ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଘରୋଇ କଲହରୁ ଉନ୍ମତ କାଣ୍ଡ। ଦୁଇଭାଇଙ୍କ ମଧ୍ୟରେ କଳହ। ସାନ ଭାଇର ଆତ୍ମହତ୍ୟା ପରେ ବଡ ଭାଇର ଆତ୍ମହତ୍ୟା ଉଦ୍ୟମ। ଏଭଳି ଘଟଣା ଦେଖିବାଜୁ ମିଳିଛି କଳାହାଣ୍ଡି ଜିଲ୍ଲା ଧର୍ମଗଡ଼ ଥାନା ଅଧିନସ୍ଥ ରାଜମୋଟେର ଗ୍ରାମରେ।
ସୂଚନା ଅନୁଯାୟୀ ଦୁହି ଭାଇଙ୍କ ମଧ୍ୟରେ କୌଣସି କାରଣ ବଶତଃ ଦୀର୍ଘ ଦିନରୁ ଝଗଡା ଲାଗିରହିଥିଲା। ଯାହାର ପରିଣତି ଆଜି ସକାଳେ ସାନ ଭାଇ ଲିଙ୍ଗ ଗହୀର (୨୦)ନିଜ ଜମି ହୁଡା ଗଛରେ ରଶିଲଗାଇ ଆତ୍ମହତ୍ୟା କରିଥିବା ଦେଖିବାକୁ ମିଳିଛି। ଏହାପରେ ବଡ ଭାଇ ରବିନ ଗହୀର (୨୨)ସାନ ଭାଇର ମୃତ୍ୟୁ ହୋଇଥିବା ଘଟଣାକୁ ସହ୍ୟ କରି ନ ପାରି ନିଜ ଦେହରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ଭବାନୀପାଟଣା ଡାକ୍ତରଖାନାରେ ଭର୍ତ୍ତି କରାଯାଇଛି। ଖବର ପାଇ ଧର୍ମଗଡ଼ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି।