ସୀତାରାମ ଅଗ୍ରୱାଲ
ବାଣପୁର: ଦୀର୍ଘ ମାସ ପରେ ଖୋର୍ଦ୍ଧା ଜିଲ୍ଲା ବାଣପୁର ପୋଲିସ ପକ୍ଷରୁ ସହରରେ ଟ୍ରାଫିକ ଚେକିଙ୍ଗ ଆରମ୍ଭ ହୋଇଛି। ଆଜି ପୂର୍ବାହ୍ନରେ ପୋଲିସ ପକ୍ଷରୁ ସ୍ଥାନୀୟ ରଘୁନାଥ ସାହି ଛକରେ ଜୋରଦାର ଧରପଗଡ଼ ଅଭିଯାନ ଦୀର୍ଘ ଦୁଇ ଘଣ୍ଟା ପର୍ଯ୍ୟନ୍ତ ଜାରି ରହିଥିଲା। ହେଲମେଟ, ଟ୍ରିପଲ ରାଇଣ୍ଡିଙ୍ଗ, ସିଟ ବେଲ୍ଟ ଆଦିକୁ ଗୁରୁତ୍ୱ ଦେଇଥିଲା ପୋଲିସ।
ତେବେ ପ୍ରଥମ ଦିନରେ ପୋଲିସ ସଚେତନତା ଉଦ୍ଦେଶ୍ୟରେ ଉକ୍ତ ଚେକିଙ୍ଗ କରିଥିବା ବେଳେ ସମୁଦାୟ ୧୨ ଜଣ ଟ୍ରାଫିକ ଉଲ୍ଲଙ୍ଘନକାରୀଙ୍କ ଠାରୁ ୩ ହଜାର ୬ ଶହ ତାଙ୍କ ଫାଇନ ଆଦାୟ କରିଥବାର ସୂଚନା ମିଳିଛି। ଉକ୍ତ ଚେକିଂ ଅଭିଯାନରେ ଏସଆଇ ଚନ୍ଦନ କୁମାର ଦାସ, ଏଏସଆଇ ପ୍ରଶାନ୍ତ କୁମାର ବେହେରା ଏବଂ ଅନ୍ୟ ପୋଲିସ କର୍ମଚାରୀମାନେ ସାମିଲ ଥିଲେ।
କିନ୍ତୁ ଆସନ୍ତାକାଲି ଠାରୁ ସହରର ବିଭିନ୍ନ ସ୍ଥାନରେ ସରପ୍ରାଇଜ ଟ୍ରାଫିକ ଚେକିଙ୍ଗ କଡ଼ାକଡ଼ି ଭାବେ କରାଯିବ ବୋଲି ଜଣାପଡିଛି। ତେଣୁ ସମସ୍ତ ମୋଟର ଆରୋହୀ ମାନଙ୍କୁ ଟ୍ରାଫିକ ନିୟମ ମାନି ଗାଡ଼ି ଚଳାଇବା ପାଇଁ ଆଇଆଇସି ରଶ୍ମିରଂଜନ ସାହୁ ଅନୁରୋଧ କରିଛନ୍ତି।
