କୈଳାଶ ଚନ୍ଦ୍ର ଚୌଧୁରୀ
ଛତ୍ରପୁର: ଛତ୍ରପୁର ବ୍ଳକ ଅନ୍ତର୍ଗତ କେରାଣ୍ଡିତୋଳା ନାରାୟଣ ପୁର ବରିଷ୍ଠ ନାଗରିକ ମଞ୍ଚ ସହଯୋଗରେ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଛି। ବ୍ରହ୍ମପୁର ଇକୋସ୍ ଚକ୍ଷୁ ଚିକିତ୍ସା ହସ୍ପିଟାଲ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ବିଭିନ୍ନ ଗ୍ରାମରୁ ଆସିଥିବା ୫୨ ଜଣଙ୍କ ଚକ୍ଷୁ ଚିକିତ୍ସା କରିବା ସହ ଔଷଧ ପ୍ରଦାନ କରାଯାଇଥିଲା ଓ ୧୧ ଜଣଙ୍କ ପରଳ ଚିକିତ୍ସା ପାଇଁ ହସ୍ପିଟାଲ୍ ବସ୍ ରେ ବ୍ରହ୍ମପୁର ହସ୍ପିଟାଲ କୁ ପଠାଯାଇଥିଲା।
ଏହି ମାଗଣା ସେବା କାର୍ଯ୍ୟକ୍ରମକୁ ଇକୋସ୍ ହସ୍ପିଟାଲ ଶିବିର ପରିଚାଳକ ରସିକ ରାଜ ଦିଗାଲ୍, ଚକ୍ଷୁ ପରୀକ୍ଷିକ ହରିସ ସାହୁ, ସବିତା ନାୟକ ଓ ଫାର୍ମାସିଷ୍ଟ ଗୌରୀ ଶଙ୍କର ମହାନ୍ତି ଓ ହେମନ୍ତ କୁମାର ସିଂ ପରିଚାଳନା କରିଥିଲେ। ଏତଦବ୍ୟତୀତ ବରିଷ୍ଠ ନାଗରିକ ମଞ୍ଚର ସମସ୍ତ କର୍ମକର୍ତ୍ତା ଓ ମଞ୍ଚ ସଂଯୋଜକ ତଥା ରାଜ୍ୟପାଳ ପୁରସ୍କାର ପ୍ରାପ୍ତ ପୁର୍ବତନ ପ୍ରଧାନ ଶିକ୍ଷକ କାମରାଜୁ ମହାରଣା କାର୍ଯ୍ୟକ୍ରମକୁ ସଂଯୋଜନା କରିଥିଲେ।