ଭୁବନେଶ୍ୱର: ଭୁବନେଶ୍ୱରସ୍ଥିତ ଖାରବେଳ ନଗରଠାରେ ଇ-ଷ୍ଟୋର ଇଣ୍ଡିଆର୨୩ ତମ ବ୍ୟବସାୟିକ ଶାଖା ଉଦ୍ଘାଟିତ ହୋଇଯାଇଛି। କମ୍ପାନୀର ଓଡ଼ିଶା ଶାଖା ପ୍ରତିଷ୍ଠାତା ସଦସ୍ୟ ସନ୍ତୋଷ କୁମାର ନନ୍ଦ ଓ ଟିମ୍ ଲିଡ଼ର ତପନ ଜେନା ଏହାକୁ ଉଦ୍ଘାଟନ କରି କମ୍ପାନୀ ତଥା ଏହି ଖାଉଟି ସାମଗ୍ରୀର ବିଭିନ୍ନ ରିହାତି ଉପରେ ଆଲୋକପାତ କରି କହିଲେ ଯେ, କମ୍ପାନୀର ବିଭିନ୍ନ ଉତ୍ପାଦ ଉପରେ ୪ରୁ ୪୦ ପ୍ରତିଶତ ହାରରେ ରିହାତି ଯୋଗାଇ ଦିଆଯିବ। କମ୍ପାନୀ ସମ୍ପର୍କରେ ସୂଚନା ଦେଇ ଶ୍ରୀ ଜେନା କହିଲେ ଯେ, ଆଗାମୀ ଦିନରେ ରାଜ୍ୟରେ ପ୍ରତି ଜିଲ୍ଲାରେ ଏହାର ସୋରୁମ୍ ଖୋଲାଯାଇ ବ୍ୟବସାୟକୁ ବୃଦ୍ଧି କରିବା ସଙ୍ଗେ ସଙ୍ଗେ ଖାଉଟି ମାନଙ୍କ ଚାହିଦାକୁ ଦୃଷ୍ଟିରେ ରଖି ରିହାତି ମଧ୍ୟ ଦିଆଯିବ।
ଏତଦ୍ବ୍ୟତୀତ କମ୍ପାନୀ ପକ୍ଷରୁ ବିଭିନ୍ନ ସ୍ଥାନରେ ମାଗଣା ଆୟୁର୍ବେଦିକ ସ୍ୱାସ୍ଥ୍ୟ ଶିବିରମାନ ଅନୁଷ୍ଠିତ କରାଯିବା ସଙ୍ଗେ ସଙ୍ଗେ ଔଷଧ ବଣ୍ଟନର ମଧ୍ୟ ବ୍ୟବସ୍ଥା କରାଯିବାର ଯୋଜନା ହାତକୁ ନିଆଯାଉଛି।
ଏହି ଉଦ୍ଘାଟନୀ ଉତ୍ସବରେ ଜିତେନ୍ଦ୍ର ଦାସ ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ସୁଦର୍ଶନ ବେହେରା, ରଞ୍ଜନ କିଶୋର, ଓଁକାର ମିଶ୍ର, ଦିଲ୍ଲୀପ ମହାପାତ୍ର, ଗୌତମ ଦାସ ପ୍ରମୁଖ ଯୋଗ ଦେଇଥିବା ବେଳେ ରତିନ୍ଦ୍ର ପରମାଣିକ, ମମତା ପରମାଣିକ ଉତ୍ସବ ପରିଚାଳନା କରିଥିଲେ।