ନୂଆଦିଲ୍ଲୀ: ପ୍ରସିଦ୍ଧ ଲେଖକ ସଲମାନ ରୁଶଦୀଙ୍କ ପରବର୍ତ୍ତୀ ଉପନ୍ୟାସ ଭାରତ ଉପରେ ଆଧାରିତ ହୋଇପାରେ ଏବଂ ସେ ଏହାକୁ ଲେଖିବା ପାଇଁ ପୁଣି ଥରେ ଏଠାକୁ ଫେରିପାରନ୍ତି। ନ୍ୟୁୟର୍କରେ ରହୁଥିବା ରୁଶଦୀ ନିଜେ ରବିବାର ଏକ ଭର୍ଚୁଆଲ୍ ପ୍ରୋଗ୍ରାମରେ ଏ ବିଷୟରେ ସୂଚନା ଦେଇଛନ୍ତି। ରୁଶଦୀ ନିଜେ ଭାରତରେ ଜନ୍ମଗ୍ରହଣ କରିଥିଲେ। ୨୦୧୨ ମସିହା ପରେ ପ୍ରଥମ ଥର ପାଇଁ ରୁଶଦୀ ଭାରତରେ ଏକ ସାହିତ୍ୟ ଉତ୍ସବରେ ଭାଗ ନେଇଥିଲେ। ୨୦୧୨ ମସିହାରେ ଜୟପୁର ସାହିତ୍ୟିକ ଫେଷ୍ଟରେ ବିବାଦ ହେବାରୁ ସେ ହଟିଯାଇଥିଲେ।
ସଲମାନ ୨୦୧୨ ମସିହା ରବିବାର ଦିନ ଟାଇମ୍ସ ସାହିତ୍ୟିକ ଫେଷ୍ଟରେ ଅଂଶଗ୍ରହଣ କରିଥିଲେ। ରୁଶଦୀ କହିଛନ୍ତି ଯେ, “ଗତ ଦଶ ବର୍ଷ ଧରି ମୁଁ ପାଶ୍ଚାତ୍ୟ ଦେଶ ଉପରେ ଆଧାର କରି ଉପନ୍ୟାସ ଲେଖୁଥିଲି। ବର୍ତ୍ତମାନ ମୁଁ ଏକ ପୁସ୍ତକ ଲେଖିବାକୁ ଯାଉଛି ଯାହା ସମ୍ପୂର୍ଣ୍ଣ ରୂପେ ଭାରତୀୟ ପରିବେଶ ଉପରେ ଆଧାରିତ ହେବ। ଯାହାର ଅର୍ଥ ହେଉଛି ମୋତେ ସେଠାକୁ ଆସିବାକୁ ପଡିବ।”୧୯୮୮ ରେ ରୁଶଦୀଙ୍କ ଦ୍ୱାରା ଲିଖିତ ବିବାଦୀୟ ଉପନ୍ୟାସ ‘ଦି ସତାନିକ ଭର୍ସେସ’ ଭାରତରେ ନିଷେଦ୍ଧ ହୋଇଛି।
କାଳ୍ପନିକ ପ୍ରତି ଲେଖକଙ୍କ ସଚ୍ଚୋଟତା ବିଷୟରେ ରୁଶଦୀ କହିଛନ୍ତି, “ଯେତେବେଳେ ସମଗ୍ର ବିଶ୍ୱ ମିଥ୍ୟାରେ ପରିପୂର୍ଣ୍ଣ, ତୁମେ କାହିଁକି ଏହି ପରିବେଶରେ ନିଜ ସହିତ କଥାବାର୍ତ୍ତା କରୁଛ? ମୋର ବିଶ୍ୱାସ ଯେ କାଳ୍ପନିକ ମିଥ୍ୟାଠାରୁ ଭିନ୍ନ ଅଟେ। ସାହିତ୍ୟର ଉଦ୍ଦେଶ୍ୟ ହେଉଛି ଆମେ କିଏ ଏବଂ କାହିଁକି ବର୍ଣ୍ଣନା କରି ମଣିଷର ସତ୍ୟତା ଆଡକୁ ଯିବାକୁ ପଡିବ। ଯେଉଁଠାରେ ମିଥ୍ୟାର କେବଳ ଗୋଟିଏ ଉଦ୍ଦେଶ୍ୟ ଅଛି ଏବଂ ତାହା ହେଉଛି ସତ୍ୟକୁ ଲୁଚାଇବା। କ୍ଷମତାରେ ଥିବା ଲୋକମାନେ ସର୍ବଦା ଲେଖକଙ୍କ ଉପରେ ଆକ୍ରମଣ କରିଆସୁଛନ୍ତି। ”
ଏହି କାର୍ଯ୍ୟକ୍ରମରେ ୭୪ ବର୍ଷିୟ ସଲମାନ ରୁଶଦୀ କହିଛନ୍ତି, “ମୁଁ ପ୍ରାୟ ସାତ ବର୍ଷ ପୂର୍ବେ ମୁମ୍ବାଇ ଆସିଥିଲି। ବେଳେବେଳେ ଏଠାକୁ ଆସିବା ମୋ ପକ୍ଷେ ସହଜ ନୁହେଁ। ବେଳେବେଳେ ଧାର୍ମିକ ବିରୋଧ ଯୋଗୁଁ ଏବଂ ବେଳେବେଳେ ସୁରକ୍ଷା କାରଣରୁ ଏହା ମୋ ପାଇଁ ସହଜ ନୁହେଁ। କୋଲବାର ଜନଗହଳି ଅଞ୍ଚଳରେ ସାଙ୍ଗମାନଙ୍କ ସହ ମିଶି ଏଏଫଆଇ ପିଇବା ସହଜ ନୁହେଁ। ଯେତେବେଳେ ଆପଣଙ୍କ ସୁରକ୍ଷା ପାଇଁ ଏତେ ଲୋକ ଲଗାଇଦିଆଯାଏ, ସେତେବେଳେ ମଣିଷ ଜୀବନ ଜିଇବା ସହଜ ହୋଇନଥାଏ।
ରୁଶଦୀ ନିଜକୁ ‘ବମ୍ବେ ବାଳକ’ ବୋଲି କହି ବହୁତ ଆନନ୍ଦିତ ହୁଅନ୍ତି। ମୁମ୍ବାଇ ବ୍ୟତୀତ ସେ ଲଣ୍ଡନ ଏବଂ ନ୍ୟୁୟର୍କରେ ରହୁଛନ୍ତି। ତଥାପି, ତାଙ୍କ କାହାଣୀ ସବୁବେଳେ ବିଭିନ୍ନ ଉପାୟରେ ମୁମ୍ବାଇର ବ୍ରିଚ କ୍ୟାଣ୍ଡି ଅଞ୍ଚଳର ଝଲକ ଦେଇଥାଏ। ଏହା ହେଉଛି ସେହି ସ୍ଥାନ ଯେଉଁଠାରେ ରୁଶଦୀଙ୍କ ପିଲାଦିନ ଅତିବାହିତ ହୋଇଥିଲା।