ବବୁଲୁ ସାହୁ
କଳାହାଣ୍ଡି : କଳାହାଣ୍ଡି ବିଜୁ ଯୁବ ବାହିନୀ କରୋନା ଭଳି ମହାମାରୀ ସମୟରେ ସହରାଂଚଳର ବିଭିନ୍ନ ଓ୍ବାର୍ଡକୁ ଯାଇ ଲୋକଙ୍କୁ ସଚେତନ କରିବା ପାଇଁ ଅଣ୍ଟା ଭିଡିଛି । ଆଜି ଭବାନୀପାଟଣା ପୌରାଞ୍ଚଳ ବିଜୁ ଯୁବବାହିନୀର ସ୍ବେଚ୍ଛାସେବୀ ମାନେ ସ୍ଥାନୀୟ ଓ୍ବାର୍ଡ ନଂ ୧୯ର ମଦନମୋହନ ପଡା ଓ ଦର୍ପଣ ସାଗର ପଡାରେ ‘ସଚେତନ ଓ୍ବାର୍ଡ , ସୁରକ୍ଷିତ ଓ୍ବାର୍ଡ’ ଅଭିଯାନ ଜରିଆରେ ଲୋକଙ୍କୁ କରୋନା ମହାମାରୀ ସମ୍ପର୍କରେ ସଚେତନ କରିଛନ୍ତି ।
ଜିଲ୍ଲା ସଂଯୋଜକ ଅବିନାଶ ଠାକୁରଙ୍କ ନେତୃତ୍ୱରେ ଲୋକମାନଙ୍କୁ ମାସ୍କ, ସାବୁନ ବଣ୍ଟନ କରିବା ସହ ସାମାଜିକ ଦୂରତ୍ୱ ଓ ବ୍ୟକ୍ତିଗତ ସ୍ବଚ୍ଛତା ଉପରେ ବିଜୁ ଯୁବ ବାହିନୀ ସ୍ବେଚ୍ଛାସେବୀମାନେ ସଚେତନ କରିଥିଲେ । ଏହି କାର୍ଯ୍ୟକ୍ରମରେ ମ୍ୟୁନିସିପାଲିଟି ସଂଯୋଜକ ଅଭିଷେକ ମହାପାତ୍ର, ସ୍ବେଚ୍ଛାସେବୀ ଜିତେନ୍ଦ୍ର ବେହେରା,ମହମ୍ମଦ ମୋସିମ, ମହମ୍ମଦ ଇସମାଇଲ, ଅମିତ ଯାଦବ, ଦେବରାଜ ନାଗ, ବିଭୁତି ଗଉଡ, ରାଜେନ୍ଦ୍ର ବେହେରା,ଜଗନ୍ନାଥ ନାଏକ, ନିରାକାର ବାଗ,ଯୁଗେଶ୍ୱର,ବାଗ, ରାକେଶ ଗହୀର, ବିରଞ୍ଚି ଗହୀର ପ୍ରମୁଖ ସାମିଲ ହୋଇଥିଲେ ।