Tag: ରଣପୁର ନିର୍ବାଚନ ମଣ୍ଡଳୀ

ରଣପୁର: ବିଜୁ ଜନତା ଦଳର ୨୮ତମ ପ୍ରତିଷ୍ଠା ଦିବସ ଅବସରରେ ରଣପୁର ନିର୍ବାଚନ ମଣ୍ଡଳୀ ତରଫରୁ ମା ମଣିନାଗ ମନ୍ଦିର ପଛପାଶ୍ୱର୍ କଲ୍ୟାଣ ମଣ୍ଡପ ପରିସର ମଧ୍ୟରେ ବ୍ଲକ୍ ସଭାପତି ସଚ୍ଚିକାନ୍ତ ଷଡଙ୍ଗୀଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମ ପ୍ରାରମ୍ଭରେ ସର୍ବପ୍ରଥମେ ବିଜୁ ବାବୁଙ୍କ ପ୍ରତିମୂର୍ତି ନିକଟରେ ପ୍ରଦୀପ ପ୍ରଜ୍ଜ୍ୱଳନ କରାଯାଇ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ବିଜେଡି ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ହାତମୁଠାକୁ ମଜବୁତ କରିବା ପାଇଁ ଉପସ୍ଥିତ କର୍ମୀ ମାନେ ଉଦବୋଧନ ଦେଇଥିଲେ।

ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ସତ୍ୟନାରାୟଣ ପ୍ରଧାନ, ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ, ଏନଏସି ଅଧ୍ୟକ୍ଷା ରଙ୍ଗୀନ ମହାନ୍ତି, ବ୍ଲକ୍ ଉପାଧ୍ୟକ୍ଷ ପ୍ରଭାତ ଦଳବେହେରା, ବରିଷ୍ଠ କର୍ମୀ ଗିରିଜାକାନ୍ତ ମହାପାତ୍ର, କିଶୋର ପଟ୍ଟନାୟକ, ପାଣ୍ଡବ ସେଠୀ, ବୃନ୍ଦାବନ ମହାନ୍ତି, ନର୍ମଦା ରାୟ, ସ୍ୱର୍ଣ୍ଣପ୍ରକାଶ ରାଉତରାୟ, ଏନଏସି ଯୁବ ସଭାପତି ଲିଙ୍ଗରାଜ ନାୟକ ଙ୍କ ସହ ସମସ୍ତ ନିର୍ବାଚିତ ଜିଲ୍ଲା ପରିଷଦ, ସରପଂଚ, ସମିତି ସଭ୍ୟ ଓ ଶତାଧିକ ବିଜୁ ପ୍ରେମୀ ଉପସ୍ଥିତ ଥିଲେ। ଆଗାମୀ ଦିନରେ ଦଳକୁ ତୃଣମୂଳ ସ୍ତରରେ ସୁଦୃଢ କରିବା ସହ ଜନସାଧାରଣ ଙ୍କ ସୁଖଦୁଃଖରେ ସାମିଲ୍ ହେବାପାଇଁ କର୍ମୀ ମାନେ ସଙ୍କଳ୍ପ ନେଇଥିଲେ।

ରଣପୁର: ନୟାଗଡ ଜିଲ୍ଲା ରଣପୁର ନିର୍ବାଚନ ମଣ୍ଡଳୀ ଅଧିନରେ ଥିବା ରଣପୁର ବ୍ଲକ୍ ଓ ଏନଏସି ର ବିଜେଡି ସଭାପତି ଚୟନ ପ୍ରକ୍ରିୟା ଶେଷ ହୋଇଯାଇଛି। ସୂଚନା ଅନୁଯାୟୀ ରଣପୁର ନିର୍ବାଚନ ମଣ୍ଡଳୀର ୩୭ଟି ପଂଚାୟତ କୁ ନେଇ ରଣପୁର ବ୍ଲକ୍ ଗଠିତ ହୋଇଥିବା ବେଳେ ୧୫ ଟି ଓାର୍ଡ କୁ ନେଇ ରଣପୁର ଏନଏସି ଗଠିତ ହୋଇଅଛି। ସାଧାରଣ ନିର୍ବାଚନ-୨୦୨୪ ନିକଟତର ହୋଇଥିବା ବେଳେ ଦଳର ସାଂଗଠନିକ ସ୍ଥିତି ସୁଦୃଢ କରିବା ଲକ୍ଷ୍ୟରେ ବିଜେଡି ଦଳ ତରଫରୁ ବ୍ଲକ୍ ସଭାପତି ଭାବେ ଦଳର ବରିଷ୍ଠ ସଂଗଠକ ସଚ୍ଚୀକାନ୍ତ ଷଡଙ୍ଗୀଙ୍କୁ ଚୟନ କରାଯାଇଛି।

ଏହି ପଦବୀରେ ପୂର୍ବରୁ ପାଣ୍ଡବ ସେଠୀ ଦାୟିତ୍ୱ ତୁଲାଇ ଆସୁଥିଲେ। ସେହିଭଳି ରଣପୁର ଏନଏସି ର ସଭାପତି ଭାବେ ବିଜେଡି ଯୁବ ସଂଗଠକ ଲିଙ୍ଗରାଜ ନାୟକଙ୍କୁ ଚୟନ କରାଯାଇଛି। ସେ ଏଥି ପୂର୍ବରୁ ଏହି ପଦବୀରେ ରହି ଦଳର ସାଂଗଠନିକ ଦାୟିତ୍ୱ ତୁଲାଇ ଆସୁଥିଲେ।

ନୂତନ ଭାବେ ଚୟନ ହୋଇଥିବା ଉଭୟ ସଭାପତି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ସ୍ଥାନୀୟ ସାଂସଦ ପିନାକୀ ମିଶ୍ର ଓ ବିଧାୟକ ସତ୍ୟନାରାୟଣ ପ୍ରଧାନଙ୍କୁ କୃତଜ୍ଞତା ଜ୍ଞାପନ କରିଛନ୍ତି।