ନୂଆଦିଲ୍ଲୀ: ରୋହିତ ଶର୍ମାଙ୍କ ଅଧିନାୟକତ୍ୱରେ ଭାରତୀୟ କ୍ରିକେଟ୍ ଦଳ ଆଜି ଟି-୨୦ ବିଶ୍ୱକପ୍ ସୁପର ୧୨ ରେ ‘ବ୍ଲକବଷ୍ଟର’ ମ୍ୟାଚ୍ରେ ପ୍ରତିଦ୍ୱନ୍ଦ୍ୱୀ ପାକିସ୍ତାନ ବିପକ୍ଷରେ ମୁହାଁମୁହିଁ ହୋଇଛି। ଏହି ମ୍ୟାଚ୍ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ। ଚଳିତ ବର୍ଷ ଉଭୟ ଦଳର ଏହା ତୃତୀୟ ଲଢେଇ। ଏହାପୂର୍ବରୁ ଏସିଆ କପରେ ଦୁହେଁ ଦୁଇଥର ମୁହାଁମୁହିଁ ହୋଇଥିଲେ, ଯେଉଁଠାରେ ଉଭୟ ଦଳ ୧-୧ ମ୍ୟାଚ ଜିତିଥିଲେ।
ମେଲବୋର୍ଣ୍ଣରେ ଆକାଶ ବର୍ତ୍ତମାନ ସମ୍ପୂର୍ଣ୍ଣ ସଫା ରହିଛି। ବର୍ତ୍ତମାନ ମେଲବର୍ଣ୍ଣର ଆକାଶରେ ସୂର୍ଯ୍ୟ ଦେଖାଯିବା ଆରମ୍ଭ କରିଛନ୍ତି। ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ସମୟରେ ବର୍ଷା ହେବାର ସମ୍ଭାବନା କମ ରହିଛି।