ଭୁବନେଶ୍ବର: ଓଡିଆ ଭାଷା,ସାହିତ୍ୟ ଓ ସଂସ୍କୃତି ବିଭାଗ ଓ ଓଡିଶା ସଂଗୀତ ଏକାଡେମୀ ତରଫରୁ ୨୦୨୧ ଓ ୨୦୨୨ ଦୁଇ ବର୍ଷ ପାଇଁ ନୃତ୍ୟ,ସଂଗୀତ, ନାଟକ ଓ ଲୋକ କଳା କ୍ଷେତ୍ରରେ ବିଶେଷ ଅବଦାନ ଥିବା କଳାକାର ସାଧକମାନଙ୍କର ଆଜୀବନ ସାଧନା ପାଇଁ ଏକାଡେମୀର ସର୍ବୋଚ୍ଚ ସମ୍ମାନ- କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ, ଏକାଡେମୀ ପୁରସ୍କାର ଓ କବିଚନ୍ଦ୍ର କାଳିଚରଣ ଯୁବପ୍ରତିଭା ସମ୍ମାନ ପ୍ରଦାନ ଉତ୍ସବ ଆଜି ସଂଧ୍ୟାରେ ସ୍ଥାନୀୟ ରବିନ୍ଦ୍ର ମଣ୍ଡପଠାରେ ଅନୁଷ୍ଠିତ ହୋଇଯାଇଛି।
ଓଡିଶୀ ସଂଗୀତ କ୍ଷେତ୍ରରେ ଶ୍ରୀ ଗୋପାଳ ଚନ୍ଦ୍ର ପଣ୍ଡା ଏବଂ ପାଲା ପରିବେଷଣ ପାଇଁ ଗାୟକ ଶ୍ରୀ ଜଗନ୍ନାଥ ବେହାରାଙ୍କୁ ଯଥାକ୍ରମେ ୨୦୨୧ ଓ ୨୦୨୨ ବର୍ଷ ପାଇଁ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ ପ୍ରଦାନ କରାଯାଇଛି। କବି ସମ୍ରାଟ ଉପନ୍ଦ୍ର ଭଞ୍ଜ ସମ୍ମାନ ପ୍ରାପ୍ତ ଏହି ସମ୍ମାନସ୍ପଦ ପ୍ରତିଭା ଦ୍ୱୟଙ୍କୁ ପ୍ରତ୍ୟେକଙ୍କୁ ୫ଲକ୍ଷ ଟଙ୍କାଲେଖାଏଁ ଅର୍ଥ ରାଶି ପ୍ରଦାନ କରାଯାଇଛି ।
ସେହିପରି ୨୦୨୧ ବର୍ଷ ପାଇଁ ଏକାଡେମୀ ପୁରସ୍କାରରେ ପୁରସ୍କୃତ ହୋଇଛନ୍ତି- ଅଭିନୟ ପାଇଁ (୨ ଜଣଙ୍କୁ )-ଶ୍ରୀ ବିନାୟକ ମିଶ୍ର ଓ ଶ୍ରୀମତୀ ମନୋରମା ମହାନ୍ତି, ନାଟ୍ୟ ରଚନା ପାଇଁ ଡଃ. ବିଜୟ କୁମାର ଶତପଥୀ, ନିର୍ଦ୍ଦେଶନା ପାଇଁ ଶ୍ରୀ ନବୀନ କୁମାର ପରିଡା, ମଞ୍ଚକଳା କ୍ଷେତ୍ରରେ ଶ୍ରୀ ଶରତ କୁମାର ମହାନ୍ତି , ଲୋକ ସଂଗୀତ କ୍ଷେତ୍ରରେ ଶ୍ରୀ ବିଭୂତି ଭୂଷଣ ପଟ୍ଟନାୟକ, ଲୋକବାଦ୍ୟ ପାଇଁ ଶ୍ରୀ ମୂରଲୀଧର ବେହେରା, ଲୋକନୃତ୍ୟ ପାଇଁ ବେଟିଖାଇ ବରିହା, ଗୋପୀନାଥ ସ୍ୱାଇଁ(ଲୋକନାଟ୍ୟ), ଯନ୍ତ୍ର ସଂଗୀତ (ଆନଦ୍ଧ ତାଳ) ପାଇଁ ଜନାର୍ଦ୍ଧନ ଦାଶ, ଯନ୍ତ୍ର ସଂଗୀତ(ତାରବାଦ୍ୟ ଏବଂ ସୁଶୀର ବାଦ୍ୟ) କ୍ଷେତ୍ରରେ ଶ୍ରୀମତୀ କେ.ଭୁବନେଶ୍ୱରୀ, ଓଡିଶୀ ନୃତ୍ୟ ପାଇଁ ଶ୍ରୀ ବିଚିତ୍ରାନନ୍ଦ ସ୍ୱାଇଁ, ଡଃ. ସଂଗୀତା ଗୋସାଇଁ(ଓଡିଶୀ କଣ୍ଠ ସଂଗୀତ ପାଇଁ), ସୁନନ୍ଦା ପଟ୍ଟନାୟକ ସମ୍ମାନ(ହିନ୍ଦୁସ୍ଥାନୀ କଣ୍ଠ ସଂଗୀତ) ପାଇଁ ଶ୍ରୀମତୀ ମିତାଲି ଚିନାରା, ଦେବାଶିଷ ମହାପାତ୍ର( ସୁଗମ ସଂଗୀତ କ୍ଷେତ୍ରରେ ) ଙ୍କୁ ପ୍ରଦାନ କରାଯାଇଛି।
ସେହିପରି ୨୦୨୨ ପାଇଁ ଏକାଡେମୀ ପୁରସ୍କାର ପ୍ରାପ୍ତ ହୋଇଛନ୍ତି –ଶ୍ରୀ ଶଙ୍କର ପ୍ରସାଦ ବସୁ ମଲ୍ଲିକ ଓ ଶ୍ରୀ ପ୍ରଦୀପ କୁମାର ପଣ୍ଡା ( ୨ ଜଣ), ନାଟ୍ୟ ରଚନା ପାଇଁ ଶ୍ରୀ ଅଶୋକ କୁମାର ବହିଦାର, ନିର୍ଦ୍ଦେଶନା ପାଇଁ ଶ୍ରୀ ରମେଶ ଚନ୍ଦ୍ର ମହାନ୍ତି, ଦେବେନ୍ଦ୍ର କୁମାର ଅମାତ( ମଞ୍ଚକଳା), ସୁବାସ ଚନ୍ଦ୍ର ରାମ(ଲୋକ ସଂଗୀତ), ପ୍ରଦୀପ କୁମାର ସିଂହ(ଲୋକବାଦ୍ୟ), ଜୟକୃଷ୍ଣ ନାୟକ( ଲୋକନୃତ୍ୟ), ରସିକ ସାହୁ(ଲୋକନୃତ୍ୟ), ଅଜୟ କୁମାର ଚୈାଧୁରୀ(ଯନ୍ତ୍ର ସଂଗୀତ,ଆନଦ୍ଧ ବାଦ୍ୟ), ଅଭିରାମ ନନ୍ଦ(ଯନ୍ତ୍ର ସଂଗୀତ-ତାରବାଦ୍ୟ ଓ ସୁଶୀର ବାଦ୍ୟ), ଡଃ. ମନୋରଞ୍ଜନ ପ୍ରଧାନ(ଓଡିଶୀ ନୃତ୍ୟ),ସୁକାନ୍ତ କୁମାର କୁଣ୍ଡୁଙ୍କୁ ଓଡିଶୀ କଣ୍ଠ ସଂଗୀତ, ଅନିନ୍ଦିତା ଦାସ( ସୁନନ୍ଦା ପଟ୍ଟନାୟକ ସମ୍ମାନ(ହିନ୍ଦୁସ୍ଥାନୀ କଣ୍ଠ ସଂଗୀତ) ଏବଂ ପ୍ରଶାନ୍ତ ପାଢୀଙ୍କୁ ସୁଗମ ସଂଗୀତ ପାଇଁ ପୁରସ୍କୃତ କରାଯ।ଇଛି। ଏକାଡେମୀ ପୁରସ୍କାର ପାପ୍ତ ସମସ୍ତ କକାକାରମାନଙ୍କୁ ୨ ଲକ୍ଷ ଟଙ୍କା ଲେଖାଏଁ ଆର୍ଥିକ ପୁରସ୍କାର ପ୍ରଦାନ କରାଯାଇଛି।
ସେହିପରି ୨୦୨୧ ବର୍ଷ ପାଇଁ ସଂଗୀତ କ୍ଷେତ୍ରରେ କବିଚନ୍ଦ୍ର କାଳିଚରଣ ଯୁବ ପ୍ରତିଭା ସମ୍ମାନ ପାଇଛନ୍ତି ଶ୍ରୀ ରାମଚନ୍ଦ୍ର ବେହେରା ( ଯନ୍ତ୍ର ସଂଗୀତ ମର୍ଦ୍ଦଳ), ନୃତ୍ୟ କ୍ଷେତ୍ରରେ ରାହୁଳ ଆଚାର୍ୟ୍ୟ (ଓଡିଶୀ ନୃତ୍ୟ) ଓ ନାଟକ କ୍ଷେତ୍ରରେ ଶ୍ରୀ ନଳିନୀ ନୀହାର ନାୟକ(ନିର୍ଦ୍ଦେଶନା)। ଲୋକନୃତ୍ୟ ଓ ଲୋକନାଟ୍ୟ କ୍ଷେତ୍ରରେ ଶ୍ରୀ ଏସ୍ କ୍ଷୀରୋଦ ଦୋରା( ଲୋକନୃତ୍ୟ-ପଶୁମୁଖା), ଲୋକଗୀତ ଓ ଲୋକବାଦ୍ୟ ପାଇଁ ଶ୍ରୀ ଅଶ୍ୱିନୀ କୁମାର ପଟେଲ(ଲୋକବାଦ୍ୟ) । ସେହିପରି ୨୦୨୨ ବର୍ଷ ପାଇଁ ସଂଗୀତ କ୍ଷେତ୍ରରେ ଶ୍ରୀ ବ୍ରଜେଶ ପଦ ପଣ୍ଡା( ହିନ୍ଦୁସ୍ଥାନୀ କଣ୍ଠ ସଂଗୀତ), ବିଶ୍ୱଜିତ୍ ଦାସ( ଓଡିଶୀ ନୃତ୍ୟ) , ନାଟକ(ଅଭିନୟ) ପାଇଁ ଶ୍ରୀ ଆଦର୍ଶ କୁମାର ଦାସ ଏବଂ ଲୋକକଳା ଓ ଲୋକନାଟ୍ୟ କ୍ଷେତ୍ରରେ ଜୟନ୍ତୀ ଦୀପ(ଲୋକନୃତ୍ୟ), ଲୋକ ଗୀତ ଓ ଲୋକ ବାଦ୍ୟ ପାଇଁ ଶ୍ରୀ ନିଳାଚଳ ପାନ(ଲୋକଗୀତ)ଙ୍କୁ କବିଚନ୍ଦ୍ର କାଳି ଚରଣ ଯୁବ ପ୍ରତିଭା ସମ୍ମାନରେ ପୁରସ୍କୃତ କରାଯାଇଛି। ପ୍ରତି କଳାକାରଙ୍କୁ ଏ କ୍ଷେତ୍ରରେ ୫୦ ହଜାର ଟଙ୍କା ଆର୍ଥିକ ପୁରସ୍କାର ପ୍ରଦାନ କରାଯାଇଛି।
କାର୍ଯ୍ୟକ୍ରମରେ ରାଜ୍ୟ ପର୍ଯ୍ୟଟନ, ଓଡିଆ ଭାଷା, ସାହିତ୍ୟ ଓ ସଂସ୍କୃତି ତଥା ଅବକାରୀ ମନ୍ତ୍ରୀ ଶ୍ରୀ ଅଶ୍ୱିନୀ କୁମାର ପାତ୍ର ମୁଖ୍ୟ ଅତିଥି ଭାବେ ଯୋଗଦେଇସମସ୍ତ ପ୍ରତିଭାମାନଙ୍କୁ ସମ୍ବର୍ଦ୍ଧିତ ତଥା ପୁରସ୍କୃତ କରି କହିଲେ ଯେ, ଓଡିଶାରେ ଓଡିଆ ଜାତି, ଶିଳ୍ପୀ,କଳାକାରମାନଙ୍କର ଅବଦାନ ବିଶ୍ୱରେ କିଛି କମ୍ ନୁହେଁ। ସେମାନେ ଆମପାଇଁ ସବୁବେଳେ ବନ୍ଦନୀୟ। ପୁରସ୍କୃତ ହେଉଥିବା ପ୍ରତିଭା ଆଜିର ପିଢି ଓ ଆଗାମୀ ପିଢି ପାଇଁ ସଂଗୀତ ଓ କଳା ଶିକ୍ଷା କ୍ଷେତ୍ରରେ ଆଦର୍ଶ ହୋଇ ରହିବେ। ବିଶ୍ୱ ଓଡିଆତ୍ୱ ଭାବନା ନେଇ ସମସ୍ତେ ଆଗକୁ ବଢିବାକୁ ମନ୍ତ୍ରୀ ଶ୍ରୀ ପାତ୍ର ଆହ୍ୱାନ ଦେଇଥିଲେ।
ରାଜ୍ୟ କ୍ରୀଡା ଓ ଯୁବସେବା ମନ୍ତ୍ରୀ ଶ୍ରୀ ତୁଷାରକାନ୍ତି ବେହେରା କହିଲେ ଯେ, ଓଡିଶା କଳା, ସଂସ୍କୃତି ଭାସ୍କର୍ୟ୍ୟର ରାଜ୍ୟ। ଏ କ୍ଷେତ୍ରରେ ଓଡିଶାର ସ୍ଥିତି ଭାରତରେ ଅନନ୍ୟ। କଳାକାରଙ୍କ ପ୍ରତିଭା ପ୍ରତିଯୋଗିତାର ତୁଳନୀୟ ନୁହେଁ। ସମସ୍ତେ ନିଜ ନିଜ କ୍ଷେତ୍ରରେ ଅନନ୍ୟ। ନିଜର କଳା ସଂସ୍କୃତିକୁ ନେଇ ଗର୍ବ ଅନୁଭବ କରିବାକୁ ମାନ୍ୟବର ମୁଖ୍ୟମନ୍ତ୍ରୀ ସବୁବେଳେ କହିଆସୁଥିବା ବେଳେ ଉତ୍ତରପିଢିକୁ କଳାକାରମାନଙ୍କ ଆଦର୍ଶକୁ ଅନୁକରଣ କହିବାକୁ କହିଥିଲେ । ଓଡିଶାର ଭାଷା, ସାହିତ୍ୟ ଓ ସଂସ୍କୃତିକୁ ନେଇ ଆମେ ଗର୍ବ ଅନୁଭବ କରିବା ଉଚିତ୍ ବୋଲି ମନ୍ତ୍ରୀ ଶ୍ରୀ ବେହେରା କହିଥିଲେ।
ଓଡିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ସତ୍ୟବ୍ରତ ସାହୁ ଯୋଗଦେଇ କହିଲେ ଯେ, ୧୯୫୪ମସିହାରୁ ଗଠିତ ଓଡିଶୀ ସଂଗୀତ ଏକାଡେମୀ ସଂଗୀତ ଓ ନୃତ୍ୟର ପ୍ରଚାର ପ୍ରସାର ପାଇଁ ପ୍ରୟାସ ଜାରି ରଖିଛି। ରାଜ୍ୟର ଗାଁ ଗହଳିରେ ଥିବା କଳା, କଳା ସଂସ୍କୃତି ଘରେ ଘରେ ପହଁଚୁ, ଲୋକ କଳାକାରମାନେ ସେମାନଙ୍କର ଅନ୍ତର୍ନିହିତ କଳାର ପରିପ୍ରକାଶ କରିବା ଏବଂ ପରପିଢିର କଳାକାର ସୃଷ୍ଟିହେବା ସମସ୍ତଙ୍କର ପ୍ରଚେଷ୍ଟା ରହିବା ଉଚିତ୍ ବୋଲି ଶ୍ରୀ ସାହୁ କହିଥିଲେ। ଉପାନ୍ତ ଅଂଚଳରେ କଳା, ସଂସ୍କୃତିର ବିକାଶ ପାଇଁ ସରକାର ପ୍ରୟାସ ଜାରି ରଖିଥିବା ପ୍ରକାଶ କରିବା ସହ ଆଗାମୀ ଦିନରେବିଭିନ୍ନ କଳା କ୍ଷେତ୍ରକୁ ବିଚାରକୁ ନିଆଯାଇ ସମ୍ମାନ ଓ ପୁରସ୍କାର ପ୍ରଦାନରଲ କ୍ଷେତ୍ରକୁ ବ୍ୟାପକ କରାଯିବ ବୋଲି ଅତିରିକ୍ତ ମୁଖ୍ୟ ଶାସନ ସଚିବ ବୋଲି ଶ୍ରୀ ସାହୁ କହିଥିଲେ। ସମସ୍ତଙ୍କର ସହଯୋଗରେ ଓଡିଶାର କଳାକୁ ବିଶ୍ୱ ଦରବାରରେ ପହଁଚାଇବାକୁ ଆହୁରି ଅଧିକ ପ୍ରୟାସ କରିବାକୁ ଶ୍ରୀ ସାହୁ କହିଥିଲେ।
ବିଭାଗର ନିର୍ଦ୍ଦେଶକ ଶ୍ରୀ ରଞ୍ଜନ କୁମାର ଦାସ ଯୋଗଦେଇ କହିଲେ ଯେ, ଏହି ଉତ୍ସବ ଏକ ବିଶ୍ୱ ବିଦ୍ୟାଳୟର ସମାବର୍ତ୍ତନ ଉତ୍ସବ ଠାରୁ କମ୍ ନୁହେଁ। ବିଭାଗ ତରଫରୁ ସମସ୍ତ କଳାକାରମାନଙ୍କୁ ସମ୍ମାନ ଦେବାର ପ୍ରଚେଷ୍ଟା ଜାରି ରହିଥିବା ରହିଥିବା ପ୍ରକାଶ କରିବା ସହିତ ଏହି ଏକ ସ୍ୱୀକୃତି ନୂଆ କଳାକାରଙ୍କୁ ସୃଷ୍ଟି କରବାରେ ପ୍ରେରଣା ଯୋଗାଇବ ବୋଲି କହିଥିଲେ । ଏକାଡେମୀର ସଭାପକି ତଥା ଓଡିଶୀ ନୃତ୍ୟାଙ୍ଗନା ପଦ୍ମଶ୍ରୀ ଅରୁଣା ମହାନ୍ତି ଯୋଗଦେଇ କହିଲେ ଯେ, କଳା ଓ କାରକାରମାନଙ୍କୁ ଏ ମାଟି ସମ୍ମାନ ଦେଇଛି । କଳାକାରମାନଙ୍କୁ ସମ୍ମାନ ଦେବା ଆମର ଲକ୍ଷ୍ୟ ରହିଛି ବୋଲି କହିଥିଲେ। ଓଡିଶୀ ସଂଗୀତ ନାଟକ ଏକାଡେମୀର ସଂପାଦକ ଶ୍ରୀ ପ୍ରବୋଧ ରଥ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ ପୁର୍ବକ ପୁରସ୍କାର ଓ ସମ୍ମାନ ପ୍ରଦାନ ଉତ୍ସବ ଉପଲକ୍ଷେ ବକ୍ତବ୍ୟ ରଖିଥିଲେ। ପ୍ରଦୀପ ପ୍ରଜ୍ୱଳନ ପୂର୍ବକ କାର୍ୟ୍ୟକ୍ରମର ଶୁଭାରମ୍ଭ କରାଯାଇଥିଲା। ଏକାଡେମୀର ଉପ ସଭାପତି ଶ୍ରୀ ମନ୍ମଥ ଶତପଥୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ବିଶିଷ୍ଟ ଉପସ୍ଥାପକ ଡଃ. ମୃତ୍ୟୁଞ୍ଜୟ ରଥ କାର୍ୟ୍ୟକ୍ରମ ସଂଯୋଜନା କରିଥିଲେ।
ପ୍ରାରମ୍ଭରେ ୨୦୨୧ ପାଇଁ କେନ୍ଦ୍ର ସଂଗୀତ ନାଟକ ଏକାଡେମୀ ସମ୍ମାନ-ପାଇଥିବା ତ୍ରିଲୋଚନ ମହାନ୍ତ(ଛଉନୃତ୍ୟ ଗୁରୁ), ସୁସ୍ମିତା ଦାସ (ସୁଗମ ସଂଗୀତ ),ଡଃ ବିଜୟ କୁମାର ଜେନା- ସଂଗୀତ ନିର୍ଦ୍ଦେଶନା,ମନୋଜ କୁମାର ପଟ୍ଟନାୟକ(ନାଟ୍ୟ ନିର୍ଦ୍ଦେଶନା), ଅମ୍ରିତ ସମ୍ମାନ- ଶ୍ରୀ ଆନନ୍ଦ ବାଗ(ଲୋକ ସଂଗୀତ-ବ୍ରହ୍ମ ବୀଣା ବାଦନ) ପାଇଁ ଓଡିଶା ସଂଗୀତ ନାଟକ ଏକାଡେମୀ ତରଫରୁ ସମ୍ବର୍ଦ୍ଧିତ କରାଯାଇଥିଲା। ସେହିପରି ୨୦୨୨ ପାଇଁ ଗୋଟିପୁଅ ନୃତ୍ୟ କ୍ଷେତ୍ରରେ ଶ୍ରୀ ଗୋବିନ୍ଦ ଚନ୍ଦ୍ର ପାଲ, ଛଉ ନୃତ୍ୟ ଗୁରୁ ( ଅମ୍ରିତ ସମ୍ମାନ) ଶ୍ରୀ ଶିବ ପ୍ରସାଦ ଦାସ, ପ୍ରହଲ୍ଲାଦ ନାଟକ-ଶିଳ୍ପୀ ଶ୍ରୀ ସନ୍ତୋଷ କୁମାର ରଣାଙ୍କ ସହିତ ରୁପକ କୁମାର ପରିଡା ଓ ପ୍ରଭାତ କୁମାର ସ୍ୱାଇଁଙ୍କୁ ସମ୍ବର୍ଦ୍ଧିତ କରାଯାଇଥିଲା। ୨୦୧୪ ଅଭିନୟ- ସଂଗୀତ ନାଟକ ଏକାଡେମୀ ସମ୍ମାନ-ମନିଦ୍ୱୀପା ମଲ୍ଲିକ- ନାଟକ କଳା ପାଇଁ ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ବହୁ ସଂଖ୍ୟାରେ ସଂସ୍କୃତି ପ୍ରେମୀ ଜନସାଧାରଣ ଓ କଳାକାରମାନେ ଯୋଗଦେଇଥିଲେ।
