ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନାରେ ନୂତନ ଅତିରିକ୍ତ ଥାନାଧିକାରୀ ଭାବେ କାଁହୁ ଚରଣ ସ୍ୱାଇଁ ଆଜି କାର୍ଯ୍ୟରେ ଯୋଗଦେଇଛନ୍ତି। ଶ୍ରୀ ସ୍ୱାଇଁ ଏହା ପୂର୍ବରୁ କଳାହାଣ୍ଡି ଡ଼ିଆଇବିରେ ଇନ୍ସପେକ୍ଟର ଭାବେ କାର୍ଯ୍ୟରତ ଥିଲେ। ନିକଟରେ ଶ୍ରୀ ସ୍ୱାଇଁଙ୍କ ଖୋର୍ଦ୍ଧା ଜିଲ୍ଲାକୁ ବଦଳି ହୋଇଥିବାରୁ ଜିଲ୍ଲା ଆରକ୍ଷୀ ଅଧିକ୍ଷକ ତାଙ୍କୁ ବାଣପୁର ଥାନାର ଅତିରିକ୍ତ ଥାନାଧିକାରୀ ଭାବେ ନିଯୁକ୍ତି ଦେଇଛନ୍ତି।
ବାଣପୁର ଖୋର୍ଦ୍ଧା ଜିଲ୍ଲାର ବଡ଼ ଏବଂ ବ୍ୟସ୍ତବହୁଳ ଥାନା ହୋଇଥିବାବେଳେ କାର୍ଯ୍ୟବୋଝ କମାଇବା ଉଦ୍ଦେଶ୍ୟରେ ଶ୍ରୀ ସ୍ୱାଇଁଙ୍କୁ ଏଠାରେ ଅତିରିକ୍ତ ଆଇଆଇସି ଭାବେ ଅବସ୍ଥାପିତ କରାଯାଇଥିବାର ସୂଚନା ମିଳିଛି।
