ପୁରୀ: ପୁରୀର ମହାନ ପରମ୍ପରା ସାହି ଯାତରେ ଭରତୀୟ ଜନତା ପାର୍ଟିର ସାଂସଦ ପ୍ରାର୍ଥି ସମ୍ବିତ ପାତ୍ର, ପୁରୀ ବିଧାୟକ ପ୍ରାର୍ଥୀ ଜୟନ୍ତ ଷଡ଼ଙ୍ଗୀ ପାର୍ଟିର ବରିଷ୍ଠ କାର୍ଯ୍ୟକର୍ତ୍ତାଙ୍କ ସହିତ ଭାଗ ନେଇଛନ୍ତି। ସମ୍ବିତ ପାତ୍ର ଓ ଜୟନ୍ତ ଷଡ଼ଙ୍ଗୀ ସାହି ଯାତରେ ଭାଗ ନେବା ସହିତ ସାହି ଲୋକଙ୍କ ସହିତ ସମ୍ବାଦ କରି ସାହିର ସୁବିଧା ଅସୁବିଧା ବୁଝିଛନ୍ତି ଓ ନିର୍ବାଚନର ପୁଣି ଥରେ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ଭାବେ ନିର୍ବାଚିତ କରିବା ପାଇଁ ଅନୁରୋଧ କରିଛନ୍ତି।
ଏହି ଅବସରରେ ସମ୍ବିତ ପାତ୍ର ପ୍ରତିକ୍ରିୟା ଦେଇ କହିଛନ୍ତି ଯେ ” ଆମ ପୁରୀର ସାହି ଯାତ ମହାନ ଉତ୍କଳୀୟ ନାଟ୍ୟ ପରମ୍ପରାର ନିଦର୍ଶନ। ସନାତନ ଧର୍ମର ପୌରାଣିକ ବିଷୟ ବସ୍ତୁକୁ ସମାଜର ପ୍ରତ୍ୟେକ ବର୍ଗ ନିକଟରେ ପହଞ୍ଚାଇବା ପାଇଁ ଏହା ପ୍ରମୁଖ ମାଧ୍ୟମ। ଏହା ସହିତ ପୁରୀର ସାହି ଯାତ ଆମ ମହାନ ସଂସ୍କୃତିର ପ୍ରକଟିକରଣର ମଧ୍ୟ ଏକ ମାଧ୍ୟମ। ”