![](https://thesamikhsya.com/odia/wp-content/uploads/2024/07/delet-265.jpg)
କୁଜଙ୍ଗ: କେନ୍ଦ୍ର ଓ ରାଜ୍ୟ ସରକାର ଅସହାୟ ମାନଙ୍କ ପାଇଁ ବିଭିନ୍ନ ସାମାଜିକ, ଅର୍ଥନୈତିକ ଓ ଜନକଲ୍ୟାଣ କାରୀ ଯୋଜନା ପ୍ରଣୟନ କରୁଛନ୍ତି। ଏଥିପାଇଁ ରାଜକୋଷରୁ କୋଟି କୋଟି ଟଙ୍କା ବ୍ୟୟ ବରାଦ କରାଯାଇଛି। କିନ୍ତୁ ଏହି ଯୋଜନା ବାସ୍ତବ ହିତାଧିକାରୀଙ୍କ ନିକଟରେ ପହଞ୍ଚି ପାରୁନାହିଁ।କିଛି ଅସହାୟ ଲୋକଙ୍କ ପାଖରେ ସବୁ ଯୋଜନା ଯେମିତି ସାତ ସପନ ପାଲଟିଛି।ତେବେ ଆଧାର କାର୍ଡ ଟିଏ ନଥିବାରୁ (୭୫) ବର୍ଷୀୟ ବୃଦ୍ଧା ଙ୍କୁ ବାର୍ଦ୍ଧକ୍ୟ ଭତ୍ତା ,ରାସନ କାର୍ଡ ଓ ଆବାସ ଯୋଜନାରୁ ପ୍ରଶାସନ ବଞ୍ଚିତ କରିଛି। ଏଭଳି ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ଏରସମା ବ୍ଲକ ଢ଼ିଙ୍କିଆ ପଞ୍ଚାୟତ ମାହାଳ ଗ୍ରାମରେ।
ସୂଚନା ଅନୁସାରେ ମାହାଳ ଗ୍ରାମର କାଙ୍ଗାଳି ଦାସ (୮୦) ତାଙ୍କ ପତ୍ନୀ ସୁଲଚନା ଦାସ (୭୫)। ତାଙ୍କର ଆଠ ଜଣ ପୁଅ ଓ ଗୋଟେ ଝିଅ ଅଛନ୍ତି। ପତ୍ନୀ ସୁଲଚନା ଦାସ ଏବେ ଶଯ୍ୟାଶାୟୀ। ନିଜ ଆଭ୍ୟନ୍ତରୀଣ ରୋଗର ଜଟିଳତା ରେ ସେ ଜୀବନ ସହ ଜୁଝି ହେଉଛନ୍ତି। ସ୍ବାମୀ କାଙ୍ଗାଳି ଙ୍କ ସ୍ବାସ୍ଥ୍ୟାବସ୍ଥା ଏବେ ଜଟିଳ।ରୋଗଗ୍ରସ୍ତ ବୃଦ୍ଧ ବାପା, ମା’ ଙ୍କ ଏଭଳି ସ୍ଥିତିରେ ୭ ପୁଅ ଓ ବୋହୂ, ଝିଅ କୌଣସି ପ୍ରକାର ଚିକିତ୍ସା ବ୍ୟବସ୍ଥା କରିବା ଦୂରର କଥା ବରଂ ହାତ ଛାଡି ଦେଇ ଥିବା ବେଳେ ବଡ ପୁଅ ପାଖରେ ଦୁଃଖ ଯନ୍ତ୍ରଣା ରେ ପଡିରହିଛନ୍ତି।
ଅନ୍ୟପକ୍ଷରେ ବୃଦ୍ଧା ସୁଲଚନା ଶଯ୍ୟାଶାୟୀ ଅବସ୍ଥା ଥିବାରୁ ଉଠୀବସି ପାରୁ ନଥିବା ବେଳେ ପରିଣତ ବୟସରେ ସ୍ବାମୀ କାଙ୍ଗାଳି ତାଙ୍କୁ ସହଯୋଗ କରନ୍ତି।ଏଣେ ପତ୍ନୀ ଙ୍କ ଚିକିତ୍ସା ପାଇଁ ପାଖରେ ଟଙ୍କା ଟିଏ ନାହିଁ। ଦୁଃଖ ଯନ୍ତ୍ରଣା ମାଡ଼ି ଆସିଥିବା ବେଳେ ମୁଣ୍ଡ ଗୁଞ୍ଜିବା ପାଇଁ ପାଖରେ ଘର ଟିଏ ନାହିଁ। ସୁଲଚନା ଙ୍କ ଆଧାର କାର୍ଡ ନଥିବାରୁ ବାର୍ଦ୍ଧକ୍ୟ ଭତ୍ତା, ଖାଇବା ପାଇଁ ରାସନ୍ କାର୍ଡ ରେ ଚାଉଳ କିମ୍ବା ସରକାରୀ ସାହାଯ୍ୟ ମିଳିନାହିଁ।
ଅସହାୟ ଅବସ୍ଥାରେ ପଡ଼ି ରହିଥିବା ସୁଲଚନା ଯିବା ଆସିବା କରିବାପାଇଁ ହୁଇଲ ଚେୟାର ଟିଏ ପାଇବାରୁ ମଧ୍ୟ ବଞ୍ଚିତ। ସେହିପରି କାଙ୍ଗାଳି ଙ୍କୁ ୨୦୧୬ ମସିହା ରେ ଖାଦ୍ୟ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ କରାଯାଇ ଥିଲେ ମଧ୍ୟ ୩ ମାସ ପରେ ରାସନ୍ପ କାର୍ଡ ଟିକୁ ପ୍ରଶାସନ କାଟି ଦେଇଥିଲେ।ଦୁଃଖ ପରିତାପର ବିଷୟ ଏଭଳି ଅସହାୟ ଲୋକଙ୍କୁ ସହାୟତା ଯୋଗାଇଦେବାକୁ ଅନେକ ସରକାରୀ ଯୋଜନା କାର୍ଯ୍ୟକାରୀ କରାଯାଉଛି।ହେଲେ ବୃଦ୍ଧା ସୁଲଚନା ଙ୍କ ପାଇଁ ସବୁ ଯୋଜନା ଯେମିତି ସାତ ସପନ ପାଲଟିଛି। ସବୁ ବେଦନାକୁ ଛାତିରେ ରଖି ବର୍ଷ ବର୍ଷ ଧରି ପ୍ରଶାସନ ନିକଟରେ ଗୁହାରି କରିଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଗଲା ନାହିଁ।
ତେବେ ପ୍ରଶାସନିକ ଅଧିକାରୀ ଓ ସ୍ଥାନୀୟ ଲୋକ ପ୍ରତିନିଧି ବିଭିନ୍ନ ଯୋଜନାରେ ସହ ସହ ଅଯୋଗ୍ୟ ହିତାଧିକାରୀ ଙ୍କୁ ସାମିଲ କରୁଥିବା ବେଳେ ପକୃତ୍ ହିତାଧିକାରୀ ସୁଲଚନା କ୍ଷେତ୍ରରେ ଏହି ଯୋଜନା କାହିଁକି ବାଟ ହୁଡୁଛି। ତାହେଲେ ସରକାରଙ୍କ ବିଭିନ୍ନ ଜଣକଲ୍ୟାଣକାରୀ ଯୋଜନା କାହା ସ୍ୱାର୍ଥରେ ବୋଲି ଅଞ୍ଚଳ ବାସୀ ପ୍ରଶ୍ନ ଉଠାଇଛନ୍ତି।
ତେବେ ଜିଲ୍ଲା ପ୍ରଶାସନ ତୁରନ୍ତ ଅସହାୟ ବୃଦ୍ଧା ସୁଲଚନା ଙ୍କୁ ସରକାରୀ ଯୋଜନାରେ ସାମିଲ କରି ସହାୟତା ଯୋଗାଇଦେବାକୁ ଆମ୍ବେଦକର ସ୍ମୃତି ପରିଷଦ ସମ୍ପାଦକ ଯୁବ ସ୍ଵେଚ୍ଛାସେବୀ ବବୁଲ ମଲ୍ଲିକ, ଉପ ସଭାପତି ଫିରୋଜ ବେଉରା, ଗ୍ରାମ ମୂରବୀ ନିର୍ଭୟ ବେହେରା, ବିଜୟ ବରାଳ, ହେମନ୍ତ ରାଉତ, ଅଞ୍ଜନ ରାଉତ, ଭରତ ପ୍ରଧାନ ପ୍ରମୁଖ ଦାବି କରିଛନ୍ତି।