ରଣପୁର: ସାପ କାମୁଡାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଜଣା ପଡିଛି। ସୂଚନା ଅନୁଯାୟୀ ନୟାଗଡ ଜିଲ୍ଲା ରଣପୁର ବ୍ଲକ ବଡ଼-ବରମୂଳ ଗ୍ରାମର ଜଣେ ବ୍ୟକ୍ତିଙ୍କର ସାପ କାମୁଡ଼ାରେ ମୃତ୍ୟୁ ହୋଇଥିବା ଜଣା ପଡିଛି। ମୃତକଙ୍କ ନାମ କୋମଦ ପ୍ରଧାନ, ବୟସ ୬୫ ବର୍ଷ ବୋଲି ଜଣା ପଡିଛି।
କୋମଦ ବିଲରେ କାମ କରୁଥିବା ବେଳେ ଏକ ସାପ ତାଙ୍କୁ କାମୁଡି ଦେଇଥିବା କହିଥିଲେ। ପରେ ପରିବାର ଲୋକଙ୍କ ସହାୟତାରେ କୋମଦଙ୍କୁ ରଣପୁର ମେଡିକାଲକୁ ଅଣା ଯାଇଥିଲା। ସାପ କାମୁଡିବାର ବହୁ ବିଳମ୍ବରେ କୋମଦଙ୍କୁ ଡାକ୍ତରଖାନାକୁ ଅଣା ଯାଇଥିବାରୁ ସେଠାରେ ତାଙ୍କର ମୃତ୍ୟୁ ହୋଇଯାଇଥିଲା। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ତାଙ୍କୁ ସରକାରୀ ସହାୟତା ଯୋଗାଇ ଦେବା ପାଇଁ ଅଞ୍ଚଳବାସୀ ଦାବି କରିଛନ୍ତି।
