Tag: ନୂତନ ତହସିଲଦାର

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ତହସିଲ କାର୍ଯ୍ୟାଳୟରେ ନୁତନ ତହସିଲଦାର ଭାବେ ସପନ କୁମାର ସାହୁ ଯୋଗଦେଇଛନ୍ତି। ପୁର୍ବରୁ ସେ ଦେବଗଡ଼ ଜିଲ୍ଲାରେ ଡେପୁଟି କଲେକ୍ଟର ଭାବେ କାର୍ଯ୍ୟ କରୁଥିଲେ।

ସୁଚନା ଥାଉକି ପୁର୍ବରୁ କାର୍ଯ୍ୟରତ ତହସିଲଦାର କଲ୍ୟାଣୀ ସଙ୍ଘମିତ୍ରାଙ୍କ ର ରାୟଗଡ଼ା ଉପଜିଲ୍ଲାପାଳ ଭାବେ ବଦଳି ହେବା ପରେ ଏହି ଆସନ ଖାଲି ଥିଲା। ବର୍ତ୍ତମାନ ନୂତନ ତହସିଲଦାର ଭାବେ ଯୋଗ ଦେବା ପରେ ସପନ କୁମାର ସାହୁ ତୃଣମୁଳ ସ୍ତରରେ ଥିବା ବିଭିନ୍ନ ସମସ୍ୟାର ସମାଧାନ ପାଇଁ ଜନସାଧାରଣଙ୍କ ସହଯୋଗ କାମନା କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲାର ଗଞ୍ଜାମ ତହସିଲ ରାଜସ୍ୱ କାର୍ଯ୍ୟାଳୟରେ କୁଞ୍ଜବିହାରୀ ବଡ଼ଜେନା ନୁତନ ତହସିଲଦାର ଭାବେ ଯୋଗ ଦେଇଛନ୍ତି। ସେ ଏହା ପୁର୍ବରୁ ଖୋର୍ଦ୍ଧା ଜିଲ୍ଲା ବାଣପୁର ତହସିଲଦାର ଭାବେ କାର୍ଯ୍ୟ କରୁଥିଲେ ଓ ଗଞ୍ଜାମ ତହସିଲଦାର ଭାବେ ଯୋଗ ଦେବା ପରେ ଅଞ୍ଚଳର ଜନସାଧାରଣଙ୍କର ତୃଣମୂଳ ସ୍ତରରେ ଥିବା ସମସ୍ୟାର ସମାଧାନ ପାଇଁ ଅଞ୍ଚଳବାସୀଙ୍କ ସହଯୋଗ କାମନା କରିଛନ୍ତି।

ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲରେ ଆଜି ନୂତନ ତହସିଲଦାର ଭାବେ କାର୍ଯ୍ୟରେ ଯୋଗଦେଇଛନ୍ତି ବରିଷ୍ଠ ଓଏଏସ ଅଧିକାରିଣୀ ମିତାଲି ପାତ୍ର। ଶ୍ରୀମତୀ ପାତ୍ର ୨୦୧୧ ବ୍ୟାଚ ଓଏଏସ ଅଧିକାରିଣୀ ଏବଂ ବରିଷ୍ଠ ପାହ୍ୟାକୁ ପଦୋନ୍ନତି ପାଇବା ସହ ଏହା ପୁର୍ବରୁ ସେ ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟରେ ଡେପୁଟି ଜିଲ୍ଲାପାଳ ଭାବେ କାର୍ଯ୍ୟରତ ଥିଲେ। ସେଠାରେ ବହୁ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ବହନ କରି ଜିଲ୍ଲାର ଉନ୍ନତି ଦିଗରେ ଏକାଧିକ କାର୍ଯ୍ୟ କରିଛନ୍ତି ଶ୍ରୀମତୀ ପାତ୍ର।

ତେବେ ନିକଟରେ ତାଙ୍କ ବଦଳି ଟାଙ୍ଗୀ ତହସିଲଦାର ଭାବେ ହୋଇଥିବା ବେଳେ ଆଜି କାର୍ଯ୍ୟାଭାର ଗ୍ରହଣ କରିଛନ୍ତି ଶ୍ରୀମତୀ ପାତ୍ର। ଟାଙ୍ଗୀ ଖୋର୍ଦ୍ଧା ଜିଲ୍ଲାର ଏକ ଗୁରୁତ୍ୱପୂର୍ଣ୍ଣ ତହସିଲ ହେବା ସହ ଲଘୁ ଖଣିଜ ଦ୍ରବ୍ୟରେ ପରିପୂର୍ଣ୍ଣ। ତେଣୁ ବେଆଇନ ଲଘୁ ଖଣିଜ ଦ୍ରବ୍ୟ ଚୋରାଚାଲାଣ ରୋକିବା ନୂତନ ତହସିଲଦାରଙ୍କ ପାଇଁ ଚ୍ୟାଲେଞ୍ଜ ରହିବ।

ବାଣପୁର (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ବାଣପୁର ତହସିଲରେ ଆଜି ନୂତନ ତହସିଲଦାର ଭାବେ କାର୍ଯ୍ୟରେ ଯୋଗଦେଇଛନ୍ତି ବରିଷ୍ଠ ପ୍ରଶାସକ ଟି. ପଦ୍ମନାଭ ଦୋରା। ଶ୍ରୀ ଦୋରା ୨୦୧୫ ଓଏଏସ ଅଧିକାରୀ ହୋଇଥିବା ବେଳେ ନିକଟରେ ବରିଷ୍ଠ ପାହ୍ୟାକୁ ପଦୋନ୍ନତି ପାଇଛନ୍ତି।

ଏହା ପୁର୍ବରୁ ସେ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ତହସିଲଦାର ଭାବେ ଦୀର୍ଘ ୪ ବର୍ଷରୁ ଉର୍ଦ୍ଧ୍ଵ ସମୟ କାର୍ଯ୍ୟରତ ଥିଲେ। ଜଣେ ସଫଳ ପ୍ରଶାସକ ଏବଂ ଜନପ୍ରିୟ ଅଧିକାରୀ ଭାବେ ବେଶ ଜଣାଶୁଣା ଶ୍ରୀ ଦୋରା। ସ୍ୱାଭିମାନ ଅଞ୍ଚଳ ଅନ୍ତର୍ଗତ ଚିତ୍ରକୋଣ୍ଡା ପରି ମାଓବାଦୀ ଅଞ୍ଚଳରେ ବେଶ ଦକ୍ଷତାର ସହ ନିଜ କାର୍ଯ୍ୟ ନିର୍ବାହ କରି ଜନପ୍ରିୟ ହୋଇପାରିଛନ୍ତି ଶ୍ରୀ ଦୋରା।

ଏହା ପୁର୍ବରୁ ସେ ଦୀର୍ଘ ୩ ବର୍ଷ ଧରି ରାୟଗଡା ଜିଲ୍ଲା ପଦ୍ମପୁର ତହସିଲଦାର ଏବଂ ବହୁ ବର୍ଷ ଧରି ବାଲେଶ୍ୱର ଜିଲ୍ଲାପାଳଙ୍କ କାର୍ଯ୍ୟାଳୟରେ ଡେପୁଟି ଜିଲ୍ଲାପାଳ ଭାବେ କାର୍ଯ୍ୟରତ ଥାଇ ଜରୁରୀକାଳୀନ ଓ ନିର୍ବାଚନ ପରି ଗୁରୁତ୍ୱପୂର୍ଣ୍ଣ ବିଭାଗର ମଙ୍ଗ ଧରିଥିଲେ। ବାଲେଶ୍ୱର ଜିଲ୍ଲାରେ ବାତ୍ୟା ଫାଇଲିନ ଏବଂ ସାଧାରଣ ନିର୍ବାଚନକୁ ବେଶ ସଫଳତାର ସହକାରେ ପରିଚାଳନା କରିପାରିଥିଲେ ଶ୍ରୀ ଦୋରା।

ବାଣପୁର ଖୋର୍ଦ୍ଧା ଜିଲ୍ଲାର ଏକ ବୃହତ ଓ ବ୍ୟସ୍ତବହୁଳ ତହସିଲ ହୋଇଥିବା ବେଳେ ଜନସାଧାରଣଙ୍କ ଅଭିଯୋଗର ତ୍ୱରିତ ସମାଧାନ ଏବଂ ସରକାରଙ୍କ ୫-ଟି ଉପକ୍ରମରେ ବିଭିନ୍ନ ଲୋକାଭିମୁଖୀ ଯୋଜନାର ସଠିକ ରୂପାୟନକୁ ଗୁରୁତ୍ୱ ଦେବେ ବୋଲି ଆମ ପ୍ରତିନିଧିଙ୍କୁ କହିଛନ୍ତି ନୂତନ ତହସିଲଦାର ଶ୍ରୀ ଦୋରା।

ସୀତାରାମ ଅଗ୍ରୱାଲ

ଚିଲିକା: ଆଜି ଖୋର୍ଦ୍ଧା ଜିଲ୍ଲା ଚିଲିକା ତହସିଲରେ ନୂତନ ତହସିଲଦାର ଭାବେ ଓଏଏସ ଅଧିକାରୀ ଦିଲ୍ଲୀପ କୁମାର ଷଡ଼ଙ୍ଗୀ କାର୍ଯ୍ୟରେ ଯୋଗ ଦେଇଛନ୍ତି। ଶ୍ରୀ ଷଡ଼ଙ୍ଗୀ ଏହା ପୁର୍ବରୁ ପୁରୀ ଜିଲ୍ଲା ଡେଲାଙ୍ଗ ବ୍ଲକ ବିଡ଼ିଓ ଭାବେ ଦୁଇ ବର୍ଷ ଧରି କାର୍ଯ୍ୟରତ ଥିଲେ। ଅପରାହ୍ନରେ ଚିଲିକା ବିଡ଼ିଓଙ୍କ ଠାରୁ କାର୍ଯ୍ୟଭାର ଗ୍ରହଣ କରିବା ପରେ ତହସିଲର ସମସ୍ତ କର୍ମଚାରୀ ମାନେ ଶ୍ରୀ ଷଡ଼ଙ୍ଗୀଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ।

ସୂଚନା ଥାଉକି କିଛି ଦିନ ତଳେ ଚିଲିକା ପୂର୍ବତନ ତହସିଲଦାର ପ୍ରଦୀପ ସାହୁଙ୍କ ଆଠଗଡ଼ ବିଡ଼ିଓ ଭାବେ ବଦଳି ହେଲା ପରେ ଉକ୍ତ ପଦବୀ ଖାଲି ପଡିଥିଲା। ତେବେ ଗତ ଏକ ବର୍ଷ ଦୁଇ ମାସ ମଧ୍ୟରେ ଦୁଇ ଦୁଇ ଥର ଚିଲିକା ତହସିଲଦାର ବଦଳିବା ଘଟଣାକୁ ଜନସାଧାରଣ ମାନେ ସନ୍ଦେହ ଦୃଷ୍ଟିରେ ଦେଖୁଛନ୍ତି। ବାରମ୍ବାର ଅଧିକାରୀଙ୍କ ବଦଳି ହେବା ଫଳରେ ତହସିଲ ରେ ଉନ୍ନୟନ କାର୍ଯ୍ୟ ଧିମା ପଡିଯାଉଛି।

ଚିଲିକା ତହସିଲ ଅଞ୍ଚଳରେ ବାଲି ମାଫିଆ ସକ୍ରିୟ ଥିବା ବେଳେ, ଚିଲିକା ହ୍ରଦରେ ବେଆଇନ ଚିଙ୍ଗୁଡ଼ି ଘେରି ଉଚ୍ଛେଦକୁ ନେଇ ଉଚ୍ଚ ନ୍ୟାୟାଳୟ ଶକ୍ତ ହୋଇଛନ୍ତି। ଅନୁରୂପ ଭାବେ ଉକ୍ତ ଅଞ୍ଚଳରେ ରାଜନୈତିକ ସ୍ଥିତି ମଧ୍ୟ ସମ୍ବେଦନଶିଳ ରହିଛି। ଏପରି ପରିସ୍ଥିତିରେ ନୂତନ ତହସିଲଦାରଙ୍କ ପାଇଁ ଅଞ୍ଚଳରେ ଏକାଧିକ ଚ୍ୟାଲେଞ୍ଜ ରହିବ ବୋଲି ବୁଦ୍ଧିଜୀବୀମାନେ ଆଲୋଚନା କରୁଛନ୍ତି।

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ତହସିଲରେ ନୂତନ ତହସିଲଦାର ଭାବେ ପ୍ରଦୀପ କୁମାର ସାହୁ ଆଜି କାର୍ଯ୍ୟରେ ଯୋଗଦେଇଛନ୍ତି। ଶ୍ରୀ ସାହୁ ଏହା ପୁର୍ବରୁ କଟକ ଜିଲ୍ଲା ନରସିଂହପୁର ବିଡ଼ିଓ ଭାବେ କାର୍ଯ୍ୟରତ ଥିଲେ। ଦୀର୍ଘ ଦୁଇ ବର୍ଷ ଧରି ନରସିଂହପୁର ବ୍ଲକ ଦାଇତ୍ୱ ତୁଲାଇଥିବା ସମୟରେ ସେଠାରେ ଏକାଧିକ ଉନ୍ନୟନ କାମ ସହ ସରକାରଙ୍କ ବିଭିନ୍ନ ଜନହିତକାରି ଯୋଜନା ଗୁଡିକର ସଫଳ ରୂପାୟନ କରିବାରେ ସଫଳ ହୋଇପାରିଥିଲେ ଶ୍ରୀ ସାହୁ।

ଆଜି ଅପରାହ୍ନରେ ଶ୍ରୀ ସାହୁ ତହସିଲ କାର୍ଯ୍ୟାଳୟ ପହଞ୍ଚି ବିଦାୟୀ ତହସିଲଦାର ସୁରେଶ ଚନ୍ଦ୍ର ପଣ୍ଡାଙ୍କ ଠାରୁ କାର୍ଯ୍ୟାଭାର ଗ୍ରହଣ କରିଥିଲେ। ଏହାପରେ ତହସିଲର ସମସ୍ତ କର୍ମଚାରୀମାନେ ନୂତନ ତହସିଲଦାରଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ।

ଜନସାଧାରଣଙ୍କ ଅଭିଯୋଗକୁ ପ୍ରାଥମିକତା ଦେବା ସହ ୫-ଟିର କାର୍ଯ୍ୟକାରିତାକୁ ଗୁରୁତ୍ୱ ଦେବେ ବୋଲି ନୂତନ ତହସିଲଦାର ଶ୍ରୀ ସାହୁ ଗଣମାଧ୍ୟମକୁ କହିଛନ୍ତି।

ସୀତାରାମ ଅଗ୍ରୱାଲ

ଚିଲିକା: ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଚିଲିକା ତହସିଲରେ ନୂତନ ତହସିଲଦାର ଭାବେ କାର୍ଯ୍ୟରେ ଯୋଗ ଦେଇଛନ୍ତି ଓଏଏସ ଅଧିକାରୀ ସୁରେଶ ଚନ୍ଦ୍ର ପଣ୍ଡା। ଶ୍ରୀ ପଣ୍ଡା ଏହା ପୂର୍ବରୁ ଢେଙ୍କାନାଳ ତହସିଲରେ ତହସିଲଦାର ଭାବେ କାର୍ଯ୍ୟରତ ଥିଲେ।

ତେବେ ଚିଲିକା ତହସିଲ ପାଇଁ କଣ ସବୁ ପ୍ରାଥମିକତା ରହିବ ବୋଲି ଆମ ପ୍ରତିନିଧି ପଚାରିବାରୁ ୫-ଟି ଅନ୍ତର୍ଗତ ହିତାଧିକାରୀଙ୍କ ଜରୁରୀ କାର୍ଯ୍ୟଗୁଡ଼ିକୁ କିପରି ନିର୍ଦ୍ଦିଷ୍ଟ ସମୟ ବ୍ୟବଧାନରେ ସମ୍ପାଦନ କରାଯାଇପାରିବ ତାହାକୁ ପ୍ରାଥମିକତା ଦିଆଯିବ ବୋଲି ତହସିଲଦାର ଶ୍ରୀ ପଣ୍ଡା କହିଛନ୍ତି।

ଆଜି କାର୍ଯ୍ୟଭାର ସମ୍ଭାଳିବା ପରେ ତହସିଲର ସମସ୍ତ କର୍ମଚାରୀ ନୂତନ ତହସିଲଦାରଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ। ସୂଚନା ଥାଉକି ଚିଲିକା ପୂର୍ବତନ ତହସିଲଦାର ପୁନମ ମହାପାତ୍ରଙ୍କ ନିକଟରେ ଭୁବନେଶ୍ୱର ଅତିରିକ୍ତ ତହସିଲଦାର ଭାବେ ବଦଳି ହେବା ପରେ ଚିଲିକା ତହସିଲଦାର ପଦବୀ ଖାଲି ପଡିଥିଲା।