ଧାନକଉଡା : ପ୍ରଚଣ୍ଡ ରୌଦ୍ରତାପରେ ଚାଲି ଚାଲି ତେଲେଙ୍ଗାନାର ରାଜଧାନୀ ହାଇଦ୍ରାବାଦରୁ ପଶ୍ଚିମବଙ୍ଗର ମାଲଦା ଯାଉଥିବାର ଦୃଶ୍ୟ ଦେଖିବାକୁ ମିଳିଛି ସମ୍ବଲପୁର ସହର ଉପକଣ୍ଠ ଜାତୀୟ ରାଜପଥ ଧନକଉଡାରେ । ତେଲେଙ୍ଗାନାର ରାଜଧାନୀ ହାଇଦ୍ରାବାଦରୁ ଚାଲି ଚାଲି ୪୭ ଜଣ ଶ୍ରମିକ ଫେରୁଛନ୍ତି ନିଜ ଭିଟାମାଟି ପଶ୍ଚିମବଙ୍ଗର ମାଲଦାକୁ । ଗତ ଏପ୍ରିଲ ୨୫ ତାରିଖ ରୁ ଆରମ୍ଭ ହୋଇଥିବା ଏହି ଯାତ୍ରା ଆଜି ଏକାଦଶ ଦିନରେ ପହଞ୍ଚିଛି ସମ୍ବଲପୁରଠାରେ। ଜାତୀୟ ରାଜପଥର ଧନକଉଡା ଛକଠାରେ ତାଙ୍କୁ ଦେଖି ସ୍ଥାନୀୟ ସାକ୍ଷୀଗୋପୀନାଥ ମଣ୍ଡଳ ବିଜେପି କର୍ମୀମାନେ ସହଯୋଗର ହାତ ବଢ଼େଇଥିଲେ । ଖବର ପାଇ ସମାଜସେବୀ ଦିଲୀପ ପଣ୍ଡା ଓ ତାଙ୍କ ସାଥି ରନ୍ଧା ଖାଦ୍ୟ ପାକେଟ ଧରି ପହଁଚିଲେ ସେ ସ୍ଥାନକୁ । ରନ୍ଧା ଖାଦ୍ୟ ଓ ପାଖରେ ଥିବା ଜୟଗୁରୁ ମନ୍ଦିରର ଜଣେ ସହୃଦୟ ସଦସ୍ୟ ପିଇବା ପାଣି ସେମାନଙ୍କୁ ଯୋଗାଇ ଦେଇଥିଲେ । ଏହାର ସୂଚନା ପାଇଁ ସେଠାକୁ ପହଞ୍ଚିଥିଲେ ସାଇ ରାମ ସ୍ୱୟଂ ସହାୟକ ଗୋଷ୍ଠୀର କାର୍ଯ୍ୟକାର୍ତ୍ତ ଛବିଳ ବାଳା ମଲ୍ଲିକ ଓ ଅନିତା ଓରାମ ପଥିକ ମlନଙ୍କୁ ଦେଇଥିଲେ ମାସ୍କ । ତାପରେ ଗ୍ଲୋକୋଜ ଓ ଜରୁରୀ ଔଷଧ ଧରି ପହଞ୍ଚିଥିଲେ ଜୟବ୍ରତ ଦେ।
ଏହି ସେବା କାର୍ଯ୍ୟରେ ସାମିଲ ଥିଲେ ମଣ୍ଡଳ ସଭାପତି ସରୋଜ କୁମାର ଘଡେଇ, କ୍ଷେତ୍ରିୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି, ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ଆରତୀଲତା ବରାଡ଼, ଯୁବ ମୋର୍ଚ୍ଚା ର ସୌମିତ୍ର ଜତି, ବିକାଶ ଭୋଇ, ପର୍ଶୁରାମ ପଣ୍ଡା, ପିଣ୍ଟୁ ଓରାମ, ଲୁନା ନାୟକ ପ୍ରମୁଖ । ଘଟଣା ସ୍ଥଳ କୁ ଉଭୟ ସଦର ଥାନା ଓ ଧନୁପାଲି ଥାନା ର ପୋଲିସ ଅଧିକାରୀ ପହଞ୍ଚି ସମସ୍ତ ବିବରଣୀ ସଂଗ୍ରହ କରିଥିଲେ ।
