ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ସହରରେ ଅବସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ କେମେଷ୍ଟ୍ରୀ ଫୋରମ୍ ର ବାର୍ଷିକ ଉତ୍ସବ ପାଳନ ହୋଇଛି। ଅନୁଷ୍ଠାନର ନିର୍ଦ୍ଦେଶକ ସମାଧାନ ପଣ୍ଡାଙ୍କ ପୌରହିତ୍ୟରେ ମୁଖ୍ୟ ଅତିଥି ଭାବେ ନିଷ୍ଟ୍ ମହାବିଦ୍ୟାଳୟର କେମେଷ୍ଟ୍ରୀ ବିଭାଗ ମୁଖ୍ୟ ଡଃ ଦୁର୍ଯୋଧନ ସାହୁ, ସମ୍ମାନିତ ଅତିଥି ଭାବେ ଭିତମ୍ ଶିକ୍ଷାନୁଷ୍ଠାନ ର ପ୍ରଫେସର ଡ଼ଃ ଅନୁପ କୁମାର ପଣ୍ଡା ଓ ବ୍ରହ୍ମପୁର ପୌର ନିଗମ ସଦସ୍ୟ ପ୍ରଶାନ୍ତ କୁମାର ପଟ୍ଟନାୟକ (ଟୁନା) ପ୍ରମୁଖ ଯୋଗ ଦେଇ ଅଧ୍ୟୟନରତ ବିଦ୍ୟାର୍ଥୀ ମାନଙ୍କୁ ରାସାୟନିକ ବିଜ୍ଞାନର ପ୍ରୟୋଗ ଓ ବିକଶିତ ବିଷୟରେ ଦିଗଦର୍ଶନ ଦେଇଥିଲେ।
ଏଥି ସହିତ ଅନୁଷ୍ଠାନ ପକ୍ଷରୁ ଆୟୋଜିତ ବିଭିନ୍ନ ପ୍ରତିଯୋଗିତା ମୁଳକ କାର୍ଯ୍ୟକ୍ରମରେ କ୍ରୁତିତ୍ବ ହାସଲ କରିଥିବା ପ୍ରତିଯୋଗି ଓ ବିଭିନ୍ନ କ୍ଷେତ୍ରରେ ପାରଦର୍ଶିତା ଶିକ୍ଷାବିତ ମାନଙ୍କୁ ପୁରସ୍କାର ପ୍ରଦାନ କରିଥିଲେ। ସାମାଜିକ ଅନୁଷ୍ଠାନ “ବିପଦର ବଂଧୁ” ରାଜ୍ୟ ସଭାପତି ଟି କ୍ରିଷ୍ଣା ରାଓ ମୁଖ୍ୟ ବକ୍ତା ଭାବେ ଯୋଗଦେଇ ବିଦ୍ୟାର୍ଥୀ ଓ ଅନୁଷ୍ଠାନ ର ଉଜ୍ଜ୍ବଳ ଭବିଷ୍ୟତ କାମନା କରିଥିଲେ।