ସୀତାରାମ ଅଗ୍ରୱାଲ
ଚିଲିକା: ଆଜି ରାଜ୍ୟର ସମସ୍ତ ବ୍ଲକରେ ପଞ୍ଚାୟତ ସମିତି ଅଧ୍ୟକ୍ଷ ପଦବୀ ପାଇଁ ନିର୍ବାଚନ ହୋଇଯାଇଛି। ଏହି ପ୍ରରିପ୍ରେକ୍ଷୀରେ ଆଜି ଚିଲିକା ନିର୍ବାଚନମଣ୍ଡଳୀର ଦୁଇଟି ବ୍ଲକ ଯଥା ବାଣପୁର ଏବଂ ଚିଲିକା ବ୍ଲକରେ ପଞ୍ଚାୟତ ସମିତି ଅଧ୍ୟକ୍ଷ ପଦବୀ ପାଇଁ ନିର୍ବାଚନ ହୋଇଯାଇଛି। ତେବେ ବାଣପୁର ବ୍ଲକରେ ବିଜେପି ସମର୍ଥିତ ନିର୍ବାଚିତ ପ୍ରାର୍ଥୀ ଅଧ୍ୟକ୍ଷ ପଦ ଅକ୍ତିଆର କରିଥିବା ବେଳେ ଚିଲିକା ବ୍ଲକରେ ସ୍ଵାଧୀନ ନିର୍ବାଚିତ ସମିତି ସଭ୍ୟା ପ୍ରାର୍ଥିନୀ ଅଧ୍ୟକ୍ଷା ପଦ ହାସଲ କରିଛନ୍ତି।
ଚିଲିକା ବ୍ଲକ ର ମୋଟ ୧୭ଟି ପଞ୍ଚାୟତ ନିର୍ବାଚିତ ସମିତି ସଭ୍ୟ/ସଭ୍ୟା ମଧ୍ୟରୁ ୨ ଜଣ ଅଧ୍ୟକ୍ଷା ପଦବୀ ପାଇଁ ନାମାଙ୍କନ ଦାଖଲ କରିଥିଲେ। ତେବେ ମୋଟ ଫଳାଫଳ ସ୍ୱାଧୀନ ପ୍ରାର୍ଥୀ ଜ୍ୟୋସ୍ନା ବେହେରାଙ୍କୁ ୧୦ ଟି ଭୋଟ ମିଳିଥିବା ବେଳେ ବିଜେଡି ସମର୍ଥିତ ପ୍ରାର୍ଥୀ ଅମ୍ରିତା ବେହେରା ୭ ଖଣ୍ଡ ଭୋଟ ପାଇ ପରାଜିତ ହୋଇଛନ୍ତି। ମାନସିଂହ ପୁର ପଞ୍ଚାୟତରୁ ନିର୍ବାଚିତ ସମିତି ସଭ୍ୟା ପ୍ରାର୍ଥିନୀ ଜ୍ୟୋସ୍ନା ବେହେରା ବ୍ଲକ ଅଧ୍ୟକ୍ଷା ପଦବୀରେ ଆଭୂସିତ ହେବା ପରେ ବିଜେପି ଦଳକୁ ପୂର୍ଣ୍ଣ ସମର୍ଥନ କରିଛନ୍ତି।
ସେହିଭଳି ବାଣପୁର ବ୍ଲକର ମୋଟ ୧୭ ଟି ପଞ୍ଚାୟତର ସମିତି ସଭ୍ୟ/ସଭ୍ୟାଙ୍କ ମଧ୍ୟରେ ଅଧ୍ୟକ୍ଷ ପଦବୀ ପାଇଁ ନିର୍ବାଚନ ହୋଇଥିଲା। ୧୭ ଜଣ ନିର୍ବାଚିତ ସଭ୍ୟ/ସଭ୍ୟାଙ୍କ ମଧ୍ୟରୁ ୧୬ ଜଣ ନିର୍ବାଚନରେ ସାମିଲ ହୋଇଥିବା ବେଳେ ଜଣେ ନିର୍ବାଚିତ ସମିତି ସଭ୍ୟ ଅନୁପସ୍ଥିତ ଥିଲେ। ତେବେ ଏହି ୧୬ ଜଣଙ୍କ ମଧ୍ୟରୁ ବିଜେପି ସମର୍ଥିତ ନିର୍ବାଚିତ ସମିତି ସଭ୍ୟ ଅମରେନ୍ଦ୍ର ରଣସିଂହଙ୍କୁ ୧୧ ଟି ଭୋଟ ମିଳିଥିବା ବେଳେ ବିଜେଡ଼ି ସମର୍ଥିତ ନିର୍ବାଚିତ ସମିତି ସଭ୍ୟ ପ୍ରାର୍ଥୀ କୁମର ବଲ୍ଲଭ ମହାରଥାଙ୍କୁ ୫ ଟି ଭୋଟ ମିଳିଥିଲା। ତେଣୁ ଏଥିରେ ଅମରେନ୍ଦ୍ର ୬ ଟି ଭୋଟରେ ବିଜୟ ହୋଇ ବାଣପୁର ବ୍ଲକର ଅଧ୍ୟକ୍ଷ ଆସନ ଅକ୍ତିଆର କରିଥିଲେ।
