Categories
ଅପରାଧ ଆଜିର ଖବର ରାଜ୍ୟ ଖବର

ଦୁଇ ମୋବାଇଲ ଲୁଟେରା ଗିରଫ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତକାଲି ପୁର୍ବାହ୍ନ ୩ ଟା ବେଳେ ଗୋଳନ୍ଥରା ଗ୍ରାମର ମନୋରଞ୍ଜନ ଯେନା ନାମକ ଜଣେ ବ୍ୟକ୍ତିଙ୍କ ଠାରୁ ମୋବାଇଲ ଲୁଟ ହୋଇଥିଲା। ବ୍ରହ୍ମପୁର ରେଳଷ୍ଟେସନରୁ ସେ ଚାଲି ଚାଲି ଯାଉଥିବା ବେଳେ ଗୋଷାଣୀ ନୁଆଁଗାଁ ଓଭରବ୍ରିଜ୍ ଉପରେ ଦୁଇ ଯୁବକ ତାଙ୍କୁ ସ୍କୁଟିରେ ଘରେ ଛାଡି ଦେବା ପାଇଁ କହିଥିଲେ। ପରେ ଉକ୍ତ ଦୁଇ ଯୁବକ ହଳଦିଆ ପଦର ରାଜରାଣୀ ଆପାର୍ଟମେଣ୍ଟ୍ ନିକଟରେ ଗାଡ଼ି ଅଟକାଇ ମନୋରଞ୍ଜନ ଠାରୁ ଗୋଟିଏ ଓପୋ ମୋବାଇଲ ଛଡ଼ାଇ ଚାଲିଯାଇଥିଲେ।

ଲୁଟ୍ ର ଶୀକାର ମନୋରଞ୍ଜନ ଏହି ବିଷୟରେ ଗୋଷାଣୀ ନୁଆଁଗାଁ ଥାନାରେ ଅଭିଯୋଗ କରିଥିଲେ। ପୋଲିସ୍ ଅଭିଯୋଗ ଗ୍ରହଣ କରି ମାମଲା ନଂ ୬୨/୨୫ ଅନୁଯାୟୀ ମକଦ୍ଦମା ରୁଜୁ କରି ତତକ୍ଷଣାତ୍ ଛାନବିନ୍ ଚଳାଇ ସୁଜେଲ୍ ଦାସ ଓ କମଳଲୋଚନ ରାଉଳ ନାମକ ଦୁଇ ଲୁଟେରାଙ୍କୁ ଉଠେଇ ଆଣି ଜେରା କରିବା ବେଳେ ସେମାନେ ମୋବାଇଲ୍ ଲୁଟ୍ ବିଷୟରେ ସ୍ଵୀକାର କରିଥିଲେ।

ପୋଲିସ ଉକ୍ତ ମୋବାଇଲ ଫୋନ ଓ ସେମାନେ ଚଳାଉଥିବା ସ୍କୁଟି ଗାଡ଼ି କୁ ଜବତ କରି ଦଫା ୩୦୯( ୪ ) ଅନୁଯାୟୀ ଗିରଫ କରି କୋର୍ଟ ଚାଲାଣ କରିଛି। ଏବଂ ଲୁଟ୍ ଶୀକାର ମନୋରଞ୍ଜନଙ୍କୁ ତାଙ୍କର ମୋବାଇଲ ଫୋନ ଫେରାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଲୁଗାଁ ରେଳ ଷ୍ଟେସନରୁ ମୋବାଇଲ ଲୁଟେରା ଗିରଫ, ୨ ଚୋରି ମୋବାଇଲ ଜବତ

ବାଲୁଗାଁ: ବୁଧବାର ପୂର୍ବାହ୍ନରେ ଜଣେ ମୋବାଇଲ ଲୁଟେରାକୁ ଗିରଫ କରିଛି ବାଲୁଗାଁ ଆରପିଏଫ। ଖବର ମୁତାବକ ମଙ୍ଗଳବାର ସନ୍ଧ୍ୟାରେ ବାଲୁଗାଁ ଆରପିଏଫ ଆଇଆଇସି ଜିତେନ୍ଦ୍ର ମୌର୍ଯ୍ୟଙ୍କ ନେତୃତ୍ୱରେ ଯାତ୍ରୀ ସୁରକ୍ଷା ଅଭିଯାନରେ ଏକ ଟିମ ରେଳ ଷ୍ଟେସନ ପରିସରରେ ତଦାରଖ କରୁଥିବା ବେଳେ ସନ୍ଦେହ ଜନକ ଭାବେ ଜଣେ ବ୍ୟକ୍ତି ଚଳପ୍ରଚଳ ହେଉଥିବା ଦେଖିବାକୁ ପାଇଥିଲେ। ସମ୍ପୃକ୍ତ ବ୍ୟକ୍ତିକୁ ପଚରାଉଚରା କରିବାରେ ସନ୍ଦେହ ଘନୀଭୂତ ହୋଇଥିଲା।

ସନ୍ଦିଗ୍ଧ ଜଣକ ଗଞ୍ଜାମ ଜିଲ୍ଲା ଛତ୍ରପୁର ଥାନା ଅନ୍ତର୍ଗତ ରାଜାପୁର ଗ୍ରାମର ଦୀପକ କୁମାର ସାହୁ ଓରଫ ଦିପୁ (୨୪) ବୋଲି ଜଣାପଡ଼ିଥିଲା। ଦିପୁଙ୍କ ତଲାସି ନେବାରେ ତା’ ନିକଟରୁ ୨ ଟି ଚୋରା ମୋବାଇଲ ଓ ଗୋଟିଏ ଇଅର ବଡ଼ ଜବତ ହୋଇଥିଲା। ଏଥିସହିତ ଏହି ଦୁଇଟି ମୋବାଇଲ ସେ ରେଳ ଯାତ୍ରୀ ମୋବାଇଲ ଚାର୍ଜ କରୁଥିବା ସମୟରେ ଚୋରି କରିଥିବା ସ୍ୱୀକାର କରିଥିଲା। ଯାହାର ଆନୁମାନିକ ମୂଲ୍ୟ ୨୫ ହଜାର ଟଙ୍କା ହେବ ବୋଲି ଜଣାପଡିଛି।

ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କ ବିରୋଧରେ ଖୋର୍ଦ୍ଧା ଜିଆରପି ଷ୍ଟେସନରେ କେଶ ନଂ ୧୪୮/୨୪ ରେ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଥିବା ଆରପିଏଫ ଆଇଆଇସି ଶ୍ରୀ ମୌର୍ଯ୍ୟ କହିଛନ୍ତି।