ସୀତାରାମ ଅଗ୍ରୱାଲ
ଚିଲିକା: ଖୋର୍ଦ୍ଧା ଜିଲ୍ଲାରେ ଟୀକାର ଘୋର ଅଭାବ ଦେଖାଯାଇଛି। କ୍ରମାଗତ ଦୁଇ ଦିନ ହେଲା ଜିଲ୍ଲାକୁ ଟୀକା ଆସୁନାହିଁ। ଯାହାଫଳରେ ନାଗରିକ ମାନେ ବହୁ ହଇରାଣ ହରକତ ହେଉଥିବାର ଦେଖାଯାଇଛି। ଘଣ୍ଟା ଘଣ୍ଟା ଧରି ଧାଡିରେ ଛିଡା ହୋଇ ମଧ୍ୟ ସେମାନଙ୍କୁ ନିରାଶ ହେବାକୁ ପଡୁଛି।
ତେବେ ଆସନ୍ତାକାଲି ମଧ୍ୟ ଚିଲିକା ନିର୍ବାଚନମଣ୍ଡଳୀରେ ଟୀକାକରଣ ପ୍ରକ୍ରିୟା ବନ୍ଦ ରହିବ। ଏ ନେଇ ଉଭୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ସୂଚନା ଦେଇଛନ୍ତି। ଏଥିଲାଗି ବେଶୀ ଅସୁବିଧାର ସମ୍ମୁଖୀନ ହେଉଛନ୍ତି ଦ୍ଵିତୀୟ ଡୋଜ ଅପେକ୍ଷାରେ ଥିବା ନାଗରିକ ମାନେ। ପ୍ରଥମ ଡୋଜ ନେବାର ୮୪ ଦିନରୁ ଅଧିକ ସମୟ ହୋଇଯାଇଥିବା ନାଗରିକମାନେ ଚିନ୍ତାରେ ପଡିଯାଇଛନ୍ତି।