ଭୁବନେଶ୍ବର: ଶେଷରେ ଓଡିଶାବାସୀଙ୍କୁ ସୁଖଦୁଃଖରେ ଭସାଇ ବିଦାୟ ନେଇଛି ଦକ୍ଷିଣ ପଶ୍ଚିମ ମୌସୁମୀ ବାୟୁ। ଏ ନେଇ ଘୋଷଣା କରିଛି ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ। ସୂଚନା ଅନୁସାରେ ଅଳ୍ପ କେତୋଟି ଜିଲ୍ଲାରେ ମୌସୁମୀର ପ୍ରଭାବ ଆଉ କିଛି ଦିନ ପାଇଁ ରହିବ। ଏହାପରେ ସଂପୂର୍ଣ୍ଣ ଭାବେ ଓଡିଶାରୁ ବିଦାୟ ନେବ।
ପାଣିପାଗ ବିଭାଗ ଅନୁସାରେ ମୌସୁମୀ ବାୟୁ ସୁନ୍ଦରଗଡ, ଝାରସୁଗୁଡା, କେଉଁଝର, ଦେଓଗଡ, ସମ୍ବଲପୁର, ବରଗଡ, ବଲଙ୍ଗିର, ସୋନପୁର, ଅନୁଗୁଳ, ଢେଙ୍କାନାଲ, ବୌଦ୍ଧ, ବାଲେଶ୍ବର, ଭଦ୍ରକ, ଜଗତସିଂହପୁର, ଯାଜପୁର, କେନ୍ଦ୍ରାପଡା, କଟକ, ନୟାଗଡ ଜିଲ୍ଲାରୁ ଆଜି ମୌସୁମୀ ବାଦୟ ନେଇଛି। ଅନ୍ୟ ଜିଲ୍ଲାରୁ ଖୁବ ଶିଘ୍ର ମୌସୁମୀ ବିଦାୟ ନେବ ବୋଲି ପାଣିପାଗି ବିଭାଗ କହିଛି।
