ମୋହନା: ଗଜପତି ଜିଲ୍ଲା ଆର.ଉଦୟଗିରି ବ୍ଲକ କାର୍ଯ୍ୟାଳୟ ପରିସର ମଧ୍ୟରେ ଓଡିଶା ଜୀବିକା ମିଶନ ପକ୍ଷରୁ ବିପିଏମ ଇନଚାର୍ଜ ରଜନୀକାନ୍ତ ପଣ୍ଡାଙ୍କ ପ୍ରତକ୍ଷ୍ୟ ତତ୍ୱାବଧାନରେ ପୃଷ୍ଟି ମହୋତ୍ସବ ପାଳିତ ହୋଇଯାଇଛି।
ଏହି କାର୍ଯ୍ୟକ୍ରମରେ ଗୋଷ୍ଠି ସାଧନ କର୍ମି ପ୍ରେମଲତା ରଇତ ସହଯୋଗ କରିଥିବାବେଳେ ଓଡିଶା ଜୀବିକା ମିଶନ ପଞ୍ଚାୟତ ଫେଡେରେସନ ସଦସ୍ୟର ସଭାପତି, ସମ୍ପାଦକ ଯୋଗ ଦେଇଥିଲେ। ଏବଂ ନିଜ ଘର ପାଖରେ କରିଥିବା ଛୋଟ ଛୋଟ ବଗିଚାମାନଙ୍କରେ ପୃଷ୍ଟିକର ଜାତୀୟ ବିଭିନ୍ନ ପନିପରିବା ଓ ସମସ୍ତ ଶସ୍ୟ ଜାତୀୟ ଖାଦ୍ୟକୁ ଏହି ମହୋତ୍ସବରେ ପ୍ରଦର୍ଶିତ କରାଯାଇଥିଲା। ଯାହାକି ଏହାର ମୁଖ୍ୟ ଉଦ୍ଦେଶ୍ୟ ଥିଲା କି, ଖୁବ କମ ପରିଶ୍ରମ ଏବଂ ସରକାରୀ ଅନୁଦାନ ଦ୍ୱାରା ବିନା ଅର୍ଥର ଖର୍ଚ୍ଚରେ ଖୁବ କମ ସମୟରେ କିପରି ପରିବା ଚାଷ ହୋଇପାରିବ।
ତେବେ ଏହି କାର୍ଯ୍ୟକ୍ରମ ୨୭ତାରିଖ ଠାରୁ ୩୦ ତାରିଖ ଯାଏଁ ଚାରିଦିନ ଧରି ଆର.ଉଦୟଗିରି ପଞ୍ଚାୟତ, ଶବରପଲ୍ଲୀ, ଅବାରସିଂ ଓ ଛେଳିଗଡ଼ ପଞ୍ଚାୟତରେ ଗୋଟିଏ ଦିନ ଲେଖାଏଁ ଏହି ମହୋତ୍ସବ ପାଳନ କରିବେ ବୋଲି ଓଡିଶା ଜୀବିକା ମିଶନ ବିଭାଗର ବିପିଏମ ଇନଚାର୍ଜ ରଜନୀକାନ୍ତ ପଣ୍ଡା ସୂଚନା ପ୍ରଦାନ କରିଛନ୍ତି।