ନୟାଗଡ: ନୟାଗଡ ଜିଲ୍ଲା ଇଟାମାଟି ମଣ୍ଡଳ ବଡ଼ପଣ୍ଡୁସର ପଞ୍ଚାୟତର ଗେଡିପାଟଣା ଗ୍ରାମବାସୀ ଆଜି ଏକ ବିଶେଷ ମଞ୍ଚରେ ବିଜେପି ଦଳରେ ସାମିଲ ହୋଇଛନ୍ତି। ଗ୍ରାମରେ ଚାଲିଥିବା ଇନ୍ଦ୍ରାଣୀ ଦେବୀଙ୍କ ସପ୍ତମ ବାର୍ଷିକ ଜଜ୍ଞ ଏବଂ ସାଂସ୍କୃତିକ ମଞ୍ଚରେ ଗ୍ରାମର ସମସ୍ତ ପୁରୁଷ ଓ ମହିଳା ଶପଥ ନେଇ ଗ୍ରାମ ସଭାପତି ବିରେନ୍ଦ୍ର ମଲ୍ଲଙ୍କ ନେତୃତ୍ବରେ ବିଜେପି ଦଳରେ ସାମିଲ ହୋଇଛନ୍ତି।
ଦିର୍ଘଦିନର ବିଜେଡି ଶାସନରେ ଗ୍ରାମର କୌଣସି ବିକାଶ ହୋଇପାରିନଥିବାରୁ ବହୁଦିନ ଅବହେଳିତ ହୋଇ ରହିବା ପରେ ଆଜି ଏକ ସାମୁହିକ ନିଷ୍ପତ୍ତି ନେଇ ସ୍ଥାନୀୟ ବିଜେପି ନେତ୍ରୀ ଇରାନୀ ରାୟଙ୍କ ନେତୃତ୍ବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବ ଉପରେ ଆସ୍ଥା ପ୍ରକଟ କରି ବିଜେପିର ମହା ଜନ ସମ୍ପର୍କ ଅଭିଯାନ ଅବସରରେ ଦଳରେ ଯୋଗଦାନ କରିଛନ୍ତି। ଗୋଟିଏ ଗ୍ରାମର ଆବାଳ ବୃଦ୍ଧ ବନିତା ସମ୍ପୂର୍ଣ୍ଣ ବିଜେପି ଦଳରେ ଯୋଗଦେବା ନୟାଗଡ ତଥା ରାଜ୍ୟ ରୈ ପ୍ରଥମ ଘଟଣା ବୋଲି ଜିଲ୍ଲା ସଭାପତି ଶ୍ରୀ ଲାଲା ମନୋଜ ରାୟ ପ୍ରକାଶ କରିଛନ୍ତି।
ଏହି ଆୟୋଜିତ ମିଶ୍ରଣ ସଭାରେ କୃଷକ ମୋର୍ଚ୍ଚାର ରାଜ୍ୟ ସଭାପତି ଶ୍ରୀରନ୍ଞନ ମଙ୍ଗରାଜ ଯୋଗଦେଇ ନରେନ୍ଦ୍ର ମୋଦୀଙ୍କ ବିକାଶ ରଥରେ ଗେଡିପାଟଣା ସାମିଲ ହୋଇଥିବାରୁ ଗ୍ରାମବାସୀଙ୍କୁ ସାଧୁବାଦ ଜ୍ଞାପନ କରିଥିଲେ। ଜିଲ୍ଲା ପୁର୍ବତନ ସଭାପତି ସନ୍ୟାସୀ ନାୟକ , ଜିଲ୍ଲା ସଭାପତି ଲାଲା ମନୋଜ କୁମାର ରାୟ, ବିଧାନ ସଭା କ୍ଷେତ୍ରର ବିଧାୟିକା ପ୍ରାର୍ଥିନୀ ଇରାନୀ ରାୟ, ଜିଲ୍ଲା ଉପ ସଭାପତି ବିରେନ୍ଦ୍ର ନାୟକ, ମଣ୍ଡଳ ସଭାପତି ରାଜ କିଶୋର ପୃଷ୍ଟି , ଯୁବନେତା ପ୍ରଭାତ କୁମାର ନାୟକ, ପ୍ରମୁଖ ଉପସ୍ଥିତ ରହି ଉଦବୋଧନ ଦେବା ସହିିତ ସାଧୁବାଦ ଜଣାଇ ଥିଲେ।
ଉକ୍ତ ସଭାକୁ ଗ୍ରାମବାସୀଙ୍କ ତରଫରୁ ଜିତୁ ମଲ୍ଲ, ସମିର ଭଟ୍ଟ, ସୁଶାନ୍ତ ମଲ୍ଲ, ଯୋଗେନ୍ଦ୍ର ମଲ୍ଲ, ମୀନା ଦେବତା, ରମାକାନ୍ତ ବାଘ, ସୁସମା ବାଘ, ମଞ୍ଜୁଲତା ଦାସ, ଗୌରୀ ମଲ୍ଲ ପ୍ରମୁଖ ସଭା କାର୍ଯ୍ୟକ୍ରମ ପରିଚାଳନା କରିଥିଲେ।