Tag: ସମ୍ ଅଲ୍ଟିମେଟ ମେଡିକେୟାର

ଭୁବନେଶ୍ୱର: ପୋଷଣର ଗୁରୁତ୍ୱ ଏବଂ ଖାଦ୍ୟ ଗ୍ରହଣ ପ୍ରକ୍ରିୟାକୁ ନେଇ ଗତ ଶନିବାର ସମ୍ ଅଲ୍ଟିମେଟ ମେଡିକେୟାର ପକ୍ଷରୁ ଆୟୋଜିତ ହୋଇଥିବା ଦ୍ୱିତୀୟ ସମ୍ ଅଲ୍ଟିମେଟ ନ୍ୟାସ୍‌ନାଲ ନ୍ୟୁଟ୍ରିସନ୍ ଓରିଏନ୍‌ଟେସନ୍ (ସୁନୋ ୨.୦) କାର୍ଯ୍ୟକ୍ରମରେ ବିସ୍ତୃତ ଭାବେ ଆଲୋଚନା ହୋଇଯାଇଛି।

ଏହି ଶୈକ୍ଷିକ କାର୍ଯ୍ୟକ୍ରମରେ ସାରା ଦେଶରୁ ୯ ଜଣ ବିଶେଷଜ୍ଞ ଯୋଗ ଦେଇ ବିଭିନ୍ନ ପ୍ରସଙ୍ଗରେ ବକ୍ତବ୍ୟ ରଖିଥିଲେ।

କାର୍ଯ୍ୟକ୍ରମକୁ ସମ୍ମମ୍‌ର ଚିଫ୍ ଏଗ୍‌ଜିକ୍ୟୁଟିଭ ଅଫିସର ଡକ୍ଟର ଶ୍ୱେତପଦ୍ମା ଦାଶ ଉଦ୍‌ଘାଟନ କରିଥିବା ବେଳେ ସ୍ୱାସ୍ଥ୍ୟ ସେବା କ୍ଷେତ୍ରରେ ପୋଷଣର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି ବୋଲି କହିଥିଲେ। ଚଳିତ ବର୍ଷର ପ୍ରସଙ୍ଗ ‘କ୍ରିଟିକାଲ୍ ନ୍ୟୁଟ୍ରିସନ୍ ଇନ୍ ଆକ୍ସନ୍‌’ ହିଁ ସୂଚାଉଛି ଯେ ସୁସ୍ଥ ହେବା ନିମନ୍ତେ ପୋଷଣ କେତେ ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ।

ଗୁରୁତର ରୋଗୀଙ୍କ କ୍ଷେତ୍ରରେ ପୋଷଣର ଅନିୟମିତତାକୁ ଚିହ୍ନଟ କରିପାରିଲେ ରୋଗର ଜଟିଳତା କମି ଯାଇଥାଏ ଏବଂ ରୋଗୀ ଶୀଘ୍ର ସୁସ୍ଥ ହୋଇଥାଏ ବୋଲି ସେ କହିଥିଲେ। ଏହି କ୍ଷେତ୍ର ବେଶ ବ୍ୟାପକ। ପୋଷଣ କ୍ଷେତ୍ରରେ ଗବେଷଣାର ଆବଶ୍ୟକତା ରହିଛି ବୋଲି ଡକ୍ଟର ଦାଶ କହିଥିଲେ।

ଏହି କାର୍ଯ୍ୟକ୍ରମକୁ ନେଇ ଖୁସି ବ୍ୟକ୍ତ କରିଛନ୍ତି ଶିକ୍ଷା ଓ ଅନୁସନ୍ଧାନ (ସୋଆ)ର ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଞ୍ଜନ ନାୟକ। ସ୍ୱାସ୍ଥ୍ୟ ସେବା କ୍ଷେତ୍ରରେ କାର୍ଯ୍ୟ କରୁଥିବା ବ୍ୟକ୍ତି ବିଶେଷ ରୋଗୀମାନଙ୍କୁ ଅସାଧାରଣ ରୋଗୀ ସେବା ପ୍ରଦାନ କରିବା ନିମନ୍ତେ ଅତ୍ୟାଧୁନିକ ପୋଷଣ ଜନିତ ଜ୍ଞାନ ଆହରଣ କରିବାର ଆବଶ୍ୟକତା ରହିଥିବା ବେଳେ ସୁନୋ ୨.୦ ଭଳି କାର୍ଯ୍ୟକ୍ରମ ଏହି ଲକ୍ଷ୍ୟ ପୂରଣ ହେବାରେ ବେଶ ଗୁରୁତ୍ୱପୂର୍ଣ୍ଣ ବୋଲି ପ୍ରଫେସର ନାୟକ କହିଥିଲେ।

କାର୍ଯ୍ୟକ୍ରମରେ ସମ୍ମମର ଚିଫ୍ ଅଫ୍ ମେଡିକାଲ୍ ସର୍ଭିସେସ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର, ମେଡିସିନ୍ ବିଭାଗର ସିନିୟର କନ୍‌ସଲଟାଂଟ ତଥା ସୁନୋର ଏକାଡେମିକ୍ ଆଡଭାଇଜର ଡାକ୍ତର କୁମାର ଧର, ଡାଏଟିକ୍ସ ବିଭାଗର ମୁଖ୍ୟ ତଥା କାର୍ଯ୍ୟକ୍ରମର ଅର୍ଗାନାଇଜିଂ ସେକ୍ରେଟାରୀ ସୁଶ୍ରୀ ସଂଗୀତା ଜେନା ବକ୍ତବ୍ୟ ରଖିଥିଲେ।

ବ୍ରିଗେଡିୟର ମିଶ୍ର କାର୍ଯ୍ୟକ୍ରମରେ ଓଡ଼ିଶାର ଡାଏଟିକ୍ସ କ୍ଷେତ୍ରର ବ୍ୟକ୍ତି ବିଶେଷ ବେଶ ଆଗ୍ରହର ସହ ଭାଗ ନେଇଥିବାରୁ ପ୍ରଶଂସା କରିବା ସହ ସମ୍ମମର ଡାଏଟିକ୍ସ ଟିମ୍ ରୋଗୀଙ୍କ ଚିକିତ୍ସା କ୍ଷେତ୍ରରେ ଅନେକ ସହଯୋଗ କରୁଥିବା ପ୍ରକାଶ କରିଥିଲେ।

ଡାକ୍ତର ଧର କହିଥିଲେ ଯେ ଶିଶୁଙ୍କ ଠାରୁ ବୃଦ୍ଧ ପର୍ଯ୍ୟନ୍ତ ସମସ୍ତଙ୍କୁ ପୋଷଣ କ୍ଷେତ୍ରରେ ଗୁରୁତ୍ୱ ଦେବାର ଆବଶ୍ୟକତା ରହିଛି। ଶ୍ରୀମତି ଜେନା କହିଥିଲେ ଯେ ଭବିଷ୍ୟତରେ ପୋଷଣ ସମ୍ପର୍କିତ ଏକ ଆନ୍ତର୍ଜାତିକ କର୍ମଶାଳା ଆୟୋଜନ କରାଯିବାର ଯୋଜନା ରହିଛି।

କାର୍ଯ୍ୟକ୍ରମରେ ଭୁବନେଶ୍ୱର ସ୍ଥିତ କିଡସ ହସ୍ପିଟାଲର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଡାକ୍ତର ଆଲୋକ କାନୁନ୍‌ଗୋ, ହାଇଦ୍ରାବାଦ ସ୍ଥିତ ଏଆଇଜି ହସ୍ପିଟାଲ୍‌ର ଲିଡ୍ କ୍ଲିନିକାଲ୍ ଡାଏଟିସିଆନ୍ ଡାକ୍ତର ରାଧା ରେଡ୍ଡୀ ଚଢ଼ା, କ୍ୟାପିଟାଲ ହସ୍ପିଟାଲର ପୂର୍ବତନ ଚିଫ୍ ମେଡିକାଲ ଅଫିସର ତଥା ଶିଶୁରୋଗ ବିଭାଗର ମୁଖ୍ୟ ଡାକ୍ତର ଶଶିକାନ୍ତ ମିଶ୍ର, ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ ହସ୍ପିଟାଲ୍‌ର ମାନସିକ ରୋଗ ପିଜି ବିଭାଗର ପ୍ରଫେସର (ଡାକ୍ତର) ଶୁଭେନ୍ଦୁ ନାରାୟଣ ମିଶ୍ର, ସମ୍ମମ୍‌ର ଜେରିଆଟ୍ରିକ୍ ମେଡିସିନ୍ ବିଭାଗର କନ୍‌ସଲଟାଂଟ ଡାକ୍ତର ପୁର୍ଣ୍ଣ ଚନ୍ଦ୍ର ଦାସ, କିମ୍ସର ଆସିଷ୍ଟାଂଟ ପ୍ରଫେସର ଡାକ୍ତର ଶ୍ୱେତା ପରିଡ଼ା ଏବଂ କ୍ରିଟିକାଲ୍ କେୟାର ମେଡିସିନ୍ ବିଭାଗର ଡାକ୍ତର ଆଲିଶା ଚୌଧୁରୀ ବକ୍ତବ୍ୟ ରଖିଥିଲେ।

ଭୁବନେଶ୍ୱର: ବିଶ୍ୱ ହୃତପିଣ୍ଡ ଦିବସ ଉପଲକ୍ଷେ ଗତ ଶୁକ୍ରବାର ଦିନ ସମ୍ ଅଲ୍ଟିମେଟ ମେଡିକେୟାରରେ ରୋଗୀ ଏବଂ କର୍ମଚାରୀମାନଙ୍କ ନିମନ୍ତେ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ସେପ୍ଟେମ୍ବର ୨୯ ତାରିଖକୁ ବିଶ୍ୱ ହୃତପିଣ୍ଡ ଦିବସ ରୂପେ ପାଳନ କରାଯାଏ।

କାର୍ଯ୍ୟକ୍ରମରେ ସମ୍ମମ୍‌ର ଚିଫ୍ ଅଫ୍ ମେଡିକାଲ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଅଧ୍ୟକ୍ଷତା କରିଥିବା ବେଳେ ମେଡିକାଲ୍ ସୁପରିଟେଣ୍ଡେଂଟ ଡାକ୍ତର ପି.କେ. ପଣ୍ଡା ଓ କାର୍ଡିଆକ୍ ସାଇନ୍‌ସେସ୍ ବିଭାଗର ସିନିୟର କନ୍‌ସଲ୍‌ଟାଂଟ ଡାକ୍ତର ଶରତ କୁମାର ସାହୁ, ଡାକ୍ତର ବନବିହାରୀ ମିଶ୍ର, ଡାକ୍ତର ବିଭୁତେନ୍ଦ୍ର ମହାନ୍ତି ଓ କନ୍‌ସଲ୍‌ଟାଂଟ ଡାକ୍ତର ସୁନୀଲ ମିଶ୍ର ବକ୍ତବ୍ୟ ରଖିଥିଲେ।

କାର୍ଯ୍ୟକ୍ରମରେ ବ୍ରିଗେଡିୟର ମିଶ୍ର କାର୍ଡିଆକ ସାଇନ୍‌ସେସ୍ ବିଭାଗର କାର୍ଯ୍ୟକୁ ପ୍ରଶଂସା କରିଥିବା ବେଳେ ଡାକ୍ତର ସାହୁ ଖାଦ୍ୟ ଗ୍ରହଣ, ବ୍ୟାୟାମ, ଉଚିତ୍ ସମୟରେ ନିଦ୍ରା, ନିଜର ଅନ୍ତର୍ନିହିତ ରୋଗକୁ ନିୟନ୍ତ୍ରଣରେ ରଖିବା ସହ ନିୟମିତ ଡାକ୍ତରୀ ପରୀକ୍ଷା ମାଧ୍ୟମରେ କିଭଳି ହୃତ୍‌ପିଣ୍ଡର ଯତ୍ନ ନେଇ ହେବ ସେ ସମ୍ପର୍କରେ ଆଲୋଚନା କରିଥିଲେ ।

ସେହିପରି ଡାକ୍ତର ବନବିହାରୀ ମିଶ୍ର ଜରୁରୀକାଳୀନ ହୃତ୍ ସମସ୍ୟାର ଉପଚାର ସମ୍ପର୍କରେ ତଥ୍ୟ ରଖିବା ସହ ତମାଖୁ ସେବନର ପ୍ରଭାବ ଯୋଗୁଁ କିଭଳି ହୃତ ସମସ୍ୟା ସୃଷ୍ଟି ହେଉଛି ସେ ବିଷୟରେ ଡାକ୍ତର ମହାନ୍ତି ମତ ରଖିଥିଲେ ।

ଭୁବନେଶ୍ୱର: ଡାକ୍ତରଖାନାରେ ରେକର୍ଡଗୁଡ଼ିକୁ ସଠିକ୍ ଭାବେ ସଂରକ୍ଷିତ ରଖିବାର ଆବଶ୍ୟକତାକୁ ନେଇ ସମ୍ ଅଲ୍ଟିମେଟ ମେଡିକେୟାରରେ ଗତ ମଙ୍ଗଳବାର ଜାତୀୟ ମେଡିକାଲ୍ ରେକର୍ଡ୍ସ ଦିବସ ପାଳିତ ହୋଇଯାଇଛି।

ଏହି ଉପଲକ୍ଷେ ଚଳିତ ବର୍ଷର ପ୍ରସଙ୍ଗ ‘ଏମ୍‌ପାୱାରିଂ ହେଲ୍‌ଥ ଥ୍ରୁ ଆକ୍ୟୁରେଟ୍ ରେକର୍ଡ୍ସ’ କୁ ନେଇ ହସ୍ପିଟାଲ୍‌ର କର୍ମଚାରୀଙ୍କ ନିମନ୍ତେ ଏକ କର୍ମଶାଳାର ଆୟୋଜନ କରାଯାଇଥିଲା। ଏଥିରେ ମେଡିକାଲ୍ ରେକର୍ଡ ଗୁଡ଼ିକର ସଂଗ୍ରହ, ସଂରକ୍ଷଣ ଏବଂ ସଠିକତା ଉପରେ ଗୁରୁତ୍ୱାରୋପ କରାଯାଇଥିଲା।

କାର୍ଯ୍ୟକ୍ରମକୁ ସମ୍ମମ୍‌ର ଚିଫ୍ ଏଗ୍‌ଜିକ୍ୟୁଟିଭ ଅଫିସର ଡକ୍ଟର ଶ୍ୱେତପଦ୍ମା ଦାଶ ଉଦ୍‌ଘାଟନ କରିବା ସହ ଏହି ବିଭାଗଟି ହସ୍ପିଟାଲର କାର୍ଯ୍ୟକୁ ଶୃଙ୍ଖଳିତ ଓ ସୁଚାରୁରୂପେ ତୁଲାଇବା ନିମନ୍ତେ ଏହାର ମେରୁଦଣ୍ଡ ଭାବେ କାର୍ଯ୍ୟ କରିଥାଏ ବୋଲି କହିଥିଲେ।

ଏହି ଅବସରରେ ହସ୍ପିଟାଲର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜମୋହନ ମିଶ୍ର, ମେଡିକାଲ୍ ସୁପରିଟେଣ୍ଡେଂଟ ଡାକ୍ତର ପ୍ରଶାନ୍ତ କୁମାର ପଣ୍ଡା, ମେଡିକାଲ ରେକର୍ଡ୍ସ ବିଭାଗର ମୁଖ୍ୟ ଡାକ୍ତର ମାନସ ରଞ୍ଜନ ସେଠୀ, ହସ୍ପିଟାଲର ଡାକ୍ତର, ନର୍ସ ଓ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ।

ଡାକ୍ତର ସେଠୀ ମେଡିକାଲ ରେକର୍ଡ ଗୁଡ଼ିକୁ ସଂରକ୍ଷଣ କରିବା ନେଇ ଏହାର ଆଇନ୍‌ଗତ ଦିଗ ଉପରେ ବକ୍ତବ୍ୟ ରଖିବା ସହ ବ୍ରିଗେଡିୟର (ଡ) ମିଶ୍ର ମେଡିକାଲ୍ ରେକର୍ଡର ଡିଜିଟାଲାଇଜେସନ୍ ଉପରେ ଗୁରୁତ୍ୱାରୋପ କରିଥିଲେ।

ରତିକାନ୍ତ ବାରିକ ଦୈନନ୍ଦିନ ମେଡିକାଲ୍ ରେକର୍ଡ ସଂରକ୍ଷଣ ଉପରେ ବକ୍ତବ୍ୟ ରଖିଥିଲେ।

ଭୁବନେଶ୍ୱର: ଗୁରୁତର ଯକୃତ ଜନିତ ସମସ୍ୟା (ଲିଭର ଫେଲ୍ୟୁଅର)ରେ ପୀଡିତ ଥିବା ପଶ୍ଚିମବଙ୍ଗର ଜଣେ ୧୯ ବର୍ଷୀୟା ଯୁବତୀଙ୍କୁ ସଫଳତାର ସହ ପ୍ଲାଜ୍‌ମା ଏକ୍ସଚେଞ୍ଜ ମାଧ୍ୟମରେ ସୁସ୍ଥ କରିଛନ୍ତି ସମ୍ ଅଲ୍ଟିମେଟ ମେଡିକେୟାରର ଡାକ୍ତର।

ହସ୍ପିଟାଲ୍‌ରେ ଭର୍ତି ହେବା ସମୟରେ ଯୁବତୀ ଜଣଙ୍କ ଜ୍ୱର ଏବଂ ଜଣ୍ଡିସ୍‌ରେ ପୀଡ଼ିତ ହେବା ସହ ତାଙ୍କ ଶରୀରରେ ଯକୃତର ଗୁରୁତର ସମସ୍ୟା ଓ ଅଲ୍ଟର୍ଡ ସେନ୍‌ସୋରିୟମ୍ ଭଳି ଲକ୍ଷଣ ଦେଖିବାକୁ ମିଳିଥିଲା ବୋଲି ସମ୍ମମ୍‌ର ଗ୍ୟାଷ୍ଟ୍ରୋଏନ୍‌ଟେରୋଲୋଜି ବିଭାଗର କନ୍‌ସଲଟାଂଟ ଡାକ୍ତର ଗଦାଧର ପଣ୍ଡା କହିଛନ୍ତି।

ପରୀକ୍ଷା ନିରୀକ୍ଷା ପରେ ବାହ୍ୟ ସଂକ୍ରମଣ ଯୋଗୁଁ ତାଙ୍କର ଗୁରୁତର ଯକୃତ ସମସ୍ୟା ଅଥବା ଲିଭର ଫେଲ୍ୟୁଅର୍ ହୋଇଥିବାର ଜଣାପଡ଼ିଥିଲା। ଏଭଳି ସମସ୍ୟାରେ ପୀଡ଼ିତ ଥିବା ରୋଗୀଙ୍କ କ୍ଷେତ୍ରରେ ମୃତ୍ୟୁର ସମ୍ଭାବନା ୯୦ ପ୍ରତିଶତ ରହିଥିବା ବେଳେ ଚିକିତ୍ସା ପାଇଁ ଯକୃତ ପ୍ରତ୍ୟାରୋପଣ ହିଁ ସବୁଠାରୁ ବଡ଼ ମାଧ୍ୟମ ବୋଲି କହିଛନ୍ତି ହସ୍ପିଟାଲ୍‌ର କ୍ରିଟିକାଲ୍ କେୟାର ମେଡିସିନ୍ ବିଭାଗର ମୁଖ୍ୟ ଡାକ୍ତର ବାନାମ୍ବର ରାୟ।

ତେବେ ଏହି ଯୁବତୀ ଜଣଙ୍କ କ୍ଷେତ୍ରରେ ଯକୃତ ପ୍ରତ୍ୟାରୋପଣ ସମ୍ଭବ ହୋଇପାରି ନଥିବାରୁ ତାଙ୍କ ଶରୀରରେ ପ୍ଲାଜ୍‌ମା ଏକ୍ସଚେଞ୍ଜ ଅର୍ଥାତ୍ ଲିଭର ଡାଇଲିସିସ୍ କରାଯିବାର ନିଷ୍ପତି ନିଆଯାଇଥିଲା। ତାଙ୍କ ପରିବାରବର୍ଗଙ୍କୁ ଏହି ଚିକିତ୍ସା ପଦ୍ଧତିର ଜଟିଳତା ଓ ଉପକାରିତା ସମ୍ପର୍କରେ ସବିଶେଷ ବୁଝାଇବା ପରେ ପ୍ଲାଜ୍‌ମା ଏକ୍ସଚେଞ୍ଜର ନିଷ୍ପତି ନିଆଯାଇଥିଲା। ରୋଗୀ ଜଣଙ୍କୁ ପ୍ଲାଜ୍‌ମା ଏକ୍ସଚେଞ୍ଜର ୩ଟି ପର୍ଯ୍ୟାୟରେ ଚିକିତ୍ସା କରାଯିବା ପରେ ସେ ଧୀରେଧୀରେ ସୁସ୍ଥ ହୋଇଥିଲେ ଏବଂ ତାଙ୍କ ଯକୃତ ମଧ୍ୟ ଉନ୍ନତ ଭାବେ କାର୍ଯ୍ୟ କରିଥିଲା। ସୁସ୍ଥ ହେବା ପରେ ତାଙ୍କୁ ହସ୍ପିଟାଲ୍‌ରୁ ଡିସ୍‌ଚାର୍ଜ କରାଯାଇଥିଲା ବୋଲି ଡାକ୍ତର ପଣ୍ଡା କହିଛନ୍ତି।

କେବଳ ସମ୍ ଅଲ୍ଟିମେଟ ନୁହେଁ ରାଜ୍ୟର ଅନେକ ରୋଗୀ ଯେଉଁମାନଙ୍କ କ୍ଷେତ୍ରରେ ଯକୃତ ପ୍ରତ୍ୟାରୋପଣ ସମ୍ଭବ ନୁହେଁ ସେମାନଙ୍କୁ ପ୍ଲାଜ୍‌ମା ଏକ୍ସଚେଞ୍ଜ ମାଧ୍ୟମରେ ସୁସ୍ଥ କରି ରୋଗୀମାନଙ୍କ ମନରେ ଆଶାର ସଂଚାର ସୃଷ୍ଟି କରିପାରିଛନ୍ତି ଡାକ୍ତର ପଣ୍ଡା।

ଭୁବନେଶ୍ୱର: ରୋଗୀ ମାନଙ୍କ କ୍ଷେତ୍ରରେ ଚିକିତ୍ସା ସମୟରେ ପୋଷଣ ଯୁକ୍ତ ଖାଦ୍ୟର ଭୂମିକା ଅନେକ ଗୁରୁତ୍ୱପୂର୍ଣ୍ଣ। ଏହି ପ୍ରସଙ୍ଗକୁ ଭିତି କରି ରାଷ୍ଟ୍ରୀୟ ପୋଷଣ ମାହ ପରିପ୍ରେକ୍ଷୀରେ ଶନିବାର ସମ୍ ଅଲ୍ଟିମେଟ ମେଡିକେୟାରରେ “ପ୍ରଥମ ସୁନୋ-ସମ୍ ଅଲ୍ଟିମେଟ ନ୍ୟାସ୍‌ନାଲ ନ୍ୟୁଟ୍ରିସନ୍ ଓରିଏଂଟେସନ୍‌” କାର୍ଯ୍ୟକ୍ରମ ଆୟୋଜିତ ହୋଇଯାଇଛି।

“କ୍ଲିନିକାଲ ନ୍ୟୁଟ୍ରିସନ୍ ଇନ୍ ଆକ୍ସନ୍‌: ଆପ୍ଲାଇଙ୍ଗ ଏଭିଡେନ୍ସ ବେସ୍‌ଡ ଇନ୍‌ସାଇଟ୍‌” ଶୀର୍ଷକ ଏହି ଏକ ଦିବସୀୟ ଓରିଏଂଟେସନ୍ କାର୍ଯ୍ୟକ୍ରମର ଉଦ୍‌ଘାଟନୀ ଅବସରରେ ସମ୍ମମ୍‌ର ସିଇଓ ଡକ୍ଟର ଶ୍ୱେତପଦ୍ମା ଦାଶ, କ୍ରିଟିକାଲ୍ କେୟାର ମେଡିସିନ୍ ବିଭାଗର ମୁଖ୍ୟ ଡାକ୍ତର ବାନାମ୍ବର ରାୟ ଓ ମେଡିକାଲ୍ ସୁପରିଟେଣ୍ଡେଂଟ୍ ଡାକ୍ତର ପି.କେ. ପଣ୍ଡା ଉପସ୍ଥିତ ଥିଲେ।

ଏହି ଅବସରରେ ସିଇଓ ଡକ୍ଟର ଦାଶ ଅତିଥିମାନଙ୍କୁ ସ୍ୱାଗତ କରିବା ସହ ଓରିଏଂଟେସନ୍ କାର୍ଯ୍ୟକ୍ରମର ପ୍ରସଙ୍ଗ ସମ୍ପର୍କରେ ଆଲୋକପାତ କରିଥିଲେ। ସମସ୍ତଙ୍କ ଜୀବନରେ ଔଷଧ ସହ ପୋଷଣ ଯୁକ୍ତ ଖାଦ୍ୟର ମଧ୍ୟ ଅନେକ ଗୁରୁତ୍ୱ ରହିଥିବା ସେ କହିଥିଲେ।

ଏହି କାର୍ଯ୍ୟକ୍ରମ ନିମନ୍ତେ ଡକ୍ଟର ଦାଶ ସମ୍ମମ୍‌ର ସାଢ଼େ ୩ ବର୍ଷର ଯାତ୍ରାକୁ ବେଶ ଅର୍ଥପୂର୍ଣ୍ଣ ବୋଲି କହିବା ସହ ଅତ୍ୟାଧୁନିକ ସ୍ୱାସ୍ଥ୍ୟସେବା କ୍ଷେତ୍ରରେ ଏହା ନିଜର ସ୍ଥିତିକୁ ସୁଦୃଢ଼ କରିବାରେ ଲାଗିଛି ବୋଲି କହିଥିଲେ। ସମ୍ମମ୍‌ର ନ୍ୟୁଟ୍ରିସନ୍ ଏକ୍ସପର୍ଟ ଟିମ୍‌ଙ୍କୁ ମଧ୍ୟ ସେ ଶୁଭେଚ୍ଛା ଜଣାଇଥିଲେ।

ଏହି ଅବସରରେ ଡାକ୍ତର ରାୟ ଗୁରୁତର ରୋଗୀଙ୍କ କ୍ଷେତ୍ରରେ ପୋଷଣର ଗୁରୁତ୍ୱ ସମ୍ପର୍କରେ ଆଲୋକପାତ କରିଥିଲେ। ସଠିକ ପୋଷଣ ବିନା ରୋଗୀ ସୁସ୍ଥ ହୋଇପାରିବ ନାହିଁ ତେଣୁ ଏହା ସବୁଠାରୁ ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ। ଗୁରୁତର ରୋଗୀଙ୍କ କ୍ଷେତ୍ରରେ ପୋଷଣ ଯୁକ୍ତ ଖାଦ୍ୟ ଓ ସେମାନଙ୍କ ପରିବାର ବର୍ଗଙ୍କ ସହିତ ଡାକ୍ତରଙ୍କର ଉପଯୁକ୍ତ ଯୋଗାଯୋଗ ହିଁ ରୋଗୀକୁ ସୁସ୍ଥ କରିପାରିବ ବୋଲି ଡାକ୍ତର ରାୟ କହିଥିଲେ।

ମେଡିକାଲ୍ ସୁପରିଟେଣ୍ଡେଂଟ ଡାକ୍ତର ପଣ୍ଡା କହିଥିଲେ ଯେ କେବଳ ରୋଗୀ ନୁହେଁ ସାଧାରଣ ଜୀବନରେ ମଧ୍ୟ ପୋଷଣର ଅନେକ ଗୁରୁତ୍ୱ ରହିଛି।

ସମ୍ମମ୍‌ର ଡାଏଟିକ୍ସ ବିଭାଗ ପକ୍ଷରୁ ଆୟୋଜିତ ଜାତୀୟ ପୋଷଣ ମାସ ଅବସରରେ ଅନୁଷ୍ଠିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତି ପ୍ରତିଯୋଗୀମାନଙ୍କୁ ଏହି କାର୍ଯ୍ୟକ୍ରମରେ ପୁରସ୍କୃତ କରାଯାଇଥିଲା।

ସମ୍ମମ୍‌ର ଡାଏଟିକ୍ସ ବିଭାଗର ସିନିୟର କ୍ଲିନିକାଲ୍ ନ୍ୟୁଟ୍ରିସନିଷ୍ଟ ଶ୍ରୀମତି ସୁଶ୍ରୀ ସଂଗୀତା ଜେନା ଏହି କାର୍ଯ୍ୟକ୍ରମ ସମ୍ପର୍କରେ ବିସ୍ତୃତ ବିବରଣୀ ପ୍ରଦାନ କରିବା ସହ ଗର୍ଭାବସ୍ଥାରୁ ବୃଦ୍ଧାବସ୍ଥା ପର୍ଯ୍ୟନ୍ତ ସମସ୍ତଙ୍କ କ୍ଷେତ୍ରରେ ପୋଷଣ ଗୁରୁତ୍ୱପୂର୍ଣ୍ଣ ବୋଲି କହିଥିଲେ। ଶ୍ରୀମତି ଜେନା ଉଦ୍‌ଘାଟନୀ କାର୍ଯ୍ୟକ୍ରମ ଶେଷରେ ଧନ୍ୟବାଦ ଅର୍ପଣ କରିଥିଲେ।

ଏହି ଏକ ଦିବସୀୟ ଓରିଏଂଟେସନ୍ କାର୍ଯ୍ୟକ୍ରମରେ ବିଶେଷଜ୍ଞ ଭାବେ ଯୋଗ ଦେଇଥିବା ବେଙ୍ଗାଲୁରୁ ସ୍ଥିତ ନସିମା ଇନ୍‌ଷ୍ଟିଚ୍ୟୁଟ୍ ଅଫ୍ ସ୍ପିଚ୍ ଆଣ୍ଡ ହିୟରିଂର ଅଧ୍ୟକ୍ଷ ଭାସ୍କର ଦେ “ ଡାଏଗ୍ନୋସିସ୍ ଆଣ୍ଡ ମ୍ୟାନେଜମେଂଟ ଅଫ୍ ଡିସ୍‌ଫାସିଆ ଇନ୍ ଜେରିଆଟିକ୍ସ” ଶୀର୍ଷକ ପ୍ରସଙ୍ଗରେ ତଥ୍ୟ ଉପସ୍ଥାପନ କରିଥିବା ବେଳେ ପୁରୀ ସ୍ଥିତ ଶ୍ରୀ ଜଗନ୍ନାଥ ମେଡିକାଲ୍ କଲେଜର ଫିଜିଓଲୋଜି ବିଭାଗର ପ୍ରଫେସର ଓ ମୁଖ୍ୟ ଡାକ୍ତର ଅର୍ପିତା ପ୍ରିୟଦର୍ଶିନୀ “ସାଇନ୍ସ ଅଫ୍ ଆଚିଭିଙ୍ଗ ଡିଜାଏର୍ଡ ୱେଟ ବାଏ ଇନ୍‌ଟ୍ୟୁସିଭ୍ ଇଟିଙ୍ଗ”, ମିରଟ ସ୍ଥିତ ଏଲ୍‌, ଏଲ୍ ଆର ଏମ୍ ମେଡିକାଲ୍ କଲେଜର ଫାର୍ମାକୋଲୋଜି ବିଭାଗର ଏମ୍‌ଡି ଡାକ୍ତର ଆଶୀଷ ଯାଦବ “ଫୁଡ୍ ଆଣ୍ଡ ଡ୍ରଗ୍ ଇନ୍‌ଟରଆକ୍ସନ୍‌”, ସମ୍ମମ୍‌ର କ୍ରିଟିକାଲ୍ କେୟାର ମେଡିସିନ୍ ବିଭାଗର ମୁଖ୍ୟ ଡାକ୍ତର ବାନାମ୍ବର ରାୟ “ମିଥ୍‌ସ : ନ୍ୟୁଟ୍ରିସନ୍ ଇନ୍ କ୍ରିଟିକାଲ୍ କେୟାର” ଏବଂ ଜାତୀୟ ସ୍ୱାସ୍ଥ୍ୟ ମିଶନ୍‌ର କନ୍‌ସଲଟାଂଟ (ନ୍ୟୁଟ୍ରିସନ୍‌) ସନ୍ଧ୍ୟାରାଣୀ ରାଉତ “ଇନ୍‌ଫାଂଟ ଆଣ୍ଡ ୟଙ୍ଗ ଚାଇଲ୍ଡ ଫିଡିଙ୍ଗ୍‌” ଶୀର୍ଷକ ପ୍ରସଙ୍ଗରେ ତଥ୍ୟ ଉପସ୍ଥାପନ କରିଥିଲେ।

ଭୁବନେଶ୍ୱର: ଅଙ୍ଗଦାନ ଆମ ଦେଶ ଓ ସ୍ୱାସ୍ଥ୍ୟସେବା କ୍ଷେତ୍ରରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅଂଗଦାନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରୁଥିବା ସମ୍ ଅଲ୍ଟିମେଟ ମେଡିକେୟାର ସମାଜକୁ ସେବା ଯୋଗାଇବା ସହ ଏକ ବିଶାଳ ଜନ ସଚେତନତା ସୃଷ୍ଟି କରପାରିଛି ବୋଲି କହିଛନ୍ତି ଓଡିଶାର ସ୍ୱାସ୍ଥ୍ୟମନ୍ତ୍ରୀ ନିରଞ୍ଜନ ପୂଜାରୀ କହିଛନ୍ତି।

ସମ୍ ଅଲ୍ଟିମେଟ ମେଡିକେୟାର ପକ୍ଷରୁ ୧୩ ତମ ଭାରତୀୟ ଅଂଗଦାନ ଦିବସ ପାଳନ ଅବସରରେ ଆୟୋଜିତ ଏକ ସ୍ୱତନ୍ତ୍ର ଅଂଗଦାନ ମହୋତ୍ସବରେ ଯୋଗ ଦେଇ ଶ୍ରୀ ପୂଜାରୀ ଏହା କହିଛନ୍ତି।

କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ଯୋଗ ଦେଇ ବିଶିଷ୍ଟ ୟୁରୋଲୋଜିଷ୍ଟ ତଥା ଟ୍ରାନସ୍‌ପ୍ଲାଂଟ ସର୍ଜନ ଓ ନ୍ୟାସନାଲ ଡିସିଜଡ୍ ଡୋନର ଟ୍ରାନ୍ସପ୍ଲାଂଟ ନେଟୱାକ୍ ଅଧ୍ୟକ୍ଷା ଡାକ୍ତର ବାତ୍ସଲା ତ୍ରିବେଦୀ କହିଥିଲେ ଯେ ଲୋକମାନେ ବ୍ରେନ୍ ଡେଥ୍ କିମ୍ବା ଅଂଗଦାନ ପ୍ରକ୍ରିୟା ନେଇ ସଚେତନ ହୋଇ ନାହାନ୍ତି। ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଜନସାଧାରଣଙ୍କ ଅପେକ୍ଷା ଡାକ୍ତରମାନଙ୍କୁ ଏ କ୍ଷେତ୍ରରେ ଅଧିକ ଅବଗତ ହେବା ଜରୁରୀ ହୋଇପଡିଛି।

ତେଣୁ ମଣିଷର ବ୍ରେନ୍‌ଡେଥ୍ ଓ ଅଙ୍ଗଦାନ ସଂପର୍କିତ ବିଷୟ ଡାକ୍ତରୀ ପାଠ୍ୟକ୍ରମରେ ସାମିଲ କରାଯିବାର ଆବଶ୍ୟକତା ରହିଛି ବୋଲି ଡାକ୍ତର ବାତ୍ସଲା କହିଥିଲେ।
କିଡ୍‌ନୀ କିମ୍ବା ଲିଭର ସମସ୍ୟା ଥିବା ବ୍ୟକ୍ତି ପ୍ରତ୍ୟେକ ଦିନ ମୃତ୍ୟୁକୁ ଅତି ନିକଟରୁ ଦେଖିଥାଏ। ତେଣୁ ଅଂଗଦାନ କରି ଏଭଳି ବ୍ୟକ୍ତିମାନଙ୍କୁ ମୃତ୍ୟୁ ମୁଖରୁ ବଂଚାଇବା ସମସ୍ତଙ୍କର କର୍ତବ୍ୟ ବୋଲି ଡାକ୍ତର ତ୍ରିବେଦୀ କହିଥିଲେ।

ଏହି କାର୍ଯ୍ୟକ୍ରମରେ ମେଡିକାଲ୍ ଏଜୁକେସନ୍ ଆଣ୍ଡ ଟ୍ରେନିଙ୍ଗ୍‌ର ଯୁଗ୍ମ ନିର୍ଦ୍ଦେଶକ ତଥା ଷ୍ଟେଟ୍ ଅର୍ଗାନ୍ ଆଣ୍ଡ ଟିସ୍ୟୁ ଟ୍ରାନ୍ସପ୍ଲାଂଟ ଅର୍ଗାନାଇଜେସନ୍ (ସୋଟୋ)ର ନୋଡାଲ୍ ଅଫିସର ପ୍ରଫେସର (ଡାକ୍ତର) ଉମାକାନ୍ତ ଶତପଥୀ ସ୍ୱତନ୍ତ୍ର ଅତିଥି ଭାବେ ଯୋଗ ଦେଇ ଅଗଂଦାନ ନେଇ ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି ହେବା ଆବଶ୍ୟକ ବୋଲି କହିଥିଲେ । ଅଂଗ ପ୍ରତ୍ୟାରୋପଣ ସହ ଅଂଗଦାନ ମଧ୍ୟ ସ୍ୱାସ୍ଥ୍ୟ ସେବା କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ବୋଲି ସେ କହିଥିଲେ।

ଏହି ଅବସରରେ ସମ୍ ଅଲ୍ଟିମେଟ ମେଡିକେୟାରର ସିଇଓ ଡକ୍ଟର ଶ୍ୱେତପଦ୍ମା ଦାଶ ଅତିଥିମାନଙ୍କୁ ସ୍ୱାଗତ କରିବା ସହ ମାତ୍ର ୩ ବର୍ଷ ତଳେ ଆରମ୍ଭ ହୋଇଥିବା ଏହି ହସ୍ପିଟାଲ୍ ନିକଟରେ କିଭଳି ଜଣେ ବ୍ରେନ୍ ଡେଡ ବ୍ୟକ୍ତିଙ୍କ ଶରୀରର ବିଭିନ୍ନ ଅଂଗ ଅନ୍ୟ ୪ଜଣ ବ୍ୟକ୍ତିଙ୍କର ଜୀବନ ବଂଚାଇବାରେ ପ୍ରମୁଖ ଭୂମିକା ଗ୍ରହଣ କରିପାରିଛି ସେ ବିଷୟରେ ଅବଗତ କରାଇଥିଲେ।

ସମ୍ମମ୍ ଅଂଗଦାନର ଗୁରୁତ୍ୱ ସହିତ ଜୀବନ ରକ୍ଷାର ମହତ୍ୱ ଉପରେ ବିଶ୍ୱାସ କରେ ବୋଲି ଡକ୍ଟର ଦାଶ କହିଥିଲେ।

ଏହି ମହୋତ୍ସବରେ ଗତ ଜୁନ୍ ୨୪ ତାରିଖରେ ମୃତ୍ୟୁ ବରଣ କରିଥିବା ପ୍ରସନ୍‌ଜୀତ ମହାନ୍ତିଙ୍କର ଶରୀରରୁ ବିଭିନ୍ନ ଅଂଗ ଗୁଡିକୁ କଢାଯାଇ ଅନ୍ୟ ୪ଜଣଙ୍କ ଶରୀରରେ ପ୍ରତ୍ୟାରୋପଣ କରିବାର ଦୃଢ଼ ନିଷ୍ପତି ନେଇଥିବା ତାଙ୍କ ପତ୍ନୀ ଶ୍ରୀମତି ମୃଦୁମଞ୍ଜରୀ ମହାପାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା।

ଗତ ଶନିବାର ସମ୍ମମ୍ ପକ୍ଷରୁ ଆୟୋଜିତ ଅଂଗଦାନ ସଚେତନତା ସମ୍ପର୍କିତ ପଥପ୍ରାନ୍ତ ନାଟକରେ ଅଭିନୟ କରିଥିବା ନେଇ ସମ୍ମମ୍‌ର ଡାକ୍ତର, ନର୍ସ, ଓ ପାରାମେଡିକାଲ୍ କର୍ମଚାରୀମାନଙ୍କୁ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା।

କାର୍ଯ୍ୟକ୍ରମ ଶେଷରେ ସମ୍ମମ୍‌ର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବିଗ୍ରେଡିୟର୍ (ଡାକ୍ତର) ବିରାଜ ମୋହନ ମିଶ୍ର ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ହସ୍ପିଟାଲ୍‌ର ବିଭିନ୍ନ ବିଭାଗର ମୁଖ୍ୟ, ସିନିୟର କନ୍‌ସଲଟାଂଟ ଓ କର୍ମକର୍ତାମାନେ ଉପସ୍ଥିତ ଥିଲେ।

ଭୁବନେଶ୍ୱର: ବିରଳ ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ଥିବା ଜଣେ ୭୩ ବର୍ଷୀୟା ମହିଳାଙ୍କର ଜଟିଳ ଅସ୍ତ୍ରୋପଚାର ଜରିଆରେ ଜୀବନ ରକ୍ଷା କରିବାରେ ସଫଳ ହୋଇଛନ୍ତି ସମ୍ ଅଲ୍ଟିମେଟ ମେଡିକେୟାରର ସର୍ଜନ୍। ଅସ୍ତ୍ରୋପଚାର ସମ୍ଭବ ନୁହେଁ ବୋଲି ଦର୍ଶାଇ ଅନେକ ହସ୍ପିଟାଲ୍ ଏହି ରୋଗୀଙ୍କୁ ପୂର୍ବରୁ ଫେରାଇ ଦେଇଥିଲେ।

ଅମ୍ବିକା ପାତ୍ର ନାମକ ଏହି ବୟସ୍କା ମହିଳାଙ୍କର ଦୀର୍ଘ ୧୫ ବର୍ଷ ହେବ ବେକରେ ଫୁଲା ସହିତ ଯନ୍ତ୍ରଣା ଓ ମୁଣ୍ଡ ବୁଲାଇବା ଭଳି ସମସ୍ୟା ଦେଖା ଦେଉଥିଲା। ସେ ଅନେକ ହସ୍ପିଟାଲ୍‌କୁ ଚିକିତ୍ସା ନିମନ୍ତେ ଯାଇଥିଲେ ମଧ୍ୟ ତାଙ୍କ ଅସୁସ୍ଥତାର ନିରାକରଣ ହୋଇପାରି ନଥିଲା।

ସମ୍ମମ୍‌କୁ ଚିକିତ୍ସା ପାଇଁ ଆସିବା ପରେ ନ୍ୟୁରୋସର୍ଜନ ଡାକ୍ତର ସୋମନାଥ ପ୍ରସାଦ ଜେନା ଡିଜିଟାଲ ସବ୍‌ଷ୍ଟ୍ରାକ୍ସନ୍ ଆନ୍‌ଜିଓଗ୍ରାଫି (ଡିଏସ୍‌ଏ) ମାଧ୍ୟମରେ ପରୀକ୍ଷା କରି ମହିଳା ଜଣକ ଆର୍ଟେରିଓଭେନସ୍ ମାଲ୍‌ଫର୍ମେସନ୍ (ଏଭିଏମ୍‌) ସମସ୍ୟାରେ ପୀଡ଼ିତ ଥିବା ଜାଣିବାକୁ ପାଇଥିଲେ। ସେହିପରି ରେଡିଓଲୋଜିଷ୍ଟ ଡାକ୍ତର ଗୋଲକ ପାସା ଏମ୍‌ଆର୍‌ଆଇ ମାଧ୍ୟମରେ ଏହି ରୋଗକୁ ଚିହ୍ନଟ କରିଥିଲେ।

ସମ୍ମମ୍‌ର ପ୍ଲାଷ୍ଟିକ୍ ଓ କସ୍‌ମେଟିକ୍ ସର୍ଜନ୍ ଡାକ୍ତର ଉନ୍ମେଶ କୁମାର ଜେନା ରୋଗୀଙ୍କର ପରୀକ୍ଷା କରିବା ପରେ ଏହି ଜଟିଳ ଅସ୍ତ୍ରୋପଚାର କରିବା ନିମନ୍ତେ ନିଷ୍ପତି ନିଆଯାଇଥିଲା। ମାଇକ୍ରୋସର୍ଜରୀ କରିବାରେ ଅଭିଜ୍ଞ ଡାକ୍ତର ଜେନା ଗତ ଶନିବାର ଦିନ ଦୀର୍ଘ ୩ ଘଂଟା ଧରି ସଫଳତାର ସହ ଏହି ଅସ୍ତ୍ରୋପଚାର ସମ୍ପନ୍ନ କରିଥିଲେ। ଏହା ଏକ ବିରଳ ସମସ୍ୟା ଏବଂ ଏକ ଲକ୍ଷ ଲୋକଙ୍କ ମଧ୍ୟରୁ ଜଣକ ନିକଟରେ ଏହା ଚିହ୍ନଟ ହୋଇଥାଏ ବୋଲି ଡାକ୍ତର ଜେନା କହିଛନ୍ତି।

ଏହା ଏକ ବିପଦପୂର୍ଣ୍ଣ ଅସ୍ତ୍ରୋପଚାର ଥିଲା କାରଣ ଏହି ସମୟରେ ଅତ୍ୟଧିକ ରକ୍ତସ୍ରାବ ଏବଂ ରୋଗୀର ଜୀବନହାନିର ମଧ୍ୟ ଆଶଙ୍କା ରହିଥିଲା। ଯେଉଁଥିପାଇଁ ଅନ୍ୟ ହସ୍ପିଟାଲ୍ ଏହି ଅସ୍ତ୍ରୋପଚାର କରିବାକୁ ନ ଚାହିଁବାର ଏକ ସମ୍ଭାବ୍ୟ କାରଣ। ଅସ୍ତ୍ରୋପଚାର ପୂର୍ବରୁ ରୋଗୀର ସମ୍ପର୍କୀୟଙ୍କୁ ବିସ୍ତୃତ ଭାବେ ଏହି ବିଷୟରେ ବୁଝାଇ ଦିଆଯାଇଥିଲା ଏବଂ ପରିବାର ପକ୍ଷରୁ ଏକ ହାଇ ରିସ୍କ ବଣ୍ଡରେ ମଧ୍ୟ ଦସ୍ତଖତ କରାଯାଇଥିଲା।

ଏହି ରୋଗୀଙ୍କ କ୍ଷେତ୍ରରେ ସୁପରିଅର୍ ଥାଇରଏଡ ଆର୍ଟେରୀ ଓ ଏକ୍ସଟରନାଲ୍ ଜୁଗୁଲାର ଭେନ୍ ଏକତ୍ର ହୋଇ ସମସ୍ୟା ସୃଷ୍ଟି କରିଥାଏ ଓ ଏହାକୁ କାଢ଼ି ବାହାର କରିବା ଦରକାର ହୁଏ। ଏହି ଅସ୍ତ୍ରୋପଚାରରେ ରକ୍ତସ୍ରାବର ସମସ୍ୟା ହୋଇନଥିଲା।

ଅପରେସନ୍ ପରେ ରୋଗୀଙ୍କର ବେକରେ ଯନ୍ତ୍ରଣା କମିଯାଇଥିବା ବେଳେ ମୁଣ୍ଡ ବିନ୍ଧା, ବାନ୍ତି ଇତ୍ୟାଦି ମଧ୍ୟ ବନ୍ଦ ହୋଇଯାଇଛି। ରୋଗୀ ଧୀରେ ଧୀରେ ସୁସ୍ଥ ହେବାରେ ଲାଗିଛନ୍ତି।

ଭୁବନେଶ୍ୱର: ସ୍ଥାନୀୟ ସମ୍ ଅଲ୍ଟିମେଟ ମେଡିକେୟାରରେ ଆଜି ମେକାନିକାଲ୍ ଭେଂଟିଲେସନ୍‌କୁ ନେଇ ଆରମ୍ଭ ହୋଇଥିବା ଦୁଇ ଦିନିଆ ଜାତୀୟ କର୍ମଶାଳାରେ ସାମିଲ ହୋଇଛନ୍ତି ଦେଶର ୭୩ ଜଣ ଡାକ୍ତର ଓ ଇନ୍‌ଟେନ୍ସିଭି୍‌ଷ୍ଟସ।

ଏହି କର୍ମଶାଳାରେ ଯୋଗ ଦେଇଥିବା ପ୍ରତିନିଧିମାନଙ୍କୁ ଫ୍ୟାକଲ୍ଟିମାନଙ୍କ ସହିତ ସାମ୍ନାସାମ୍ନି ଆଲୋଚନାର କରିବାର ସୁଯୋଗ ମିଳିବା ସହ ସିମୁଲେସନ୍ ସମ୍ମିଳିତ ଶିକ୍ଷା ମଧ୍ୟ ପ୍ରଦାନ କରାଯାଉଛି ବୋଲି ସମ୍ମମ୍‌ର କ୍ରିଟିକାଲ୍ କେୟାର ମେଡିସିନ୍ ବିଭାଗର ମୁଖ୍ୟ ତଥା କର୍ମଶାଳାର ଅର୍ଗାନାଇଜିଂ ଚେୟାରମ୍ୟାନ ଡାକ୍ତର ବାନାମ୍ବର ରାୟ କହିଛନ୍ତି।

ଏଭଳି ଶୈକ୍ଷିକ କାର୍ଯ୍ୟକ୍ରମ ଓଡିଶାରେ ପ୍ରଥମ ଥର ପାଇଁ ଆୟୋଜିତ ହେଉଥିବା ବେଳେ ଏଥିରେ ସାମିଲ ହୋଇଥିବା ଟ୍ରେନି ମାନଙ୍କୁ ଜ୍ଞାନ ଆହରଣ ଏବଂ ଅଭ୍ୟାସର ସୁଯୋଗ ଦିଆଯାଉଛି ବୋଲି ଡାକ୍ତର ରାୟ କହିଛନ୍ତି।

ମେକାନିକାଲ୍ ଭେଂଟିଲେସନ୍‌କୁ ଆର୍ଟିଫିସିଆଲ୍ ରେସ୍‌ପିରେସନ୍ ବୋଲି ମଧ୍ୟ କୁହାଯାଉଥିବା ବେଳେ ନୂତନ ଭେଂଟିଲେଟରଗୁଡ଼ିକର ଆବିର୍ଭାବ ପରେ ଏହା ହସ୍ପିଟାଲ୍‌ର ଇନ୍‌ଟେନସିଭ୍ କେୟାର ମ୍ୟାନେଜମେଂଟ ଏବଂ ଅର୍ଗାନ୍ ସପୋର୍ଟର ପ୍ରମୁ୍‌ଖ ଅଂଗ ପାଲଟିଛି।

କର୍ମଶାଳାର ଉଦ୍‌ଘାଟନୀ କାର୍ଯ୍ୟକ୍ରମରେ ଓଡ଼ିଶା ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟର କୁଳପତି ପ୍ରଫେସର (ଡାକ୍ତର) ଦତେଶ୍ୱର ହୋତା ମୁଖ୍ୟ ଅତିଥି ଭାବେ ଯୋଗ ଦେଇ କହିଥିଲେ ଯେ କୋଭିଡ ମହାମାରୀ କ୍ରିଟିକାଲ୍ କେୟାରର ପରିଭାଷା ବଦଳାଇ ଦେଇଛି। କୋଭିଡ ଯୋଗୁଁ କ୍ରିଟିକାଲ୍ କେୟାର ସ୍ୱାସ୍ଥ୍ୟ ସେବାରେ ଏକ ପ୍ରମୁଖ ସ୍ଥାନ ଗ୍ରହଣ କରିନେଇଛି। ତେଣୁ ବର୍ତମାନ ସ୍ମାର୍ଟ କେୟାର ଭେଂଟିଲେଟରର ପ୍ରୟୋଗର ସମୟ ଆସିଯାଇଛି ବୋଲି ସେ କହିଥିଲେ।
ରୋଗୀ ଏବଂ ଭେଂଟିଲେଟର ମଧ୍ୟରେ ସମ୍ପର୍କ ବୃଦ୍ଧି ପାଇଛି ଏବଂ ଆର୍ଟିଫିସିଆଲ୍ ଇଂଟେଲିଜେନ୍ସ ଦ୍ୱାରା ଏହା ଆହୁରି ସଶକ୍ତ ହେବ ବୋଲି ପ୍ରଫେସର (ଡାକ୍ତର) ହୋତା କହିଥିଲେ।

ଏହି କର୍ମଶାଳାଟି ଡବ୍ଲୁଫୋରସି କ୍ରିଟିକାଲ୍ କେୟାର ଫାଉଣ୍ଡେସନ୍ ଓ ଇଣ୍ଡିଆନ୍ ସୋସାଇଟି ଅଫ୍ କ୍ରିଟିକାଲ୍ କେୟାର ମେଡିସିନ୍‌ର ଭୁବନେଶ୍ୱର ଶାଖା ପକ୍ଷରୁ ଆୟୋଜନ କରାଯାଇଛି।
ଉଦ୍‌ଘାଟନୀ କାର୍ଯ୍ୟକ୍ରମରେ ସମ୍ମମ୍‌ର ସିଇଓ ଡକ୍ଟର ଶ୍ୱେତପଦ୍ମା ଦାଶ କହିଥିଲେ ଯେ ଏହି କର୍ମଶାଳା କେବଳ ସମ୍ମମ୍ ପାଇଁ ନୁହେଁ ରାଜ୍ୟର ସ୍ୱାସ୍ଥ୍ୟ ସେବା କ୍ଷେତ୍ର ନିମନ୍ତେ ଏକ ଗୁରତ୍ୱପୂର୍ଣ୍ଣ ମାଇଲଖୁଂଟ ହୋଇ ରହିବ।

କର୍ମଶାଳାରେ ସାମିଲ ହୋଇଥିବା ସମସ୍ତ ପ୍ରତିନିଧିମାନେ ଖୁବ୍ ଉଚ୍ଚକୋଟୀର ଜ୍ଞାନ, ଶିକ୍ଷା ଓ ଅଭିଜ୍ଞତା ଆହରଣ କରିବେ ବୋଲି ସେ ଆଶା ପ୍ରକାଶ କରିଥିଲେ।

ଉଦ୍‌ଘାଟନୀ କାର୍ଯ୍ୟକ୍ରମରେ କ୍ରିଟିକାଲ୍ କେୟାର ଫାଉଣ୍ଡେସନ୍ ଜୟପୁରର ପ୍ରତିଷ୍ଠାତା ଅଧ୍ୟକ୍ଷ ଓ ମ୍ୟାନେଜିଂ ଟ୍ରଷ୍ଟି ଡାକ୍ତର ନରେନ୍ଦ୍ର ରୁଙ୍ଗ୍‌ଟା, ସମ୍ମମ୍‌ର ଚିଫ୍‌, ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଏବଂ ସିନିୟର୍ କନ୍‌ସଲଟାଂଟ କ୍ରିଟିକାଲ କେୟାର ମେଡିସିନ୍ ଡାକ୍ତର ଆନନ୍ଦ ମିଶ୍ର ବକ୍ତବ୍ୟ ରଖିଥିଲେ।

କର୍ମଶାଳାରେ ବେସିକ୍ ରେସ୍‌ପିରେଟୋରୀ ଫିଜିଓଲୋଜି, ଆପ୍ରୋଚ୍ ଟୁ ରେସ୍‌ପିରେଟୋରୀ ଫେଲ୍ୟୁୟର, ଅକ୍ସିଜେନ୍ ଡେଲିଭରୀ ଡିଭାଇସେସ୍‌, ହାର୍ଟ-ଲର୍ନ ଇନ୍‌ଟରାକ୍ସନ୍‌ସ, ବେସିକ୍‌ମୋଡ୍‌ସ ଆଣ୍ଡ ଇନିସିଏସନ୍ ଅଫ୍ ମେକାନିକାଲ୍ ଭେଂଟିଲେସନ୍‌, ଭେଂଟିଲେଟର ଗ୍ରାଫିକ୍ସ ଆଣ୍ଡ ଫିଜିଓଲୋଜି ଓ କମ୍ପ୍ଲିକେସନ୍‌ସ ଅନ୍ ମେକାନିକାଲ୍ ଭେଂଟିଲେସନ୍ ଭଳି ବିଷୟବସ୍ତୁ ଉପରେ ଆଲୋଚନା କରାଯିବ।

ଭୁବନେଶ୍ୱର: ସମ୍ ଅଲ୍ଟିମେଟ ମେଡିକେୟାରରେ ବିଶ୍ୱ କର୍କଟ ଦିବସ ଅବସରରେ ସୁସ୍ଥତା ଲାଭ କରିଥିବା ରୋଗୀମାନଙ୍କୁ ନେଇ ଶନିବାର ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଯାଇଛି।

ସମ୍ମମର ହୋପ୍ ସ୍ପ୍ରିଙ୍ଗ୍‌ସ ବ୍ଲକକୁ ନେଇ ‘ହୋପ୍ ସ୍ପ୍ରିଙ୍ଗ୍ ସାଗା’ କାର୍ଯ୍ୟକ୍ରମରେ ଅନେକ ସଂଖ୍ୟାରେ ହସ୍ପିଟାଲ୍‌ର ଅଙ୍କୋଲଜି ବିଭାଗରେ ଚିକିତ୍ସ୍ଖଚ୍ଛ ହୋଇ କର୍କଟରୁ ମୁକ୍ତ ହୋଇଥିବା ଅନେକ ବ୍ୟକ୍ତି ଯୋଗ ଦେଇଥିଲେ।

କାର୍ଯ୍ୟକ୍ରମରେ ସମ୍ମମର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଏବଂ ଅଙ୍କୋ ସାଇନ୍‌ସେସ୍ ବିଭାଗର ଡାକ୍ତର ଚିରରଞ୍ଜନ ଖାଡ଼େଙ୍ଗା, ଡାକ୍ତର ଜିଜ୍ଞାସୁ ମହାନ୍ତି, ଡାକ୍ତର ପ୍ରିୟା ପ୍ରିୟଦର୍ଶିନୀ ନାୟକ, ଡାକ୍ତର ଶୁଭାଶିଷ ମିଶ୍ର ଏବଂ ଡାକ୍ତର ସୁଦତା ରାୟଙ୍କ ସମେତ ଅନେକ ଡାକ୍ତର ଉପସ୍ଥିତ ଥିଲେ।

ଏହି ଅବସରରେ ବ୍ରିଗେଡିୟର ମିଶ୍ର ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଅନ୍ୟାନ୍ୟ ବରିଷ୍ଠ ଡାକ୍ତରମାନେ ସେମାନଙ୍କ ବକ୍ତବ୍ୟ ରଖିଥିଲେ। ଉତ୍ତମ ସ୍ୱାସ୍ଥ୍ୟ ସେବା ଯୋଗାଇଦେବା ସହ କ୍ୟାନ୍ସର ରୋଗୀମାନଙ୍କୁ ଅଧିକ ସଂଖ୍ୟାରେ ସୁସ୍ଥ କରିଥିବାରୁ ଅଙ୍କୋଲୋଜି ବିଭାଗର ଡାକ୍ତରମାନଙ୍କୁ ବ୍ରିଗେଡିୟର ମିଶ୍ର ଙ୍କ ସମେତ ଅନ୍ୟାନ୍ୟ ଡାକ୍ତରମାନେ ଶୁଭେଚ୍ଛା ଜଣାଇଥିଲେ।

କ୍ୟାନ୍ସର ସମ୍ପର୍କରେ ଅଧିକ ସୁଚନା ଦେବା ସହ ସଚେତନ କରାଇବା ଲକ୍ଷ୍ୟରେ ଅଙ୍କୋସାଇନ୍‌ସେସ୍ ବିଭାଗର ଡାକ୍ତରମାନେ ଉପଦେଶ ପ୍ରଦାନ କରିଥିଲେ। ଏହି ଅବସରରେ ହସ୍ପିଟାଲ୍‌ର ନର୍ସିଂ ଷ୍ଟାଫ୍‌ମାନଙ୍କ ଦ୍ୱାରା ନାଟକ ପରିବେଷଣ କରାଯାଇଥିଲା।
ଏହି ଅବସରରେ ନିୟମିତ ସ୍ୱାସ୍ଥ୍ୟ ପରୀକ୍ଷା, ରେଡଏସନ୍ ଥେରାପି ପରେ ସ୍ୱାସ୍ଥ୍ୟର ଯତ୍ନ, ଚିକିତ୍ସାର ଗୁଣବତାକୁ ବୃଦ୍ଧି କରିବାକୁ ଉଦ୍ୟମ ଏବଂ କ୍ୟାନ୍ସର ଚିକିତ୍ସା ନେଇ ରୋଗୀମାନଙ୍କୁ ଅବଗତ କରାଇବା ସହ କ୍ୟାନ୍ସର ରୋଗୀମାନଙ୍କୁ ସୁସ୍ଥ କରାଇବାରେ ସମ୍ମମ୍‌ର ଅବଦାନ ସମ୍ପର୍କରେ ଆଲୋଚନା କରାଯାଇଥିଲା।

ସମ୍ମମର ସିଇଓ ଡକ୍ଟର ଶ୍ୱେତପଦ୍ମା ଦାଶ ଅଙ୍କୋଲଜି ବିଭାଗର ଡାକ୍ତରମାନଙ୍କୁ ସେମାନଙ୍କର କାର୍ଯ୍ୟ ଓ ସେବା ନିମନ୍ତେ ଶୁଭେଚ୍ଛା ଜଣାଇଥିଲେ।

“ସମ୍ ଅଲ୍ଟିମେଟ୍ ମେଡିକେୟାରରେ ଆମେ ଉତ୍ସର୍ଗୀକୃତ ଭାବେ ରୋଗୀମାନଙ୍କୁ ଅସାଧାରଣ ଚିକିତ୍ସା ଓ ସେବା ପ୍ରଦାନ କରୁଛୁ। ବିଶ୍ୱ କର୍କଟ ଦିବସ ଅବସରରେ ‘ଦ ହୋପ୍ ସ୍ପ୍ରିଙ୍ଗ ସାଗା’ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ରହିଛି ରୋଗୀମାନଙ୍କୁ ଉତମ ମାନର ଚିକିତ୍ସା ପ୍ରଦାନ କରିବା। ଉନ୍ନତ ମାନର ଡାକ୍ତରୀ ଭିତିଭୂମି ଏବଂ ଅଙ୍କୋଲୋଜି ବିଶେଷଜ୍ଞ ଟିମ୍ ଏହି ଉନ୍ନତମାନର ସ୍ୱାସ୍ଥ୍ର‌୍ୟସେବା ଯୋଗାଇ ଆସୁଛନ୍ତି। କ୍ୟାନ୍ସର ରୋଗୀମାନଙ୍କ ମନରେ ନୂତନ ଆଶାର ସଂଚାର ସୃଷ୍ଟି କରାଇବା ସହ ସେମାନଙ୍କୁ ଉତମ ଜୀବନ ପ୍ରଦାନ କରିବା ନିମେନ୍ତ ଆମେ ବଦ୍ଧ ପରିକର” ବୋଲି ଡକ୍ଟର ଦାଶ କହିଛନ୍ତି।

ସମ୍ମମ୍‌ରେ ରେଡିଏସନ୍ ଅଙ୍କୋଲଜି, ମେଡିକାଲ୍ ଅଙ୍କଲୋଜି, ସର୍ଜିକାଲ ଅଙ୍କୋଲଜି , ପେଡିଆଟ୍ରିକ୍ ଅଙ୍କୋଲଜି, ହିମାଟୋ ଅଙ୍କୋଲଜି, ପାଲିଆଟିଭ୍ ଅଙ୍କୋଲଜି, ଅଙ୍କୋପାଥୋଲୋଜି ଏବଂ ନ୍ୟୁକ୍ଲିୟର ମେଡିସିନ୍ ଭଳି ୮ଟି ସ୍ୱତନ୍ତ୍ର ବିଭାଗ ରହିଛି ଏବଂ ଗୋଟିଏ ଛାତ ତଳେ ଉନ୍ନତମାନର କ୍ୟାନ୍ସର ଚିକିତ୍ସା ପ୍ରଦାନ କରାଯାଉଛି।

ଏଠାରେ ପେଟ ସିଟି ସ୍କାନ୍‌, ଥ୍ରୀ ଟେଲ୍ସା ଏମ୍‌ଆରଆଇ, ଏଚ୍‌ଡିଆର୍ ବ୍ରାକି ଥେରାପି, ଡୁଆଲ୍ ହେଡ୍ ଗାମା କ୍ୟାମେରା ଭଳି ଉନ୍ନତମାନର ଅତ୍ୟାଧୁନିକ ଡାକ୍ତରୀ ସରଞ୍ଜାମ ରହିଥିବା ବେଳେ ଆନ୍ତର୍ଜାତୀୟ ସ୍ତରର ଚିକିତ୍ସା ପ୍ରଦାନ କରାଯାଉଛି।

ଭୁବନେଶ୍ୱର: ଦୀର୍ଘ ୭ ଦିନ ଧରି ଜଣେ ବ୍ୟକ୍ତିଙ୍କର ଖାଦ୍ୟ ନଳୀରେ ଅଟକିଥିବା କୁକୁଡା ହାଡକୁ ବାହାର କରିବାରେ ସଫଳ ହୋଇଛନ୍ତି ସମ୍ ଅଲ୍ଟିମେଟ ମେଡିକେୟାରର ସର୍ଜନ।
ଏହି ସର୍ଜିକାଲ ଟିମ୍‌ର ନେତୃତ୍ୱ ନେଇଥିବା ସମ୍ମମ୍‌ର ସର୍ଜିକାଲ୍ ଗ୍ୟାଷ୍ଟ୍ରୋ ଏନ୍‌ଟେରୋଲୋଜି ବିଭାଗର କନ୍‌ସଲ୍‌ଟାଂଟ ଡାକ୍ତର ସତ୍ୟପ୍ରକାଶ ରାୟଚୌଧୁରୀ କହିଛନ୍ତି ଯେ ଏହା ତାଙ୍କ ପାଇଁ ଖୁବ୍ ବିରଳ ଏବଂ ବିପଦପୂର୍ଣ୍ଣ ପ୍ରକ୍ରିୟା ଥିଲା। କାରଣ ଏହି ହାଡଟି ରୋଗୀର ଖାଦ୍ୟ ନଳୀ ଏବଂ ଛାତିର ପାଶ୍ୱର୍ରେ ଅଟକି ଥିଲା ଓ ଏଣ୍ଡୋସ୍କୋପି ଦ୍ୱାରା ଏହାକୁ କାଢ଼ିବା ସମ୍ଭବ ନଥିଲା। ସେମାନେ ଏଣ୍ଡୋସ୍କୋପି ଦ୍ୱାରା ଚେଷ୍ଟା କରିଥିଲେ ମଧ୍ୟ ସଫଳ ହୋଇ ନଥିଲେ ତେଣୁ ଅସ୍ତ୍ରୋପଚାର ନିମନ୍ତେ ନିଷ୍ପତି ନିଆଯାଇଥିଲା।

ଏହି ଅସ୍ତ୍ରୋପଚାର ଖୁବ୍ ଅଭିନବ ଓ ବିପଦପୂର୍ଣ୍ଣ ଥିଲା। କାରଣ ଏହା ଛାତିର ମଝି ପାଶ୍ୱର୍ ଏବଂ ଶ୍ୱାସ ନଳୀର ଠିକ୍ ତଳେ ଅଟକି ଥିଲା ବୋଲି ସେ କହିଛନ୍ତି। ଡାକ୍ତର ରାୟ ଚୌଧୁରୀଙ୍କୁ ଡାକ୍ତର ସୁମିତ ଏସ୍‌. ମହାନ୍ତି ସହଯୋଗ କରିଥିବା ବେଳେ ଏଣ୍ଡୋସ୍କୋପି ପ୍ରକ୍ରିୟାରେ ଗ୍ୟାଷ୍ଟ୍ରୋଏନ୍‌ଟେରୋଲୋଜି ବିଭାଗର କନ୍‌ସଲ୍‌ଟାଂଟ ଡାକ୍ତର ଅୟସକାନ୍ତ ସିଂହ ସହଯୋଗ କରିଥିଲେ। ଏହି ଅସ୍ତ୍ରୋପଚାର ନିମନ୍ତେ ଆନେସଥେସିଆ ବିଭାଗର ସିନିୟର୍ କନ୍‌ସଲ୍‌ଟାଂଟ ଡାକ୍ତର ଦୀପଙ୍କର ପଢ଼ିଆରୀ ଓ ତାଙ୍କ ଟିମ୍ ସହଯୋଗ କରିଥିଲେ।

ଅସ୍ତ୍ରୋପଚାର ଦ୍ୱାରା କୁକଡାର ହାଡଟିକୁ ରୋଗୀର ଖାଦ୍ୟ ନଳୀରୁ କଢ଼ାଯିବା ପରେ ଏକ ଏଣ୍ଡୋସ୍କୋପି କରାଯାଇଥିଲା। ଅସ୍ତ୍ରୋପଚାର ପରେ କୁକୁଡା ହାଡ ଦ୍ୱାରା ଖାଦ୍ୟ ନଳୀରେ କ୍ଷତ ସୃଷ୍ଟି ହୋଇଥିବାରୁ ତାକୁ ଶୀଘ୍ର ଶୁଖାଇବା ନିମନ୍ତେ ଏକ ଏନ୍‌ଜିଟ୍ୟୁବ୍ ମାଧ୍ୟମରେ ଚିକିତ୍ସା କରାଯାଇଥିଲା ବୋଲି ଡାକ୍ତର ସିଂହ କହିଥିଲେ।

ଏକ କ୍ଷତାକ୍ତ ଖାଦ୍ୟନଳୀରେ ଏଣ୍ଡୋସ୍କୋପି କରିବା ଖୁବ୍ ବିପଦପୂର୍ଣ୍ଣ ଥିଲା ଏବଂ ଏ ନିମନ୍ତେ ସମ୍ପୂର୍ଣ୍ଣ ଯତ୍ନ ସହକାରେ ଏହା ସଂପାଦନ କରାଯାଇଥିଲା। ଏଭଳି କ୍ଷେତ୍ରରେ ପାଟି ପରିବର୍ତେ ନାକ ବାଟେ ଏଣ୍ଡୋସ୍କୋପି କରାଯାଏ ବୋଲି ଡାକ୍ତର ସିଂହ କହିଛନ୍ତି।

ଅସ୍ତ୍ରୋପଚାର ପରେ ରୋଗୀଙ୍କର ପତ୍ନୀ ଖୁବ୍ ଆଶ୍ୱସ୍ତ ହୋଇଛନ୍ତି ଏବଂ କହିଛନ୍ତି ଯେ ତାଙ୍କ ସ୍ୱାମୀ ଭୁଲବଶତଃ ଏକ ଚିକେନ୍ ହାଡକୁ ଗିଳି ଦେବା ପରେ ଛାତିରେ ଖୁବ୍ ଯନ୍ତ୍ରଣା ଅନୁଭବ କରିଥିଲେ । କଟକ ଏବଂ ଭୁବନେଶ୍ୱରର ବିଭିନ୍ନ ହସ୍ପିଟାଲ୍ ଯାଇଥିଲେ ମଧ୍ୟ ରୋଗୀର ଜୀବନ ପ୍ରତି ବିପଦ ଥିବାରୁ ସେଠାରେ ଅସ୍ତ୍ରୋପଚାର ସମ୍ଭବ ହୋଇ ପାରିନଥିଲା। କାରଣ ଏହି ଅସ୍ତ୍ରୋପଚାର ଖୁବ୍ ଜଟିଳ ଓ ବିପଦପୂର୍ଣ୍ଣ ଥିଲା ବୋଲି ସେ କହିଛନ୍ତି।

ଆମେ କୁଆଡେ ଯିବୁ ଜାଣିପାରୁ ନଥିବା ବେଳେ ମୋ ସ୍ୱାମୀର ଚିକିତ୍ସା ନିମନ୍ତେ ଆମର ଜଣେ ସମ୍ପର୍କୀୟ ସମ୍ମମକୁ ଯିବା ପାଇଁ କହିଥିଲେ ବୋଲି ସେ କହିଛନ୍ତି।

ସମ୍ମମ୍‌ରେ ପହଂଚିବା ପରେ ତାଙ୍କ ଅବସ୍ଥା ଜଟିଳ ଥିବାରୁ ତାଙ୍କର ତୁରନ୍ତ ଅପରେସନ୍ ନିମନ୍ତେ ନିଷ୍ପତି ନିଆଯାଇଥିଲା ବୋଲି ଡାକ୍ତର ଚୋଧୁରୀ କହିଛନ୍ତି। କୁକୁଡା ହାଡ଼ଟିକୁ ସଫଳତାର ସହ କଢ଼ାଯାଇଛି ଏବଂ ତାଙ୍କ ଖାଦ୍ୟନଳୀ ମଧ୍ୟ ଅସ୍ତ୍ରୋପଚାର ପରେ ସମ୍ପୂର୍ଣ୍ଣ ଠିକ୍ ଅଛି ବୋଲି ସେ କହିଛନ୍ତି। ଅସ୍ତ୍ରୋପଚାର ପରେ ରୋଗୀ ଜଣକ ସୁସ୍ଥ ଅଛନ୍ତି ଏବଂ ଖୁବ୍ ଶୀଘ୍ର ହସ୍ପିଟାଲ୍‌ରୁ ଡିସ୍‌ଚାର୍ଜ ହେବେ ବୋଲି ଡାକ୍ତର ରାୟଚୌଧୁରୀ କହିଛନ୍ତି।

ଭୁବନେଶ୍ୱର: ଗୁରୁତର ଭାବେ ନିମୋନିଆ ରୋଗରେ ପୀଡ଼ିତ ଥିବା ଜଣେ ୭୯ ବର୍ଷୀୟ ବ୍ୟକ୍ତିଙ୍କୁ ଦୀର୍ଘ ୫୭ ଦିନ ଧରି ଚିକିତ୍ସା କରିବା ପରେ ତାଙ୍କୁ ସୁସ୍ଥ କରାଇବାରେ ସଫଳ ହୋଇଛନ୍ତି ସମ୍ ଅଲ୍ଟିମେଟ ମେଡିକେୟାରର ଡାକ୍ତର।

ନିକୁଞ୍ଜ କିଶୋର ଦାସ ନାମକ ଏହି ବ୍ୟକ୍ତି ଜଣକ ଗତ ସେପ୍ଟେମ୍ବର ୨୩ ତାରିଖ ଦିନ ଜ୍ୱର ଓ ନିଃଶ୍ୱାସ ନେବାରେ କଷ୍ଟ ଅନୁଭବ କରିବାରୁ ହସ୍ପିଟାଲ୍‌ରେ ଭର୍ତି ହୋଇଥିଲେ। ତାଙ୍କର ନିମୋନିଆର ସମସ୍ୟା ମଧ୍ୟ ରହିଥିଲା।

ହସ୍ପିଟାଲ୍‌ରେ ଭର୍ତ୍ତି ହେବା ପରେ ତାଙ୍କୁ ତୁରନ୍ତ ଆଇସିୟୁରେ ଭର୍ତ୍ତି କରାଯିବା ସହ ନନ୍ ଇନ୍‌ଭେସିଭ୍ ଭେଂଟିଲେସନ୍‌ରେ ରଖାଯାଇଥିଲା। ତାଙ୍କର ମଧୁମେହ, ରକ୍ତଚାପ, ହାଇପର ଥାଇରଏଡ, ଗୁରୁତର ବୃକକ୍ ସମସ୍ୟା ଏବଂ ହୃଦରୋଗ ଭଳି ଜଟିଳତା ସହ ତାଙ୍କର ପୂର୍ବରୁ ଆନ୍‌ଜିଓପ୍ଲାଷ୍ଟି ମଧ୍ୟ ହୋଇଥିବାର ଜଣାପଡ଼ିଥିଲା। ତେଣୁ ତାଙ୍କର ଚିକିତ୍ସା କରିବା ଡାକ୍ତରମାନଙ୍କ ନିମନ୍ତେ କଷ୍ଟକର ହୋଇପଡ଼ିଥିଲା।

କାର୍ଡିଓଲୋଜି, ନେଫ୍ରୋଲୋଜି, ପଲ୍‌ମୁନୋଲୋଜି ବିଭାଗ ବିଶେଷଜ୍ଞ, ପ୍ଲାଷ୍ଟିକ୍ ସର୍ଜନ୍ ଏବଂ ଇନ୍‌ଟେନ୍‌ସିଭିଷ୍ଟସ ମାନଙ୍କୁ ନେଇ ଏକ ଟିମ୍ ଗଠନ କରାଯାଇ ଏହି ରୋଗୀଙ୍କର ଚିକିତ୍ସା ଆରମ୍ଭ କରାଯାଇଥିଲ।

ଆଂଟିବାୟୋଟିକ୍ସ ପ୍ରଦାନ ଏବଂ ଅନ୍ୟାନ୍ୟ ଚିକିତ୍ସା ଦ୍ୱାରା ଧୀରେ ଧୀରେ ରୋଗୀ ଜଣଙ୍କର ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥିଲା ଏବଂ ୨ ସପ୍ତାହ ମଧ୍ୟରେ ସେ ଆଇସିୟୁରୁ କ୍ୟାବିନ୍‌କୁ ସ୍ଥାନାନ୍ତର ହୋଇଥିଲେ ବୋଲି ହସ୍ପିଟାଲ୍‌ର କ୍ରିଟିକାଲ୍ କେୟାର ବିଭାଗର ସିନିୟର କନ୍‌ସଲ୍‌ଟାଂଟ ଡାକ୍ତର ଆନନ୍ଦ ମିଶ୍ର କହିଛନ୍ତି।

ତେବେ କ୍ୟାବିନ୍‌ରେ ଦୁଇ ଦିନ ରହିବା ପରେ ତାଙ୍କର ହୃଦ୍‌ସ୍ପନ୍ଦନରେ ଅନିୟମିତତା ଦେଖାଦେଇଥିଲା, ପରିସ୍ରାରେ ରକ୍ତ ପଡ଼ିଲା ଏବଂ ନିଃଶ୍ୱାସ ନେବାରେ କଷ୍ଟ ଅନୁଭୂତ ହେଲା ଯାହା ଫଳରେ ତାଙ୍କୁ ତୁରନ୍ତ ଆଇସିୟୁକୁ ସ୍ଥାନାନ୍ତର କରାଯାଇ ଭେଂଟିଲେଟରରେ ରଖାଗଲା। କିଡ୍‌ନୀ ଜନିତ ସମସ୍ୟା ଏବଂ ହେମୋଗ୍ଲୋବିନ୍‌ର ମାତ୍ରା ଶରୀରରେ କମ୍ ରହିଥିବା ଯୋଗୁଁ ତାଙ୍କର ଡାଏଲିସିସ୍ ଆରମ୍ଭ କରାଗଲା।

ଭେଂଟିଲେଟରରେ ରହିବା ଦ୍ୱାରା ତାଙ୍କୁ ମାତ୍ରାଧିକ ନିମୋନିଆ ଏବଂ ଆକ୍ୟୁଟ୍ ରେସ୍‌ପିରେଟୋରୀ ଡିଷ୍ଟ୍ରେସ୍ ସିଣ୍ଡ୍ରୋମ୍ ଭଳି ସମସ୍ୟା ସୃଷ୍ଟି ହେଲା। ତାଙ୍କ ଶରୀରରେ ଟ୍ରାକିଓଷ୍ଟୋମି ମଧ୍ୟ କରାଗଲା ବୋଲି ଡାକ୍ତର ମିଶ୍ର କହିଛନ୍ତି।

ଏଥି ସହିତ ରୋଗୀଙ୍କର ବେକ ପାଖରେ ଥିବା ଧମନୀରେ ଏକ ରକ୍ତ କ୍ଲଟ ମଧ୍ୟ ଦେଖାଦେବାରୁ ହୃଦ୍‌ସ୍ପନ୍ଦନକୁ ନିୟନ୍ତ୍ରଣ କରିବା ନିମନ୍ତେ ଉପଯୁକ୍ତ ଔଷଧ ପ୍ରଦାନ କରାଗଲା।
ଚିକିତ୍ସା ସମୟରେ ଅଚାନକ ଅନେକ ଗୁଡ଼ିଏ ସ୍ୱାସ୍ଥ୍ୟ ଜନିତ ସମସ୍ୟା ହଠାତ୍ ସୃଷ୍ଟି ହେବା ଯୋଗୁଁ ଡାକ୍ତରମାନଙ୍କୁ ଅଧିକ ସମସ୍ୟା ହେଲା ବୋଲି କହିବା ସହ ହୃଦ୍ ସମସ୍ୟା ଏବଂ କିଡ୍‌ନୀ ଜନିତ ଅନ୍ୟାନ୍ୟ ସମସ୍ୟା ଥିବା ଯୋଗୁଁ ରୋଗୀ ଜଣଙ୍କୁ ଭେଂଟିଲେଟରରୁ କାଢ଼ିବା ଖୁବ୍ କଷ୍ଟକର ଥିଲା। ତେବେ ଧୀରେ ଧୀରେ କିଛି ଦିନ ମଧ୍ୟରେ ତାଙ୍କୁ ଭେଂଟିଲେଟରରୁ କଢ଼ାଗଲା ଏବଂ ଟ୍ରାକିଓଷ୍ଟୋମି ବନ୍ଦ କରାଗଲା।

କିଛି ଦିନ ମଧ୍ୟରେ ରୋଗୀ ଜଣକୁ ଏକ ଲିଟର ଅକ୍ସିଜେନ୍ ସାହାଯ୍ୟରେ କ୍ୟାବିନ୍‌କୁ ସ୍ଥାନାନ୍ତର କରାଗଲା। ନିୟମିତ ଫିଜିଓଥେରାପି ଏବଂ ଉପଯୁକ୍ତ ଖାଦ୍ୟ ଦ୍ୱାରା ସେ ଧୀରେ ଧୀରେ ସୁସ୍ଥ ହେବାରେ ଲାଗିଲେ।

ରୋଗୀ ଜଣକ ପ୍ରାୟ ୫୭ ଦିନ ହସ୍ପିଟାଲ୍‌ରେ ରହିବା ପରେ ଶେଷରେ ଡିସ୍‌ଚାର୍ଜ ହୋଇଥିଲେ।

ଆଇସିୟୁ ଟିମ୍‌ର ୨୪ ଘଂଟିଆ ଚିକିତ୍ସା ଓ ସେବା ଶୁଶ୍ରୁଷା, ବିଭିନ୍ନ ଡାକ୍ତରୀ ଟିମ୍‌ର ଚିକିତ୍ସା ସହିତ ପରବାରବର୍ଗଙ୍କୁ ରୋଗୀ ସୁସ୍ଥ ହେବା ନେଇ ଉପଯୁକ୍ତ ଭାବେ ଅବଗତ କରିବା ଦ୍ୱାରା ଏହି ସଫଳତା ମିଳି ପାରିଲା ବୋଲି ଡାକ୍ତର ମିଶ୍ର କହିଛନ୍ତି।

ଭୁବନେଶ୍ୱର: ଗୁରୁବାର ବିଶ୍ୱ ଫିଜିଓଥେରାପି ଦିବସ ଅବସରରେ ସମ୍ ଅଲ୍ଟିମେଟ ମେଡିକେୟାରରେ ଓଡ଼ିଶାର ପ୍ରଥମ ଅର୍ନ୍ତରୋଗୀ ପୁର୍ନବାସ ୟୁନିଟ୍ ଉଦ୍‌ଘାଟିତ ହୋଇଯାଇଛି।
ଏହି ଅତ୍ୟାଧୁନିକ ଅର୍ନ୍ତରୋଗୀ ପୁର୍ନବାସ ୟୁନିଟ୍‌ରେ ନ୍ୟୁରୋଲଜିକାଲ୍ ଏବଂ ଅର୍ଥୋପେଡିକ୍ ବିଭାଗର ରୋଗୀମାନଙ୍କ ସମେତ ଅସ୍ତ୍ରୋପଚାରର ପରବର୍ତୀ ଉତମମାନର ଚିକିତ୍ସା ଓ ଯତ୍ନ ପ୍ରଦାନ କରାଯିବାର ବ୍ୟବସ୍ଥା ରହିଛି।

ଏହି ୟୁନିଟ୍‌କୁ ସମ୍ମମ୍‌ର ଚିଫ୍ ଏଗ୍‌ଜିକ୍ୟୁଟିଭ୍ ଅଫିସର ଡକ୍ଟର ଶ୍ୱେତପଦ୍ମା ଦାଶ ଉଦ୍‌ଘାଟିତ କରିଥିଲେ। ଏହି ଅବସରରେ ଅନ୍ୟମାନଙ୍କ ମଧ୍ୟରେ ହସ୍ପିଟାଲ୍‌ର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର, ଫିଜିଓଥେରାପି ବିଭାଗର ମୁଖ୍ୟ ଡାକ୍ତର ପି. ବାଲାକିଶୋର ଓ ତାଙ୍କ ଟିମ୍ ଏବଂ ଅନ୍ୟାନ୍ୟ ବିଭାଗର ମୁଖ୍ୟ ଓ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ।

ଗୁରୁତର ଶାରୀରିକ କ୍ଷତ, ଅସୁସ୍ଥତା ଥିବା ରୋଗୀଙ୍କୁ ଏହି ୟୁନିଟ୍‌ରେ ଚିକିତ୍ସା ପ୍ରଦାନ କରାଯିବା ସହ ଯେଉଁମାନଙ୍କୁ ଫିଜିଓଥେରାପି ଏବଂଶାରୀରିକ ସୁସ୍ଥତାର ଆବଶ୍ୟକତା ଥିବ ସେମାନଙ୍କୁ ମଧ୍ୟ ଏହି ୟୁନିଟରେ ଚିକିତ୍ସା ପ୍ରଦାନ କରାଯିବ।

ଭୁବନେଶ୍ୱର: ସମ୍ ଅଲ୍ଟିମେଟ ମେଡିକେୟାରର ଶିଶୁରୋଗ ବିଶେଷଜ୍ଞ ମାତ୍ର ୭୫୦ ଗ୍ରାମ୍ ଓଜନର ନବଜାତ ଶିଶୁକନ୍ୟାର ଜୀବନ ବଂଚାଇବାରେ ସଫଳ ହୋଇଛନ୍ତି।

ମାତ୍ର ୨୬ ସପ୍ତାହ ଗର୍ଭଧାରଣ ପରେ ଜଣେ ମହିଳାଙ୍କର ସିଜରିଆନ୍ ସେକ୍ସନ୍ ଦ୍ୱାରା ଏକ ଶିଶୁ କନ୍ୟା ସମ୍ମମ୍‌ରେ ଜନ୍ମଲାଭ କରିଥିବା ବେଳେ ଜନ୍ମ ପରେ ପରେ ହିଁ ଶିଶୁଟିର ନିଃଶ୍ୱାସ ନେବାରେ ସମସ୍ୟା ସୃଷ୍ଟି ହୋଇଥିଲା ଏବଂ ତାକୁ ଏନ୍‌ଆଇଭି ସପୋର୍ଟରେ ରଖାଯାଇଥିଲା ବୋଲି ସମ୍ମମ୍‌ର ଶିଶୁରୋଗ ବିଭାଗର ମୁଖ୍ୟ ଡାକ୍ତର ପ୍ରଦୀପ କୁମାର ଦେ ସୂଚନା ଦେଇଛନ୍ତି।

ମାତ୍ର ୨୬ ସପ୍ତାହ ଗର୍ଭଧାରଣରେ ଜନ୍ମ ନେଇଥିବା ୫୦ ପ୍ରତିଶତରୁ କମ୍ ଶିଶୁଙ୍କ ଜୀବନ ବଂଚାଇବା ସମ୍ଭବ ହୋଇଥିବା ବେଳେ ହସ୍ପିଟାଲ୍‌ର ଡାକ୍ତରୀ ଟିମ୍‌ର ନିରନ୍ତର ପ୍ରଚେଷ୍ଟା ଫଳରେ ଶିଶୁଟି ସୁସ୍ଥ ହୋଇପାରିଛି ବୋଲି ସେ କହିଛନ୍ତି।

ଗଞ୍ଜାମ ଜିଲ୍ଲା ଆସ୍କା ଅଂଚଳର ଏହି ଶିଶୁ କନ୍ୟାଟିର ମା’ ପ୍ରସବ ନିମନ୍ତେ ସମ୍ମମ୍‌ରେ ଭର୍ତ୍ତି ହେବା ସମୟରେ ତାଙ୍କର ମଧୁମେହ, ଉଚ୍ଚ ରକ୍ତଚାପ ଏବଂ ଥାଇରଏଡ ଭଳି ଅନେକ ସ୍ୱାସ୍ଥ୍ୟଗତ ସମସ୍ୟା ଥିଲା ଏବଂ ପୂର୍ବରୁ ମଧ୍ୟ ତାଙ୍କର ୩ ଥର ଗର୍ଭପାତ ହୋଇଥିଲା। ତେଣୁ ଉଭୟ ମା’ ଏବଂ ଶିଶୁଙ୍କ କ୍ଷେତ୍ରରେ ଏହା ଏକ ଜଟିଳ ପରିସ୍ଥିତି ଥିଲା ବୋଲି ଡେଲିଭରି କରାଇଥିବା ହସ୍ପିଟାଲ୍‌ର ସ୍ତ୍ରୀ ଓ ପ୍ରସୂତିରୋଗ ବିଭାଗର କନ୍‌ସଲ୍‌ଟାଂଟ ଗାଏନୋକୋଲୋଜିଷ୍ଟ ଡାକ୍ତର ଚିନ୍ମୟୀ କର କହିଛନ୍ତି।

ତେବେ ଶିଶୁଟି ଜନ୍ମ ହେବା ପରେ ତା’ର ନିରନ୍ତର ଯତ୍ନ ନିଆଯାଇଥିଲା। ଦୀର୍ଘ ୩୨ ଦିନ ପର୍ଯ୍ୟନ୍ତ ତାକୁ ଏନ୍‌ଆଇଭି ସପୋର୍ଟରେ ରଖାଯାଇଥିଲା। ଇନ୍‌ଟ୍ରାଭେନସ୍ ଫ୍ଲୁଇଡ୍ ଦ୍ୱାରା ତା’ର ଶରୀରକୁ ଖାଦ୍ୟ ଏବଂ ଔଷଧ ଯୋଗାଇ ଦିଆଯାଇଥିଲା। ଜନ୍ମ ହେବାର ୧୭ ଦିନ ପରେ ଇନ୍‌ଟ୍ରାଭେନସ୍ ଫ୍ଲୁଇଡ୍ ମାଧ୍ୟମରେ ଖାଦ୍ୟ ଏବଂ ଔଷଧ ବନ୍ଦ କରାଯାଇଥିବା ବେଳେ ନାକ ବାଟେ ଟ୍ୟୁବ୍ ମାଧ୍ୟମରେ ଖାଦ୍ୟ ଦେବା ଆରମ୍ଭ କରାଯାଇଥିଲା ବୋଲି ଡାକ୍ତର ଦେ କହିଛନ୍ତି।

ଶିଶୁଟି ଧିରେ ଧିରେ ସୁସ୍ଥ ହେବା ପରେ ତାକୁ ତାର ମା’ ନିକଟକୁ ନିଆଯାଇଥିଲା ଯାହାଦ୍ୱାରା କି ମା’ର ସ୍ପର୍ଶ ପାଇ ଶିଶୁଟି ଅଧିକ ସୁସ୍ଥ ହୋଇପାରିଥିଲା ବୋଲି ଡାକ୍ତର ଦେ କହିଛନ୍ତି। ଏହି ପଦ୍ଧତିକୁ କଙ୍ଗାରୁ ମଦର କେୟାର କରାଯାଏ।

ଦୀର୍ଘ ୨ ମାସ ପରେ ଶିଶୁଟି ନିଓ-ନାଟାଲ୍ ଇନ୍‌ଟେନ୍‌ସିଭ କେୟାର ୟୁନିଟ୍ (ଏନ୍‌ଆଇସିୟୁ)ରୁ ଡିସ୍‌ଚାର୍ଜ ହୋଇଥିବା ବେଳେ ତା’ର ବାପା-ମା ହସ୍ପିଟାଲ୍‌ର କର୍ତୃପକ୍ଷ ଏବଂ ଡାକ୍ତରୀ ଟିମ୍‌କୁ କୃତଜ୍ଞତା ଜଣାଇଛନ୍ତି।

ପ୍ରାରମ୍ଭରୁ ଡାକ୍ତର ଦେ ଏବଂ ନିଓନାଟୋଲୋଜି ବିଭାଗର ଭିଜିଟିଙ୍ଗ କନ୍‌ସଲ୍‌ଟାଂଟ ଡାକ୍ତର ଦେବାଶିଷ ନନ୍ଦ ଶିଶୁଟିର ସମସ୍ତ ଚିକିତ୍ସା ଓ ଯତ୍ନ ନେଇଥିବା ବେଳେ ହସ୍ପିଟାଲ୍‌ର ଷ୍ଟାଫ୍‌, ନର୍ସ ଓ କନ୍‌ସଲ୍‌ଟାଂଟମାନେ ସମସ୍ତ ସାହାଯ୍ୟ ଓ ସହଯୋଗ କରିଥିଲେ।

ଭୁବନେଶ୍ୱର: କୋଭିଡ୍ ମହାମାରୀ ସମୟରେ ସମ୍ ଅଲ୍ଟିମେଟ ମେଡିକେୟାର ଏବଂ ସମ୍  କୋଭିଡ ହସ୍ପିଟାଲ୍‌ର ସ୍ୱାସ୍ଥ୍ୟ ସେବା ଓ ଅବଦାନ ଅତୁଳନୀୟ। ଏହି ଦୁଇ ହସ୍ପିଟାଲ୍‌ର ନିରନ୍ତର ଏବଂ ଉତ୍କୃଷ୍ଟ ସ୍ୱାସ୍ଥ୍ୟ ସେବା ଯୋଗୁଁ ଅନେକ କୋଭିଡ ସଂକ୍ରମିତ ସୁସ୍ଥ ହେବା ସହ ନୂତନ ଜୀବନ ଲାଭ କରିଛନ୍ତି ବୋଲି କହିଛନ୍ତି ଓଡ଼ିଶା ସରକାରଙ୍କ ବିଜ୍ଞାନ ଓ ପ୍ରଯୁକ୍ତି ବିଦ୍ୟା, ସାଧାରଣ ଉଦ୍ୟୋଗ, ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା।

ନ୍ୟାସ୍‌ନାଲ୍ ଇଂଟେନ୍‌ସିଭ୍ କେୟାର ସପ୍ତାହ ପାଳନ ଅବସରରେ ସମ୍ ଅଲ୍ଟିମେଟ ମେଡିକେୟାର ପକ୍ଷରୁ ଶନିବାର ଆୟୋଜିତ ସିଏମ୍‌ଇ, କ୍ରିଟିକାଲ୍ କେୟାର ଅପ୍‌ଡେଟ୍ ଆଣ୍ଡ ୱାର୍କସପ୍‌- ଏସ୍‌ଆଇସିଏସ୍ ୨୦୨୨, କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ଏହା କହିଛନ୍ତି ଶ୍ରୀ ପଣ୍ଡା। ଉଭୟ ସମ୍ମମ୍ ଓ ସମ୍ କୋଭିଡ୍ ହସ୍ପିଟାଲ ସଫଳତାର ସହ କରୋନା ମହାମାରୀ ର ମୁକାବିଲା କରି ସଂକ୍ରମିତଙ୍କ ଜୀବନ ରକ୍ଷା କରିଛନ୍ତି ବୋଲି ଶ୍ରୀ ପଣ୍ଡା କହିଛନ୍ତି।

ଏହି ଅବସରରେ ସମ୍ମମ୍‌ର କ୍ରିଟିକାଲ୍ କେୟାର ବିଭାଗର ମୁଖ୍ୟ ଡାକ୍ତର ବାନାମ୍ବର ରାୟ ସ୍ୱାଗତ ଭାଷଣ ଦେବା ଅବସରରେ ବିଜ୍ଞାନ ଓ ପ୍ରଯୁକ୍ତି କ୍ଷେତ୍ରରେ ଶ୍ରୀ ପଣ୍ଡାଙ୍କର ଅବଦାନକୁ ପ୍ରଶଂସା କରିଥିଲେ। ଏଥି ସହିତ ମାତ୍ର ଦୁଇ ବର୍ଷ ସମୟସୀମା ମଧ୍ୟରେ ସମ୍ମମ୍‌କୁ ଏକ ଉଚ୍ଚ ସ୍ତରୀୟ ହସ୍ପିଟାଲ୍‌ରେ ପରିଣତ କରିବା ଏବଂ ରେକର୍ଡ ସଂଖ୍ୟକ ଏକ ବର୍ଷ ଏବଂ ଏକ ବର୍ଷ ୮ ମାସ ସମୟ ମଧ୍ୟରେ ଏନ୍‌ଏବିଏଚ୍ ଏବଂ ଏନ୍‌ଏବିଏଲ୍ ମାନ୍ୟତା ପାଇବା କ୍ଷେତ୍ରରେ ସିଇଓ ଡକ୍ଟର ଶ୍ୱେତପଦ୍ମା ଦାଶଙ୍କ ଅବଦାନକୁ ଉଚ୍ଚ ପ୍ରଶଂସା କରିଥିଲେ।

ସେହିପରି ସମ୍ମମ୍‌ ଇନ୍‌ଟେନ୍‌ସିଭ୍ କେୟାର୍ ସିମ୍‌ପୋଜିଅମ୍‌(ଏସ୍‌ଆଇସିଏସ୍‌- ୨୦୨୨) ଆୟୋଜନ କରିବା କ୍ଷେତ୍ରରେ ତାଙ୍କର ପ୍ରଚେଷ୍ଟାକୁ ନେଇ କୃତଜ୍ଞତା ଜଣାଇଥିଲେ। ନିଜ ଅଭିଭାଷଣରେ ସିଇଓ ଡକ୍ଟର ଦାଶ ମହାମାରୀ ସମୟରେ କ୍ରିଟିକାଲ୍ କେୟାର ଟିମ୍‌ର ନିରନ୍ତର ସ୍ୱାସ୍ଥ୍ୟ ସେବା ଓ କାର୍ଯ୍ୟକୁ ଉଚ୍ଚ ପ୍ରଶଂସା କରିବା ସହ ସମସ୍ତ ସଫଳତାର ଶ୍ରେୟ ସମ୍ମମ୍ ଟିମ୍‌କୁ ଦେଇଥିଲେ।

ଏହି କାର୍ଯ୍ୟକ୍ରମରେଆମେରିକାର ଫ୍ଲୋରିଡା ସ୍ଥିତ ମାୟୋ କ୍ଲିନିକର ସିନିଅର କନ୍‌ସଲଟାଂଟ ତଥା ଇକ୍‌ମୋ ୟୁନିଟ୍‌ର ମୁଖ୍ୟ ଡାକ୍ତର ପ୍ରମୋଦ କୁମାର ଗୁରୁ, ଦିଲ୍ଲୀ ସ୍ଥିତ ମ୍ୟାକ୍ସ ହସ୍ପିଟାଲ୍‌ର ଡାକ୍ତର ୱାଇ.ପି. ସିଂହ ଓ ରାଂଚି ସ୍ଥିତ ବେଦାନ୍ତ ହସ୍ପିଟାଲ୍‌ର ଡାକ୍ତର ତାପସ ସାହୁ ଉପସ୍ଥିତ ରହି ତଥ୍ୟ ଉପସ୍ଥାପନା କରିଥିଲେ।

ଅନ୍ୟମାନଙ୍କ ମଧ୍ୟରେ ସମ୍ମମ୍‌ର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଓ ଡେପୁଟି ମେଡିକାଲ ସୁପରିଟେଣ୍ଡେନ୍‌ଟ ଡାକ୍ତର ଆନନ୍ଦ ମିଶ୍ର ପ୍ରମୁଖ ଉପସ୍ଥିତ ଥିଲେ।

ଭୁବନେଶ୍ୱର: ୱାନ୍ ଷ୍ଟପ୍‌, ନେକ୍ସଟ ଜେନେରେସନ୍ ମଲ୍ଟି ସ୍ପେଶିଆଲିଟି କ୍ୱାଟରନାରୀ କେୟାର ଡାକ୍ତରଖାନା ସମ୍ ଅଲ୍ଟିମେଟ୍ ମେଡିକେୟାର ଚଳିତ ବର୍ଷ ଓଡ଼ିଶାର ପ୍ରଥମ ହସ୍ପିଟାଲ୍ ଭାବେ ହାଜାର୍ଡ ଆନାଲିସିସ୍ କ୍ରିଟିକାଲ୍ କଂଟ୍ରୋଲ୍ ପଏଂଟ (ଏଚ୍‌ଏସିସିପି)ର ପ୍ରମାଣପତ୍ର ମିଳିବାର ସଫଳତା ହାସଲ କରିଛି। ଏଚ୍‌ଏସିସିପି ହେଉଛି ଏକ ଖାଦ୍ୟ ସୁରକ୍ଷା ବ୍ୟବସ୍ଥା ଯାହାକି ରୋଗୀ, ସେମାନଙ୍କ ସମ୍ପର୍କୀୟ, ହସ୍ପିଟାଲ୍‌କୁ ଆସିଥିବା ବ୍ୟକ୍ତି ଏବଂ କର୍ମଚାରୀ ମାନଙ୍କୁ ସବୁ ସମୟରେ ସୁରକ୍ଷିତ ଖାଦ୍ୟ ପ୍ରଦାନ କରିବା ନିମନ୍ତେ ଉଦ୍ଦିଷ୍ଟ।

ଖାଦ୍ୟ ପଦାର୍ଥ ଉତ୍ପାଦନ, ପରିଚାଳନା, ବଂଟନ ଏବଂ ଖାଦ୍ୟ ଗ୍ରହଣ ଦିଗରେ ବିଭିନ୍ନ ବିଶ୍ଳେଷଣ ଏବଂ ଜୈବିକ, ରାସାୟନିକ ଏବଂ ଶାରୀରିକ ନିୟନ୍ତ୍ରଣ କ୍ଷେତ୍ରରେ ଖାଦ୍ୟ ସୁରକ୍ଷା ଦିଗରେ ଏହା କାର୍ଯ୍ୟ କରିଥାଏ।

ଏହି ପ୍ରମାଣପତ୍ର ହସ୍ପିଟାଲ୍‌ରେ ଉଚିତ ପ୍ରକ୍ରିୟାରେ ଖାଦ୍ୟ ସୁରକ୍ଷା ପରିଚାଳନା ଏବଂ ସୁରକ୍ଷିତ ଖାଦ୍ୟ ପ୍ରଦାନ କରାଯିବାର ସମସ୍ତ ବ୍ୟବସ୍ଥା ରହିଥିବା ଦର୍ଶାଇଥାଏ। ରୋଗୀମାନଙ୍କୁ ଉତ୍ତମମାନର ସ୍ୱାସ୍ଥ୍ୟ ସେବା ଓ ସୁରକ୍ଷା ପ୍ରଦାନ କରିବାରେ ପ୍ରତିଶ୍ରୁତିବଦ୍ଧ ନିଜର ଫୁଡ୍‌ ସର୍ଭିସ୍ ଡିଭିଜନ୍‌କୁ ଏଚ୍‌ଏସିସିପି ମାନ୍ୟତା ପାଇବା ନିମନ୍ତେ ସମସ୍ତ ଆବଶ୍ୟକତା ଉପସ୍ଥାପିତ କରିଥିଲା।

ଓଡ଼ିଶାର ପ୍ରଥମ ହସ୍ପିଟାଲ୍ ଭାବେ ମାତ୍ର ଦୁଇ ବର୍ଷ ମଧ୍ୟରେ ଚଳିତ ବର୍ଷର ୨୨୦୦୦ –୨୦୧୮ ଆଇଏସ୍‌ଓ ଏଚ୍‌ଏସିସିପି ପ୍ରମାଣପତ୍ର ପାଇପାରିଛି ସମ୍ମମ୍। ଏନ୍‌ଏବିଏଚ୍ ଏବଂ ଏନ୍‌ଏବିଏଲ୍ ମାନ୍ୟତା ପାଇବା ପରେ ଏଚ୍‌ଏସିସିପି ପ୍ରମାଣପତ୍ର ପାଇବାରେ ସଫଳତା ହାସଲ କରିଛି ସମ୍ମମ୍।

ଭୁବନେଶ୍ୱର: କୋଭିଡ୍ ପଜିଟିଭ୍ ମା’ଙ୍କ ଠାରୁ ଜନ୍ମ ଗ୍ରହଣ କରିବା ପରେ କରୋନା ସଂକ୍ରମିତ ହୋଇଥିବା ମାତ୍ର ୧ ସପ୍ତାହର ନବଜାତ ଶିଶୁକୁ ସୁସ୍ଥ କଲେ ସମ୍ ଅଲ୍ଟିମେଟ୍ ମେଡିକେୟାରର ଡାକ୍ତର। ଏକ ଘରୋଇ ଡାକ୍ତରଖାନାରେ ଜନ୍ମନେଇଥିବା ଶିଶୁଟି ମାଙ୍କ ଠାରୁ କୋଭିଡ ସଂକ୍ରମିତ ହୋଇ ଗୁରୁତର ଅବସ୍ଥାରେ ସମ୍ ଅଲ୍ଟିମେଟ୍ ମେଡିକେୟାରରେ ଭର୍ତ୍ତି ହୋଇଥିଲା।

ଡାକ୍ତରମାନେ ତାର ଜୀବନ ରକ୍ଷା କରିବା ପାଇଁ ଆପ୍ରାଣ ଉଦ୍ୟମ କରିବା ସହ ଉତ୍ତମ ଚିକିତ୍ସା ପ୍ରଦାନ କରି ଶିଶୁଟିକୁ ସୁସ୍ଥ କରିପାରିଛନ୍ତି। ୩୩ ସପ୍ତାହ ଗର୍ଭବତୀ ଥିବା କୋଭିଡ୍ ପଜିଟିଭ ଚିହ୍ନଟ ହୋଇଥିବା ମା ଠାରୁ ଶିଶୁଟି ଜନ୍ମ ଗ୍ରହଣ କରିଥିଲା। ଶିଶୁଟି ଜନ୍ମହେବାପରେ କାନ୍ଦିଥିଲା ଏବଂ ତାକୁ ମା ନିକଟକୁ ଅଣାଯାଇଥିଲା। ତେବେ ଏହାର ଦ୍ୱିତୀୟ ଦିନରେ ମା’ଙ୍କର ଅବସ୍ଥା ଗୁରୁତର ହୋଇପଡ଼ିଥିଲା, ସେପଟେ ଶିଶୁଟି ମଧ୍ୟ ଅସୁସ୍ଥ ହେବା ସହ ତାକୁ ନିଶ୍ୱାସ ନେବାରେ ସମସ୍ୟା ସୃଷ୍ଟି ହୋଇଥିଲା ଏବଂ ତାକୁ ତୁରନ୍ତ ଏନଆଇସିୟୁରେ ଭର୍ତ୍ତି କରାଯାଇଥିଲା ।

ମା’ କୁ ତୁରନ୍ତ ସମ୍ ଅଲ୍ଟିମେଟ୍ ମେଡିକେୟାରରେ ଭର୍ତ୍ତି କରାଯାଇ ଭେଂଟିଲେଟରରେ ରଖାଯାଇଥିଲା। ଶିଶୁଟିର ଅବସ୍ଥା ମଧ୍ୟ ଗୁରୁତର ହୋଇପଡ଼ିବାରୁ ତାକୁ ମଧ୍ୟ ସମ୍ ଅଲ୍ଟିମେଟ୍ ଅଣାଯାଇଥିଲା। ହସ୍ପିଟାଲର ପେଡିୟାଟ୍ରିକ ଓ ନିଓନଟୋଲୋଜି ବିଭାଗର ଆସୋସିଏଟ କନସଲଟାଂଟ ଡ. ବିଚିତ୍ରାନନ୍ଦ ରାଉତ ଏବଂ ତାଙ୍କ ଟିମ୍ ଶିଶୁଟିର ଚିକିତ୍ସା ଆରମ୍ଭ କରିବା ସହ ପରୀକ୍ଷା ନିରୀକ୍ଷା କରିଥିଲେ।

ତେବେ କୋଭିଡ ସଂକ୍ରମଣ ହେବାପରେ ଶିଶୁମାନଙ୍କ କ୍ଷେତ୍ରରେ ନିଓନାଟାଲ ମଲ୍ଟିସିଷ୍ଟମ ଇନଫ୍ଲାମାଟୋରୀ ସିଣ୍ଡ୍ରୋମ ଭଳି ବିରଳ ଅବସ୍ଥା ଏହି ଶିଶୁଠାରେ ଦେଖାଦେଇଥିବା ଜଣାପଡ଼ିଥିଲା। ପ୍ରାୟତଃ ନବଜାତ କୋଭିଡ ସଂକ୍ରମିତ ଶିଶୁମାନଙ୍କ କ୍ଷେତ୍ରରେ କୌଣସି ଲକ୍ଷଣ ଦେଖାଯାଇନଥାଏ ଅଥବା ସାମାନ୍ୟ ଲକ୍ଷଣ ସୃଷ୍ଟି ହୋଇଥାଏ।

ତେବେ ଅତ୍ୟଧିକ ଲକ୍ଷଣ ଅଥବା ନିଓନାଟାଲ ଏମଆଇଏସସି ଦେଖାଯିବା ଖୁବ୍ ବିରଳ
ବୋଲି ଡାକ୍ତର ରାଉତ କହିଛନ୍ତି । ଶିଶୁଟି ଉତମ ଚିକିତ୍ସା ପାଇବା ପରେ ମାତ୍ର ଦୁଇ ଦିନ ମଧ୍ୟରେ ହସ୍ପିଟାଲରୁ ଡିସଚାର୍ଜ ହେବାରେ ସକ୍ଷମ ହୋଇଛି। ଚିକିତ୍ସା କରିବାର ଦ୍ୱିତୀୟ ଦିନରେ ହିଁ ଶିଶୁଟି ଖାଦ୍ୟ ଖାଇପାରିଥିଲାବୋଲି ଡାକ୍ତର ରାଉତ କହିଛନ୍ତି।

ସୂଚନାଯୋଗ୍ୟ ଯେ ଶିଶୁଟିର ମା’ଙ୍କର ସ୍ୱାସ୍ଥ୍ୟାବସ୍ଥାରେ ମଧ୍ୟ ସୁଧାର ଆସୁଛି ଏବଂ ବର୍ତ୍ତମାନ ତାଙ୍କୁ ଭେଂଟିଲେଟରରୁ ବାହାରକୁ ଅଣାଯାଇଥିବା ଜଣାପଡ଼ିଛି।