ସୀତାରାମ ଅଗ୍ରୱାଲ
ବାଣପୁର: ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ବିଚାର ବିଭାଗୀୟ ଅଦାଲତରେ ଦୁଇ ନୂତନ ବିଚାରପତି କାର୍ଯ୍ୟଭାର ଗ୍ରହଣ କରିଛନ୍ତି। ମନୋରଞ୍ଜନ ମିଶ୍ର ବରିଷ୍ଠ ଦେୱାନୀ ଜଜ ଭାବେ ଯୋଗଦାନ କରିଥିବା ବେଳେ ସିଦ୍ଧାର୍ଥ ଶଙ୍କର ସେନାପତି ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ଭାବେ ଯୋଗ ଦେଇଛନ୍ତି।
ଏହି ଅବସରରେ ବାଣପୁର ଓକିଲ ସଂଘ ତରଫରୁ ଉଭୟ ବିଚାରପତିଙ୍କ ନିମନ୍ତେ ସଂଘର କକ୍ଷ ପରିସରରେ ସ୍ୱାଗତ ସମ୍ବର୍ଦ୍ଧନା ଉତ୍ସବ କୋଭିଡ଼ ନିୟମ ଅନୁଯାୟୀ ଆୟୋଜିତ ହୋଇଥିଲା। ସଂଘର ସଭାପତି ବରିଷ୍ଠ ଆଇନଜୀବୀ ପ୍ରଭାତ କୁମାର ପଟ୍ଟଜୋଶୀ ଉକ୍ତ ସମ୍ବର୍ଦ୍ଧନା ଉତ୍ସବରେ ସଭାପତିତ୍ୱ କରିଥିବା ବେଳେ ସଂଘର ସମ୍ପାଦକ ଜଗନ୍ନାଥ ଭୋଳ ଅତିଥିମାନଙ୍କ ପରିଚୟ ପ୍ରଦାନ କରିବା ସହ ନିଜର ବକ୍ତବ୍ୟ ରଖିଥିଲେ।
ସଂଘର ଅନ୍ୟାନ କର୍ମକର୍ତ୍ତାମାନଙ୍କ ମଧ୍ୟରେ ଉପ ସଭାପତି ପଦ୍ମଜା ପଟ୍ଟନାୟକ, ସହ ସମ୍ପାଦକ ନରେନ୍ଦ୍ର କୁମାର ନାୟକ ତଥା ଅନ୍ୟାନ ବରିଷ୍ଠ ସଭ୍ୟମାନେ ଉପସ୍ଥିତି ଥିଲେ। ଆଜିର ଆୟୋଜିତ ସଭାରେ ବରିଷ୍ଠ ଆଇନଜୀବୀ ସଚ୍ଚିତ ମିଶ୍ର, ରଞ୍ଜନ କୁମାର ବେଦମତ୍ତା , ରାମଚନ୍ଦ୍ର ପଲେଇ, ସୁଧୀର ପ୍ରଧାନ, ଦିଲ୍ଲୀପ ପାଣିଗ୍ରାହୀ, ସୁନୀଲ ମହାପାତ୍ର ଏବଂ ଜଗଦୀଶ ପଟ୍ଟନାୟକ ଆଦି ସହଯୋଗ କରିଥିଲେ।