କନ୍ଦର୍ପ ବେହେରା
ରେଢାଖୋଲ: ଚଳିତ ବର୍ଷ ଅଭାବୀ ବର୍ଷା ଯୋଗୁଁ ରେଢାଖୋଲ ବ୍ଲକ୍ ର ତିନୋଟି ପଂଚାୟତ ଚାଷ କାମରେ ବ୍ୟାହତ ହୋଇଛି। ଏହି ତନୋଟି ପଂଚାୟତକୁ ମରୁଡି ଘୋଷଣା ଦାବୀରେ ରେଙ୍ଗାଲି, ଭାଲିଆକଟା, ବଡମାଳ ଗ୍ରାମର ଜନସାଧାରଣ ରେଢାଖୋଲ ଉପଜିଲ୍ଲାପାଳଙ୍କୁ ଏକ ଦାବୀ ପତ୍ର ପ୍ରଦାନ କରିଛନ୍ତି।
ସେମାନେ ଦାବୀ ପତ୍ରରେ ବଡମାଳ ରେଙ୍ଗାଲି ଓ ଭାଲିଆକଟା ପଂଚାୟତର ଗାଁ ମାନଙ୍କରେ ୫୦ ପ୍ରତିଶତ ଚାଷ କାମ ହୋଇଥିବା ବେଳେ ଯାହା ବି ଚାଷ ହୋଇଛି ତାହା ବର୍ଷା ଅଭାବରୁ ଧାନ ଗଛ ଠିକ୍ ଭାବରେ ପିଲ ଦେଇ ନ ଥିବା ଜଣା ପଡିଛି। ତେଣୁ ଏହି ତିନୋଟି ପଂଚାୟତକୁ ମରୁଡି ଘୋଷଣା କରିବାକୁ ସରକାରଙ୍କୁ ଏକ ଦାବୀ ପତ୍ର ରେଢାଖୋଲ ବିଡିଓ ପବିତ୍ର ବେହେରାଙ୍କୁ ପ୍ରଦାନ କରିଛନ୍ତି।
ଏହି ଦାବୀ ପତ୍ର ପ୍ରଦାନ ସମୟରେ ବଡମାଳ ସରପଂଚ ଷଡାନନ ପ୍ରଧାନ, ଭାଲିଆକଟା ସରପଂଚ, ରେଙ୍ଗାଲି ସରପଂଚ, ସମିତି ସଭ୍ୟ ତଥା ଗ୍ରାମବାସୀ ଉପସ୍ଥିତ ଥିଲେ।