ସୀତାରାମ ଅଗ୍ରୱାଲ
ଚିଲିକା: ରବିବାର ପୂର୍ବାହ୍ନରେ ଚିଲିକା ଭଗବାନ ମହତ୍ଵ ମେମୋରିଆଲ ଟ୍ରଷ୍ଟ ଆନୁକୂଲ୍ୟରେ ଅଂଳାଡ଼ିହ ଦଣ୍ଡପାଣି ପଟ୍ଟନାୟକ ଉଚ୍ଚ ବିଦ୍ୟାଳୟ ସମ୍ମିଳନୀ କକ୍ଷରେ ସଭାପତି ପ୍ରମୋଦ କୁମାର ସ୍ବାଇଁ ଏବଂ ସମ୍ପାଦକ କୁନା ମହତ୍ଵଙ୍କ ମିଳିତ ଆବାହକତ୍ୱରେ ଚଳିତ ବର୍ଷର ମାଟ୍ରିକ ପ୍ରତିଭା ମେଧା ସମ୍ୱର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି।
ଏହି ଅବସରରେ ସଭାପତି ଶ୍ରୀ ସ୍ବାଇଁଙ୍କ ପୌରୋହିତ୍ୟରେ ଆୟୋଜିତ ସଭାରେ ଚିଲିକା ଜେଏମଏଫସି କୋର୍ଟର ବିଚାରପତି ବିକାଶ ଗୋଏଲ ମୁଖ୍ୟ ଅତିଥି, ଚିଲିକା ଗୋଷ୍ଠୀ ଶିକ୍ଷା ଅଧିକାରୀ ସନାତନ ଜାଲି ମୁଖ୍ୟବକ୍ତା, ସମାଜ ସେବିକା ସ୍ୱାଗତିକା ଜଗଦେବ ଉଦ୍ଘଘାଟକ, ପ୍ରାକ୍ତନ ଚିକିତ୍ସା ଅଧିକାରୀ ଡ଼ଃ ମଧୁସୂଦନ ସେନାପତି ସମ୍ମାନିତ ବକ୍ତା, ସରପଞ୍ଚ ଲିପାଲିନୀ ମହାପାତ୍ର, ବାଙ୍କୋଇସ୍ଥିତ ଅନଙ୍ଗ ନରେନ୍ଦ୍ର ଡିଗ୍ରୀ ମହାବିଦ୍ୟାଳୟର ରାଜନୀତି ବିଜ୍ଞାନ ମୁଖ୍ୟ ଡଃ ସୁକାନ୍ତ ବେହେରା, ଖୋର୍ଦ୍ଧା ଜିଲ୍ଲା ମାଧ୍ୟମିକ ଶିକ୍ଷକ ସଂଘର ସଦସ୍ୟ ଆଶିଷ ପତି, ଚିଲିକା ବ୍ଲକ୍ ଓଷ୍ଟା ସଭାପତି ବିଜୟ ପାତ୍ର, ପ୍ରାକ୍ତନ ସହ ଗୋଷ୍ଠୀ ଶିକ୍ଷାଧିକାରୀ ବୈକୁଣ୍ଠ ନାଥ ପାଇକରାୟ, ଶିଶୁ ନାଟ୍ୟକାର ଭିକାରୀ ଚରଣ ପ୍ରଧାନ,ପରିଚାଳନା କମିଟି ସଭାପତି ବୃନ୍ଦାବନ ସାହୁ, ସମାଜସେବୀ ସୁଧାକର ମହାପାତ୍ର, ପ୍ରଧାନ ଶିକ୍ଷକ ଗୋପୀନାଥ ପ୍ରଧାନ ସୁଦର୍ଶନ ପରିଡ଼ା, ଶଙ୍କର୍ଷଣ ବେହେରା ଓ ସାଧନ କେନ୍ଦ୍ର ସଂଯୋଜକ ବିଶ୍ବଭୂଷଣ ଦାଶ ସମ୍ମାନିତ ଅତିଥି ଭାବେ ଯୋଗଦେଇଥିଲେ।ବାଲେଶ୍ଵର ମହାନଗା ରେଳ ଦୁର୍ଘଟଣାରେ ପ୍ରାଣ ହରାଇଥିବା ମୃତକମାନଙ୍କ ଆତ୍ମାର ସଦଗତି ନିମିତ୍ତ ୧୦୧ ଦ୍ଵୀପ ପ୍ରଜ୍ବଳନ କରି ୨ମିନିଟ ନିରବ ପ୍ରାର୍ଥନା କରାଯାଇଥିଲା।ବ୍ଲକ୍ ଟପ୍ପର ଶୁଭଲକ୍ଷ୍ମୀ ଶତୃଶଲ୍ୟଙ୍କୁ ମୁଖ୍ୟ ଅତିଥି ମୁକୁଟ ପରିଧାନ କରାଇବା ପରେ ସମସ୍ତ ୧୬ ଟି ବିଦ୍ୟାଳୟର ଏ-୧ ଗ୍ରେଡର ୧୭ ଜଣ ବିଦ୍ୟାର୍ଥୀଙ୍କୁ ପ୍ରତିଭା ସମ୍ମାନ ଓ ଟ୍ରଫି ପ୍ରଦାନ କରାଯାଇଥିଲା। ଡ଼ଃ ସୁକାନ୍ତ ବେହେରା ସ୍ୱାଗତ ଭାଷଣ ଦେଇଥିବା ବେଳେ ଓ ସଭାପତି ଶ୍ରୀ ସ୍ବାଇଁ ଅତିଥି ପରିଚୟ ପ୍ରଦାନ କରିଥିଲେ।
ସମ୍ପାଦକ କୁନା ମହତ୍ଵ ଓ ସଂଯୋଜକ ମୃତ୍ୟୁଞ୍ଜୟ ରଥ ସମସ୍ତ ଅତିଥିଙ୍କୁ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧନା କରିଥିଲେ।ପରିଶେଷରେ ଟ୍ରଷ୍ଟି ସୁରେଶ କୁମାର ଦାଶ ସମସ୍ତଙ୍କୁ ଧନ୍ୟବାଦ ଅର୍ପଣ କରଥିଲେ।ଉକ୍ତ କାର୍ଯ୍ୟକ୍ରମରେ ଦଣ୍ଡପାଣି ପଟ୍ଟନାୟକ ଉଚ୍ଚ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଓ ଶିକ୍ଷାକର୍ମୀ ମାନେ ସହଯୋଗ କରିଥିଲେ।