Tag: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍

ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍‌, ଭାୟାକମ୍ ଏଇଟିନ ମିଡିଆ ପ୍ରାଇଭେଟ ଲିମିଟେଡ୍ ଏବଂ ୱାଲ୍ଟ ଡିଜନି କମ୍ପାନୀ ପକ୍ଷରୁ ଘୋଷଣା କରାଯାଇଛି ଯେ ଭାୟାକମ୍ ଏଇଟିନର ମିଡିଆ ଏବଂ ଜିଓ ସିନେମା ବ୍ୟବସାୟର ଷ୍ଟାର୍ ଇଣ୍ଡିଆ ପ୍ରାଇଭେଟ ଲିମିଟେଡ୍ ସହିତ ମିଶ୍ରଣ ସମାପ୍ତ ହୋଇଛି। ଏନସିଏଲଟି ମୁମ୍ବାଇ, ସିସିଆଇ ଏବଂ ଅନ୍ୟାନ୍ୟ ନିୟାମକ କର୍ତ୍ତୃପକ୍ଷଙ୍କ ଅନୁମୋଦନ ପରେ ଏହି ଘୋଷଣା କରାଯାଇଛି। ଏହା ସହିତ ରିଲାଏନ୍ସ ଏହି ମିଳିତ ଉଦ୍ୟୋଗରେ, ୧୧,୫୦୦ କୋଟି ଟଙ୍କା ନିବେଶ କରିଛି। ମିଳିତ ଉଦ୍ୟୋଗ ପକ୍ଷରୁ ଭାୟାକମ ୧୮ ଏବଂ ରିଲାଏନ୍ସ ଇଣ୍ଡଷ୍ଟ୍ରିଜକୁ ସେୟାର ଆବଣ୍ଟିତ କରାଯାଇଛି।

ଏହି କାରବାରରେ ପୋଷ୍ଟ-ମନି ଆଧାରରେ ମିଳିତ ଉଦ୍ୟୋଗର ମୂଲ୍ୟ ୭୦,୩୫୨ କୋଟି ଟଙ୍କା (୮.୫ ବିଲିୟନ ଡଲାର) ଭାବେ ଗ୍ରହଣ କରାଯାଇଛି। ମିଳିତ ଉଦ୍ୟୋଗରେ ଆରଆଇଏଲର ନିୟନ୍ତ୍ରଣ ରହିବ । ଏଥିରେ, ଆରଆଇଏଲ ର ୧୬.୩୪%, ଭାୟାକମ ୧୮ ର ୪୬.୮୨% ଏବଂ ଡିଜନି ର ୩୬.୮୪% ଭାଗିଦାରୀ ରହିବ।

ମିଳିତ ଉଦ୍ୟୋଗର ଚେୟାରପର୍ସନ ନୀତା ଏମ. ଅମ୍ବାନୀ ରହିଥିବାବେଳେ ଉଦୟ ଶଙ୍କରଙ୍କୁ ରଣନୀତିକ ମାର୍ଗଦର୍ଶନ ପାଇଁ ମିଳିତ ଉଦ୍ୟୋଗର ଉପାଧ୍ୟକ୍ଷ କରାଯାଇଛି।

ଏହି ମିଳିତ ଉଦ୍ୟୋଗରେ ଭାରତର ଟିଭି ଏବଂ ଡିଜିଟାଲ୍ ପ୍ଲାଟଫର୍ମରେ ସବୁଠାରୁ ପ୍ରତିଷ୍ଠିତ ଏବଂ ଆକର୍ଷଣୀୟ ମିଡିଆ ବ୍ରାଣ୍ଡ ସମୂହ ରହିଛି। ଟିଭି ଚ୍ୟାନେଲ ‘ଷ୍ଟାର’ ଏବଂ ‘କଲର୍ସ’ ବ୍ୟତୀତ ଡିଜିଟାଲ୍ ପ୍ଲାଟଫର୍ମରେ ‘ଜିଓ ସିନେମା’ ଏବଂ ‘ହଟଷ୍ଟା’ର୍ ଦର୍ଶକଙ୍କୁ ମନୋରଞ୍ଜନ ଏବଂ କ୍ରୀଡା ସମ୍ବନ୍ଧୀୟ ବିଷୟବସ୍ତୁର ଏକ ବ୍ୟାପକ ପସନ୍ଦ ପ୍ରଦାନ କରିବ।

ଏହି ମିଳିତ ଉଦ୍ୟୋଗ ଭାରତର ଅନ୍ୟତମ ବୃହତ୍ତମ ମିଡିଆ ଏବଂ ମନୋରଞ୍ଜନ କମ୍ପାନୀ ହେବ ଯାହାର ମାର୍ଚ୍ଚ ୨୦୨୪ ରେ ଶେଷ ହୋଇଥିବା ଆର୍ôଥକ ବର୍ଷରେ ପ୍ରୋ-ଫର୍ମା ମିଳିତ ଆୟ ପ୍ରାୟ ୨୬,୦୦୦ କୋଟି ଟଙ୍କା ରହିଥିଲା। ମିଳିତ ଉଦ୍ୟୋଗ ୧୦୦ ରୁ ଅଧିକ ଟିଭି ଚ୍ୟାନେଲ ପରିଚାଳନା କରୁଥିବା ବେଳେ ବାର୍ଷିକ ୩୦,୦୦୦ ଘଣ୍ଟାରୁ ଅଧିକ ଟିଭି ମନୋରଞ୍ଜନ ବିଷୟବସ୍ତୁ ପ୍ରସ୍ତୁତ କରିଥାଏ। ଜିଓସିନେମା ଏବଂ ହଟଷ୍ଟାର ଡିଜିଟାଲ୍ ପ୍ଲାଟଫର୍ମର ମୋଟ ସବସ୍କ୍ରିପସନ ସଂଖ୍ୟା ୫ କୋଟିରୁ ଅଧିକ ରହିଛି। ମିଳିତ ଉଦ୍ୟୋଗ ନିକଟରେ କ୍ରିକେଟ୍‌, ଫୁଟବଲ୍ ଏବଂ ଅନ୍ୟ କ୍ରୀଡାରେ କ୍ରୀଡ଼ା ଅଧିକାରର ଏକ ବୃହତ ପୋର୍ଟଫୋଲିଓ ରହିଛି।

୨୭ ଅଗଷ୍ଟ ୨୦୨୪ ରେ ସିସିଆଇ ଏହି କାରବାରକୁ ଅନୁମୋଦନ ପ୍ରଦାନ କରିଥିଲା। ସିସିଆଇ ବ୍ୟତୀତ ୟୁରୋପୀୟ ୟୁନିଅନ୍‌, ଚୀନ୍‌, ତୁର୍କୀ, ଦକ୍ଷିଣ କୋରିଆ ଏବଂ ୟୁକ୍ରେନର ଏଣ୍ଟି-ଟ୍ରଷ୍ଟ ଅଧିକାରୀଙ୍କ ଅନୁମୋଦନ ମଧ୍ୟ ମିଳିସାରିଛି।

ମିଳିତ ଉଦ୍ୟୋଗ ସମ୍ବନ୍ଧରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ମୁକେଶ ଡି ଅମ୍ବାନୀ କହିଛନ୍ତି, “ଏହି ମିଳିତ ଉଦ୍ୟୋଗ ଗଠନ ହେବା ସହିତ ଭାରତୀୟ ଗଣମାଧ୍ୟମ ଏବଂ ମନୋରଞ୍ଜନ ଶିଳ୍ପ ଏକ ପରିବର୍ତ୍ତନକାରୀ ଯୁଗରେ ପ୍ରବେଶ କରୁଛି। ଡିଜନି ସହିତ ଆମର ସମ୍ପର୍କ ବ୍ୟତୀତ, ଆମର ଗଭୀର ସୃଜନଶୀଳ ଅଭିଜ୍ଞତା ଏବଂ ଭାରତୀୟ ଗ୍ରାହକଙ୍କୁ ଜାଣିବାରେ ଆମର ଅଭିଜ୍ଞତା ଭାରତୀୟ ଦର୍ଶକଙ୍କ ପାଇଁ ସୁଲଭ ମୂଲ୍ୟରେ ପରିପୂର୍ଣ୍ଣ ବିଷୟବସ୍ତୁ ସୁନିଶ୍ଚିତ କରିବ। ମିଳିତ ଉଦ୍ୟୋଗର ଭବିଷ୍ୟତକୁ ନେଇ ମୁଁ ବେଶ ଉତ୍ସାହିତ ଏବଂ ଏହାର ସଫଳତା କାମନା କରୁଛି।”

ୱାଲ୍ଟ ଡିଜନି ସିଇଓ ରବର୍ଟ ଏ. ଇଗର୍ କହିଛନ୍ତି, “ଏହା ଆମ ସହିତ ଭାରତର ଗ୍ରାହକମାନଙ୍କ ପାଇଁ ଏକ ରୋମାଞ୍ଚକ ମୁହୂର୍ତ୍ତ, କାରଣ ଏହି ମିଳିତ ଉଦ୍ୟୋଗ ମାଧ୍ୟମରେ ଆମେ ଦେଶରେ ଅନ୍ୟତମ ପ୍ରମୁଖ ମନୋରଞ୍ଜନ ସଂସ୍ଥା ସୃଷ୍ଟି କରୁଛୁ। ରିଲାଏନ୍ସ ସହିତ ମିଳିତ ଭାବରେ ଆମେ ଏହି ଗୁରୁତ୍ତ୍ୱପୂର୍ଣ୍ଣ ମିଡ଼ିଆ କ୍ଷେତ୍ରରେ ଦର୍ଶକଙ୍କୁ ମନୋରଞ୍ଜନ, କ୍ରୀଡା ବିଷୟବସ୍ତୁ ଏବଂ ଡିଜିଟାଲ୍ ସେବାଗୁଡିକର ଆହୁରି ଅଧିକ ଶକ୍ତିଶାଳୀ ପୋର୍ଟଫୋଲିଓ ପ୍ରଦାନ କରିବୁ।”

ବୋଧି ଟ୍ରି ସିଷ୍ଟମର ସହ-ପ୍ରତିଷ୍ଠାତା ଉଦୟ ଶଙ୍କର କହିଛନ୍ତି, “ଭାରତରେ ମିଡିଆ ଏବଂ ମନୋରଞ୍ଜନ ଶିଳ୍ପରେ ପରିବର୍ତ୍ତନ ଆଣିବାର ଏହି ଯାତ୍ରାରେ ଭାଗିଦାର ହୋଇ ଜେମ୍ସ ଓ ମୁଁ ବେଶ ଉତ୍ସାହିତ ଅଛୁ। ସୃଜନଶୀଳତା, ପରିବର୍ତ୍ତନ ତଥା ନୂତନ ଯୁଗର ଗ୍ରାହକଙ୍କୁ ଅଭୁତପୁର୍ବ ସ୍ତରର ଅନୁଭବ ପ୍ରଦାନ କରିବ ପାଇଁ ଆମେ ପ୍ରତିବଦ୍ଧ। ମିଳିତ ଭାବରେ ଭାରତର ସର୍ବବୃହତ ସମନ୍ୱିତ ମିଡିଆ ପ୍ଲାଟଫର୍ମ ନିର୍ମାଣ କରିବାକୁ ଆମେ ଲକ୍ଷ୍ୟ ରଖିଛୁ ଯାହା ଅଭିନବ ତଥା ରୋମାଞ୍ଚକ ଉପାୟରେ ଅପୂର୍ବ ଅନୁଭୂତି ପ୍ରଦାନ କରିବ।”

ଏହି ମିଳିତ ଉଦ୍ୟୋଗରେ ତିନିଜଣ ସିଇଓ ନେତୃତ୍ୱ ନେବେ। କେଭିନ୍ ୱାଜ୍ ସମସ୍ତ ପ୍ଲାଟଫର୍ମରେ ମନୋରଞ୍ଜନ ସଂଗଠନର ନେତୃତ୍ୱ ନେବେ। ମିଳିତ ଡିଜିଟାଲ ସଂଗଠନର ଦାୟିତ୍ୱ କିରଣ ମଣି ଗ୍ରହଣ କରିବେ। ସଂଯୋଗ ଗୁପ୍ତା ମିଳିତ କ୍ରୀଡ଼ା ସଂଗଠନର ନେତୃତ୍ୱ ନେବେ। ମିଳିତ ଭାବେ ସେମାନେ ଶିଳ୍ପରେ ନୂତନ ମାନଦଣ୍ଡ ସ୍ଥିର କରିବେ।

ଏକ ପୃଥକ କାରବାରରେ, ଆରଆଇଏଲ ଭାୟାକମ୍ ୧୮ ରେ ପାରାମାଉଣ୍ଟ୍ ଗ୍ଲୋବାଲର ୧୩.୦୧% ଅଂଶଧନ ୪,୨୮୬ କୋଟି ଟଙ୍କାରେ କିଣିଛି। ଫଳସ୍ୱରୂପ, ଭାୟାକମ ୧୮ ର ମାଲିକାନା ଭାବରେ ବର୍ତ୍ତମାନ ଆରଆଇଏଲ ନିକଟରେ ୭୦.୪୯%, ନେଟୱାର୍କ ୧୮ ମିଡିଆ ଆଣ୍ଡ ଇନଭେଷ୍ଟମେଣ୍ଟ ଲିମିଟେଡ ନିକଟରେ ୧୩.୫୪% ଏବଂ ବୋଧି ଟ୍ରି ସିଷ୍ଟମ୍ସ ନିକଟରେ ୧୫.୯୭% ରହିବ।

ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆର୍‌ଆଇଏଲ୍‌) ର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ କମ୍ପାନିର ୪୭ତମ ବାର୍ଷିକ ସାଧାରଣ ବୈଠକକୁ ସମ୍ବୋଧିତ କରି ଜିଓଏୟାରଫାଇବରକୁ ନେଇ ଉତ୍ସାହଜନକ ଘୋଷଣା କରିଛନ୍ତି। ସାରା ଦେଶରେ ଜିଓଏୟାରଫାଇବରର ଗ୍ରହଣୀୟତାକୁ ଦୃତ ଗତିରେ ଆଗକୁ ବଢାଇବା ଲାଗି କମ୍ପାନିର ରହିଥିବା ଯୋଜନା ବିଷୟରେ ସେ ସୂଚନା ଦେଇଛନ୍ତି। କମ୍ପାନି ପ୍ରତି ୩୦ ଦିନରେ ୧୦ ଲକ୍ଷ ପରିବାର ପାଖରେ ଜିଓ ଏୟାରଫାଇବର ପହଞ୍ଚାଇବାକୁ ଲକ୍ଷ୍ୟ ରଖିଛି। ରେକର୍ଡ ସମୟ ଭିତରେ କମ୍ପାନି ୧୦ କୋଟି ଜିଓ ଏୟାରଫାଇବର ଗ୍ରାହକ ସ୍ତରରେ ପହଞ୍ଚିବ ବୋଲି ଶ୍ରୀ ଅମ୍ବାନୀ ଦୃଢ଼ ବିଶ୍ୱାସ ପ୍ରକଟ କରିଛନ୍ତି।

ଜିଓଏୟାରଫାଇବର ହେଉଛି ଜିଓର ୫ଜି-ଭିତ୍ତିକ ଗୃହ ବ୍ରଡ୍‌ବ୍ୟାଣ୍ଡ୍ ସେବା ଯାହାକୁ କମ୍ପାନି ପକ୍ଷରୁ ୨୦୨୩ ଅକ୍ଟୋବରରେ ଆରମ୍ଭ କରାଯାଇଛି। ମାତ୍ର ଛଅ ମାସ ମଧ୍ୟରେ ଜିଓ ଏୟାରଫାଇବରର ପ୍ରଥମ ୧୦ ଲକ୍ଷରୁ ଅଧିକ ଗ୍ରାହକ ସୃଷ୍ଟି ହୋଇଥିଲେ। ସାରା ବିଶ୍ୱରେ ଏହା ଥିଲା ଦ୍ରୁତତମ ମାଇଲଖୁଣ୍ଟ। ଅନ୍ୟ କୌଣସି ସ୍ଥଳରେ ଏଭଳି କମ୍ ସମୟ ଭିତରେ ଗୃହ ବ୍ରଡବ୍ୟାଣ୍ଡ ସେବାରେ ଏଭଳି ଗ୍ରହଣୀୟତା ଦେଖିବାକୁ ମିଳିନଥିଲା। ଜିଓଏୟାରଫାଇବର୍ ଜରିଆରେ ଏହି ମାଇଲଖୁଣ୍ଟକୁ ଭାରତ ହାସଲ କରିବା ସହିତ ଏହାର ଦ୍ରୁତ ଗତିରେ ସମ୍ପ୍ରସାରଣ ଜାରି ରଖିଛି।

ମୁକେଶ ଅମ୍ବାନୀ କହିଛନ୍ତି ଯେ ଏହା ହେଉଛି ଆରମ୍ଭ ମାତ୍ର। ଆମର ଡିପ୍‌-ଟେକ୍ ଦକ୍ଷତାକୁ ବ୍ୟବହାର କରି ଏବଂ ଆମ ପ୍ରତିଟି ପ୍ରକ୍ରିୟାରେ ନିରନ୍ତର ଉନ୍ନତି ଆଣି ଆମେ ମାତ୍ର ୧୦୦ ଦିନ ଭିତରେ ପରବର୍ତ୍ତୀ ଦଶ ଲକ୍ଷ ଘରେ ଜିଓ ଏୟାରଫାଇବର ସେବା ପହଞ୍ଚାଇଛୁ। ଆମେ ପ୍ରତି ୩୦ ଦିନରେ ଏକ ନିୟୁତ ନୂଆ ଘରକୁ ଜିଓ ଏୟାରଫାଇବର ସହିତ ଯୋଡ଼ିବାକୁ ଲକ୍ଷ୍ୟ ନେଇ କାମ କରୁଛୁ। ଏଭଳି ଗତିକୁ ବଜାୟ ରଖି ରେକର୍ଡ ବେଗରେ ୧୦ କୋଟି ଗୃହ ଲକ୍ଷ୍ୟ ସ୍ଥଳରେ ପହଞ୍ଚିବା ନେଇ ଆମର ଦୃଢ଼ ବିଶ୍ୱାସ ରହିଛି ବୋଲି ସେ କହିଛନ୍ତି।

ଏଥିସହିତ ଜିଓ ପକ୍ଷରୁ ଦେଶର ଦୁଇ କୋଟିରୁ ଅଧିକ କ୍ଷୁଦ୍ର ଓ ମଧ୍ୟମ ବ୍ୟବସାୟ, ୧୫ ଲକ୍ଷ ସ୍କୁଲ ଓ କଲେଜ, ୭୦୦୦୦ରୁ ଅଧିକ ହସ୍ପିଟାଲ୍ ଏବଂ ୧୨ ଲକ୍ଷରୁ ଅଧିକ ଡାକ୍ତରଙ୍କ ପାଖରେ ପହଞ୍ଚିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଏହି ଅନୁଷ୍ଠାନଗୁଡ଼ିକ ହେଉଛନ୍ତି ଆମ ଦେଶର ମେରୁଦଣ୍ଡ ଏବଂ ସେମାନଙ୍କୁ ସଂଯୋଗ ପ୍ରଦାନ କରି ଆମେ ଏକ ଆହୁରି ଦୃଢ଼ ଓ ଅଧିକ ସ୍ଥିର ଭାରତ ଗଠନ ଦିଗରେ କାର୍ଯ୍ୟ କରୁଛୁ ବୋଲି ଶ୍ରୀ ଅମ୍ବାନୀ କହିଛନ୍ତି।

ଉଲ୍ଲେଖଯୋଗ୍ୟ ଯେ ସାରା ଓଡ଼ିଶାରେ ଡିଜିଟାଲ୍ ଅନ୍ତର୍ଭୂକ୍ତିକରଣକୁ ଆଗକୁ ବଢ଼ାଇ ରିଲାଏନ୍ସ ଜିଓ ରାଜ୍ୟର ୩ ଲକ୍ଷରୁ ଅଧିକ ଘର ଓ ପରିସରକୁ ଏହାର ଦ୍ରୁତ ଗତିରେ ସମ୍ପ୍ରସାରିତ ହେଉଥିବା ଜିଓ ଫାଇବର ଏବଂ ଜିଓ ଏୟାରଫାଇବର ସେବା ମାଧ୍ୟମରେ ନିରବଛିନ୍ନ ହାଇସ୍ପିଡ଼ ବ୍ରଡ଼ବ୍ୟାଣ୍ଡ ଏବଂ ଗୁଣାତ୍ମକ ଗୃହ ମନୋରଞ୍ଜନ ବା ହୋମ ଏଣ୍ଟରଟେନମେଣ୍ଟ ସହିତ ସଂଯୁକ୍ତ କରଛି। ଜିଓ ଏୟାରଫାଇବର ୮୦୦ ରୁ ଅଧିକ ଡିଜିଟାଲ ଟିଭି ଚ୍ୟାନେଲ, ୧୩ ରୁ ଅଧିକ ଓଟିଟି ଆପ୍, ସ୍ମାର୍ଟ ହୋମ୍ ସେବା, ଅସୀମିତ ୱାଇଫାଇ ଏବଂ ହାଇ ସ୍ପିଡ୍ ବ୍ରଡବ୍ୟାଣ୍ଡ ସହିତ ବିଶ୍ୱ ସ୍ତରୀୟ ଗୃହ ମନୋରଞ୍ଜନ ବା ହୋମ ଏଣ୍ଟରଟେନମେଣ୍ଟ ସେବା ପ୍ରଦାନ କରୁଛି । ଏହାଦ୍ୱାରା ବିବିଧ ପୃଷ୍ଠଭୂମିର ତଥା ବିଭିନ୍ନ ବୟସବର୍ଗର ଏବଂ ବିବିଧ ଭୌଗଳିକ ଅଂଚଳର ଗ୍ରାହକମାନେ ଡିଜିଟାଲ୍ କ୍ରାନ୍ତିର ପ୍ରକୃତ ଲାଭ ପାଇବାକୁ ସକ୍ଷମ ହୋଇଛନ୍ତି, କାରଣ ସେମାନେ ଏବେ ଜିଓ ଏୟାରଫାଇବର ବଳରେ ନିରବଚ୍ଛିନ୍ନ ହାଇ ସ୍ପିଡ୍ ବ୍ରଡବ୍ୟାଣ୍ଡ ଏବଂ ସର୍ବଶ୍ରେଷ୍ଠ ଗୃହ ମନୋରଞ୍ଜନର ଆନନ୍ଦ ନେଇପାରୁଛନ୍ତି ।

ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆରଆଇଏଲ) ର ୪୭ତମ ବାର୍ଷିକ ସାଧାରଣ ବୈଠକ (ଏଜିଏମ୍) ରେ ଅନେକ ପ୍ରମୁଖ ଘୋଷଣା କରାଯାଇଛି। କମ୍ପାନୀର ଆଗାମୀ ନିର୍ଦ୍ଦେଶକ ମଣ୍ଡଳୀ (ବୋର୍ଡ ଅଫ୍ ଡାଇରେକ୍ଟର୍ସ) ବୈଠକରେ ସେୟାରଧାରକ ମାନଙ୍କୁ ୧:୧ ଅନୁପାତରେ ବୋନସ ସେୟାର ଦେବା ପାଇଁ ସୁପାରିଶ କରାଯିବ। ଏଥିନେଇ ନିର୍ଦ୍ଦେଶକ ମଣ୍ଡଳୀର ବୈଠକ ସେପ୍ଟେମ୍ବର ୫ ରେ ଅନୁଷ୍ଠିତ ହେବ। ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ କହିଛନ୍ତି ଯେ ରିଲାଏନ୍ସ ୨୦୨୩-୨୪ ଆର୍ଥିକ ବର୍ଷରେ ୧.୭ ଲକ୍ଷ ନୂତନ ନିଯୁକ୍ତି ସୃଷ୍ଟି କରିଛି, ଯାହା ଫଳରେ କମ୍ପାନୀର ମୋଟ କର୍ମଚାରୀଙ୍କ ସଂଖ୍ୟା ୬.୫ ଲକ୍ଷରୁ ଅଧିକରେ ପହଞ୍ଚିଛି।

୮ ବର୍ଷରେ ବିଶ୍ୱର ସର୍ବବୃହତ ମୋବାଇଲ୍ ଡାଟା କମ୍ପାନୀ ହେବାରେ ରିଲାଏନ୍ସ ଜିଓର ସଫଳତା ଉପରେ ମୁକେଶ ଅମ୍ବାନୀ ମଧ୍ୟ ଗୁରୁତ୍ୱାରୋପ କରିଥିଲେ। ସେ କହିଛନ୍ତି ଯେ, ବିଶ୍ୱର ୮ ପ୍ରତିଶତ ମୋବାଇଲ୍ ଡାଟା ଟ୍ରାଫିକ୍ ଜିଓ ନେଟୱାର୍କରେ ଚାଲିଥାଏ। ଏଥି ସହିତ, ଜିଓ ଏୟାର ଫାଇବର ପ୍ରତି ୩୦ ଦିନରେ ୧୦ ଲକ୍ଷ ଘରକୁ ସଂଯୋଗ କରି ରେକର୍ଡ ସମୟରେ ୧୦ କୋଟି ଘରେ ପହଞ୍ଚିବାକୁ ଲକ୍ଷ୍ୟ ରଖିଛି।

ଏହି ଅବସରରେ ଅମ୍ବାନୀ ଜିଓ ଏଆଇ-କ୍ଲାଉଡ୍ ୱେଲକମ ଅଫର ନେଇ ମଧ୍ୟ ଘୋଷଣା କରିଥିଲେ। ଏହା ଅଧୀନରେ, ସମସ୍ତ ଡିଜିଟାଲ୍ ବିଷୟବସ୍ତୁ ଏବଂ ତଥ୍ୟକୁ ସୁରକ୍ଷିତ ଭାବରେ ସଂରକ୍ଷଣ କରିବାକୁ ୧୦୦ ଜିବି ମାଗଣା କ୍ଲାଉଡ୍ ଷ୍ଟୋରେଜ୍ ପ୍ରଦାନ କରାଯିବ।

ରିଲାଏନ୍ସ “ଜିଓ ବ୍ରେନ୍” ଅଧୀନରେ “ଏଆଇ ସବୁଠାରେ ସମସ୍ତଙ୍କ ପାଇଁ” ଥିମ୍ ଉପରେ ଆଧାର କରି ଆର୍ଟିଫିସିଆଲ୍ ଇଣ୍ଟେଲିଜେନ୍ସ (ଏଆଇ) ସେବା ଆରମ୍ଭ କରିବ। କମ୍ପାନୀ ମଧ୍ୟ ଜାମନଗରରେ ଏକ ଗିଗାୱାଟ-ସ୍କେଲ ଏଆଇ-ପ୍ରସ୍ତୁତ ଡାଟା ସେଣ୍ଟର ସ୍ଥାପନ କରିବାକୁ ଯୋଜନା ପ୍ରସ୍ତୁତ କରୁଛି। ଏହା ସହିତ, ରିଲାଏନ୍ସ ଏହାର ନୂତନ ଶକ୍ତି ବ୍ୟବସାୟକୁ ୫ ରୁ ୭ ବର୍ଷ ମଧ୍ୟରେ ତୈଳ-ରସାୟନ (ଅଏଲ ଟୁ କେମିକାଲ) ବ୍ୟବସାୟ ସମକକ୍ଷ ସମାନ ରୋଜଗାର ସ୍ତରକୁ ନେବାକୁ ଲକ୍ଷ୍ୟ ରଖିଛି।

ମୁକେଶ ଅମ୍ବାନୀ କହିଛନ୍ତି ଯେ, କମ୍ପାନୀ ୨୦୨୫ ସୁଦ୍ଧା ୫୫ ଟି ଅପରେଟିଂ କମ୍ପ୍ରେସଡ ବାୟୋଗ୍ୟାସ୍ ପ୍ଲାଣ୍ଟ ସ୍ଥାପନ କରିବ ଯାହା କୃଷକମାନଙ୍କୁ ଶକ୍ତିର ଉତ୍ସ ବନାଇବା ସହିତ ଗ୍ରାମାଞ୍ଚଳରେ ୩୦,୦୦୦ ରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି କରିବ।

ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆରଏଲ୍) ଅଧ୍ୟକ୍ଷ ଆଜି ଭାଇବ୍ରେଣ୍ଟ ଗୁଜୁରାଟ ଗ୍ଲୋବାଲ ସମ୍ମିଳନୀ ୨୦୨୪ କୁ ସମ୍ବୋଧିତ କରିଛନ୍ତି। ଏହି ସମୟରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ବହୁତ ପ୍ରଶଂସା କରିଛନ୍ତି। ମୁକେଶ ଅମ୍ବାନୀ କହିଛନ୍ତି ଯେ, ଯେତେବେଳେ ପିଏମ ମୋଦୀ କଥା ହୁଅନ୍ତି, ସେତେବେଳେ ସମଗ୍ର ବିଶ୍ୱ ଶୁଣନ୍ତି। ରାଜ୍ୟ ରାଜଧାନୀ ଗାନ୍ଧିନଗରରେ ଗୁଜୁରାଟ ଗ୍ଲୋବାଲ ସମ୍ମିଳନୀ ଆୟୋଜିତ ହେଉଛି, ସେଠାରେ ବ୍ୟବସାୟିକ ନେତାମାନେ ପହଞ୍ଚିଛନ୍ତି।

ଭାଇବ୍ରେଣ୍ଟ ଗୁଜୁରାଟ ସମ୍ମିଳନୀର ଉଦଘାଟନୀ ସମାରୋହରେ ଯୋଗ ଦେଇ ରିଲାଏନ୍ସ ଇଣ୍ଡଷ୍ଟ୍ରିଜ୍ ଚେୟାରମ୍ୟାନ୍ ଅମ୍ବାନୀ ଏହି ସମ୍ମିଳନୀରେ ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶ୍ରେୟ ଦେଇଛନ୍ତି। ମୋଦି ଗୁଜୁରାଟର ମୁଖ୍ୟମନ୍ତ୍ରୀ ହୋଇଥିବାରୁ ଗୁଜରାଟର ଭାଇବ୍ରେଣ୍ଟ ସମ୍ମିଳନୀ ଆୟୋଜିତ ହେଉଛି। ଏହି ଶିଖର ସମ୍ମିଳନୀ ୨୦୦୩ ରେ ଆରମ୍ଭ ହୋଇଥିଲା। ପ୍ରଥମ ଶିଖର ସମ୍ମିଳନୀରେ ୭୦୦ ପ୍ରତିନିଧି ଏହାର ଅଂଶବିଶେଷ ଥିଲେ, କିନ୍ତୁ ବର୍ତ୍ତମାନ ଏଥିରେ ଅଂଶଗ୍ରହଣ କରୁଥିବା ପ୍ରତିନିଧିଙ୍କ ସଂଖ୍ୟା ୧ ଲକ୍ଷରୁ ଅଧିକ ବୃଦ୍ଧି ପାଇଛି।

ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆର୍ଆଇଏଲ୍‌) ର ଅନ୍‌ଲାଇନ୍ ବାର୍ଷିକ ସାଧାରଣ ବୈଠକ (ଏଜିଏମ)ରେ ରେକର୍ଡ ୪ ଲକ୍ଷ ୩୦ ହଜାରରୁ ଅଧିକ ଅଂଶଧାରକ (ସେୟାରହୋଲଡର) ଯୋଡ଼ି ହୋଇଥିଲେ। ଏଜିଏମ୍‌ରେ ବହୁ ସଂଖ୍ୟାରେ ଅଂଶଧାରକ ଯୋଡ଼ିହେବା ସହ ପୂର୍ବରୁ ଥିବା ସବୁ ରେକର୍ଡ ଏଥର ଭଙ୍ଗ ହୋଇଛି। ୨୦୨୨ରେ ଅନୁଷ୍ଠିତ ଆର୍ଆଇଏଲ୍ ର ଏଜିଏମ୍‌ରେ ପ୍ରାୟ ୩ ଲକ୍ଷ ୯୦ ହଜାର ଲୋକ ସାମିଲ ହୋଇଥିଲେ। କୋଭିଡ୍ ମହାମାରୀ ସମୟରୁ କମ୍ପାନୀ ଭର୍ଚୁଆଲ୍ ମାଧ୍ୟମରେ ଏଜିଏମ୍ ଆୟୋଜନ କରୁଛି।

ଲକ୍ଷ ଲକ୍ଷ ଅଂଶଧାରକ ଯେଭଳି ସୁବିଧାରେ ଏଜିଏମ୍‌ରେ ଅଂଶଗ୍ରହଣ କରିପାରିବେ ସେଥିପାଇଁ କଂପାନି ପକ୍ଷରୁ ବିଭିନ୍ନ ବୈଷୟିକ ବ୍ୟବସ୍ଥା କରାଯାଇଥିଲା । ଭିଡିଓ କଲିଂ ଆପ୍ “ଜିଓମିଟ୍‌’ରେ ଅନୁଷ୍ଠିତ ହୋଇଥିବା କଂପାନିର ଏଜିଏମ୍ ପାଇଁ ମୁକବଧୀରମାନଙ୍କ ନିମନ୍ତେ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଥଲା। ଅଂଶଧାରକମାନଙ୍କ ସାମ୍ନାରେ କମ୍ପାନୀ ଯେଉଁ ସବୁ ପ୍ରସ୍ତାବ ରଖିଥିଲା ତାହାକୁ ସାଙ୍କେତିକ ଭାଷାରେ ମଧ୍ୟ ଉପଲବ୍ଧ କରାଯାଇଥିଲା।

ପଞ୍ଜାବର ଲୁଧିଆନା ସହରରୁ ଏଜିଏମ୍‌ରେ ଯୋଡ଼ି ହୋଇଥିବା ଦୃଷ୍ଟିବାଧିତ ଅଂଶଧାରକ ଲାଲ ସିଂହ ଠାକୁର ନିଜ ଅନୁଭୂତି ସମ୍ପର୍କରେ ବର୍ଣ୍ଣନା କରି କହିଛନ୍ତି ଯେ ‘ରିଲାଏନ୍ସ ପକ୍ଷରୁ ଏଜିଏମ୍ ପାଇଁ ମୁକ-ବଧୀର ଓ ଦୃଷ୍ଟିବାଧିତ ମାନଙ୍କ ପାଇଁ ଅତି ସୁନ୍ଦର ବ୍ୟବସ୍ଥା କରାଯାଇଥିଲା । ଅଂଶଧାରକ ଭାବେ ମୁଁ ମୋ କଥା କମ୍ପାନୀ କର୍ତୃପକ୍ଷଙ୍କ ନିକଟରେ ଉପସ୍ଥାପନ କରିପାରିଥିଲି ଏବଂ ଏଥିପାଇଁ କୌଣସି ଅସୁବିଧା ହୋଇନଥିଲା ।’’

ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ପ୍ରବକ୍ତା କହିଛନ୍ତି ଯେ, “ଅଧିକରୁ ଅଧିକ ଅଂଶଧାରକ ଏଜିଏମ୍‌ରେ ସାମିଲ ହେବା କମ୍ପାନୀ ପ୍ରତି ସେମାନଙ୍କ ରହିଥିବା ବିଶ୍ୱାସକୁ ଦର୍ଶାଉଛି । ଜିଓମିଟ୍‌ରେ ୪ ଲକ୍ଷ ୩୦ ହଜାରରୁ ଅଧିକ ଲୋକ ଯୋଡ଼ି ହେବା କେବଳ ଦେଶରେ ନୁହେଁ ସାରା ବିଶ୍ୱରେ ଏକ ବଡ଼ ଉପଲବ୍ଧି । ଏହି କାର୍ଯ୍ୟକ୍ରମକୁ ସଫଳ କରିବା ଲାଗି ଆମ ବୈଷୟିକ ଟିମ୍ ଦିନରାତି କାର୍ଯ୍ୟ କରିଥିଲେ ।’’

ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ ପକ୍ଷରୁ ଆସନ୍ତା ଅଗଷ୍ଟ ୨୮ ତାରିଖରେ ହେବାକୁ ଥିବା ୪୬ତମ ବାର୍ଷିକ ସାଧାରଣ ବୈଠକ (ଏଜିଏମ୍‌) ପୂର୍ବରୁ କମ୍ପାନୀର ବାର୍ଷିକ ରିପୋର୍ଟ ଜାରି କରାଯାଇଛି।

କମ୍ପାନୀର ବାର୍ଷିକ ରିପୋର୍ଟ ଅନୁସାରେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ମୁକେଶ ଅମ୍ବାନି ଲଗାତାର ତୃତୀୟ ବର୍ଷ ପାଇଁ କୌଣସି ଦରମା ନେଇନାହାନ୍ତି। ତିନି ବର୍ଷ ଧରି କୌଣସି ବେତନ ନନେଇ ସେ କମ୍ପାନୀ ପାଇଁ କାର୍ଯ୍ୟ କରୁଛନ୍ତି। କୋଭିଡ୍ ମହାମାରୀରେ ବ୍ୟବସାୟ ପ୍ରଭାବିତ ହୋଇଥିବା ସମୟରେ କମ୍ପାନୀର ସ୍ୱାର୍ଥକୁ ଦୃଷ୍ଟିରେ ରଖି ମୁକେଶ ସ୍ୱଇଚ୍ଛାରେ ବେତନ ନେବେ ନାହିଁ ବୋଲି ଘୋଷଣା କରିଥିଲେ। ୨୦୨୨-୨୩ ଆର୍ôଥକ ବର୍ଷରେ ମଧ୍ୟ ତାଙ୍କ ବେତନ ଶୂନ ରହିଥିବା କମ୍ପାନୀର ବାର୍ଷିକ ରିପୋର୍ଟରେ ଉଲ୍ଲେଖ କରାଯାଇଛି। କେବଳ ବେତନ ନୁହେଁ, ବିଗତ ତିନି ବର୍ଷରେ ମୁକେଶ ଭତ୍ତା, ଅନ୍ୟାନ୍ୟ ଲାଭ, ସେବାନିବୃତ ଲାଭ, କମିସନ କିମ୍ବା ଷ୍ଟକ ବିକଳ୍ପ ବି ନେଇନାହାନ୍ତି। ସେ ବ୍ୟକ୍ତିଗତ ଉଦାହରଣ ସୃଷ୍ଟି କରି ପୂର୍ବରୁ ନିଜ ବେତନକୁ ୧୫ କୋଟି ଟଙ୍କା ପର୍ଯ୍ୟନ୍ତ ସୀମିତ ରଖି ୨୦୦୮-୦୯ ରୁ ବାର୍ଷିକ ୧୫ କୋଟି ଟଙ୍କାର ବେତନ ନେଉଥିଲେ।

କମ୍ପାନୀର ବାର୍ଷିକ ରିପୋର୍ଟରେ ଦିଆଯାଇଥିବା ତଥ୍ୟ ଅନୁଯାୟୀ ରିଲାଏନ୍ସ ଇଣ୍ଡଷ୍ଟ୍ରିଜ୍‌ରେ ନିଖିଲ ମେସ୍‌ୱାନିଙ୍କ ଦରମା ୨୦୨୨-୨୩ରେ ୧ କୋଟି ଟଙ୍କା ବଢ଼ି ୨୫ କୋଟି ଟଙ୍କାକୁ ବୃଦ୍ଧି ପାଇଛି। ସେହିଭଳି ବାର୍ଷିକ ୨୫ କୋଟି ଟଙ୍କା ଦରମାରେ ହିତଲ ମେସ୍‌ୱାନି ବି କମ୍ପାନୀରେ କାମ କରୁଛନ୍ତି। ତୈଳ ଓ ଗ୍ୟାସ୍ ବ୍ୟବସାୟ ସହ ଜଡ଼ିତ ପି.ଏମ୍‌. ପ୍ରସାଦଙ୍କ ବେତନ ୨୦୨୧-୨୨ରେ ୧୧.୮୯ କୋଟି ଟଙ୍କା ଥିଲା ଯାହା ୨୦୨୨-୨୩ରେ ୧୩.୫ କୋଟି ଟଙ୍କାକୁ ବୃଦ୍ଧି ପାଇଛି।

ସୂଚନାଯୋଗ୍ୟ ଯେ ରିଲାଏନ୍ସ ହେଉଛି ଦେଶର ସର୍ବାଧିକ ଟିକସ ଦେଉଥିବା କମ୍ପାନୀ । ଗତ ତିନି ବର୍ଷରେ ରିଲାଏନ୍ସ ଇଣ୍ଡଷ୍ଟ୍ରିଜ ସରକାରୀ ରାଜକୋଷରେ ୫ ଲକ୍ଷ ୬୩ କୋଟି ଟଙ୍କା ଜମା କରିଛି। ପ୍ରତ୍ୟକ୍ଷ ଟିକସ, ପରୋକ୍ଷ ଟିକସ ଓ ସ୍ପେକ୍ଟ୍ରମ୍ ଉପଯୋଗ ଶୁଳ୍କ ଓ ଅନ୍ୟାନ୍ୟ ଟିକସ ବାବଦରେ କମ୍ପାନୀ ଏହି ଟଙ୍କା ଜମା କରିଛି। ୨୦୨୨-୨୩ ଆର୍ôଥକ ବର୍ଷରେ କମ୍ପାନୀ ସରକାରୀ ରାଜକୋଷରେ ୧.୭୭ ଲକ୍ଷ କୋଟି ଟଙ୍କା ଜମା କରିଛି। କମ୍ପାନୀର ବାର୍ଷିକ ରିପୋର୍ଟରୁ ଏହି ତଥ୍ୟ ଜଣାପଡିଛି। ବିଗତ ତିନି ବର୍ଷରେ ରିଲାଏନ୍ସ ସରକାରୀ ରାଜକୋଷରେ ଯେତିକି ଟଙ୍କା ଜମା କରିଛି ତାହା ଭାରତ ସରକାରଙ୍କ ମୋଟ ବଜେଟ୍ ବ୍ୟୟର ୫%ରୁ ଅଧିକ।

ନିଯୁକ୍ତି ପ୍ରଦାନ କରିବାରେ ମଧ୍ୟ ରିଲାଏନ୍ସ ଦେଶରେ ଏକ ନମ୍ବର ସ୍ଥାନରେ ରହିଛି। କମ୍ପାନୀର ବାର୍ଷିକ ରିପୋର୍ଟ ଅନୁଯାୟୀ ୨୦୨୨-୨୩ରେ ରିଲାଏନ୍ସ ୯୫,୧୬୭ ନିଯୁକ୍ତି ସୃଷ୍ଟି କରିବା ସହିତ ରିଲାଏନ୍ସର ମୋଟ କର୍ମଚାରୀ ସଂଖ୍ୟା ୩.୮୯ ଲକ୍ଷକୁ ବୃଦ୍ଧି ପାଇଛି। ଏଥିମଧ୍ୟରୁ ୨.୪୫ ଲକ୍ଷ ରିଲାଏନ୍ସ ରିଟେଲ୍‌ରେ କାମ କରୁଛନ୍ତି। ରିଲାଏନ୍ସ ରିଟେଲ୍ ଦେଶର ସବୁଠୁ ବଡ଼ ନିଯୁକ୍ତିଦାତା ଭାବେ ଉଭା ହୋଇଛି। ରିଲାଏନ୍ସ ଜିଓରେ ୯୫ ହଜାରରୁ ଅଧିକ ଲୋକ କାମ କରୁଛନ୍ତି। ଲାଗାତାର ତୃତୀୟ ବର୍ଷ ପାଇଁ ରିଲାଏନ୍ସ ହଜାର ହଜାର ନୂଆ ନିଯୁକ୍ତି ସୃଷ୍ଟି କରିଛି। କୋଭିଡ୍ ମହାମାରୀ ସମୟରେ ମଧ୍ୟ କଂପାନି ୭୫ ହଜାର ନୂଆ ନିଯୁକ୍ତି ସୃଷ୍ଟି କରିଥିଲା।

ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆର୍‌ଆଇଏଲ୍‌)ର ଟେଲିକମ୍ ଓ ଡିଜିଟାଲ୍ ସେବା ପ୍ରଦାନକାରୀ କମ୍ପାନୀ ଜିଓ ପ୍ଲାଟଫର୍ମସ୍ ଲିମିଟେଡ୍ ଚଳିତ ଆର୍ଥିକ ବର୍ଷର ୨୦୨୧ ଏପ୍ରିଲ୍‌ରୁ ଜୁନ୍ ପର୍ଯ୍ୟନ୍ତର ପ୍ରଥମ ତ୍ରୟମାସରେ ନିଟ୍ ଲାଭରେ ୪୪.୯% ବୃଦ୍ଧି ସହ ୩୬୫୧ କୋଟି ଟଙ୍କା ନିଟ୍ ଲାଭ ହାସଲ କରିଥିବା କଂପାନି ପକ୍ଷରୁ ଆଜି ଘୋଷଣା କରାଯାଇଥିବା ତ୍ରୟମାସିକ ଆର୍ଥିକ ଫଳାଫଳରୁ ଜଣାପଡ଼ିଛି। ଗତବର୍ଷର ପ୍ରଥମ ତ୍ରୟମାସରେ କଂପାନି ୨୫୧୯ କୋଟି ଟଙ୍କାର ନିଟ୍ ଲାଭ ହାସଲ କରିଥିଲା।

ଯୋଗାଯୋଗ (କନେକ୍ଟିଭିଟି) ବ୍ୟବସାୟରେ ଗ୍ରାହକ ଯୋଡ଼ି ହେବା ଜାରି ରହିଥିବାରୁ ଆଇୟୁସି ସମାୟୋଜିତ ୧୯% ଅଭିବୃଦ୍ଧି ସହ ତ୍ରୟମାସିକ ରାଜସ୍ୱ ୧୮,୯୫୨ କୋଟି ଟଙ୍କା (୨.୫ ବିଲିଅନ୍ ଡଲାର) ହୋଇଛି। ୨୦୨୧ ଜୁନ୍ ୩୦ ସୁଦ୍ଧା ଦେଶରେ ଜିଓର ମୋଟ ଗ୍ରାହକ ସଂଖ୍ୟା ୪୪ କୋଟିକୁ ବୃଦ୍ଧି ପାଇଛି। ଏହି ତ୍ରୟମାସରେ ଇବିଆଇଟିଡିଏ ୮୮୯୨ କୋଟି ଟଙ୍କା (୧.୨ ବିଲିଅନ ଡଲାର) ରହିଛି ଯାହା ଗତବର୍ଷର ପ୍ରଥମ ତ୍ରୟମାସ ଇବିଆଇଟିଡିଏ ତୁଳନାରେ ୨୧.୩% ଅଧିକ। ଏହି ତ୍ରୟମାସରେ ଗ୍ରାହକ ପିଛା ହାରାହାରି ରାଜସ୍ୱ ପ୍ରତି ମାସରେ ପ୍ରତି ଗ୍ରାହକ ପିଛା ୧୩୮.୪ ଟଙ୍କା ରହିଛି।

ଜିଓ ନେଟ୍‌ୱର୍କରେ ମୋଟ ଡାଟା ଟ୍ରାଫିକ୍ ୩୮.୫% ବୃଦ୍ଧି ପାଇଛି ଏବଂ ଏହି ତ୍ରୟମାସରେ ତାହା ୨୦.୩ ବିଲିଅନ ଜିବି ରହିଛି। ୨୦୨୧-୨୨ ଆର୍ଥିକ ବର୍ଷରେ ପ୍ରତି ମାସରେ ପ୍ରତି ଗ୍ରାହକ ପିଛା ହାରାହାରି ଡାଟା ବ୍ୟବହାର ୧୫.୬ ଜିବିକୁ ବୃଦ୍ଧି ପାଇଥିବା ବେଳେ ପ୍ରତି ମାସରେ ପ୍ରତି ଗ୍ରାହକ ପିଛା ହାରାହାରି ଭଏସ୍ ଉପଯୋଗିତା ୮୧୮ ମିନିଟ୍ ରହିଛି। ଏହି ତ୍ରୟମାସରେ କୋଭିଡ୍ ଯୋଗୁଁ ସୃଷ୍ଟି ହୋଇଥିବା ପ୍ରଭାବକୁ ହ୍ରାସ କରିବା ଲାଗି ଜିଓ ତରଫରୁ ଅନେକ ଗ୍ରାହକ କୈନ୍ଦ୍ରୀକ ସେବା ଶୁଭାରମ୍ଭ କରାଯାଇଥିଲା ଯେଉଁଥିରେ ସାମିଲ ରହିଛି ଜିଓଫୋନ୍ ବ୍ୟବହାରକାରୀମାନଙ୍କ ଲାଗି ମାଗଣା ଅଫର, ଜରୁରୀକାଳୀନ ଡାଟା ଲୋନ, ହ୍ୱାଟସ୍‌ଆପ୍ ରିଚାର୍ଜ ସୁବିଧା ଏବଂ କୌଣସି ଦୈନିକ ସୀମା ନଥିବା ଫ୍ରିଡମ୍ ପ୍ଲାନ୍। କ୍ଷେତ୍ର ଭିତିରେ କାର୍ଯ୍ୟ କରିବାର ଆହ୍ୱାନ ରହିଥିବା ସତ୍ତ୍ୱେ ନିକଟ ମାସଗୁଡ଼ିକରେ ଗ୍ରାହକ ଯୋଡ଼ିବାରେ ଉନ୍ନତ ଧାରା ଜାରି ରହିଥିବାରୁ ଜିଓଫାଇବର୍‌ର ଏବେ ୩ ନିୟୁତରୁ ଅଧିକ ଘରକୁ ସଂଯୋଗ କରିପାରିଛି।

ଏହି ତ୍ରୟମାସିକ ଫଳାଫଳ ସମ୍ପର୍କରେ ମୁକେଶ ଧିରୁଭାଇି ଅମ୍ବାନି, ଅଧ୍ୟକ୍ଷ ଓ ପରିଚାଳନା ନିର୍ଦେଶକ, ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ କହିଛନ୍ତି ଯେ, “କରୋନା ମହାମାରୀ ଦ୍ୱିତୀୟ ଲହର ଯୋଗୁଁ ପରିଚାଳନା ପରିବେଶରେ ଅତ୍ୟଧିକ ଆହ୍ୱାନକୁ ସାମ୍ନା କରିବା ସତ୍ୱେ କଂପାନି ଦୃଢ଼ ଅଭିବୃଦ୍ଧି ପ୍ରଦାନ କରିଥିବାରୁ ମୁଁ ଆନନ୍ଦିତ। ୨୦୨୧-୨୨ ଆର୍ଥିକ ବର୍ଷର ପ୍ରଥମ ତ୍ରୟମାସର ଫଳାଫଳ ରିଲାଏନ୍ସର ବିବିଧ ବ୍ୟବସାୟ ପୋର୍ଟଫୋଲିଓର ସବୁ ସମୟରେ ସହନଶୀଳତାକୁ ପ୍ରତିଫଳିତ କରୁଛି।

ଜିଓ ଟେଲିକମ୍ ଓ ଡିଜିଟାଲ୍ ଶିଳ୍ପର ଅଗ୍ରଣୀ ପରିଚାଳନା ସୂଚୀ ସହ ଆଉ ଏକ ରେକର୍ଡ ତ୍ରୟମାସ ପ୍ରଦର୍ଶନ କରିଛି। ମୁଁ ଜିଓ ପରିବାରର ବିଶ୍ୱସ୍ତ ଗ୍ରାହକମାନଙ୍କ ପ୍ରତି କୃତଜ୍ଞ ଯେଉଁମାନଙ୍କ ସଂଖ୍ୟା ଏହି ତ୍ରୟମାସରେ ଆହୁରି ବୃଦ୍ଧି ପାଇଛି, ଏବଂ ଯାହା ଭାରତର ଏକ ନମ୍ବର ଡିଜିଟାଲ୍ ସଂଯୋଗ ଓ ସେବା ପ୍ରଦାନକାରୀ ଭାବେ ଏହାର ସ୍ଥିତିକୁ ସୁଦୃଢ଼ କରିଛି। ଉତ୍କୃଷ୍ଟ ସେବା ମାନର ସ୍ତରରେ ଉନ୍ନତି ଆଣିବା ଉପରେ ଆମର ନିରନ୍ତର ଗୁରୁତ୍ୱକୁ ସେମାନେ ପସନ୍ଦ କରୁଛନ୍ତି।

ଆମର ଓ୨ସି (ଅଏଲ୍ ଟୁ କେମିକାଲ୍ସ) ବ୍ୟବସାୟରେ ରହିଥିବା ସମନ୍ୱିତ ପୋର୍ଟଫୋଲିଓ ଓ ଉତ୍କୃଷ୍ଟ ଉତ୍ପାଦ ଉପସ୍ଥାପନ ଦକ୍ଷତା ଜରିଆରେ ଆମେ ଆୟ ଦୃଢ଼ କରିପାରିଛୁ। ଆମର ସହଯୋଗୀ ବିପି ସହିତ ଆମେ କେଜି ଡି୬ ରେ ସାଟେଲାଇଟ୍ କ୍ଲଷ୍ଟର କାର୍ଯ୍ୟକ୍ଷମ କରିଛୁ ଓ ଉତ୍ପାଦନରେ ବୃଦ୍ଧି ଜାରି ରଖି ଭାରତର ଗ୍ୟାସ୍ ଉତ୍ପାଦନକୁ ୨୦% ଅବଦାନ ପ୍ରଦାନ କରିଛୁ। ଦେଶର ଉଜ୍ୱର୍ା ସୁରକ୍ଷାରେ ଏହା ହେଉଛି ଏକ ପ୍ରମୁଖ ଯୋଗଦାନ।’’