ନୂଆଦିଲ୍ଲୀ: ରାଜଧାନୀ ଦିଲ୍ଲୀର ଉତ୍ତର-ପୂର୍ବ ଅଞ୍ଚଳରେ ଥିବା ଗୋକୁଲପୁରୀରେ ଅବସ୍ଥିତ ବସ୍ତିରେ ଏକ ବଡ଼ ଅଗ୍ନିକାଣ୍ଡ ଘଟିଛି। ନିଆଁରେ ୭ ଜଣଙ୍କର ମୃତ୍ୟୁ ହୋଇଛି। ବସ୍ତି ଜଳୁଥିବା ସମୟରେ ଧୂଆଁ ଚାରିଆଡେ ବ୍ୟାପିଯାଇଥିଲା। ସୂଚନା ପାଇବା ପରେ ପ୍ରାୟ ୧୩ ଟି ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ନିଆଁକୁ ଆୟତ୍ତ କରିବା ପାଇଁ ଅଗ୍ନିଶମ ବାହିନୀ ଅନେକ ଘଣ୍ଟା ପରିଶ୍ରମ କରିଥିଲେ। ସୂଚନା ଅନୁଯାୟୀ, ଏହି ଭୟଙ୍କର ଅଗ୍ନିକାଣ୍ଡରେ ପ୍ରାୟ ୬୦ ଟି ଝୁପୁଡି ପୋଡି ଯାଇଛି।
