ରଞ୍ଜିତ୍ ପଣ୍ଡା
କୁଜଙ୍ଗ : କରୋନା ପାଇଁ ଏବେ ଲୋକେ ବାହାରକୁ ବାହାରି ପାରୁନାହାନ୍ତି। ଗରିବ ଓ ଖଟିଖିଆ ମାନେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ସେଥିପାଇଁ ପାରାଦ୍ଵୀପର ଅଗ୍ରଣୀ ସଂଗଠନ ସ୍ମାଇଲ ଚାରିଟେବୁଲ ଟ୍ରଷ୍ଟ ପକ୍ଷରୁ ବିଭିନ୍ନ ବସ୍ତିରେ ଶୁଖିଲା ଖାଦ୍ୟ ବଣ୍ଟନ କରାଯାଇଛି। ଗତ କିଛି ଦିନ ହେଲା ପାରାଦ୍ଵୀପ ତଥା ଏହାର ଆଖପାଖ ଅଞ୍ଚଳର ବସ୍ତି ବାସିନ୍ଦାମାନଙ୍କୁ ଦୈନିକ କିଛି ଲୋକଙ୍କୁ ସାହାଯ୍ୟ କରି ଆସୁଛି। ଟ୍ରଷ୍ଟର ସଭାପତି ସଚିତ୍ର କୁମାର ରାଉତ ନେତୃତ୍ୱରେ ଟ୍ରଷ୍ଟର ସେକ୍ରେଟାରୀ ସ୍ୟୋମ୍ୟ ମହାନ୍ତି,ଉପଦେଷ୍ଟା ଆଡଭୋକେଟ ସୁରେଶ ଚନ୍ଦ୍ର ଦାସ ସାମାଜିକ ଦୂରତ୍ୱ ରଖି ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରିଥିଲେ। ଶୁଖିଲା ଖାଦ୍ୟ ସାମଗ୍ରୀ ଯଥା ଚାଉଳ, ଡାଲି, ଆଳୁ, ପିଆଜ, ତେଲ, ସାବୁନ, ବିସ୍କୁଟ, କେକ୍ ,ଫ୍ରୁଟି ୧୦୦ ପରିବାରକୁ ଯୋଗାଇ ଦିଆଯାଇଛି। ପାରାଦ୍ୱୀପ ମୁନିସିପାଲିଟିର କଲୋନୀ ୨,୯,୧୦,୧୪ ଓ ୧୫ ନମ୍ବର ଏରିଆରେ ଲୋକମାନଙ୍କୁ ସ୍ମାଇଲ ଚାରିଟେବୁଲ ଟ୍ରଷ୍ଟ ପକ୍ଷରୁ ସାହାଯ୍ୟ ସହଯୋଗ କରାଯାଇଛି।
ଆଜି କାଯ୍ୟକ୍ରମରେ ଅତିଥି ଭାବରେ ପୂର୍ବତନ କାଉନ୍ସିଲର ଓ ବର୍ତ୍ତମାନର ପାରାଦ୍ୱୀପର ସହକାରୀ ଅଧିକାରୀ ଦିଲୀପ କୁମାର ମହାନ୍ତି ଓ ତାଙ୍କ ସହ ଉପସ୍ଥିତ ଥିଲେ ପାରାଦ୍ୱୀପ ମୁନିସିପାଲିଟିର ପୂର୍ବତନ ଅଧ୍ୟକ୍ଷ ବସନ୍ତ ବିଶ୍ୱାଳ। ଏଭଳି ସେବା ପାଇଁ ମୁନିସିପାଲିଟିର କଲୋନୀମାନଙ୍କ ପକ୍ଷରୁ ଧନ୍ୟବାଦ ଦିଆଯାଇଛି। ଏହି ଅବସରରେ ଟ୍ରଷ୍ଟର ମେମ୍ବର ମନୋଜ ମହାପାତ୍ର, ବିଶ୍ବମ୍ବର ପ୍ରଧାନ, ସତ୍ୟଜିତ ନାୟକ, ମନୋଜ ବେହେରା ଓ ଅଜୟ ବେହେରା ପ୍ରମୁଖ ଉପସ୍ଥିତ ରହି ବିଭିନ୍ନ କଲୋନୀ ମାନଙ୍କରେ ଅସହାୟ ଲୋକମାନଙ୍କୁ ଖାଦ୍ୟ ସାମଗ୍ରୀ ବଂଟନ କରିବା ସହ କରୋନାର ମୁକାବିଲା କରିବା ପାଇଁ ସଚେତନ କରାଇଥିଲେ ।