ବାଣପୁର: ଦୁଇଦିନ ଧରି +୨ କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ଶିକ୍ଷାର ନବାଗତ ଛାତ୍ର ଛାତ୍ରୀଙ୍କ ଉଦ୍ଦେଶ୍ୟରେ ଏକ ସ୍ୱାଗତ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରାରମ୍ଭରେ ଛାତ୍ରଛାତ୍ରୀମାନଙ୍କୁ ଚନ୍ଦନ ଓ ପୁଷ୍ପ ଦିଆଯାଇ ଅନୁଷ୍ଠାନର ପ୍ରେକ୍ଷାଳୟ ଭବନକୁ ପାଛୋଟି ନିଆଯାଇଥିଲା। ପ୍ରଥମ ଦିବସ ଓ ଦ୍ୱିତୀୟ ଦିବସରେ ମହାବିଦ୍ୟାଳୟର ବରିଷ୍ଠ ଅଧ୍ୟାପକ ତଥା ପୂର୍ବତନ +୨ ଅଧ୍ୟକ୍ଷ ଲକ୍ଷ୍ମୀ ପ୍ରସାଦ ମିଶ୍ର, ମହାବିଦ୍ୟାଳୟର ଅଧ୍ୟକ୍ଷ ବିନାୟକ ହୋତା, ପ୍ରଶାସନିକ ଅଧିକାରୀ ଡ଼ଃ ସୁରପ୍ରତାପ ନରେନ୍ଦ୍ର ସିଂ ବର୍ମା,+୨ ଦାୟିତ୍ୱରେ ଥିବା ଅଧ୍ୟାପକ ଆଦିତ୍ୟ ସାରଥି ବେଦମତ୍ତା, ଅଧ୍ୟାପିକା ଡ଼ଃ ସୁଜାତା ମିଶ୍ର, ଅଧ୍ୟାପକ ଗୋଲକ କୁମାର ବେହେରା, ଅଧ୍ୟାପକ ଜୟନ୍ତ କୁମାର ବିହାରୀ, ଅଧ୍ୟାପକ ସୁବ୍ରତ କୁମାର ତ୍ରିପାଠୀ, ଅଧ୍ୟାପକ ଅଜୟ କୁମାର ଦାଶ, ଅଧ୍ୟାପିକା ସଂଘମିତ୍ରା ଘଟୁଆରୀ, ଅଧ୍ୟାପକ ଅରବିନ୍ଦ ନାୟକ, ଅଧ୍ୟାପିକା ଲକ୍ଷ୍ମୀପ୍ରିୟା ପଲେଇ, ଅଧ୍ୟାପିକା ଡ଼ଃ ଋତୁପର୍ଣ୍ଣା ମିଶ୍ର ଓ ଅଧ୍ୟାପିକା ଉତ୍କଳିକା ପାଢ଼ୀ ଯୋଗଦେଇଥିବା କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ଶିକ୍ଷାର ଛାତ୍ରଛାତ୍ରୀମାନଙ୍କୁ ଅନୁଷ୍ଠାନର ଶ୍ରେଣୀଗୃହ, ସାଧାରଣ ପ୍ରକୋଷ୍ଠ, ପାଠାଗାର, ପରୀକ୍ଷାଗାର, +୨ କାର୍ଯ୍ୟାଳୟ, ପାଠ୍ୟ ଖସଡ଼ା, ରୋଟିନ, ମହାବିଦ୍ୟାଳୟ ର ଶୃଙ୍ଖଳା, +୨ ପରିଷଦର ନୀତିନିୟମ,ଆଣ୍ଟି ରାଗିଙ୍ଗ, ଆଭ୍ୟନ୍ତରିଣ ଅଭିଯୋଗ କମିଟି ଓ ସମୟାନୁବର୍ତ୍ତିତା ଇତ୍ୟାଦି ସମ୍ପର୍କରେ ଦିଗଦର୍ଶନ ପ୍ରଦାନ କରିଥିଲେ।
ଏହି କାର୍ଯ୍ୟକ୍ରମ ରେ ମହାବିଦ୍ୟାଳୟ ର ମନୋଜ କୁମାର ପରିମାଣିକ, ମୁକେଶ ମହାପାତ୍ର, ବିଭୁଦେନ୍ଦୁ ବିଧାର, ଗୋପୀନାଥ ସାହୁ ଓ ରଞ୍ଜନ କୁମାର ବାରିକ ଇତ୍ୟାଦି ସହଯୋଗ କରିଥିଲେ।