ବାଣପୁର: ରାଷ୍ଟ୍ରୀୟ ସ୍ଵୟଂସେବକ ସଂଘ ବାଣପୁର ମଣ୍ଡଳ ପକ୍ଷରୁ ସଙ୍ଘର ୧୦୦ ତମ ବିଜୟା ଦଶମୀ ଉତ୍ସବ ଓ ଶତାବ୍ଦୀ ଉଦଘାଟନ ଉତ୍ସବ ଉପଲକ୍ଷେ ପଥ ସଂଚଳନ ଓ ବୌଦ୍ଧିକ କାର୍ଯ୍ୟକ୍ରମ ଆଜି ଅପରାହ୍ନରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ସଂଘର ସ୍ବୟଂସେବକମାନଙ୍କର ଏକ ଭବ୍ୟ ପଥ ସଂଚଳନ ବାଣପୁର ଭଗବତୀ ବିହାର ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିର ନିକଟରୁ ବାହାରି କଲେଜ ଛକ, ଭଗବତୀ ମନ୍ଦିର ନିକଟରେ ପରିକ୍ରମା କରି ଐତିହାସିକ ପଲଟନ୍ ପଡିଆରେ ପହଞ୍ଚିଥିଲା। ସେଠାରେ ଏକ ବୌଦ୍ଧିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ବୌଦ୍ଧିକ କାର୍ଯ୍ୟକ୍ରମ ଅବସରରେ ମୁଖ୍ୟ ଅତିଥି ଭାବରେ ଭାରତୀୟ ସେନା ବାହିନୀର ଅବସରପ୍ରାପ୍ତ କର୍ମଚାରୀ ନାଏବ ସୁବେଦାର ରବି ନାରାୟଣ ଷଡ଼ଙ୍ଗୀ, ମୁଖ୍ୟ ବକ୍ତା ଭାବେ ପୁରୀ ବିଭାଗର ସଂଘ ଚାଳକ ମାନନୀୟ ମନୋରଞ୍ଜନ ସାହୁ, ବାଣପୁର ଖଣ୍ଡର ମାନନୀୟ ସଂଘ ଚାଳକ ସତ୍ୟ ନାରାୟଣ ଷଡ଼ଙ୍ଗୀ ଯୋଗ ଦେଇଥିଲେ।
ଉକ୍ତ ପଥ ସଂଚଳନରେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ, ପୁରୀ ସାଂସଦ ସମ୍ବିତ ପାତ୍ର ମଧ୍ୟ ସାମିଲ ହୋଇଥିଲେ।
