ଭୁବନେଶ୍ୱର: ସ୍ଥାନୀୟ ଉଡ଼ାନ ବ୍ୟାଡ଼ମିଣ୍ଟନ ଏକାଡ଼େମୀର ସ୍ପୋର୍ଟସ୍ କମ୍ପେ୍ଲକ୍ସ ପରିସରରେ ତୃତୀୟ କେ.ସି. ସ୍ମାରକୀ ଚିତ୍ରକଳା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସମାଜସେବୀ କୃଷ୍ଣଚନ୍ଦ୍ର ମିଶ୍ରଙ୍କ ସ୍ମୃତିରେ ଅନୁଷ୍ଠିତ ଏହି ପ୍ରତିଯୋଗିତାରେ ବିଭିନ୍ନ ଗ୍ରୁପ୍ର ୫୦ଜଣ ଶିଶୁ ଓ ତରୁଣ ଚିତ୍ରଶିଳ୍ପୀ ଅଂଶଗ୍ରହଣ କରିଥିଲେ।
ଉଡ଼ାନ ସ୍ପୋର୍ଟସ୍ ଏକାଡ଼େମୀର ସହଯୋଗିତାରେ ଅନୁଷ୍ଠିତ ଏହି ଚିତ୍ରକଳା ପ୍ରତିଯୋଗିତାର ଥିମ୍ ଥିଲା ‘ଆର୍ଟ ଆଟାକ୍-୨୦୨୨’। ୧୨ବର୍ଷରୁ କମ୍, ୧୨ରୁ ୧୫ବର୍ଷ ଏବଂ ୧୫ରୁ ୧୯ବର୍ଷ ତିନୋଟି ବୟସ ବର୍ଗରେ ଅନୁଷ୍ଠିତ ଏହି ପ୍ରତିଯୋଗିତାରେ ଛାତ୍ରଛାତ୍ରୀମାନେ ବନ୍ୟଜନ୍ତୁ, ପ୍ରକୃତି, ସମୁଦ୍ର, କାର୍ଟୁନ, ଆଦିବାସୀ ଚିତ୍ରକଳା ଆଦି ପ୍ରସଙ୍ଗ ଉପରେ ଚିତ୍ରାଙ୍କନ କରିଥିଲେ। ବିଶିଷ୍ଟ ପରିବେଶବିତ୍ ଓ ଚିତ୍ରାନୁରାଗୀ ଅଶୋକ ସାରଦା, ସମାଜସେବୀ ତଥା ଅବସରପ୍ରାପ୍ତ କମାଣ୍ଡର ଦିନେଶ ସ୍ୱାଇଁ ଏବଂ ବିଶିଷ୍ଟ ଚିତ୍ରଶିଳ୍ପୀ ଚାନ୍ଦିନୀ ପଟ୍ଟନାୟକ ବିଚାରକ ଭାବେ ଯୋଗଦେଇ କୃତି ପ୍ରତିଯୋଗୀମାନଙ୍କୁ ଚୟନ କରିଥିଲେ।
ପ୍ରତିଯୋଗିତାର ସିନୟର ବର୍ଗର୍ରେ ଆଫିପା ପରବେଜ ଏବଂ ପ୍ରିୟଙ୍କା ଗଡ଼ନାୟକ ଯଥାକ୍ରମେ ପ୍ରଥମ ଓ ଦ୍ୱିତୀୟ ପୁରସ୍କାର ପାଇଥିଲେ। ସେହିପରି ଜୁନିୟର ବର୍ଗରେ ଜଗନ୍ନାଥ ମିଶ୍ର, ସିମୋନୋଭା ସାମଲ ଏବଂ ଶ୍ରେଷ୍ଠା ରୟ ଓ ସାଇ ଓମ୍ ବିଶ୍ୱାଳ ତଥା ସବ୍ଜୁନିୟର ବର୍ଗରେ ଦେବବ୍ରତ ବେଉରା, ଶୁଭମ ମଲ୍ଲିକ ଓ ଶ୍ରେୟା ରୟ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟସ୍ଥାନ ଅଧିକାର କରି ପୁରସ୍କୃତ ହୋଇଥିଲେ।
ବିଶିଷ୍ଟ ସମାଜସେବୀ ତଥା ଚିତ୍ରାନୁରାଗୀ ବଂଶୀଧର ସାରଦା କାର୍ଯ୍ୟକ୍ରମରେ ମୁଖ୍ୟଅତିଥି ରୂପେ ଯୋଗଦେଇ ପୁରସ୍କାର ବିତରଣ କରିଥିଲେ। ଅତିଥି ବିଚାରକ ଅଶୋକ ସାରଦା, ମାନବ ଜୀବନରେ କଳାର ମହତ୍ତ୍ୱ ସମ୍ପର୍କରେ ଆଲୋକପାତ କରିବା ସହିତ ପ୍ରତିଯୋଗୀମାନଙ୍କୁ ଉତ୍ସାହିତ କରିଥିଲେ। ପୂର୍ବବର୍ଷଠାରୁ ଚଳିତବର୍ଷ ଅଧିକ ପ୍ରତିଯୋଗୀ ଅଂଶଗ୍ରହଣ କରିଥିବାରୁ ଉଡ଼ାନ ସ୍ପୋର୍ଟସ୍ ଏକାଡ଼େମୀ ଏବଂ କେ.ସି. ମେମୋରିଆଲ ଟ୍ରଷ୍ଟର ଅଧ୍ୟକ୍ଷା ଉର୍ମିଳା ମିଶ୍ର ଆନନ୍ଦ ବ୍ୟକ୍ତ କରିବା ସହିତ ଏକାଡ଼େମୀର ଆଗାମୀ କାର୍ଯ୍ୟକ୍ରମଗୁଡ଼ିକ ସମ୍ପର୍କରେ ଅତିଥିମାନଙ୍କୁ ଅବଗତ କରାଇଥିଲେ। କେ.ସି. ମେମୋରିଆଲ ଟ୍ରଷ୍ଟର ଅନ୍ୟତମ କର୍ମକର୍ତ୍ତା ସୂର୍ଯ୍ୟକାନ୍ତ ମିଶ୍ର କାର୍ଯ୍ୟକ୍ରମରେ ଉପସ୍ଥିତ ଥିଲେ।