ସୀତାରାମ ଅଗ୍ରୱାଲ
ଚିଲିକା: ମୋ ବୁଥ୍, ସବୁଠୁ ମଜବୁତ କାର୍ଯ୍ୟକ୍ରମର ସିଧାପ୍ରସାରଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ବୋଧନ ପୁରୀ ଲୋକସଭା ଅନ୍ତର୍ଗତ ଚିଲିକା ବିଧାନସଭାର ବୁଥ୍ ନଂ ୧୦ରେ ଶୁଣିଲେ ଭରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର। ଗମ୍ଭାରିମୁଣ୍ଡା ଗାଁରେ ଆୟୋଜିତ ଏହି କାର୍ଯ୍ୟକ୍ରମରେ ଭାରତୀୟ ଜନତା ପାର୍ଟିର ରାଜ୍ୟ ସାଧାରଣ ସମ୍ପାଦକ ପୃଥିବୀରାଜ ହରିଚନ୍ଦନ ସହିତ ଜିଲ୍ଲାର ଅନ୍ୟାନ୍ୟ ବରିଷ୍ଠ କାର୍ଯ୍ୟକର୍ତ୍ତା ଉପସ୍ଥିତ ଥିଲେ। ସଭାସ୍ଥଳରେ ପ୍ରଧାନମନ୍ତ୍ରୀଙ୍କ ଉଦ୍ବୋଧନ ଶୁଣିବା ସହିତ ବ୍ଲକର ବିଭିନ୍ନ ବିଷୟକୁ ନେଇ ଏକ ସକାରାତ୍ମକ ଚର୍ଚ୍ଚା ସହିତ ସହଭୋଜର ଆୟୋଜନ ହେଇଥିଲା। ଏହି କାର୍ଯ୍ୟକ୍ରମରେ ବାଣପୁର ବ୍ଲକର ୩୦୦ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
ପ୍ରଧାନମନ୍ତ୍ରୀ ନିଜ ଉଦ୍ବୋଧନରେ କାର୍ଯ୍ୟକର୍ତ୍ତାଙ୍କୁ ସମାଜର କଲ୍ୟାଣ ପାଇଁ କାର୍ଯ୍ୟ କରିବାକୁ ବାର୍ତ୍ତା ଦେଇଛନ୍ତି। ସେ କହିଛନ୍ତି ଭାରତୀୟ ଜନତା ପାର୍ଟୀର କାର୍ଯ୍ୟକର୍ତ୍ତାମାନଙ୍କ କାମ ହେଉଛି ଦେଶହିତ ସହିତ ଜଡ଼ିତ ସମସ୍ତ ବିଷୟକୁ ଆଗକୁ ନେଇ କାର୍ଯ୍ୟ କରିବା। ଭାରତୀୟ ଜନତା ପାର୍ଟିର ସବୁଠୁ ବଡ଼ ଶକ୍ତି ହେଉଛନ୍ତି କାର୍ଯ୍ୟକର୍ତ୍ତା। ଭାରତୀୟ ଜନତା ପାର୍ଟି ଫତୱା ଜାରି କରୁଥିବା ପାର୍ଟି ନୁହେଁ, ଜନତାଙ୍କ ବିକାଶ ପାଇଁ କାମ କରୁଥିବା ପାର୍ଟି। ସେ ଦେଶର ବିରୋଧୀଙ୍କୁ ମଧ୍ୟ ସମାଲୋଚନା କରିଛନ୍ତି ଓ କହିଛନ୍ତି ଯେ ପରିବାରବାଦକୁ ଆଗକୁ ବଢ଼ାଉଛନ୍ତି ବିରୋଧୀ।