱିତ କରିବାକୁ ଚାହୁଁଛି।  ସେ କହିଥିଲେ “ଆପଣମାନଙ୍କ ସ୍ୱପ୍ନଗୁଡିକ ଆମର ସଂକଳ୍ପ, ଆପଣମାନଙ୍କ ଇଚ୍ଛା ଆମର ଉତ୍ସାହ ବର୍ତ୍ତମାନ ଆପଣମାନଙ୍କ ସମସ୍ତ ଆବଶ୍ୟକତା ପୂରଣ କରିବା ହେଉଛି ଆପଣମାନଙ୍କ ଦାୟିତ୍ୱ” ସେ କହିଥିଲେ ଯେ ଉତ୍ତରାଖଣ୍ଡ ଜନସାଧାରଣ ସଂକଳ୍ପ ଏହି ଯୁଗକୁ ଉତ୍ତରାଖଣ୍ଡଯୁଗ ଭାବେ ଗଢି ତୋଳିବ। (ପିଆଇବି)