ସୀତାରାମ ଅଗ୍ରୱାଲ
ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ନୁଆଗଡ଼ ଗ୍ରାମର ଅଭିଯୁକ୍ତ ଷଠିଆ ପଲେଇ ନିଜ ସ୍ତ୍ରୀଙ୍କୁ ମାଡ଼ ମାରି ଗିରଫ ହୋଇଛନ୍ତି।
ଖବର ମୁତାବକ ସ୍ବର୍ଗତ ଗଦାଧର ପଲେଇଙ୍କ ପୁଅ ଷଠିଆ ପଲେଇ ପୂର୍ବରୁ ବିବାହିତ ଥିବାବେଳେ ନାଭାଲ ଫାଣ୍ଡି ନିକଟସ୍ଥ ଆଖୁପୋଖରା ବୁଚୁଡ଼ି ସାହିରେ ଦ୍ୱିତୀୟ ବିବାହ କରି ଦୀର୍ଘ ଦିନ ଧରି ରହିଆସୁଥିଲେ। ଗତକାଲି କୌଣସି କାରଣ ବଶତଃ ଦ୍ୱିତୀୟ ସ୍ତ୍ରୀ ଉଜୁଳି ଦାସଙ୍କ ସହ ପାରିବାରିକ କଳହ ହୋଇଥିବାବେଳେ ଷଠିଆ ଉତ୍ୟକ୍ତ ହୋଇ ସ୍ତ୍ରୀ ଉଜୁଳିଙ୍କୁ ଏକ କାଠ ଫାଳିଆରେ ଆକ୍ରମଣ କରିଥିଲେ। ଯାହାଫଳରେ ତାଙ୍କ ସ୍ତ୍ରୀ ଗୁରୁତର ଆହତ ହୋଇଛନ୍ତି।
ଏନେଇ ବାଲୁଗାଁ ଥାନାରେ ଏତଲା ଦେଇଥିବା ବେଳେ ଆଜି କେଶ ନଂ ୨୦୫/୨୩ ରେ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। ଏଥିସହିତ ଆକ୍ରମଣରେ ବ୍ୟବହୃତ କାଠ ଫାଳିଆ ଜବତ କରାଯାଇଥିବା ବାଲୁଗାଁ ଥାନା ଅଧିକାରୀ ଜୟ ପ୍ରକାଶ ପରିଡା ସୂଚନା ଦେଇଛନ୍ତି।
