ସମୀକ୍ଷା ବ୍ୟୁରୋ
ବାଲୁଗାଁ, ୨୮/୧୨: ଆଜି ଖୋର୍ଦ୍ଧା ଜିଲ୍ଲା ବାଲୁଗାଁ ସରସ୍ୱତୀ ଶିଶୁ ବିଦ୍ୟାମନ୍ଦିର ପ୍ରାଙ୍ଗଣରେ ଆରଏସଏସ୍ ଦ୍ୱାରା ଚିଲିକା ଖଣ୍ଡ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀରେ ମୁଖ୍ୟ ଅତିଥି ଭାବରେ ବାଲୁଗାଁ ଉଚ୍ଚବିଦ୍ୟାଳୟର ଶିକ୍ଷକ ଅମୁଲ୍ୟ ମହାପାତ୍ର, ଖୋର୍ଦ୍ଧା ଜିଲ୍ଲା ସଂଘ ଚାଳକ ଲଳିତ ନାରାୟଣ ମହାପାତ୍ର ଓ ସହଜିଲ୍ଲା କାର୍ଯ୍ୟବାହ ହୃଷିକେଶ ମଲିକ ପ୍ରମୁଖ ଯୋଗ ଦେଇଥିଲେ।
ଏହି ଅବସରରେରେ ଏକ ଭବ୍ୟ ପଥସଞ୍ଚଳନ କାର୍ଯ୍ୟକ୍ରମ କରାଯାଇଥିଲା। ଶହେରୁ ଉର୍ଦ୍ଧ୍ବ ସ୍ବୟଂସେବକ ପୂର୍ଣ୍ଣ ଗଣବେଶରେ ବାଲୁଗାଁ ମହାବିଦ୍ୟାଳୟରୁ ଅଡିଟରୀୟମ ହଲ ଓ ସେଠାରୁ ଗାନ୍ଧୀ ଛକ ଦେଇ ବାଲୁଗାଁ ସରସ୍ଵତୀ ଶିଶୁ ବିଦ୍ୟା ମନ୍ଦିର ପର୍ଯ୍ୟନ୍ତ ପହଞ୍ଚିଥିଲେ। ଆଗାମୀ ଦିନରେ ସଙ୍ଘ କିପରି ପ୍ରତି ଗ୍ରାମରେ ସୁସମ୍ପର୍କ ସ୍ଥାପନ କରିପାରିବ ସେ ବିଷୟରେ ଆଲୋଚନା କରାଯାଇଥିଲା। ପଥ ସଂଚାଳନ ସମୟରେ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ସମ୍ମୁଖ, ସୂର୍ଯ୍ୟନଗର ଛକ, ପରିବା ମାର୍କେଟ, ପେଟ୍ରୋଲ ପମ୍ପ ସମ୍ମୁଖ ଓ ସରଳାପଦର ଛକରେ ମାତୃମଣ୍ଡଳୀ, ସଂଘ ଶୁଭେଛୁ, ଛାତ୍ରଛାତ୍ରୀ ତଥା ସ୍ଥାନୀୟ ବାସିନ୍ଦାଙ୍କ ଦ୍ୱାରା ଗୈରିକ ଧ୍ବଜାକୁ ପୁଷ୍ପବୃଷ୍ଟି, ଅରୁଆ ଚାଉଳ ଦ୍ୱାରା ଓ ଭାରତ ମାତା କି ଜୟ ସ୍ଲୋଗାନରେ ସ୍ବାଗତ କରାଯାଇଥିଲା।
ରିପୋର୍ଟର: ସୀତାରାମ ଅଗ୍ରୱାଲ