Tag: ସେନା ମୁଖ୍ୟ

ନୂଆଦିଲ୍ଲୀ: ଲେଫ୍ଟନାଣ୍ଟ ଜେନେରାଲ ମନୋଜ ପାଣ୍ଡେ ଭାରତର ପରବର୍ତ୍ତୀ ସେନା ମୁଖ୍ୟ ହେବେ। ବର୍ତ୍ତମାନ ଜେନେରାଲ ମନୋଜ ପାଣ୍ଡେ ସେନାର ଉପାଧ୍ୟକ୍ଷ ଅଟନ୍ତି। ଜେନେରାଲ୍ ଏମ୍ ନରାଭନେ ଚଳିତ ମାସ ଶେଷରେ ଅବସର ନେଉଛନ୍ତି। ଜେନେରାଲ ମନୋଜ ପାଣ୍ଡେ ପ୍ରଥମ ଇଞ୍ଜିନିୟର ହେବେ, ଯିଏ ଭାରତୀୟ ସେନାର ମୁଖ୍ୟ ହେବେ।

ନୂଆଦିଲ୍ଲୀ: ଭାରତ ପୂର୍ବରୁ ଚୀନ୍ ଏବଂ ପାକିସ୍ତାନ ଦ୍ଵାରା ସୃଷ୍ଟି ହୋଇଥିବା ସୁରକ୍ଷା ଆହ୍ଵାନ ଉପରେ ଆର୍ମି ଚିଫ୍ ଜେନେରାଲ୍ ଏମ୍ ନରଭନେ ଏକ ବୟାନ ଦେଇଛନ୍ତି। ସେ କହିଛନ୍ତି ଯେ, ଏଥିରେ ଆମର ପ୍ରତିପକ୍ଷଙ୍କ ମଧ୍ୟରେ ଥିବା ଦ୍ୱନ୍ଦ୍ୱର କିଛି ଟ୍ରେଲର ଆମେ ଦେଖୁଛୁ। ଏବଂ ଆମର ବିରୋଧୀ ରଣନୀତିକ ଲକ୍ଷ୍ୟ ହାସଲ କରିବାକୁ ପ୍ରୟାସ କରିବେ। ସେନା ମୁଖ୍ୟ କହିଛନ୍ତି ଯେ, ଉତ୍ତର ସୀମାରେ ହୋଇଥିବା ଅତ୍ୟାଧୁନିକ ବିକାଶ ଆଧୁନିକ ବୈଷୟିକ ଉପକରଣ ସହିତ ସଜ୍ଜିତ ଦକ୍ଷ ବାହିନୀର ଆବଶ୍ୟକତାକୁ ଦର୍ଶାଉଛି। ତେଣୁ ଆମେ ଆମର ସୈନ୍ୟବାହିନୀର ପୁନର୍ଗଠନ, ପୁନଃସନ୍ତୁଳନ ଇତ୍ୟାଦି ଉପରେ ଧ୍ୟାନ ଦେଉଛୁ।

ଅନଲାଇନରେ ଏକ ସେମିନାରକୁ ସମ୍ବୋଧିତ କରି ଜେନେରାଲ ନରଭନେ କହିଛନ୍ତି ଯେ, ଭାରତ ବିଭିନ୍ନ, କଷ୍ଟସାଧ୍ୟ ତଥା ବହୁ ସ୍ତରୀୟ ସୁରକ୍ଷା ଆହ୍ଵାନର ସମ୍ମୁଖୀନ ହେଉଛି ଏବଂ ଉତ୍ତର ସୀମାରେ ବିକାଶ ସମ୍ପୂର୍ଣ୍ଣ ରୂପେ ପ୍ରସ୍ତୁତ ତଥା ଦକ୍ଷ ସୈନ୍ୟବାହିନୀର ଆବଶ୍ୟକତାକୁ ସୂଚାଇ ଦେଇଛି। ପାକିସ୍ତାନର ନାମ ଉଲ୍ଲେଖ ନକରି ସେନା ମୁଖ୍ୟ କହିଛନ୍ତି ଜେ, ଆଣବିକ ସକ୍ଷମ ପଡୋଶୀ ଦେଶ ତଥା ରାଜ୍ୟ ପ୍ରାୟୋଜିତ ପ୍ରକ୍ସି ଯୁଦ୍ଧ ମଧ୍ୟ ସୁରକ୍ଷା ଉପକରଣ ଏବଂ ସମ୍ବଳକୁ ଆହ୍ଵାନ ଦେଇଛି।

ଭବିଷ୍ୟତର ସଂଘର୍ଷର ଝଲକ ଆମେ ଦେଖୁଛୁ। ସୂଚନା, ନେଟୱାର୍କ ଏବଂ ସାଇବର ସ୍ପେସ୍ କ୍ଷେତ୍ରରେ ମଧ୍ୟ ଆମେ ଏହାର ପ୍ରମାଣ ଦେଖୁଛୁ। ବିବାଦୀୟ ସୀମାରେ ମଧ୍ୟ ଏସବୁ ଦୃଶ୍ୟମାନ ହୁଏ। ଯଦି ଆପଣଙ୍କୁ ଚାରିପାଖକୁ ଦେଖିବେ, ତେବେ ଆପଣ ଆଜିର ବାସ୍ତବତାକୁ ଅନୁଭବ କରିପାରିବେ।

ନୂଆଦିଲ୍ଲୀ: ଏଲଏସିରେ ପ୍ରଥମ ସ୍ୱୟଂଚାଳିତ ହୋୱିଜର୍ ରେଜିମେଣ୍ଟ କେ୯-ବଜ୍ର ଟ୍ୟାଙ୍କକୁ ନିୟୋଜିତ କରାଯାଇଛି। କେ୯-ବଜ୍ର ପ୍ରାୟ ୫୦ କିଲୋମିଟର ଦୂରରେ ଶତ୍ରୁ ସ୍ଥିତିକୁ ଆକ୍ରମଣ କରିପାରିବ। ପୂର୍ବ ଲଦାଖର ଅଗ୍ରଭାଗରେ ଏହି ତୋପ ନିୟୋଜିତ କରାଯାଇଛି। ଭାରତ କେ୯-ବଜ୍ର ଏହି ସମୟରେ ନିୟୋଜିତ ହୋଇଛି, ଯେତେବେଳେ ଚୀନ୍ ସେନା ଏଲଏସି ସଂଲଗ୍ନ ଅଞ୍ଚଳରେ ଡ୍ରୋନ୍ ବ୍ୟବହାର କରୁଛି।

କେ୯-ବଜ୍ର ଟ୍ୟାଙ୍କ ଭାରତରେ ନିର୍ମିତ ହେଉଛି। ଏହାକୁ ମୁମ୍ବାଇ ସ୍ଥିତ ଫାର୍ମ ଲାରସେନ୍ ଆଣ୍ଡ ଟ୍ରୁବୋ ଏବଂ ଦକ୍ଷିଣ କୋରିଆ ଫାର୍ମ ମିଳିତ ଭାବେ ପ୍ରସ୍ତୁତ କରୁଛନ୍ତି। ଭାରତୀୟ ସେନା ଦକ୍ଷିଣ କୋରିଆର ଏକ ଫାର୍ମରୁ ୧୦୦ ତୋପୋ ପାଇଁ ଏକ ଆଦେଶ ଦେଇଥିଲା, ଏହା ପରେ ଏହି ତୋପୋଗୁଡ଼ିକୁ ବିଭିନ୍ନ ରେଜିମେଣ୍ଟରେ ଅନ୍ତର୍ଭୁକ୍ତ କରାଯାଉଛି।

ଅନ୍ୟପକ୍ଷରେ, ଲଦାଖର ଲେଫ୍ଟନାଣ୍ଟ ଗଭର୍ଣ୍ଣର ଆର.କେ ମଥୁର ଆଜି ଗାନ୍ଧୀ ଜୟନ୍ତୀ ଅବସରରେ ଲେହରେ ବିଶ୍ୱର ସର୍ବବୃହତ ଖଦି ଜାତୀୟ ପତାକା ଉଦ୍ଘାଟନ କରିଥିଲେ। ଏହି ସମୟରେ ସେନା ମୁଖ୍ୟ ଜେନେରାଲ ଏମ.ଏମ ନରଭଣେ ମଧ୍ୟ ଉପସ୍ଥିତ ଥିଲେ। ଚୀନ୍ ସହ ସୀମା ବିବାଦ ସମ୍ପର୍କରେ ଜେନେରାଲ ନରଭଣେ କହିଛନ୍ତି ଯେ, ଗତ ୬ ମାସ ମଧ୍ୟରେ ପରିସ୍ଥିତି ସ୍ୱାଭାବିକ ରହିଛି। ଆମେ ଆଶା କରୁଛୁ ଯେ ଅକ୍ଟୋବରର ଦ୍ୱିତୀୟ ସପ୍ତାହରେ ୧୩ ତମ ରାଉଣ୍ଡ ଆଲୋଚନା ଅନୁଷ୍ଠିତ ହେବ ଏବଂ ‘ଡିସଏନଗେଜମେଣ୍ଟ’ କିପରି ହେବ ସେ ନେଇ ଆମେ ଏକ ସହମତି ପ୍ରକାଶ କରିବୁ।

ସେନା ମୁଖ୍ୟ ଏମ.ଏମ ନରଭଣେ ଆହୁରି କହିଛନ୍ତି ଯେ, “ଚୀନ୍ ପୂର୍ବ ଲଦାଖ ଏବଂ ଉତ୍ତର ଫ୍ରଣ୍ଟରେ ବହୁ ସଂଖ୍ୟକ ସୈନ୍ୟଙ୍କୁ ନିୟୋଜିତ କରିଛି। ସେମାନଙ୍କ ନିୟୋଜନରେ ନିଶ୍ଚିତ ଭାବରେ ବୃଦ୍ଧି ଘଟିଛି, ଯାହା ଆମ ପାଇଁ ଚିନ୍ତାର ବିଷୟ ହୋଇ ରହିଛି।

ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଗୁରୁବାର ଦିନ ଜାମ୍ମୁ କାଶ୍ମୀରର ସୁରକ୍ଷା ଏବଂ ବିକାଶ କାର୍ଯ୍ୟ ଉପରେ ନଜର ରଖିଛନ୍ତି। କେନ୍ଦ୍ର ଏବଂ କେନ୍ଦ୍ର ଶାସିତ ପ୍ରଦେଶରା ବରିଷ୍ଠ ଅଧିକାରୀଙ୍କ ସହିତ ତାଙ୍କର ସାକ୍ଷାତ ଏକ ସମୟରେ ଆସିଛି ଯେତେବେଳେ ଦୁଇ ଦିନ ପୂର୍ବେ ଆଫଗାନିସ୍ତାନରେ ତାଲିବାନ ଏକ ନୂତନ ମଧ୍ୟବର୍ତ୍ତୀ ସରକାର ଗଠନ କରିବାକୁ ଘୋଷଣା କରିଛି। ଏହି ବବୈଠକରେ ଜମ୍ମୁ କାଶ୍ମୀରର ଲେଫ୍ଟନାଣ୍ଟ ମନୋଜ ସିହ୍ନା, ଏନଏସଏ ଅଜିତ ଡୋଭାଲ, ସେନା ମୁଖ୍ୟ ଏମ. ଏମ. ନରଭନେ, କେନ୍ଦ୍ର ଗୃହ ସଚିବ ଅଜୟ ଭାଲା, ଆଇବି ନିର୍ଦ୍ଦେଶକ ଅରବିନ୍ଦ କୁମାର, ଆରଏଫ ମୁଖ୍ୟ ସାମନ୍ତ ଗୋଏଲ, ବିଏସଏଫ ଡିଜି ପଙ୍କଜ ସିଂ ଏବଂ ସିଆରପିଏଫ ମୁଖ୍ୟ କୁଲଦୀପ ସିଂ ଅଂଶଗ୍ରହଣ କରିଛନ୍ତି।

ପାକିସ୍ତାନ ଭିତ୍ତିକ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ ଏବଂ ଲଶ୍କର-ଏ-ତୋଇବା ସହ ତାଲିବାନର ବନ୍ଧୁତ୍ୱପୂର୍ଣ୍ଣ ସମ୍ପର୍କ ହେତୁ ଆତଙ୍କି ଆଡ୍ଡା ଆଫଗାନିସ୍ତାନକୁ ସ୍ଥାନାନ୍ତର କରିଥିବା ଖବର ରହିଛି। ଏହି ଆତଙ୍କବାଦୀ ସଂଗଠନ ଜାମ୍ମୁ କାଶ୍ମୀରରେ ସକ୍ରିୟ ଅଛନ୍ତି ଏବଂ ଅନେକ ଆକ୍ରମଣରେ ଜଡିତ ଅଛନ୍ତି।

ସରକାରୀ ସୂତ୍ରରୁ ପ୍ରକାଶ ଯେ, ଜାମ୍ମୁ କାଶ୍ମୀରରେ ସୁରକ୍ଷା ପରିସ୍ଥିତି ଏବଂ ସୀମା ଅନୁପ୍ରବେଶକୁ ରୋକିବା ଏବଂ କେନ୍ଦ୍ରଶାସିତ ଅଞ୍ଚଳରେ ଶାନ୍ତି ବଜାୟ ରଖିବା ପାଇଁ ପଦକ୍ଷେପ ନିଆଯାଉଛି। ଉଲ୍ଲେଖନୀୟ କଥା ହେଉଛି, ସିରାଜୁଦ୍ଦିନ ହକ୍କାନିଙ୍କୁ ଆଫଗାନିସ୍ତାନର ନୂତନ ଆଭ୍ୟନ୍ତରୀଣ ମନ୍ତ୍ରୀ କରାଯାଇଛି। ସେ ଆତଙ୍କବାଦୀ ହକାନୀ ନେଟୱାର୍କର ମୁଖ୍ୟ ଏବଂ କାବୁଲରେ ଥିବା ଭାରତୀୟ ଦୂତାବାସ ସମେତ ଅନେକ ଭାରତୀୟ ସମ୍ପତ୍ତି ଉପରେ ହୋଇଥିବା ଆକ୍ରମଣ ପଛରେ ତାଙ୍କର ହାତ ରହିଛି।

ଗତ ସପ୍ତାହରେ ତାଲିବାନ ମୁଖପାତ୍ର ସୁହେଲ ଶାହିନ କହିଛନ୍ତି ଯେ, ମୁସଲମାନ ଭାବରେ କାଶ୍ମୀର, ଭାରତ କିମ୍ବା ଅନ୍ୟ କୌଣସି ଦେଶରେ ମୁସଲମାନମାନଙ୍କ ପାଇଁ ଆମର ସ୍ୱର ଉତ୍ତୋଳନ କରିବାର ଅଧିକାର ମଧ୍ୟ ରହିଛି।