ବାଣପୁର (ସୀତାରାମ ଅଗ୍ରୱାଲ): ବାଣପୁର ଅଂଚଳର ବିଭିନ୍ନ ସ୍ଥାନରେ ଅବକାରୀ ବିଭାଗ ଚଢ଼ାଉ କରି ୯୦ ଲିଟର ଦେଶୀମଦ ଜବତ କରିବା ସହ ତିନିଜଣଙ୍କୁ ଗିରଫ କରିଛି। ଖବର ମୁତାବକ ଅବକାରୀ ମନ୍ତ୍ରୀଙ୍କ ନିର୍ଦ୍ଦେଶକ୍ରମେ ବାଣପୁର ଅଂଚଳରେ ଅବକାରୀ ବିଭାଗ ତପ୍ତର ହୋଇଛି।
ମଙ୍ଗଳବାର ଅବକାରୀ ଅଧିକାରୀ ସ୍ମିତା ପଣ୍ଡାଙ୍କ ନେତୃତ୍ୱରେ ବାଣପୁର ଅଂଚଳରେ ଚଢ଼ାଉ କରି ଝିଣ୍ଟିକାପଲ୍ଲୀ ଅଂଚଳର ନାରାୟଣ ସାହୁଙ୍କ ନିକଟରୁ ୪୦ଲିଟର, କନ୍ଧ ପୁଞ୍ଜିଆମା ଗ୍ରାମର କାର୍ତ୍ତିକ ଦାସଙ୍କ ନିକଟରୁ ୨୫ଲିଟର ଏବଂ ସରନଈ ସଞ୍ଜୟ ନାୟକଙ୍କ ଠାରୁ ୨୫ଲିଟର ଦେଶୀମଦ ସହ ଏକ ମୋଟର ସାଇକେଲ ଜବତ କରିଛି।
ଉପରୋକ୍ତ ତିନିଜଣ ଅଭିଯୁକ୍ତଙ୍କୁ ଗିରଫ କରି ବାଣପୁର କୋର୍ଟ ସ୍ଥାନାନ୍ତର କରାଯାଇଥିବା ସୂଚନା ମିଳିଛି। ତେବେ ବାଣପୁର ଅଂଚଳରୁ ସମ୍ପୂର୍ଣ୍ଣ ଚୋରାମଦ ବନ୍ଦ କରିବାକୁ ସାଧାରଣ ଲୋକ ଦୃଢ ଦାବି କରିଛନ୍ତି।
