କନ୍ଦର୍ପ ବେହେରା
ରେଢ଼ାଖୋଲ: ଦୀର୍ଘ ଛତିଶ ଵର୍ଷ ବିଭିନ୍ନ ଵିଦ୍ୟାଳୟରେ ଶିକ୍ଷକତା କରି ମଣ୍ଡୁଆମ ପ୍ରାଥମିକ ଵିଦ୍ୟାଳୟରୁ ପ୍ରଧାନ ଶିକ୍ଷୟତ୍ରୀ ଭାଵରେ ଅଵସର ନେଇ ଥିବା ରଶ୍ମିତା ମହାନ୍ତିଙ୍କୁ ତାଙ୍କର ଜନ୍ମଦିନରେ ଵିଦ୍ୟାଳୟରେ ଵିଦାୟକାଳୀନ ସମ୍ବର୍ଦ୍ଧନା ଦିଆଯାଇଥିଲା। ସହକାରୀ ଶିକ୍ଷୟତ୍ରୀ ଯଶୋମତୀ ଗଡତିଆଙ୍କର ପରିଚାଳନାରେ ଅନୁଷ୍ଠିତ ସଭାରେ ବଂଜା ଗୋଳା ଉଚ୍ଚ ପ୍ରାଥମିକ ଵିଦ୍ୟାଳୟର ପ୍ରଧାନ ଶିକ୍ଷକ ଵ୍ରଜ ଚନ୍ଦ୍ର ସାହୁ, ସିଆରସିସି ଲୋକନାଥ ସାମଲ, ଡ଼ ଦୀପେନ ପଟ୍ଟନାୟକ, ରଶ୍ମିତା ଗଡନାୟକ ଓ ବାଵୁଲାଲ ବିଶି ସମ୍ମାନୀତ ଅତିଥି ଯୋଗଦେଇ ଵିଦାୟୀ ପ୍ରଧାନ ଶିକ୍ଷୟତ୍ରୀଙ୍କର ଅଵଦାନ ସମ୍ପର୍କରେ ଆଲୋକପାତ କରିଥିଲେ। ଛାତ୍ରଛାତ୍ରୀମାନେ ବିଦାୟ ଗୀତିକା ଗାନ କରିବା ସହିତ ଉପହାର ପ୍ରଦାନ କରିଥିଲେ। ସ୍କୁଲ ପରିଚାଳନା କମିଟିର ସଭାପତି ଗୌତମ ଗଡତିଆ ଧନ୍ୟବାଦ ଅର୍ପଣ କରିଥିଲେ।
