ନୂଆଦିଲ୍ଲୀ: ପୂର୍ବତନ ଆଟର୍ଣ୍ଣି ଜେନେରାଲ ମୁକୁଲ ରୋହତଗୀଙ୍କ ପରେ ରାଜ୍ୟସଭା ସାଂସଦ ତଥା ଓକିଲ ମହେଶ ଜେଠମଲାନି ମଧ୍ୟ ଅଦାନୀ ଗ୍ରୁପ୍ ତଥା ଗ୍ରୁପ୍ ଚେୟାରମ୍ୟାନ୍ ଗୌତମ ଅଦାନୀଙ୍କ ସୁରକ୍ଷା ପାଇଁ ସାମ୍ନାକୁ ଆସିଛନ୍ତି। ମହେଶ ଜେଠମଲାନି କହିଛନ୍ତି ଯେ, ଆମେରିକାରେ ଆଦାନୀ ଗ୍ରୁପ ବିରୋଧରେ ଆସିଥିବା ଅଭିଯୋଗ ଭାରତର ଅର୍ଥନୈତିକ ବିକାଶ ଯାତ୍ରାକୁ ରୋକିବା ପାଇଁ ଏକ ଷଡଯନ୍ତ୍ର। ବିରୋଧୀ ଦଳ କଂଗ୍ରେସ ଉପରେ ଆକ୍ରମଣ କରି ସେ କହିଛନ୍ତି ଯେ, କେବଳ ରାନୈତିକ ଲାଭ ପାଇଁ କଂଗ୍ରେସ ଏହି ପ୍ରସଙ୍ଗ ଉଠାଉଛି। ସେ କହିଛନ୍ତି ଯେ, ଆଦାନୀ ଗ୍ରୁପ୍ ବିରୋଧରେ ଜେପିସି ଦାବି କରିବା ପୂର୍ବରୁ ବିରୋଧୀମାନେ ବିଶ୍ୱସ୍ତ ପ୍ରମାଣ ଦେବା ଉଚିତ୍।
ବରିଷ୍ଠ ଓକିଲ କହିଛନ୍ତି ଯେ, ଭାରତରେ ଲାଞ୍ଚ ନେଇ ଆମେରିକାର ନ୍ୟାୟ ବିଭାଗର ଅଭିଯୋଗରେ କୌଣସି ପ୍ରମାଣ ଉପସ୍ଥାପିତ କରାଯାଇ ନାହିଁ। ସେ କହିଛନ୍ତି ଯେ, ଭାରତରେ କେଉଁ ଆଇନର ଉଲ୍ଲଂଘନ କରାଯାଇଛି ତାହା ମଧ୍ୟ ଉଲ୍ଲେଖ କରାଯାଇ ନାହିଁ। କଂଗ୍ରେସ ଉପରେ ଆକ୍ରମଣ କରି ମହେଶ ଜେଠମଲାନି କହିଛନ୍ତି ଯେ, ବିରୋଧୀ ଦଳ ଏହାକୁ ନେଇ ଯେଉଁ ଶବ୍ଦ ବ୍ୟବହାର କରୁଛନ୍ତି ତାହା ସମ୍ପୂର୍ଣ୍ଣ ଭୁଲ୍। ସେ ପଚାରିଥିଲେ, ଶକ୍ତି ସହ ଜଡିତ ଚୁକ୍ତିନାମା ପାଇବା ପାଇଁ ଭାରତୀୟ ଅଧିକାରୀଙ୍କୁ ଲାଞ୍ଚ ଦିଆଯାଇଥିବା ପ୍ରମାଣ କ’ଣ? ସେ କହିଛନ୍ତି ଯେ, ଆମେରିକାର ନ୍ୟାୟ ବିଭାଗର ଅଭିଯୋଗରେ ଏଭଳି କିଛି କୁହାଯାଇନାହିଁ।
କଂଗ୍ରେସ ଦଳ ଉପରେ ଆକ୍ରମଣ କରି ମହେଶ ଜେଠମଲାନି କହିଛନ୍ତି ଯେ, ଭାରତ ତଥା ବିଦେଶରେ ଗୁରୁତ୍ୱପୂର୍ଣ୍ଣ ବ୍ୟବସାୟ କରିଥିବା ଏହି ଭାରତୀୟ ଶିଳ୍ପ ଗୋଷ୍ଠୀ ବିରୁଦ୍ଧରେ ହୋଇଥିବା ଅଭିଯୋଗକୁ ଅନ୍ଧ ଦୃଷ୍ଟିରେ ବିଶ୍ୱାସ କରୁଛି। ଏହା ଭାରତର ସ୍ୱାର୍ଥରେ ନାହିଁ ଏବଂ ଆମେରିକା କୋର୍ଟର ଅଭିଯୋଗ ଉପରେ ବିଶ୍ୱାସ କରାଯିବା ଉଚିତ ନୁହେଁ, ଯାହା ଅଉନସି ପ୍ରମାଣ ଦେଇନାହିଁ। ଏବଂ ଏହା ମଧ୍ୟ କୁହାଯାଇ ନାହିଁ ଯେ, ଆଦାନୀ କିମ୍ବା ବଣ୍ଡ ପ୍ରଦାନକାରୀ କମ୍ପାନୀ ଆଦାନୀ ଗ୍ରୀନ୍ ଭାରତରେ କୌଣସି ଭୁଲ କରିଛନ୍ତି।
