ନୂଆଦିଲ୍ଲୀ: ଚୀନରେ ରହସ୍ୟମୟ ରୋଗ ନିମୋନିଆ ମାମଲା ବଢ଼ୁଥିବାରୁ ଭାରତରେ ମଧ୍ୟ ଚିନ୍ତା ବଢ଼ିବାରେ ଲାଗିଛି। ଚୀନରେ ଶିଶୁମାନଙ୍କଠାରେ ନିମୋନିଆର ଏକ ବଡ଼ ପ୍ରକୋପ ଦେଖିବାକୁ ମିଳୁଛି। ତେବେ ଏହାର କୌଣସି ସ୍ପଷ୍ଟ କାରଣ ସାମ୍ନାକୁ ଆସିନାହିଁ। ଏହି ରୋଗରେ ପ୍ରବଳ ଜ୍ୱର ହୁଏ ଏବଂ କିଛି ପିଲାଙ୍କୁ ଫୁସଫୁସ ନଡ୍ୟୁଲ ହୁଏ। ଏହାକୁ ନେଇ ଚୀନର ଶିଶୁ ଚିକିତ୍ସାଳୟଗୁଡ଼ିକ ପ୍ରବଳ ଚାପରେ ରହିଛନ୍ତି। ସେପଟେ ଭାରତର ସ୍ୱାସ୍ଥ୍ୟ ବିଶେଷଜ୍ଞମାନେ ମଧ୍ୟ ଏହାକୁ ନେଇ ଚେତାବନୀ ଦେଉଛନ୍ତି। ଦେଶରେ ଏଭଳି ପରିସ୍ଥିତି ଉପୁଜିଲେ ତଦାରଖ ବଢ଼ାଇବା ସହ ପରିମଳ ବ୍ୟବସ୍ଥା କରିବାକୁ ଭାରତୀୟ ଡାକ୍ତରମାନେ ଆହ୍ୱାନ ଦେଇଛନ୍ତି।
ଶ୍ୱାସରୋଗ, ସଂକ୍ରମଣର ଯତ୍ନ ନିଅନ୍ତୁ
ଉତ୍ତର ଚୀନରେ ପିଲାମାନଙ୍କ ମଧ୍ୟରେ ଏଚ୯ ଏନ୨ ସଂକ୍ରମଣ ବ୍ୟାପିବା ଏବଂ ଶ୍ୱାସକ୍ରିୟା ଜନିତ ରୋଗ କୁ ଦୃଷ୍ଟିରେ ରଖି ରାମ ମନୋହର ଲୋହିଆ ହସ୍ପିଟାଲର ନିର୍ଦେଶକ ଡାକ୍ତର ଅଜୟ ଶୁକ୍ଳା ଲୋକମାନଙ୍କୁ ସତର୍କ ରହିବା, ସ୍ୱଚ୍ଛତାର ନିୟମିତ ଅଭ୍ୟାସ ପାଳନ କରିବାକୁ ପରାମର୍ଶ ଦେଇଛନ୍ତି । ଡାକ୍ତର ଶୁକ୍ଳା କହିଛନ୍ତି ଯେ ଯଦି କୌଣସି ବ୍ୟକ୍ତିଙ୍କର ଶ୍ୱାସକ୍ରିୟା ଜନିତ ରୋଗ କିମ୍ବା ସଂକ୍ରମଣ ଅଛି, ତେବେ ସେମାନେ ସତର୍କ ରହିବା ଉଚିତ । ସେମାନେ ଅନ୍ୟ ଲୋକଙ୍କଠାରୁ ଦୂରତା ରଖିବାକୁ ଚେଷ୍ଟା କରିବା ଉଚିତ । ଡାକ୍ତର ଶୁକ୍ଳା କହିଛନ୍ତି ଯେ ମୁଁ କେବଳ ଲୋକଙ୍କୁ ସତର୍କ ରହିବାକୁ ପରାମର୍ଶ ଦେବି । ଯଦି ଆପଣ ଭାବୁଛନ୍ତି ଯେ କାହାର ଏହି ଶ୍ୱାସରୋଗ କିମ୍ବା ସଂକ୍ରମଣ ଅଛି, କାରଣ ଏହି ମାମଲାଗୁଡ଼ିକ ମଧ୍ୟରୁ ଅଧିକାଂଶ ଭାଇରାଲ ହୋଇଥାଏ ଏବଂ ସେମାନେ ଏହା କରିପାରନ୍ତି । ଅନ୍ୟ ଲୋକଙ୍କଠାରୁ ଦୂରତା ରଖିବାକୁ ଚେଷ୍ଟା କରନ୍ତୁ ଯାହାଦ୍ୱାରା ଏହା ଅନ୍ୟ କାହାକୁ ବ୍ୟାପିବ ନାହିଁ ।
କ’ଣ କରିବେ, କ’ଣ କରିବେ ନାହିଁ
ଡାକ୍ତର ଶୁକ୍ଳା କହିଛନ୍ତି ଯେ ଯଦି ଆପଣ ବାହାରକୁ ଯାଉଛନ୍ତି, ତେବେ ଆମେ ମଧ୍ୟ ପ୍ରଦୂଷଣର ସମ୍ମୁଖୀନ ହେଉଛୁ । ଏଭଳି ପରିସ୍ଥିତିରେ ମାସ୍କ ବ୍ୟବହାର କରିବା ଭଲ । ହାତ ଧୋଇ ସୁରକ୍ଷିତ ଓ ସୁସ୍ଥ ବ୍ୟବହାର ବଜାୟ ରଖନ୍ତୁ ବୋଲି ସେ କହିଛନ୍ତି । ଡାକ୍ତର ଶୁକ୍ଳା କହିଛନ୍ତି ଯେ, ଯଦି ପିଲାମାନେ ସ୍କୁଲ ଯାଉଛନ୍ତି, ତେବେ ସେମାନଙ୍କୁ କାଶ, ଥଣ୍ଡା, ଜ୍ୱର କିମ୍ବା ଅନ୍ୟ କୌଣସି ଲକ୍ଷଣ ଯେପରି ନ ହୁଏ ସେଥିପ୍ରତି ବିଶେଷ ଧ୍ୟାନ ଦିଅନ୍ତୁ । ପିଲାମାନଙ୍କ ସହ କଥା ହୁଅନ୍ତୁ ଏବଂ ପଚାରନ୍ତୁ ଯେ ସେମାନଙ୍କ ଶ୍ରେଣୀର କୌଣସି ପିଲା ଅସୁସ୍ଥ ଅଛନ୍ତି କି ନାହିଁ, ଏବଂ ଯଦି ଏପରି ହୁଏ, ତେବେ ସ୍କୁଲ ଶିକ୍ଷକଙ୍କୁ ଏ ବିଷୟରେ ସୂଚନା ଦିଅନ୍ତୁ । ଯଦି ଆପଣଙ୍କ ପିଲା ଅସୁସ୍ଥ, ତେବେ ତାଙ୍କୁ ସ୍କୁଲ ପଠାନ୍ତୁ ନାହିଁ ।
ଚୀନ ରୋଗର ଆଶଙ୍କା କେତେ ?
ଏ ନେଇ କିଛି କହିବା ଶୀଘ୍ର ହେବ ବୋଲି ଡାକ୍ତର ଶୁକ୍ଳା କହିଛନ୍ତି । ସେ କହିଛନ୍ତି ଯେ ବର୍ତ୍ତମାନ ଏ ବିଷୟରେ ବହୁତ କମ୍ ସୂଚନା ଅଛି । ଡବ୍ଲ୍ୟୁଏଚ୍ଓ ନିଶ୍ଚିତ ଭାବରେ ଏହାକୁ ନେଇ ବହୁତ ଚିନ୍ତିତ । ଏଥିସହିତ ସେ ଚୀନ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରୁଛନ୍ତି, ଯାହାଦ୍ୱାରା ସୂଚନା ମିଳିପାରିବ । ଡାକ୍ତର ଶୁକ୍ଳା କହିଛନ୍ତି ଯେ ବର୍ତ୍ତମାନ ସୁଦ୍ଧା ଯେଉଁ ଚିତ୍ର ସାମ୍ନାକୁ ଆସୁଛି ତାହା ହେଉଛି ଶ୍ୱାସଜନିତ ରୋଗରେ ପୀଡ଼ିତ ଛୋଟ ପିଲାଙ୍କ ସଂଖ୍ୟାରେ ବ୍ୟାପକ ବୃଦ୍ଧି ଘଟିଛି । ଚୀନର କେତେକ କେନ୍ଦ୍ରରେ ଦୈନିକ ପ୍ରାୟ ୧୨୦୦ ପିଲାଙ୍କ ସଂଖ୍ୟା ବୃଦ୍ଧି ପାଉଛି ଯାହା ଏକ ବିପୁଳ ସଂଖ୍ୟା । ଅନେକ ସ୍କୁଲ ପିଲାଙ୍କୁ ସ୍କୁଲ ଭିତରେ ନିଜ କ୍ଲାସକୁ ନ ଆସିବାକୁ କହିଛନ୍ତି । ତେଣୁ ପରିସ୍ଥିତି ନିଶ୍ଚିତଭାବେ ବାଧାପ୍ରାପ୍ତ ହୋଇଛି ।
କ’ଣ କହୁଛନ୍ତି ସରକାର ?
ଏହି ପରିପ୍ରେକ୍ଷୀରେ ସରକାର କହିଛନ୍ତି ଯେ ଚୀନରେ ଇନଫ୍ଲୁଏଞ୍ଜା ପରିସ୍ଥିତି ଯୋଗୁଁ ଯେକୌଣସି ପ୍ରକାର ଜରୁରୀକାଳୀନ ପରିସ୍ଥିତିର ମୁକାବିଲା କରିବାକୁ ଭାରତ ପ୍ରସ୍ତୁତ ଅଛି । କେନ୍ଦ୍ର ସ୍ୱାସ୍ଥ୍ୟ ମନ୍ରାଏଞଳୟ କହିଛି ଯେ ଉତ୍ତର ଚୀନର ପିଲାମାନଙ୍କ ମଧ୍ୟରେ ଶ୍ୱାସରୋଗ ଏବଂ ଏଚ୯ ଏନ୨ ସଂକ୍ରମଣ ମାମଲା ଉପରେ ତୀକ୍ଷ୍ଣ ନଜର ରଖାଯାଇଛି । ମନ୍ରାତ୍ଳୟ କହିଛି ଯେ ଚୀନରେ ଦେଖାଦେଇଥିବା ଏଭିଆନ୍ ଇନଫ୍ଲୁଏଞ୍ଜା ଏବଂ ଶ୍ୱାସକ୍ରିୟା ଜନିତ ରୋଗରେ ଭାରତ କମ୍ ବିପଦରେ ଅଛି । ନିକଟରେ ସ୍ୱାସ୍ଥ୍ୟ ସେବା ମହାନିର୍ଦ୍ଦେଶାଳୟଙ୍କ ନେତୃତ୍ୱରେ ଏକ ବୈଠକ ଅନୁଷ୍ଠିତ ହୋଇଥିଲା ବୋଲି ମନ୍ରାଶ୍ଳୟ ପକ୍ଷରୁ ସୂଚନା ଦିଆଯାଇଛି । ଅକ୍ଟୋବରମାସରେ ଚୀନରେ ଜଣେ ବ୍ୟକ୍ତି ଏଚ୯ ଏନ୨ (ଏଭିଆନ୍ ଇନଫ୍ଲୁଏଞ୍ଜା ଭାଇରସ୍) ଦ୍ୱାରା ସଂକ୍ରମିତ ହୋଇଥିବା ନେଇ ଡବ୍ଲ୍ୟୁଏଚ୍ଓକୁ ଦିଆଯାଇଥିବା ସୂଚନା ଆଧାରରେ ଭାରତରେ ଏଭିଆନ୍ ଇନଫ୍ଲୁଏଞ୍ଜା ମାମଲାର ମୁକାବିଲା ପାଇଁ ପ୍ରସ୍ତୁତିର ଅଂଶ ବିଶେଷଭାବେ ଆବଶ୍ୟକ ପଦକ୍ଷେପ ସମ୍ପର୍କରେ ଆଲୋଚନା ହୋଇଥିଲା ।
