ଭୁବନେଶ୍ୱର: ରାଜଧାନୀସ୍ଥିତ ଲୁଇସରୋଡ଼ ତଥା କେଦାରଗୌରୀ ମନ୍ଦିର ନିକଟରେ ସବୁ ସୁବିଧା ଥିବା ଏକ ଅତ୍ୟାଧୁନିକ ଏବଂ ଆକର୍ଷଣୀୟ ‘ରୁଟ୍-ଜି’ ସେଲୁନ ଓ ସ୍ପା ସେଣ୍ଟର ଉଦ୍ଘାଟିତ ହୋଇଯାଇଛି। ଏହି ‘ରୁଟ୍-ଜି’ ସେଲୁନ ଓ ସ୍ପା ସେଣ୍ଟରକୁ ଜଟଣୀର ମାନ୍ୟବର ବିଧାୟକ ସୁରେଶ କୁମାର ରାଉତରାୟ ଉଦ୍ଘାଟନ କରି ବମ୍ବେ ଓ ଦିଲ୍ଲୀଠାରେ ଥିବା ସ୍ପା ସେଣ୍ଟରଠାରୁ ଏହା ଅଧିକ ଉନ୍ନତଧରଣର ବୋଲି କହିଥିଲେ। ଭଲ ପରିବେଶ ଏବଂ ଏଥିରେ ସବୁ ପ୍ରକାର ସୁବିଧା ଥିବାବେଳେ ଆସନ୍ତା ଦୁଇମାସ, ନୂଆବର୍ଷ ପର୍ଯ୍ୟନ୍ତ ପ୍ରତ୍ୟେକ କ୍ଷେତ୍ରରେ ୨୫ ପ୍ରତିଶତ ରିହାତି ବ୍ୟବସ୍ଥା ଯୁବପିଢିଙ୍କୁ ଆକୃଷ୍ଟ କରିବ ବୋଲି କହିଥିଲେ।
ଅଭିନେତ୍ରୀ ତଥା ପରିଚାଳନା ନିର୍ଦ୍ଦେଶିକା ପ୍ରିୟଙ୍କା ଦାସଙ୍କ ଦ୍ୱାରା ପରିଚାଳିତ ହେଉଥିବା ଏହି ସ୍ପା ସେଣ୍ଟରରେ ସବୁ ବର୍ଗର ଲୋକଙ୍କ ପାଇଁ ମନଲୋଭା ସୁବିଧା ଗ୍ରାହକମାନଙ୍କୁ ଯୋଗାଇ ଦିଆଯିବା ପାଇଁ ଘୋଷଣା କରିଛନ୍ତି।
ଉଦ୍ଘାଟନ ଉତ୍ସବରେ ଅନ୍ୟମାନଙ୍କ ମଧ୍ୟରେ ବିଜେଡ଼ି ନେତ୍ରୀ ମୀରା ପରିଡ଼ା ଉପସ୍ଥିତ ରହି ଏହି ଅନୁଷ୍ଠାନକୁ ଆଶୀର୍ବାଦ କରିବା ସହ ଉତ୍ତରୋତ୍ତର ଉନ୍ନତି କାମନା କରିଥିଲେ। ଗ୍ରାହକମାନଙ୍କୁ ସୁଲଭ ମୂଲ୍ୟରେ ସବୁ ସୁବିଧା ଯୋଗାଇବା ଉଦ୍ୟମ ଜାରି ରହିଲେ ରୁଟ୍-ଜିର ଭବିଷ୍ୟତ ଦିନକୁ ଦିନ ଉଜ୍ଜ୍ୱଳ ହେବ ବୋଲି ଆଶାପ୍ରକାଶ କରିଥିଲେ।
ରାଜଧାନୀର ଯୁବପିଢିମାନେ ଏହି ରୁଟ୍-ଜି ସ୍ପା ସେଣ୍ଟରକୁ ଆସି ଏହାର ସୁବିଧା ଉପଲବ୍ଧି କରିବା ପାଇଁ ପରିଚାଳନା ନିର୍ଦ୍ଦେଶିକା ପ୍ରିୟଙ୍କା ଦାସ ଅନୁରୋଧ କରିଛନ୍ତି।