ଭୁବନେଶ୍ବର: କଥାରେ ଅଛି ମାଘମାସରେ ବାଘ ପରି ଶୀତ। ହେଲେ ଆର୍ଶ୍ଚର୍ଯ୍ୟର କଥା ଚଳିତ ମାଘ ମାସରେ ଶୀତ କଣ ଗରମ ଅନୁଭୂତ ହେବାରେ ଲାଗିଛି। ଗତ କିଛି ଦିନ ଧରି କୋହଲା ପାଗ ସହିତ ଶୀତ ଅନୁଭୂତ ହେଉଥିଲା। ହେଲେ ତାହା ଯିବା ପରେ ଏବେ ଗରମ ଅନୁଭୂତ ହେବାରେ ଲାଗିଛି। ଯାହାକୁ ନେଇ ପାଣିପାଗ ବିଶେଷଜ୍ଞ ଚିନ୍ତାରେ ଅଛନ୍ତି।
ଭୁବନେଶ୍ବର ପାଣିପାଗ ବିଭାଗ ଅନୁସାରେ ଉପକୂଳ ଓଡ଼ିଶାରେ ରାତ୍ରି ତାପମାତ୍ରା ସ୍ୱାଭାବିକ ଠାରୁ ୨ ରୁ ୫ ଡ଼ିଗ୍ରୀ ଯାଏଁ ଅଧିକ ରେକର୍ଡ ହୋଇଛି। ସେହିପରି ଆଭ୍ୟନ୍ତରୀଣ ଓଡ଼ିଶାରେ ମଧ୍ୟ ୩ ରୁ ୭ ଡ଼ିଗ୍ରୀ ଅଧିକ ତାପମାତ୍ର ପରିଲକ୍ଷିତ ହୋଇଛି। ବିଭିନ୍ନ ସ୍ଥାନରେ ତାପମାତ୍ର ୨୦ ଡ଼ିଗ୍ରୀ କିମ୍ବା ଅଧିକ ରେକର୍ଡ ହୋଇଛି।
ପୁରୀ: ୨୪ ଡ଼ିଗ୍ରୀ
ପାରାଦ୍ୱୀପ: ୨୩.୬ ଡ଼ିଗ୍ରୀ
କେନ୍ଦ୍ରାପଡା: ୨୨.୪ ଡ଼ିଗ୍ରୀ
ଗୋପାଳପୁର: ୨୧.୯ ଡ଼ିଗ୍ରୀ
ଚାନ୍ଦବାଲି: ୨୧.୯ ଡ଼ିଗ୍ରୀ
ବାଲେଶ୍ୱର: ୨୧.୭ ଡ଼ିଗ୍ରୀ
ଭୁବନେଶ୍ୱର: ୨୧.୨ ଡ଼ିଗ୍ରୀ
ଟିଟଲାଗଡ: ୨୧ ଡ଼ିଗ୍ରୀ
ଢେଙ୍କାନାଳ: ୨୧ ଡ଼ିଗ୍ରୀ
ଭଦ୍ରକ: ୨୧ ଡ଼ିଗ୍ରୀ
ଯାଜପୁର: ୨୧ ଡ଼ିଗ୍ରୀ
ମାଲକାନଗିରି: ୨୦.୯ ଡ଼ିଗ୍ରୀ
ଭବାନୀପାଟଣା: ୨୦.୫ ଡ଼ିଗ୍ରୀ
ତାଳଚେର: ୨୦ ଡ଼ିଗ୍ରୀ
କଟକ: ୨୦ ଡ଼ିଗ୍ରୀ