The Samikhsya Odia
ନୂଆଦିଲ୍ଲୀ: ଆଜି ଭାରତର ମୁଖ୍ୟ ବିଚାରପତି ଭାବେ ଶପଥ ନେବେ ଜଷ୍ଟିସ ସଂଜୀବ ଖାନ୍ନା। ରାଷ୍ଟ୍ରପତି ଭବନରେ ତାଙ୍କୁ ଶପଥ କରାଇବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଜଷ୍ଟିସ ଖାନ୍ନା ଭାରତର 51 ତମ ମୁଖ୍ୟ ବିଚାରପତି ଭାବେ ଦାୟିତ୍ବ ଗ୍ରହଣ କରିବେ।
ଶନିବାର ଦିନ ମୁଖ୍ୟ ବିଚାରପତି ପଦରୁ ଜଷ୍ଟିସ ଡି ୱାଇ ଚନ୍ଦ୍ରଚୂଡ ଅବସର ଗ୍ରହଣ କରିଛନ୍ତି। ତାଙ୍କ ପରେ ଜଷ୍ଟିସ ସଂଜୀବ ଖାନ୍ନା ପରବର୍ତ୍ତି ମୁଖ୍ୟ ବିଚାରପତି ହେବେ ବୋଲି ଘୋଷଣା କରାଯାଇଛି। ଜଷ୍ଟିସ ଖାନ୍ନା ବହୁ ବିବାଦୀୟ ମାମଲାରେ ରାୟ ପ୍ରକାଶ କରିବା କିମ୍ବା ସେହି ବେଞ୍ଚରେ ରହି ମତ ରଖିବା କାର୍ଯ୍ୟ କରିଛନ୍ତି।
ଭୁବନେଶ୍ବର: ଭାରତର ମୁଖ୍ୟ ବିଚାରପତି ଡି ୱାଇ ଚନ୍ଦ୍ରଚୁଡ ଦୁଇ ଦିନିଆ ଓଡିଶା ଗସ୍ତରେ ଆସିଛନ୍ତି। ଆଜି ସେ ଭୁବନେଶ୍ବରର ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ସ୍ବାଗତ କରାଯାଇଥିଲା।
ମୁଖ୍ୟ ବିଚାରପତି ଆସନ୍ତାକାଲି ଶନିବାର ଦିନ କଟକ ଜୁଡୁସିଆଲି ଏକାଡେମୀରେ ଆୟୋଜିତ ହେବାକୁ ଥିବା ସମ୍ମିଳନୀରେ ଯୋଗଦେବେ। ସେଠାରେ ଡିଜିଟାଇଜେସନ ପେପରଲେସ କୋର୍ଟ ସମ୍ମିଳନୀର ଆୟୋଜନ ହେବ।
ଏହି ସମ୍ମିଳନୀରେ ଦେଶର ବିଭିନ୍ନ ଉଚ୍ଚ ନ୍ୟାୟଳୟର ବିଚାରପତିମାନେ ଯୋଗଦେବାର କାର୍ଯ୍ୟକ୍ରମ ରହିଛି।
ନୂଆଦିଲ୍ଲୀ: ବର୍ତ୍ତମାନ ଭାରତର ପରବର୍ତ୍ତି ମୁଖ୍ୟ ବିଚାରପତି କିଏ ହେବ ସେ ନେଇ ଚାଲିଛି କଳ୍ପନାଜଳ୍ପନା। ଏ ନେଇ କେନ୍ଦ୍ର ସରକାର ମୁଖ୍ୟ ବିଚାରପତି ଏନ ଭି ରମନାଙ୍କଠାରୁ ପରାମର୍ଶ ମାଗିଛନ୍ତି। ସେଥିରେ କୁହାଯାଇଛି ଯେ, ଭାରତର ମୁଖ୍ୟ ବିଚାରପତିଙ୍କ କାର୍ଯ୍ୟକାଳ ଚଳିତ ମାସ ୨୬ ତାରିଖରେ ଶେଷ ହେଉଛି। ପରବର୍ତ୍ତି ମୁଖ୍ୟବିଚାରପତି କାହାକୁ କରାଯିବ ସେ ନେଇ ଚିଠିରେ ଉଲ୍ଲେଖ ରହିଛି।
ତେବେ ଆଜି ମୁଖ୍ୟ ବିଚାରପତି ଏନ ଭି ରମନା ଏହାର ଉତ୍ତର ପ୍ରଦାନ କରିଛନ୍ତି। ସେ ଭାରତର ପରବର୍ତ୍ତି ମୁଖ୍ୟ ବିଚାରପତି କିଏ ହେବେ ସେ ନେଇ ଉତ୍ତର ରଖିଛନ୍ତି। ରମଣାଙ୍କ ମତରେ ଭାରତର ପରବର୍ତ୍ତି ମୁଖ୍ୟ ବିଚାରପତି ୟୁ ୟୁ ଲଳିତଙ୍କୁ କରାଯାଉ। କାରଣ ସେ ହିଁ ହେଉଛନ୍ତି ପରବର୍ତ୍ତି ବରିଷ୍ଠ ବିଚାରପତି। ଫଳରେ ୟୁ ୟୁ ଲଳିତ ବା ଉଦୟ ଉମେଶ ଲଳିତ ପରବର୍ତ୍ତି ମୁଖ୍ୟ ବିଚାରପତି ହୋଇପାରନ୍ତି।